Сино Зоолшоев

Офарин ба таҳаммулпазирии мардуми рус: суҳбати Сино, овозхони тоҷики муқими Русия

1487
(Таҷдидшуда 18:16 03.09.2019)
Сино Зоолшоев – ҷавони муваффақи тоҷики муқими Русия дар бораи фаъолияти эҷодӣ, ҳаёти шахсӣ, муносибати ҷомеъаи Русия ба тоҷикону орзуи ҳунарнамоӣ дар Ватан гуфт

ДУШАНБЕ, 2 сен — Sputnik, Нилуфар Некқадам. Ҳунарманди ҷавони тоҷики муқими Русия – Сино Зоолшоев ахиран намоҳанги нави худро таҳти унвони "Комели" пешкаши ҳаводоронаш кард ва дар суҳбат бо Sputnik Тоҷикистон далели интихоб нашудани духтари тоҷикро ба ҳайси қаҳрамони намоҳангаш, гуфт.

Сино кист?

Сино Зоолшоев
© Sputnik / Стас Этвеш
Сино Зоолшоев

Сино Зоолшоев соли 1993 дар хонаводаи маорифчиён дар шаҳри Хоруғ ба дунё омадааст. Падараш Зоолшоев Зоолшо корманди илмии Донишкадаи физикаи шаҳри Петербург мебошад. Модараш Отамшоева Авалмо педагог ҳаст. Соли 1996 замони  ҷанги шаҳрвандӣ, падари хонавода оилаашро ба шаҳри Петербург, ки дар бахши аспирантура таҳсил мекард, мебарад. Сино пас аз хатми мактаб ба Донишгоҳи кӯҳии пойтахти шимолии Русия ҳуҷҷатҳояшро супорида, донишгоҳро соли 2015 бо ихтисоси иқтисодчӣ хатм мекунад. Ба овозхонию ҳунармандӣ Сино 10 сол боз сару кор дорад. Дар хурдӣ ба ҷудо ва футбол машғул будааст. Забони русӣ ва англисиро хуб медонад.

Бе сарпараст, иқтисодчӣ ва ҳунарманд

Сино мегӯяд, ҷомеаи Русия имрӯз омода нест барои консертҳо ва умуман мусиқӣ маблағ пардохт кунад, аз ин рӯ аз интихоби касби иқтисодчӣ шод аст ва аз падараш барои насиҳати забономӯзӣ сипозгузор мебошад.

Сино дар роҳи ҳунар сарпарасте надорад ва ҷавони тоҷикро волидон ва худи ӯ дастгирӣ мекунанд. Сино мегӯяд ҳам сурудҳо ва ҳам намоҳангҳояшро аз ҳисоби ҳазинаи худ омода мекунад.

Ахиран Сино намоҳанги нави худро таҳти унвони "Комели" пешкаши ҳаводоронаш кард. Ин намоҳанг дар бораи ишқи ҷавони тоҷик ва духтари миллати ғайр нақл мекунад. Дар ин намоҳанг рафиқони Сино аз интихоби дӯстдухтараш розӣ нестанд ва кӯшиш мекунанд ӯро аз "Комели" ҷудо кунанд.

"Дар намоҳанг Мария Дризик ҳунарпешаи шинохтаи ҷомеаи Петербург, нақш офарид. Комели исми духтаре ҳаст, ки ман ошиқаш будам. Дар ин намоҳанг интихоб миёни рафиқони ҳамшаҳр ва ишқ меистад, ки дар охир ман ба таҳдидҳои дӯстонам нигоҳ накарда бо ишқи худ мемонам”, - нақл кард Сино.

Матни ин сурудро худи Сино навиштааст ва оҳангашро продюсери муваффақи рус, Константин Курнаков омода кардааст.

Дигар дар намоҳангҳоям духтарони тоҷикро наворбардорӣ намекунам

То имрӯз Сино Зоолшоев чор суруд “Винтум” (Дидам), “Тайны” (Сирр), “Звезда” (Ситора) ва “Комели” – ро иҷро карда ва ду намоҳанг сабт кардааст. Дар намоҳанги аввалаш, ки “Тайны” (Сирр) ном дорад, духтари тоҷик нақш офаридааст. Вале Сино мегӯяд пас аз сабти ин намоҳанг дигар намехоҳад духтарони тоҷикро дар намоҳангҳояш ба навор бигирад. Чун сарфи назар аз он, ки Сино дар Русия бузург шудааст, пайвандӣ ба фарҳангу урфу одот ҳамоно мустаҳкам боқӣ мондааст.

“Ростӣ, пас аз сабти намоҳанги "Тайны" миёни дӯстон ва ошноҳоямон гапу калоча бисёр шуд. Бархе мегуфтанд, қаҳрамон дӯстдухтарам ҳаст ва умуман нисбати духтар, ки дӯсти наздикам буд, шарҳҳои беҷо менавиштанд. Фикр мекунам то ҳанӯз ҷомеаи тоҷикони Русия барои баҳогузории холис ба ҳунар, омода нест”,- гуфт Сино.

Сурудҳои Сино ба забони шуғнонӣ ва русӣ омода шудаанд. Ҳунарманди ҷавон барои ҷалби бештари ҳаводорон нақша дорад ба забони тоҷикӣ низ суруд офарад.

Айни замон Сино бо лейбли “Аркайда мюзик” – созмони ҷавонони ҳунарманд, ҳамкорӣ дорад ва дар нақша ҳаст, сурудҳои навро сабт ва пешкаши ҳаводоронаш кунад.

Тӯй дар Русия – макони ошноӣ бо фарҳангу урфу одоти миллӣ

Бар хилофи Тоҷикистон дар Русия барои баргузории тӯй маҳдудияте нест. Тоҷикон барои арзонтар будани ҳазинаи баргузории тӯй ва даъвати бешумори меҳмонон Русияро интихоб мекунанд. Ин маросими шодӣ дар шаҳрҳои гуногуни Русия, аз 5 то 8 соат метавонад идома кунад.

Аксари овозхонони тоҷик барои ба даст овардани даромади иловагӣ дар тӯю маъракаҳои тоҷикони Русияро ҳунарнамоӣ мекунанд. Вале барои  Сино тӯю маъракаро танҳо ҷои ошноӣ бо фарҳанги миллии тоҷикон ва урфу одоти миллӣ боқӣ мемонад на макони даромад.

“Як бор мо кӯшиш карда будем, дар тӯй ҳунарнамоӣ кунем. Вале ин бисёр хандаовар буд. Чун мо бо сурудҳои попи русӣ ва мардум бо либосҳои миллӣ”, - гуфт бо табассум Сино ва афзуд, ки дар тӯйи тоҷикӣ суруду мусиқӣ ҳам бояд мувофиқ барои рақсу базму сури тоҷикӣ бошад.

Ба гуфти Сино сатҳи баргузории тӯй дар қиёс бо солҳои пеш хеле беҳбуд ёфтааст ва навхонадарон ҳам ҳамакнун ба баргузории ин маросими муҳим бо ҷиддият муносибат мекунанд.

Боре ҳам чун тоҷик таҳқирам накардаанд

Сино се сол дошт, ки волидонаш ба шаҳри Санкт Петербург кӯчиданд.  Дар хурдӣ борҳо Сино ба Тоҷикистон дар вақти таътили тобистона рафтааст, вале 16 сол мешавад, ки ӯ аз ватан боздид накардааст.

“Албатта мехоҳам ба Тоҷикистон биравам.  Дар бораи рушди шаҳри Душанбе, Хоруғ ва умуман дигар манотиқи Тоҷикистон аз интернет хуб воқиф ҳастам, вале орзу дорам бори дигар аз сарзаминии бобогӣ дидан кунам ва дар Душанбею шаҳри Хоруғ ҳунарнамоӣ намоям”, - гуфт Сино дар суҳбат бо Sputnik Тоҷикистон.

Аз солҳои хурдсолӣ ва мактабӣ ёдрас шуда Сино мегӯяд, боре ҳам таҳқири мардуми бумиро нисбаташ эҳсос накардааст.

“Мо аввал дар хобгоҳ ба сар мебурдем. Он ҷо намояндагони ҳамаи миллатҳо буданд. Ҳам тоҷикон ҳам қирғизҳову муғулҳо ва ҳам арманиҳо. Ба мактаб ҳам ҳамроҳ мерафтем аз ин рӯ ман ҳис намекардам, ки ин ҷо бегона ҳастам”, - ба ёд меорад Сино ва меафзояд, ки овони наврасӣ дар ҷо ҷое шунида мешуд, ки мо дар ватани бегона зиндагӣ дорем.

Сино мегӯяд чанд ҷойҳое ки кор кардааст, бештари кормандон русҳо будаанд, вале боре ҳам нисбати худ калимаи таҳқиромез нашунидааст.  Айни замон Сино дар Созмони ташкили чорабиниҳо кор мекунад, ки аксари ҳамкоронашро мардуми бумӣ ташкил медиҳанд.

“Ростӣ имрӯзҳо муносибати ҷомеаи Русия ба мардуми тоҷик бисёр хуб аст. Ман офарин мегӯям ба мардуми рус, ки нисбати халқи муҳоҷир чунин таҳаммулпазиранд”, - гуфт Сино ва афзуд, ки дар чанд ҷое, ки кору фаъолият кардааст аз тоҷик буданаш бо ифтихор гуфтааст ва аз ҷониби корфармоён низ хуб қабул шудааст.

Чун Олег Фезов

Сино мегӯяд дар ҷаҳони мусиқӣ худро ба касе аз сарояндагон муқоиса карда намехоҳад, чун барои ӯ овозхонӣ шуғли дӯстдошта ҳаст ва ба қадри ҳунари доштааш ба ин кор машғул мешавад.

Ӯ оҳангҳо ва сурудҳои чунин сарояндагони тоҷик чун Муборакшо, Далер Назаров, гурӯҳи “Шамс” – ро пайваста гӯш мекунад ва аз комёбиҳои ҷавонони ҳунарманди тоҷик изҳори шодӣ мекунад.

Миёни овозхонони ҷавон Сино - “Onative”, Мадина Ақназарова, Амир ва Мануро қайд кард. Сино мегӯяд дар ояндаи наздик маҳз ин ҷавонон шоу-бизнеси Тоҷикистонро идора хоҳанд кард.

Олег Фезов ва Умед Ашрафбекро Сино махсусан қайд карда мегӯяд, овозхониро пас аз шунидани сурудҳои Умед оғоз кардаасту Фейзов дар олами мусиқӣ ҳамто надорад.

“Ман фикр мекунам, беҳтарин оҳангсоз дар таърихи мусиқии Тоҷикистон ин Олег Фезов аст. Ман аз оҳангҳои ин ҳунарманд мастам ва ҳаводори ашадии ӯ ҳастам.  Ман ҳайронам, ки чаро Олег Фезов бо чунин ҳунари воло аз мусиқӣ канор рафтааст”, - суол мегузорад Сино ва меафзояд, ки агар замони ҷавонии Олег Фезов ба сар мебурду мусиқачӣ мешуд, албатта монанди ӯ эҷод мекард.

1487
Барчаспҳо:
мусиқӣ, мардум, овозхон, Русия, Тоҷикистон
Мадина Акназарова - Бо ту / Madina Aknazarova - Bo Tu (2020) - YouTube

Мадина Ақназарова чеҳраи Tcell интихоб шуд

1835
(Таҷдидшуда 17:57 24.05.2020)
Сарояндаи ҷавон ва машҳури тоҷик Мадина Ақназарова чеҳраи яке аз брэндҳои алоқаи Тоҷикистон Tcell интихоб шуд

ДУШАНБЕ, 24 май — Sputnik. Мадина Ақназарова сарояндаи ҷавони эстрадаи тоҷик чеҳраи ширкати номдори Tcell интихоб шуда ҳамроҳи ин ширкат бар зидди паҳншавии коронавируси навъи COVID - 19 дар Тоҷикистон мубориза хоҳанд бурд.

Дар ин бора ширкати Tcell ва ҳам Мадина Ақназарова дар саҳифааш дар инстаграм хабар додааст.

Посмотреть эту публикацию в Instagram

@tcell.tj 🎉🙏🏻 Интихоби ман Tcell 😏

Публикация от Madina Aknazarova (@madinaaknazarova_)

Бино ба гузориши манбаъ, Мадина аз ҷумла дар видеоролике барои пешбурди барномаи "Эко" - барномае барои муштариён, ки маблағи он барои мубориза бар зидди паҳншавии коронавируси навъи COVID - 19 дар Тоҷикистон ҳазина мешавад.

Мадина мардуми Тоҷикистонро барои мубориза бо ин вабои аср даъват мекунад, то ба барномаи "Эко" - и Tcell пайваст шаванд ва дар мубориза бо вируси корона саҳмгузор бошанд, чун қисме аз маблағи ин тарофа ба бунёди мубориза бо коронавирус гузошта мешавад.

Аз Шабнам то Нигинаю Мадина: аксияи хайриявии ситораҳои шоу-бизнес - видео

Ёдрас мешавем, ки пештар Мадина Ақназарова дар аксияи хайриявии ситораҳои шоу-бизнеси тоҷик ширкат карда ба 50 оилаи ниёзманд кумак расонид.

Мадина Ақназарова 15 феврали соли 1998 дар шаҳри Хуҷанд ба дунё омадааст. Пас аз чанде хонаводаи Мадина ба пойтахти шимолии Русия шаҳри Санкт-Петербург мекӯчад.

Мадина то синфи 9-ум дар мактаби рақами 596 ин шаҳр таҳсил кардааст. Пас аз хатми синфи 9 хонаводаи Мадина ба шаҳри Душанбе бозгашт.

Мадина ҳуҷҷатҳояшро ба мактаби мусиқии ба номи Аҳмад Бобоқулов бо маслиҳати бобояш ба шуъбаи академӣ (опера) супорид ва онро бо хубӣ хатм кард. Пасон Мадина таҳсилашро дар Донишкадаи санъати Тоҷикистон ба номи Мирзо Турсунзода идома дод.

Феълан Мадина Ақназарова донишҷӯи соли сеюми Донишкадаи ҳунарҳои зебо мебошад.

То имрӯз Мадина Ақназарова консертҳояшро дар шаҳрҳои Душанбе, Хуҷанд, Маскав ва Санкт-Пебербург баргузор кардааст.

1835
Барчаспҳо:
"TCELL", Тоҷикистон, Мадина Ақназарова
Мавзуҳо:
Пайомадҳои COVID-19 дар Тоҷикистон ва ҷаҳон
Юбилейный показ дизайнера Хуршеда Сатторова

Аз Шабнам то Нигинаю Мадина: аксияи хайриявии ситораҳои шоу-бизнес - видео

1043
(Таҷдидшуда 13:33 24.05.2020)
Ситораҳои эстрадаи тоҷик дар давраи ҳамагирии коронавируси навъи COVID - 19 ва арафаи Иди Рамазон дар Тоҷикистон аксияи хайриявӣ роҳандозӣ карданд

ДУШАНБЕ, 24 май — Sputnik. Дар Тоҷикистон дар остонаи Иди Фитр нахустин аксияи хайриявии аҳли санъату фарҳанг роҳандозӣ шуда, ба 50 хонаводаи ниёзманд маводи ғизоӣ кумак расонида шуд.

Дар аксия Шабнами Сурайё, Нигина Амонқулова, Мадина Ақназарова, Хуҷастаи Мирзовалӣ, Зайнура Пулодова, Шабнами Собирӣ, ровӣ ва рӯзноманигор Мубориз Усмонов, Сабринаи Назрӣ ва ғайраҳо ширкат кардаанд.

Посмотреть эту публикацию в Instagram

Аввалин челлендж (аксияи хайрияви) миёни ахли санъату фархангу сухан рохандози намудем. Ташаккур ба ташкилкунандагон : @madinaaknazarova_ @rajahmadofficial @delay_dobro_tajikistan Ин навори таргиби (реклама) ва хайп нест, танхо ба хотири водор намудани Шумо азизон дар рохи анчом додани амалхои хайр аст. Мо дар якчояги кудратмандем, ки дасти чандин маъюбону ниёзмандону беморонро бигирем. Пеш аз хама миннатдории худро ба хамаи шахсоне, ки челленчи моро дастгири карданд баён менамоем. Бо кумаку дастгирии Шумо мо тавонистем ки ба 50 оила кумак (озукавори) расонем. Ин танхо огози кори мост. Дар челленчхои оянда мо шахсонеро даъват менамоем, ки имконияти моли доранд , мувофики имконият 1, 5 ,10 сомони ба оилахое, ки дар ин давраи вазнин мухточи дастгириянд, ёрдам намоем. Биёед якдигарро дар ин рузхои сахт дастгири кунем. @nurov_a_i @rajahmadofficial @nigina_amonqulova @khujasta.m @mubor1z @zulaykhoofficial @rafaelgulov @shabnamsurayoofficial @shabnami_sobiri @sabrinai_nazri_official @umedjoni_burhon @_rukhshonakarimova_ @safinajon___8 @fatim.9595 @bonu_shop_tj @zaynura_pulodova @showshotime @pulatovagulasal @shahnozirustam.official @soffi_1111_official @delay_dobro_tajikistan

Публикация от Madina Aknazarova (@madinaaknazarova_)

"Ин навори тарғибӣ ва хайп нест, танхо ба хотири водор намудани Шумо азизон дар роҳи анҷом додани амалҳои хайр аст. Мо дар якҷоягӣ қудратмандем, ки дасти чандин маъюбону ниёзмандону беморонро бигирем. Пеш аз ҳама миннатдории худро ба ҳамаи шахсоне, ки челленҷи моро дастгирӣ карданд баён менамоем. Бо кумаку дастгирии Шумо мо тавонистем ки ба 50 оила кумак (озукавори) расонем", - гуфтаанд дар шарҳи аксия сарояндагон ва афзудаанд, ки ин оғози кор буда дар аксияҳои оянда ба ин кори хайр ашхоси доро ҷалб мешаванд.

Кумаки як миллионӣ: ба муҳоҷирони ниёзманди Маскав 37 тонна маводи ғизоӣ доданд

Аз навор дида мешавад, чӣ гуна мардуми ниёзманд аз дастгирии ситораҳо изҳори шодмонӣ мекунанд ва дар ҳаққи онҳо дасти дуо мебардоранд.

Вазорат омори нави гирифторон, шифоёфтагон ва фавтидагон аз COVID-19 -ро гуфт

Вазорати тандурустии Тоҷикистон мегӯяд, то соати 18:30 дақиқаи 23 май дар Тоҷикистон 2738 нафар гирифторони коронавируси нави COVID-19 ошкор гардида, аз ин беморӣ то кунун дар мамлакат 1223 нафар шифо ёфта, 44 кас ҷон бохтааст.

1043
Барчаспҳо:
кумак, кори хайр, ситораҳо, Тоҷикистон
Мавзуҳо:
Пайомадҳои COVID-19 дар Тоҷикистон ва ҷаҳон
Бинои сафорати Тоҷикистон дар Русия, акс аз бойгонӣ

Пулгирӣ аз тоҷикон бо ваъдаҳои дурӯғи бозгашт ба Ватан: ҳушдори Сафорат

0
Сафорати Тоҷикистон дар Русия ҳушдор додааст, ки вақтҳои охир бархе афрод бо ваъдаи ташкили сафар ба Ватан тариқи автобусҳо аз шаҳрвандони Тоҷикистон пул гирифтаанд

ДУШАНБЕ, 31  май — Sputnik. Рӯзҳои охир аз тарафи баъзе шахсони манфиатҷӯ ва ғаразнок дар бораи он, ки гӯиё тавассути нақлиёти заминӣ, аз ҷумла автобусҳо, сафар намудан ба Тоҷикистон имконпазир аст, миёни шаҳрвандон маълумоти беасос ва нодуруст паҳн карда мешавад, хабар додаст Сафорат.

“Ҳамчунин, ҳолатҳое мушоҳида шудааст, ки нафарони тамаъҷӯ шаҳрвандонро фирефта намуда, барои сафар ба Тоҷикистон аз онҳо маблағ гирифтаанд”, - омадааст дар иттилоия.

Ин ниҳод аз шаҳрвандон даъват кардааст, ки ба маълумоти шубҳанок ва носанҷида бовар накарда, аз сафар ба самти Тоҷикистон тавассути нақлиёти заминӣ худдорӣ намоянд.

“Зеро сарҳадҳои давлатӣ миёни Русия, Қазоқистон, Ӯзбекистон ва Тоҷикистон бо мақсади пешгирӣ аз эпидемияи коронавирус ҳанӯз ҳам баста мебошад ва воридшавӣ ба қаламрави давлатҳои мазкур, аз ҷумла тавассути воситаҳои нақлиёти заминӣ, манъ аст”, - тавзеҳ додаст Сафаорат.

Намояндагии Тоҷикистон илова намуд, ки дар сурати ташкил шудани рейсҳои чартерии ҳавопаймоҳо ва ё барқарор шудани хатсайрҳои мунтазам, инчунин кушодашавии сарҳадҳо, расман шаҳрвандон хабардор карда мешаванд.

Ба шаҳрвандон барои гирифтани иттилои иловагӣ рақамҳои телефон, аз ҷумла дар Маскав,  +7 (926) 411 09 61, +7 (995) 501 87 33, +7 (985) 740 02 12,  +7 (495) 690-41-86, шаҳри Санкт-Петербург, +7 (961) 611 16 17, +7 (812) 490 47 46, шаҳри Уфа, +7 (347) 276 52 96, +7(927) 231 71 71, +7(927) 945 65 66, шаҳри. Екатеринбург, +7 (922) 115 33 19, +7 (343) 370 23 60 ва шаҳри Новосибирск рақамҳои +7 (913) 487 38 22, +7 (383) 349 59 70 пешниҳод шудаанд.

0
Барчаспҳо:
муҳоҷирон, фиреб, Русия, Тоҷикистон