Ҳайъати аввалаи ансамбли Гулрез

Ансамбли “Гулрез”: раққосаҳои “президентӣ” ё 30 духтари ҷаззоб, ки зиндагии шахсӣ надоштанд

5804
(Таҷдидшуда 14:22 07.09.2019)
Ансамбли рақсии “Гулрез”, ки номашро президенти Тоҷикистон Эмомалӣ Раҳмон гузошта буд ва дар байни ҷомеаи Тоҷикистон чун ансамбли “президентӣ” машҳур буд, бо санъати баланди рақс дар ҷомеаи тоҷик қолабшиканӣ кард

ДУШАНБЕ, 7 сен — Sputnik, Нилуфар Некқадам. Ҳунармандони ҳайъати аввалаи ансамбли рақсии “Гулрез”, ки аз 30 духтари ҷаззобу зебо иборат буд, мегӯянд, танҳо рӯи саҳнаи касбӣ рақсидаанд ва боре ҳам дар тӯйҳо ё намоҳангҳои сарояндагон нақшофарӣ накардаанд.

Sputnik Тоҷикистон бо раққосаҳои ҳайъати аввалаи ансамбли “Гулрез” дар бораи таъсиси гурӯҳи ҳунарӣ, мақоми раққоса дар ҷомеаи Тоҷикистон ва ҳаёти шахсӣ суҳбат кард.

Қолабшикании ансамбли “Гулрез” дар ҷомеаи Тоҷикистон

Тоҷикистонро бо раққасаҳое чун Малика Қаландарова, Малика Собирова, Зебо Аминзода, Ҷамила Охунова ва ғайраҳо мешиносанд.

Заррагул Искандарова-ҳунарпешаи марлдумии Тоҷикистон
Из личного архива внучки Заррагул Искандаровой

Дар паи ҷанги шаҳрвандӣ солҳои 90-ум ансамблҳои номдор чун “Зебо” ва “Лола” аз фаъолият бозмонданд. Ва барои раққосаҳои он замон ягона роҳи даромад – тӯю маъракаҳо шуд. Ҳамин буд, ки ҷомеаи Тоҷикистон раққосаро – чун духтарони “сабукпой” мепиндоштанд.

Имрӯзҳо низ пайдо мешаванд, волидон ё бародароне, ки барои раққосаи ҳирфаӣ ва баландихтисос шудани хоҳарон монеъ мешаванд, вале ансамбли “Гулрез” бо касбияти волои рақсӣ тавонист ин қолаби ҷойдоштаро то ҷое бишканад ва ақидаҳои беҷоро аз мағзи ҷомеаи тоҷик бишӯяд.

Раққосаҳои ҳайати аввалаи ансамбли “Гулрез” мегӯянд, боре ҳам дар тӯю маъракаҳои шахсӣ ҳунарнамоӣ накардаанд.

“Духтарони мо барои дарёфти маблағ ба тӯйҳо нарафтаанд. Хубии кори мо ин буд, ки аксари духтарон, ки дар мактаб таҳсил мекарданд ё донишҷӯй буданд, аллакай таҷрибаи корӣ доштанд, чун баробари ба ансамбл ворид шудан, барои ҳар яки мо дафтарчаҳои меҳнатӣ боз мешуд”, - нақл мекунад, раққосаи пешини ансамбли "Гулрез" Нигина Каримова.

Ҳайъати аввалаи ансамбли рақсии Гулрез
Аз бойгонии Азизи Меҳрубон
Ҳайъати аввалаи ансамбли рақсии "Гулрез"

Вале, гап натанҳо сари маблағ балки сари гапу калочае, ки пас аз тӯйгардӣ овоза мешуд, меравад.

“Ҷамила Охунова – хариографи аввалини мо, намегузошт бо касе берун аз ансамбл суҳбат ё гашту гузор кунем. Он замон мо намефаҳмидем, чаро ӯ чунин ҷиддӣ аст. Чӣ мекунад агар бо сарояндагон ё духтарон аз дигар ансамбл суҳбат кунӣ? Ягон нафаре аз мо ҳаёти шахсӣ надошт. Мо фақат банди рақс будем. Вале, имрӯз ман мутмаинам, маҳз ҷиддияти Охунова буд, ки мо танҳо рӯи саҳна ва касбӣ мерақсидем”,- нақл мекунад Каримова ва меафзояд, ки ба ҳамин хотир ҳама ба духтарони ин ансамбл бо ҳавас менигаристанд ва касе ҳам ҷуръат намекард бо онҳо сухан бигӯяд.

Ӯ мегӯяд музди меҳнати он давраи раққосаҳо ва имрӯз ҳам зиёд нест, вале зиндагии онҳо дар қиёс ба духтарони дигар рангинтар буд.

“Мо сафарҳои ҳунарӣ доштем, аксари шаҳрҳои ҷаҳонро дидем. Он мактаби ҳунару он тарбияе, ки мо дар ансамбли “Гулрез”  гирифтем, аз ҳама гуна маблағ болотар аст”, - бовар доранд раққосаҳо.

Ансамбли бе ном

Чанд сол ансамбли “Гулрез” ном надошт ва чун ансамбли назди Кумитаи телевизион ва радиои Ҳукумати Тоҷикистон фаъолият мекард.

Ҳайъати аввалаи ансамбли Гулрез
Аз бойгонии Азизи Меҳрубон
Ҳайъати аввалаи ансамбли "Гулрез"

“Ҳар боре, ки мо барномаи ҷадиду тозаеро пешкаш мекардем, овозаҳо бештар мешуд ва ҳамин тавр аз ҳунари мо президент низ воқиф шуд”, - гуфт раққосаи пешини “Гулрез” Дилором Нурматова дар суҳбат бо Sputnik Тоҷикистон.

Ҳунармандон дар давоми ду сол барои муаррифии ансамбл барнома омода карданд.

Ҳамин тавр, муаррифии ансамбли “Гулрез” бо барномаи мукаммали консертии иборат аз рақсҳои жанри гуногун, 4 апрели соли 2004 дар саҳнаи Театри опера ва балети ба номи Садриддин Айнӣ баргузор шуд.

Барномаҳои рақсии ансамбли “Гулрез” он солҳо аз дигар ансамблҳо бо шумораи зиёди раққосаҳо фарқ мекард. Дар ҳар барномаи рақсӣ на камтар аз 20 раққоса чарх мезад.

“Чун саҳнаи Театри опера ва балет дар қиёс бо Кохи Борбад тангтар ва хурдтар буд, дастандаркорон чандин бор барои мо декаратсияи саҳнаро иваз мекарданд ”, - ба ёд меорад раққоса.

Ба гуфти Дилором, дар барномаи рақсӣ натанҳо аз оҳангҳои миллӣ балки русию арабию узбекӣ, ретро ва итолиёвӣ ҳам иборат буданд, ки мардумро ба ваҷд меоварданд.

Ҳайъати аввалаи ансамбли рақсии Гулрез
Аз бойгонии Азизи Меҳрубон
Ҳайъати аввалаи ансамбли рақсии "Гулрез"

Эмомалӣ Раҳмон ва Сергей Миронов дар рӯнамоии ансамбли “Гулрез”

Рӯзҳои муаррифии ансамбли “Гулрез” , спикери онвақтаи Думаи давлатии Русия, Сергей Миронов ба Тоҷикистон омада буд.  Меҳмон, ҳамроҳи раисиҷумҳури Тоҷикистон Эмомалӣ Раҳмон дар маросими муаррифии ансамбли “Гулрез” ширкат кард.

Маҳз ҳамон рӯз ансамбл соҳиби ном шуд.

“Пас аз консерт президент ба ҳамаи мо ва шахсан ба хариографамон Ҷамила Охунова барои ташкили ансамбли касбӣ, изҳори сипос кард. Президент гуфт, “ман дар бораи номи ансамбл бисёр фикр кардам ва номи ин ансамбл “Гулрез” мешавад”, - нақл мекунад раццосаи ансамбли Гулрез аз қавли раисиҷумҳур.

Раисиҷумҳури Тоҷикистон Эмомалӣ Раҳмон бо ҳайъати аввалаи ансамбли рақсии Гулрез
Аз бойгонии Азизи Меҳрубон
Раисиҷумҳури Тоҷикистон Эмомалӣ Раҳмон бо ҳайъати аввалаи ансамбли рақсии "Гулрез"

Аз он рӯз мардум ин ансамблро “президентӣ” мегуфт, сарфи назар аз он ки ансамбл чунин мақомро надошт ва то кунун надорад.

“Раисиҷумҳури Тоҷикистон,  ки худ дӯстдори санъат аст, пас аз дидани ансамбли мо дар назди намояндагони дигар кишварҳо бо мо фахр мекард”, - мегӯяд, Нигина Каримова раққосаи пешини ансамбли “Гулрез”.

Коршиносони фарҳангӣ чунин муваффаққияти ансамбли “Гулрез”-ро дар чеҳраҳои зебо ва қомати баланд, барномаҳои рангину ғайриоддӣ ва ҳунари волои хариографии Ҷамила Охунова медонанд.

Бо барномаҳои рангин ва рақсҳои классикию миллӣ, ин ансамбл дар тамоми гӯшаю канори дунё Тоҷикистонро муаррифӣ кардааст.

“Моро ҳеҷ кас ба президент муаррифӣ накарда, буд. Ансамбли мо бо барномаи рангини худ – худаш худро муаррифӣ кард”, - бовар дорад, мураббии ансамбл Ҳунарманди хизматнишондодаи Тоҷикистон Наргис Ҳасанова.

То ҳол ансамбли “Гулрез” мақоми президентӣ ё давлатӣ надорад.

Ҳайъати аввалаи ансамбли рақсии Гулрез
Аз бойгонии Азизи Меҳрубон
Ҳайъати аввалаи ансамбли рақсии "Гулрез"

Фоҷиа  дар ансамбл ва рақси пур аз эҳсос

Ҳайъати аввалаи ансамбли “Гулрез” рақсҳои гуногун пешкаш кардааст. Оғоз аз рақси андиҷонию ретро то классикию шашмақом. Вале ба гуфти раққосаҳои пешини ансамбл, рақси “Модар” барои онҳо мақоми вижа дорад.

“Он замоне, ки мо бояд ин рақсро дар саҳна иҷро мекардем, костюмерамон, ки модари яке аз раққосаҳо буд, даргузашт. Ин фоҷиа барои ҳар яки мо хеле сангин буд. Ин фоҷиаи кулли ансамбл буд ва замоне, ки мо зери суруди Сироҷиддин Фозилов “Модир” чарх мезадем, дили ҳар яки мо реш-реш мешуд. Ҳеҷ он рӯзу он рақсро аз ёд бароварда наметавонем”, - нақл мекунанд ҳунармандон.

Либосҳои рақсиро ба ёд оварда, солисткаҳо мегӯянд ба сару либосашони диққат бисёр зиёд буд ва барои дӯхтани як либос маблағи ҳангуфт сарф мешуд.

“Дар ёд дорам, вақте рақси итолиёӣ мегузоштанд бароямон музаҳои баланд ва сарпӯши вижае аз парҳо омода мешуд, ки чандин бор дӯхта шуд. Кумитаи назди телевизион ва радиои назди Ҳукумат барои либос маблағ дареғ намедошт. Ҳамин буд, ки ҳар як рақси мо бо костюми нав пешкаш мешуд”, - нақл мекунад Наргис Ҳасанова мураббии ансамбли “Гулрез”.

Раққосаҳои ҳайати аввалаи “Гулрез” куҷоянд

Бо гузашти солҳо, инсон чобукию нозукӣ ва таровату ҷавонии худро аз даст медиҳад аз ин рӯ духтарон бо вуҷуди дилбанд будан ба рақс, ҳам дар ҳаёти шахсӣ ва ҳам дар дигар касбҳо, муваффақ шудаанд.

Аз сӣ духтаре, ки он замон дар ансамбли “Гулрез” ҳунарнамоӣ мекарданд, имрӯз танҳо як нафар Азизӣ Меҳрубон дар ансамбли "Гулрез" боқӣ мондааст.

Ба нақли мусоҳибон қариб ҳамаи раққосаҳои пешини ансамбли “Гулрез” дорои маълмуоти олӣ, оиладор ва соҳиби фарзандони хубрӯй ҳастанд.

Онҳо имрӯзҳо дар риштаҳои гуногун, мавқеъи худро дар ҷомеъа пайдо кардаанд.

Масалан салисткаи пешини ансамбли “Гулрез” Ирина Алкова рӯзноманигор аст ва айни замон дар Маскав аз рӯи ихтисос кор мекунад.

Ҳайъати аввалаи ансамбли рақсии Гулрез
Аз бойгонии Азизи Меҳрубон
Ҳайъати аввалаи ансамбли рақсии "Гулрез"

Клара Грузинова низ дар Русия қарор дорад. Анна Митскевич анйи замон дар Волгоград ба сар мебарад. Ӯ фаъолияти ҳунариашро идома дода, имрӯз кӯдакони русро рақси тоҷикӣ меомӯзонад.

Камила Султонова ҳуқуқшинос аст ва айни замон дар Ню-Йорк зиндагӣ мекунад. Тахмина Орифҷонова дар Душанбе ба сар мебарад. Ӯ дар риштаи иқтисод кору фаъолият дорад.

Дилором Нурматова хонадор соҳиби се фарзанд. Ӯ педагог аст. Нигина Каримова соҳиби ду писар айни замон дар Донишгоҳи Славянии Тоҷикистону Русия кору фаъолият мекунад.

Ба ҳамин монанд, яке пизишк , дигаре ҳуқуқшинос, сеюмӣ омӯзгор, ё иқтисодчӣ  щастанд.

Таърихи пайдоиши ансамбли “Гулрез”

Бо пешниҳоди Ҳунарпешаи мардумии Тоҷикистон  Убайдулло Раҷабов, ки он замон раҳбарии Кумитаи телевизион ва радиои назди Ҳукумати Тоҷикистонро, бар ӯҳда дошт ва талоши Ҳунарманди хизматнишондодаи Ҷумҳурии Қароқалпоқистон Ҷамила Охунова, ки то он дам дар ансамблҳои  “Лола” ва  “Зебо” кор мекард, ансамбли  “Гулрез” ба вуҷуд омад.

Нахустин ҳунарнамоии ансамбли “Гулрез” дар саҳнаи Кохи Борбад соли 2002 ба муносибати рӯзи истиқлоли Тоҷикистон  баргузор шуд.  Дар он консерт ансамбл зери навои суруди шашмақомсаройи машҳури Тоҷикистон Сабоҳат Наҷмиддинова - “Муноҷот” ҳунарнамоӣ карда буд.

То ин дам ҳама дар бораи пайдо шудани ансамбли наву ғайриоддӣ мегуфтанд, вале намедонистанд, он чигуна аст.

Дар паи таъсиси як ансамбли нав ва касбӣ хариограф Ҷамила Охуновна барои дарёфти чеҳраҳои зебо ва духтарони қоматбаланд ба мактабҳо рафта духтарони қоматбаланду хушчеҳраро ба ансамбл даъват мекард.

Ҳамчунин, барои таъсиси ин ансамбл тариқи телевизон ва радиоҳои марказӣ кастинг эълон шуда буд, ки дар натиҷа аз миёни ҳазорон хоҳишмандон, 100 духтари ҷавон интихоб шуданд. Вале на ҳамаи онҳо рӯи саҳна монданд.

Ҳамин тавр, соли 2001як ансамбли наву тоза бо 30 духтари қадрасу зебо ташкил шуд.

Ин ансамбл фаромиллӣ буд. Дар он духтарони миллатҳои гуногун аз қабили узбек, русу дигар миллатҳои муқими Душанбе, мерақсиданд.

Яке аз талаботи муҳим баробари қомати баланд ва чеҳраи зебо, хоҳиши зиёди раққосаи ҳирфаӣ шудан, буд.

Пас аз рафтани Ҷамила Охуновна ба ансамбли “Лола”,  бо ансамбли “Гулрез” Ҳунарманди мардумии Иттиҳоди Шӯравӣ Зебо Аминзода, ки бо даъвати раиси Кумитаи телевизион ва радиои Тоҷикистон аз шаҳри Маскав ба Душанбе омада буд, кор мекард.

Солҳое чанд ҳунарманди дигар Фароғат Саидова духтарони “Гулрез” – ро тамрин медод.

"Гулрез" - и имрӯз

Наздики 12 сол мешавад, ки раҳбарии ансамбли “Гулрез” – ро Ҳунарпешаи халқии Тоҷикистон Имоми Раҳмониён бар ӯҳда дорад.

Дар ансамбли “Гулрез”-и имрӯза  беш аз 25 раққоса кору фаъолият дорад.

Имрӯз ансамбли “Гулрез” бо рақсҳои миллӣ муаррифгари Тоҷикистон дар дигар кишварҳои дунё буда, дар тамоми чорабиниҳои сатҳи давлатӣ Рӯзҳои фарҳагӣ таҳти навоҳои сарояндагони номии Тоҷикистон ҳунарнамоӣ мекунад.

Ба гуфти раҳбари ансамбли рақсии “Гулрез” Имоми Раҳмониён ҳамасола ин ансамбл беш аз 30 барномаи рақсӣ омода ва пешкаш мекунад.

5804
Барчаспҳо:
рақс, Душанбе, Тоҷикистон
Курбанова Фарахноз, студент 1 курса бакалавриата

Аз интихобам розиям: чигуна донишҷӯёни тоҷик дар Русия таҳсил мекунанд - акс

250
Донишҷӯёни тоҷик, ки дар Донишгоҳи технологии Русия таҳсил мекунанд, дар бораи ҳаёти донишҷӯӣ ва раванди таҳсил дар Маскав нақл карданд

ДУШАНБЕ, 2 июл — Sputnik. Донишҷӯёни тоҷик, ки дар Донишгоҳи технологии Русия - МИРЭА таҳсил мекунанд, дар бораи таҳсил дар муҳити байналмилалӣ нақл карданд. 

Имрӯзҳо дар донишгоҳи мазкур ҳудуди 200 донишҷӯи тоҷик таҳсил мекунанд, ки дар оянда дар соҳаҳои телекоммуникатсия, автоматика, кибернетика, радиотехника ва электроника мутахассис хоҳанд шуд.

Чунончи, донишҷӯи курси дувуми магистратура дар саҳаи "технологияи кимёвӣ" Солиҷон Собиров мегӯяд, то дохилшавӣ ба МИРЭА дар Донишгоҳи техникии Тоҷикистон ба номи Муҳаммад Осимӣ таҳсил мекард.

Солижон Собиров, студент 2 курса магистратуры,
Солижон Собиров, студент 2 курса магистратуры,

Ӯ ду сол пеш факултаи энергетикаи донишгоҳро хатм карда, мақсад дошт ба кор дарояд, аммо қарор дод, ки дар Маскав ба бахши магистратура дохил мешавад.

"Мехостам донишамро дар ду самт комил кунам. Феълан ман ду маълумот, муҳандис-энергетик ва химик-технолог дорам. Фикр мекунам, ки ин хело хуб аст", - мегӯяд ҷавон.

Ҳоло Солиҷон дар хобгоҳ зиндагӣ мекунад, идрорпулӣ мегирад, муваққатан худро дар Русия ба қайд гузоштааст. Ин донишҷӯи тоҷик кам-кам кор ҳам мекунад.

"Агар донишҷӯ дар ҳақиқат аз нигоҳи молиявӣ ба мушкилӣ дучор шавад, касе аз ин ҷиҳат ба вай кӯмак накунад ё дар хонаводаашон мушкилии иқтисодӣ бошад, пас вай метавонад дар 11 моҳ як маротиба аз донишгоҳ кӯмак хоҳад. Маблағе ки донишгоҳ медиҳад, кам нест", - меафзояд ӯ.

Солиҷон мегӯяд, вақти бештарашро барои таҷрибаомӯзӣ дар донишгоҳ мегузаронад, аммо барои дӯстӣ бо донишҷӯён ва бозии футбол ҳам вақт меёбад.

Дигар донишҷӯи тоҷик Фараҳноз Қурбонова дар курси аввал таҳсил мекунад. Ӯ ҳам мегӯяд аз интихоби касб ва донишгоҳаш розӣ аст.

Ин духтари тоҷик хатмкардаи Литсейи президентӣ барои хонандагони лаёқатманд аст. Ӯ мехостааст пас аз хатми мактаб ба факултаи муҳандисиву барномарезӣ дохил шавад, барои ҳамин донишгоҳи технологии Русияро интихоб кардааст.

"Ман ки аз кишвари хориҷ ба Русия омадаам, дар хобгоҳ зиндагӣ мекунам. Ба донишҷӯёни хориҷӣ дар бахши авали таҳсил стипендия медиҳанд, баъдҳо ҳаҷми он аз худи донишҷӯй вобаста аст", - мегӯяд Фараҳноз.

Духтарак қайд мекунад, ки бартарии дигари таҳсил дар ин донишгоҳ пайдо кардани дӯстон аз кишварҳои хориҷ аст. Фараҳноз дӯстони ӯзбекистонӣ, белорус, украинӣ, қазоқистонӣ, аз Ветнам, Чин ва албатта Русия дорад.

Танҳо дар як Донишкадаи Тоҷикистон наздик ба 500 донишҷӯ аз Узбакистон дохил шуданд

"Ман ин ҷо худамро дар байни дӯстон пайдо кардам. Ман бо онҳо ба ибтидои нардбони муваффақиятҳоям қадам мегузорам. Агар хоҳӣ, ки ояндаи хушбахт дота бошӣ, бояд хонӣ ва меҳнат кунӣ. Боварӣ дорам, ки дар МИРЭА ба тамоми орзуҳоям мерасам", - мегӯяд Фараҳноз хушбинона.

 

250
Музаффар Имомдод

Музаффар Имомдод: аз воҳимаи COVID - 19 дар ВМКБ то ризокории 3000 ҷавон ва сахои мардум

3550
(Таҷдидшуда 15:19 23.06.2020)
Музаффари Имомдод, ризокор, фаъоли ҷамъиятӣ ва яке аз бунёдгузорони гурӯҳи "Цавор куен" (Чор кӯҳ) дар Facebook дар бораи вазъи COVID - 19 дар ВМКБ, кумаки хайрхоҳон ва 11 соли ихтиёрӣ буданаш гуфт

ДУШАНБЕ, 23 июн – Sputnik, Нилуфар Некқадам. Музафари Имомдодро корбарони Facebook чун шахси фаъоли ҷамъиятӣ ва ризокори ҳамеша омодаи кумаку ёрӣ мешиносанд. Ӯ аз рӯзҳои аввали шуюи COVID - 19 дар Тоҷикистон, ба хайрхоҳон муроҷиат карда, бо маблағи ҷамънамуда ба табибони Суғду, Хатлону Вилояти Мухтори Кӯҳистони Бадахшон кумак кард.

Ҳар рӯз дар саҳифааш дар Facebook наворе дар бораи расонидани кумак ба табибони ин ё он минтақаи кишвар пайдо мешавад. Чун худи ӯ мегӯяд, "бояд хайрхоҳон бидонанд ва бубинанд, ки маблағи онҳо дар куҷо ва чӣ гуна ҳазина мешавад".

Аз Русия то Африқо

Дар Тоҷикистон рӯзи 30 апрели соли 2020 расман 15 ҳолати гирифторӣ ба вируси корона сабт гардид. Пас аз як рӯз Музаффар бо наворе барои ҷамъ овардани маблағ барои кумак ба пизишкон ба мардум муроҷиат кард. Ба гуфти ӯ бародарони саховатпеша аз Русия то Африқо занг мезаданду маблағ равон мекарданд.

"Аввал бародарон аз Русия ва аз худи Тоҷикистон кумак карданд. Баъдтар аз Олмон, Африқо, Амрико ва дигар кишварҳо низ маблағ равон карданд. Пас аз се рӯзи муроҷиат мо маблағи ирсолкардаро гирифта, 70-дона либоси вижаи муҳофизатӣ харидем ва ба пизишкони навоҳии гуногун аз Ҷилликул то шаҳри Хуҷанду Ёвон расонидем. Пули равоннамудаи хайрхоҳон дар умум наздики 50 ҳазор сомонӣ шуд. Аз ин маблағ аз номи ризокорони ВМКБ ба зарадидагони фоҷиаи Хуросон 10 ҳазор сомонӣ равон карда шуд", - гуфт Музаффар.

Музаффар аз он изҳори хушнудӣ мекунад, ки мардуми тоҷик ҳиммати баланд доранд ва саховатпешаанд.

"Ростӣ ман бо мардуми хайрхоҳамон ифтихор мекунам", - мегӯяд ӯ ва ба ҳамаи ашхоси саховатпеша ва ихтиёриён, барои хизматашон изҳори сипос мекунад.

Вазъи COVID - 19 дар ВМКБ: аз воҳима то оромии рӯҳӣ

Музаффар рӯзи 9 май барои кумак ба пизишкон ба ВМКБ сафар кард ва инак беш аз ду моҳ мешавад, ки ӯ дар хизмати халқ аст. Ба фикри ӯ? маризии коронавирус худ онқадар вазнин нест, вале ваҳму воҳимааш барои фаҳмиш душвор аст.

"Рӯзҳои аввал мардумро ваҳму воҳима пахш карда буд. Онҳо дар бораи маргу мир аз ин маризӣ, ки бахусус дар кишварҳои Урупо зиёд буд, шунида буданд ва ба таҳлука афтода буданд",-изҳор дошт ӯ.

Музаффар ҳамроҳи дигар ризокорон барои кумак ба пизишкон қариб ба ҳамаи ноҳияҳои ВМКБ ва қишлоқҳои дурдаст сафар карданд. 

"Мо аз қишлоқҳои ноҳияи Ванҷ, Рӯшону Бартанг, Шуғнону Ишкошим ва то Мурғоб сафар карда, либосҳои муҳофизатӣ, ниқобҳо, маҳлулҳои зиддиуфунӣ бурдем. Фақат Язгулом ва қишлоқҳои болоии ноҳияи Шоҳдара мондааст, ки насиб бошад пас аз се рӯз бо кумаки вижа барои хонаводаҳои ниёзманд, сафар хоҳем кард", - гуфт Музаффар.

Мусоҳиб мегӯяд вазъияти беморӣ дар ВМКБ дар ягон ҷо вазнин набуд, чун аз рӯзҳои аввал ҳам духтурон ва ҳам ризокорон барои пешгирии он кори зиёде анҷом доданд. Созмонҳои гуногун аз қабили Бунёди Оқохон оид ба тандурустӣ, ширкати Памир энерҷӣ ва Ҳукумат барои пешгирии беморӣ кумак карданд.

"Чун зичии аҳолӣ дар шаҳри Хоруғ бештар аст, ин ҷо маризон бештар буданд. Дар водии Бартанг дар кишлоки якум - Шуджанд танҳо як бемор буд. Шукри Худо дар дигар деҳаҳои Бартанг нафаре бемор набуд. Мо ба қишлоқҳои дурдасти Бартанг аз номи Ҳукумат се либоси муҳофизатӣ, маҳлулҳои зиддиуфунӣ ва аз номи ризокорон ниқобҳоро бурдем", - нақл кард Музаффар .

Дар ВМКБ то 20 июни соли равон барои пешгирӣ аз паҳншавии густурдаи коронавирус аз ҷониби мақомоти ҳокимияти давлатии вилоят маҳдудиятҳо - равуо миёни навоҳӣ ва шаҳри Хоруғ, ҷорӣ шуда буданд. Имрӯзҳо бошад мардуми ин вилоят ба зиндагии муқаррарии худ бозгаштааст.

"Феълан мардум бе ҳарос ба корҳои саҳроӣ ва хоҷагидорӣ машғул ҳаст. На бузургсолон ва на ҷавонон дигар аз ин беморӣ ҳарос надоранд, чун дарк карданд, ки он ҳам мисоли зуком гузаранда аст, албатта на барои ҳама", - гуфт Музаффар ва афзуд, ки мардум рӯҳан ором шудаанд.

 Чаро ВМКБ барои роҳ надодани COVID - 19 омода набуд?

Коронавируси навъи COVID - 19 моҳи декабри соли 2019 дар Вуҳани Чин зуҳур кард ва бар пояи гузориши расмӣ ба Тоҷикистон пас аз 4 моҳ, 30 апрели соли 2020  расид. Мебоист Тоҷикистон барои пешгирии ин вабои аср ҳаматарафа омода мешуд. Музаффар мегӯяд "қаҳрамонони рӯз" - пизишкон барои мубориза бо ин маризӣ омода буданд, вале имконияти пешгирии онро надоштанд.

"Фикр мекунам пизишкон барои табобати маризони коронавирус омода буданд, аммо лавозимоти муҳофизатӣ ва доруву даво надоштанд. Чун ба ҳар қишлоқе, ки мо сафар мекардем ва ба ҳар марказҳои табобатӣ, ки мерасидем, бо чашмони худ медидем, ки пизишкон либоси муҳофизатӣ надоранд", - шарҳ дод Музаффар. 

Сабаби аслии роҳ ёфтани коронавирус ба ВМКБ-ро Музаффар дар камаҳамиятӣ ва бедиққатӣ мебинад. Ба гуфти ӯ танҳо бо кумаки ризокорон ва шахсони саховатпеша мешуд паҳншавии COVID - 19 - ро дар ВМКБ пешгирӣ кард.

11 соли ризокории Музаффар ва кумаки 3000 ихтиёрӣ дар замони ҳамагирии COVID - 19 дар Бадахшон

Ризокор ё ихтиёрӣ - шахсест, ки бемузд ба нафари дигаре хизмат мекунад. Аз давраҳои қадим чун дар дигар манотиқи Тоҷикистон, мардуми Бадахшон бештари кори худро тариқи ҳашар - кори дастаҷамъонаи бемузд анҷом медоданд. Қариб ҳамаи хонаҳои помирӣ, ки имрӯз дар Бадахшон ҳастанд тариқи ҳашар - ё бо қувваи ихтиёриён сохта шудаанд.

Музаффар ризокориро аз арзишҳои волои мазҳаби худ медонад. Ӯ мегӯяд аз кумак кардан ба дигарон ҳаловат мебарад ва бо ин роҳ мехоҳад дилеро шод кунад.

"Ризокорӣ аз арзишҳои мазҳаби ман аст. Бо ин арзишҳо ман метавонам диле ба даст оварам. Дар навбати аввал ман аз коре, ки барои шахсе анҷом медиҳаму ӯ шод мешавад, ҳаловат мебарам, махсусан кумак ба бузургсолон, кӯдакон ва ниёзмандонро дар назар дорам", - гуфт Музаффар ва афзуд ки беш аз 11 сол ӯ дар хизмати халқ аст.

"Ҷое мешавад, ки нафареро бепул бо хадравам ба манзилаш мерасонам, ҷое мешавад, ки бо кумаки дӯстонам мушкили касеро ҳал мекунам".

Дар замони ҳамагирии COVID - 19 дар ҳар қишлоқи ВМКБ гурӯҳи ризокорон аз ҳисоби ҷавонон ва фаъолони ҷомеа ташкил шуд, ки тартибу интизом ва риояи қоидаҳои қарантиниро назорат мекард. Онҳо намегузоштанд, ки меҳмонони аз шаҳри Душанбе расида бе гузашти 14 рӯз бо дигарон ҳамсуҳбат шаванд, ё нафаре бидуни ниқоб аз хона берун равад, ё дар кӯча масофаи иҷтимоиро риоя накунад.

Ба ҳамаи ин корҳо беш аз 3000 ризокор банд буд. Шояд ҳамин якдиливу омодаи кумак будани халқ, буд, ки мардуми Бадахшон авҷи аввали  COVID - 19 - ро бидуни талафоти зиёд паси сар карданд.

Вале, набояд фаромӯш кард, ки бино ба пешбинии ҳамагиршиносон мавҷи дуюми COVID - 19 дар Тоҷикистон аз эҳтимол дур нест ва ҳамоно бояд риояи қоидаҳои беҳдошт ва масофаи иҷтиоию пӯшидани ниқоб фаромӯш нашавад.

То 22 июн дар Тоҷикистон 5513 нафар бо ташхиси сирояти коронавируси нави COVID-19   ошкор гардида, аз ин беморӣ то кунун дар кишвар 4039 (73,2%) нафар шифо ёфтаанд. Ҳамзамон, то санаи зикргардида дар мамлакат аз ин беморӣ 52 нафар фавтидаанд.

3550
Барчаспҳо:
сукунати ихтиёрӣ, ихтиёрӣ, вазъ, вируси нав, Музаффари Имомдод, Тоҷикистон
Визит принца Карим Ага-Хана IV в Болгар

63 соли имомати Оқохони IV: исмоилиён ид доранд-акс

0
Исмоилиёни ҷаҳон имрӯз 11 июл 63-юмин солгарди ба тахти Имомат нишастани Шоҳ Карим ал Ҳусайниро таҷлил доранд

ДУШАНБЕ, 11 июл — Sputnik. Оқохони IV - Шоҳ Карим ал Ҳусайнӣ, 49-умин имоми исмоилиёни ҷаҳон, пас аз бобояш Султон Муҳаммадшоҳ Оқохони севвум, дар рӯзи 11 июли соли 1957, дар синни 20-солагӣ ба симмати мазкур баргузида шуд.

Пайравони исмоилия дар Тоҷикистон, ки теъдодашон ҳудуди 200 ҳазор нафар арзёбӣ мегардад, дар баробари ҳаммазҳабонашон аз нуқоти гуногуни ҷаҳон 11 июлро ҳамчун Рӯзи Имомат таҷлил мекунанд.

Дар Вилояти Мухтори Куҳистони Бадахшон, ки исмоилиёни Тоҷикистон асосан дар он ҷо зиндагӣ мекунанд, дар ин рӯз чорабиниҳои фарҳангию маърифатӣ баргузор мегарданд. Чун хизмат ба ҷамоатро исмоилиён аз арзишҳои аслии ҳаётии худ медонанд, дар ин рӯз бисёри хизматрасониҳо дар навоҳии ВМКБ, аз ҷумла мусофирбарию дигар намуди хадамот ройгон сурат мегиранд.

Кумаки Ожонси Оқохон барои мубориза бо COVID-19 дар Суғду Хатлон-аксҳо

Дар шароити пандемия таҷлили рӯзи Имомат низ бо бархе тағйирот амалӣ мешавад ва бисёри чорабиниҳои фарҳангию маърифатӣ тариқи онлайн баргузор мешаванд. Аз ҷумла созмони Нур дар Русия эълон кард, ки дар шароити маҳдудиятҳои марбути пандемия бархе чорабиниҳои фарҳангию маърифатӣ тариқи онлайн сурат мегиранд.

Шоҳзода Карим Оқохон 13 декабри соли 1936 дар шаҳри Женеваи Швейсария дар хонаводаи шоҳзода Алӣ Салмонхон ва бону Тоҷуддавла Алихон ба дунё омадааст. Вай дастпарвари донишкадаи исломшиносии Донишгоҳи Ҳарвард буда, бунёдгузор ва сарвари Шабакаи тавсеъаи Оқохон (AKDN) аст. Ӯ пас аз падарбузургаш Султон Муҳаммадшоҳ дар рӯзи 11 июли соли 1957, дар 20-солагӣ пешвои руҳонии исмоилиёни ҷаҳон шудааст.

0