Саши Заифи, архивное фото

Саши Заифӣ: "Наргис Бандишоева дурахшонтарин ситораи эстрадаи тоҷик буд"

555
(Таҷдидшуда 15:25 08.10.2019)
Барди номдори тоҷик Саши Заифӣ сарояндаи ғӯрамарг - Наргис Бандишоеваро аз дурахшонтарин ситораҳои эстрадаи тоҷик гуфт

ДУШАНБЕ, 8 окт — Sputnik. Наргис Бандишоева - сарояндаи ҷавонмарги тоҷик имрӯз 8 октябр зодрӯз дорад. Агар умр вафо мекард ин бонуи ҳунар имрӯз, 53 сола мешуд.

"Наргис Бандишоева дурахшонтарин ситораи эстрадаи тоҷик буд", - гуфт Саши Заифӣ зимни консерташ дар Маскав, ки дар рӯзи зодрӯзи Наргис 8 октябри соли 2016 дар толори консертии "МИСИС" баргузор шуда буд.

Портрет Наргис Бандишоевой на концерте группы Baraka
Портрет Наргис Бандишоевой на концерте группы Baraka

Саши Заифӣ аз он изҳори хушнудӣ кард, ки барномаи ҳунариаш дар шаҳри бузурги Русия маҳз ба рӯзи зодрӯзи Наргис рост омада буд.

"Имрӯз (манзур 8-уми октябр-шарҳ аз идора) рӯзи зодрӯзи шодравон Наргис Бандишоева мебошад ва ман беҳад шодам, ки рӯзи консерти ман низ ба ин рӯз рост омад, зеро ӯ дурахшонтарин сарояндаи эстрадаи тоҷик буд",-гуфт Саши Заифӣ дар консерт.

Зиндагиномаи Наргис Бандишоева

Наргис Бандишоева  8 октябри соли 1966 дар шаҳри Душанбе дар хонаводаи оҳангсози маъруф Ҳукуматшоҳ Бандишоев ва ҳамсараш Бунафша Бекова ба дунё омадааст. Наргис бародарзодаи ҳунарпешаи мардумии Тоҷикистон овозхони номдор Савсан Бандишоева ва оҳангсозу наққоши маъруф Марватшоҳ Бандишоев мебошад.

Наргис дастпарвари мактаби мусиқии "Чайковский" - и Душанбе буда, падараш фориғуттаҳсили Консерваторияи Маскав (ҳамкурси Александр Пахмутов ва Зиёдуллоҳ Шаҳидӣ) мебошад.

Навохтани фортепианоро падараш ба ӯ омӯзонидааст. Пас аз таҳсил дар ин мактаб Наргис дар Донишкадаи ҳунарҳои зебои ба номи Мирзо Турсунзода аз омӯзгоронаш аз ҷумла устод Меҳрубон Назаров, падари Далер Назаров, хунар омӯхтааст.

Наргис донишҷӯи соли панҷуми Донишгоҳи Мирзо Турсунзода буд, ки соли 1989 дар озмуни "Нахустин ҳунарнамоии ҷавонон" ширкат кард. Ӯ бо суруди шуғнии Олег Фезов "Лалаик" дар ин озмун пирӯз шуд ва соле пас дар ҷашнвораи "Иссиқ-Кӯл — 89" ширкат кард ва барандаи унвони "Мисс Иссык-Куль — 89" гарид, ки арзёбие буд аз ҳунару шеваи овозхонии нотакрораш.

Дар пайи пирӯзӣ дар ин озмун ӯро барои ширкат дар озмуни "Юрмала" дар Маскав даъват карданд. Ширкат дар ин озмун барояш такондиҳанда шуд: як шарти ин озмун овозхонӣ бо фонаграмма буд. Ҳангоме, Наргис ба саҳна баромад, касе аз бадандешонаш фонограммаашро гум кард сароянда натавонад ҳунарнамоӣ кунад.

Ин рӯйдод ба Наргис чунон асар гузошт, ки ӯ дигар намехоаст дар озмунҳо ширкат кунад. Аммо наздиконаш водораш карданд, ки аз ширкат дар  озмуни "Садои Осиё" руй натобад.

Озмуни "Садои Осиё" дар соли 1991 яке аз муҳимтарин рухдодҳои фарҳангӣ дар Иттиҳоди Шуравӣ буд. Барои ширкат дар ин озмун 150 овозхон довталаб шуданд, аммо доварон барои ширкат дар бахши ниҳоӣ танҳо 30 касро интихоб карданд, ки аз беҳтарин ҳунармандону овозхонони кишвар махсуб мешуданд.

Аз Тоҷикистон дар ин озмун ба ҷуз Наргис, Далер Назаров, Кароматуллоҳ Қурбонов, Парвиз Назаров, Олег Фезов ва Парвина Юсуфӣ ширкат доштанд.

Наргис дар ин озмун пирӯз шуд ва ситораи мусиқии Тоҷикистон ва Осиёи Миёна гашт. Наргис бештари сурудҳояшро аз ашъори номдортарин шоирони тоҷик интихоб мекард. Наргис сабки нотакроре дошт ва то кунун дар Тоҷикистону ҷаҳон дӯстдорони бешумор дорад.

Наргис Бандишоева 21 сентябри 1991 дар садамаи нақлиётӣ дар роҳи Варзоб — Душанбе халок шуд. Ӯро дар Душанбе ба хок супурданд.

555
Барчаспҳо:
сароянда, озмуни овозхонӣ, ҳунар, ҳунарманд, Саши Заифӣ
Певец Валиджон Азизов

Чаро Валиҷон навозандаҳои Садриддинро гирифт: сӯҳбат аз бепуливу таънаи шикамкалонӣ

1930
(Таҷдидшуда 14:18 26.10.2020)
Орзу Исоев дар барномаи "Ногуфтаҳо" бо овозхон Валиҷон Азизов аз кам шудани даромад аз тӯй дар давраи ҳамагирии коронавирус ва парҳези овозхон дар пайи "таъна"-и истифодабарандагони Инстаграм аз шиками калони овозхон сӯҳбат кардааст

ДУШАНБЕ, 26 окт — Sputnik. Орзу Исоев аз арзиши хидмати Валиҷон Азизов дар тӯйҳо пеш аз пендемия ёдрас мешавад, ки дар минтақаи Суғд аз 12 то 15 ҳазор сомонӣ ва дар пойтахт то 20 ҳазор сомонӣ будааст.

Аммо тавре овозхон мегӯяд, дар пайи бурузи бемории коронавирус ва кам шудани тӯйҳо, феълан ин нарх хело коҳиш ёфтааст.

"Мо шароити мардумро нигоҳ карда кор мекунем. Ҳоло арзиши ҳақи хизматро 50 дарсад поён бурдаем ва баъзан аз он ҳам камтар мегирем", - қайд мекунад овозхон.

Овозхон ба саволи он ки ин камшавии даромад ба кисаи овозхон то кадом андоза асар кардааст, мегӯяд, боиси мавқуф гузоштани баъзе нақшаҳояш гаштанд.

"Бо он сабаб, ки бештари мардум тӯяшонро то соли оянда мавқуф гузоштанд, мо низ умед мекунем, ки соли оянда вазъият беҳтар мешавад. Гап сари чанд суруди ман меравад, ки омода асту бояд сабт кунам, аммо барои он маблағи зиёд лозим аст", - тавзеҳ медиҳад овозхон.

Чаро Валиҷон навозандаҳои Садриддинро гирифт?

"Чаро навозандаҳои Садриддинро гирифтед?", - мепурсед рӯзноманигор.

Азизов, посух медиҳад, ки "бале, аз хидмати навозандаҳои Садриддини Наҷмиддин, овозхони дигари номии тоҷик истифода мебарад, аммо онҳоро нагирифтааст".

"Ман навозандаҳои Садриддинро нагирифтаам. Вақте ба Душанбе меравам, аз Суғд навозанда намебарам, аз он ҷо киро мекунам.  Ҳатто замоне Садриддин ҳам дар Тоҷикистон қарор дошт, вақте ман Душанбе мерафтам, агар навозандаҳояш бекор мебуданд, ба маъракаҳо бо ман мерафтанд", - мегӯяд Валиҷон.

Мард пирӣ надорад?

Ногуфтаҳои марги Баҳром: намехост рафтан, зангҳои паиҳам ва чӣ хел аз мошин парид?-видео

"Пир шуданро ба гардан мегиред?", - боз мепурсад Орзу Исоев. 

"Мард пирӣ надорад, агар мард ҳамеша хушҳол бошад, ҳамеша дунболи зебогиҳо бошад, пир намешавад", - посух медиҳад Азизов ва мефзояд, ки чанд вақт аст, ки бо вазни зиёдатӣ мубориза мебарад.

"Дар инстаграм ҳама гуфтанд, Валиҷон шикамро нест кун, нест кардам, диета кардам,", - меафзояд вай.

1930
Донишҷӯи тоҷик Ҷуманазар Қурбонназаров дар Хабаровск соҳиби ҷоизаи миллии Россия — «Донишҷӯи хориҷии сол – 2020» гардид

Донишҷӯи тоҷик дар Русия барандаи ҷоизаи "Донишҷӯи хориҷии сол 2020" шуд

677
(Таҷдидшуда 12:50 20.10.2020)
Донишҷӯи тоҷик Ҷуманазар Қурбонназаров дар Хабаровск соҳиби ҷоизаи миллии Русия — "Донишҷӯи хориҷии сол – 2020" гардид

ДУШАНБЕ, 20 окт – Sputnik. Дар шаҳри Хабаровски Русия марҳилаи минтақавии озмун барои Ҷоизаи миллии Рсия — "Донишҷӯи сол – 2020" ба анҷом расид, ки дар он ҷавони тоҷик Ҷуманазар Қурбонназаров пирӯз шуд, хабар медиҳад торномаи Донишгоҳи давлатии шаҳри Комсомолски лаби Амур.

Ин озмун аз ҷониби Созмони ҷамъиятии умумирусиягии "Иттиҳоди ҷавонони Русия" дар якҷоягӣ бо KSAU "Маркази минтақавии ҷавонон оид ба иҷтимоӣ ва саломатӣ" баргузор карда шуд.

Тибқи иттилои манбаъ, озмуни "Донишҷӯи сол-2020" аз рӯи номинатсияҳои инфиродӣ ва коллективӣ дар байни муассисаҳои таҳсилоти олии касбӣ ва ташкилоти таҳсилоти касбии ҳудуди минтақаи Хабаровск доир гардид.

Дар ин озмун Донишгоҳи давлатии шаҳри Комсомолски лаби Амур ва маҳфили ҷавонони тоҷик дар минтақаро донишҷӯи факултаи энергетика ва менеҷменти Донишгоҳи мазкур Ҷуманазар Қурбонназаров  намояндагӣ кард.

Аз рӯи натиҷаҳои ҷаласаи ҳакамон миёни донишҷӯёни 11 донишгоҳи минтақа, донишҷӯи тоҷик Ҷуманазар Қурбоназаров барандаи ҷоиза дар бахши "Донишҷӯи хориҷии сол – 2020" гардид.

"Бо боварӣ метавонам бигӯям, ки Донишгоҳи давлатии шаҳри Комсомолски лаби Амур, имкон медиҳад, ки орзуҳои инсон амалӣ шавад. Ман аз соли 2018 инҷониб дар озмун ширкат мекардам ва бо ҳайрат ба иштирокчиёни дар саҳна буда, назар мекардам. Ман хеле мехостам, ки ба манфиати донишгоҳ кор кунам ва фарҳангу анъанаҳои мардуми тоҷикро дар байни ҷавонон маъмул кунам"  , - гуфт Қурбонназаров.

Ёдовар мешавем, ки даври ниҳоии озмуни "Донишҷӯи сол-2020" аз 14 то 19 ноябр дар шаҳри Маскав баргузор мешавад.

677
Барчаспҳо:
донишҷӯи тоҷик, Русия, сол, донишҷӯй, донишҷӯй

Путин кушташудаҳо дар Қарабоғро бо ҷонбохтагон дар Афғонистон қиёс кард: хеле зиёд-навор

0
(Таҷдидшуда 19:44 27.10.2020)
Владимир Путин, раисиҷумҳури Русия, теъдоди кушташудаҳо аз ҳар ду ҷониб дар Қарабоғи Куҳӣ тайи як муддати кӯтоҳ ба 5 ҳазор нафар наздик омадааст

Раисиҷумҳури Русия изҳор дошт, ки тайи 10 соли ҷанг дар Афғонистон, нерӯҳои Иттиҳоди шӯравӣ 13 ҳазор нафарро аз даст доданд, аммо дар Қарабоғ тайи чунин як муддати кӯтоҳ теъдоди ҷонбохтагон аз ҳарду ҷониб ба 5 ҳазор нафар наздик шудааст.

“Чӣ қадар маҷруҳанд, чӣ қадар мардум азоб мекашанд, чӣ қадар кӯдакон? Аз ин лиҳоз ҳодисаи мазкур барои мо махсус мебошад”, -изҳор дошт раисиҷумҳури Русия.

“Мухолифат ба шеваи бадтаринаш”, - тасвир кард Владимир Путин ҳаводис дар Қарабоғи Куҳиро.

Раисиҷумҳури Русия таъкид намуд, ки фоҷиаи асосӣ ин марги одамон мебошад. Талафот аз ҳар ду ҷониб беш аз 2 ҳазор нафариро ташкил медиҳад.

Алиев мегӯяд, Боку ба ҳеҷ ваҷҳ истиқлолияти Қарабоғро намепазирад: Пашинян чӣ мегӯяд

Дмитрий Песков, сухангӯи раисиҷумҳури Русия, изҳор дошт, ки Маскав тамоми талошашро мекунад, то хунрезӣ дар Қарабоғи куҳӣ қатъ шавад.

0
Барчаспҳо:
шарҳ, Владимир Путин, ҷанг дар Қарабоғ, Қарабоғи Кӯҳӣ