Сабрина Зухурова - таджикская модель

Сабрина Зуҳурова дар бораи хонадоршавӣ ва "тарк" - и озмунҳои зебоӣ гуфт

4522
(Таҷдидшуда 12:12 09.10.2019)
Сабрина Зуҳурова зебосанами тоҷик, ки пӯшидани "бикини" - ро дар озмуни зебоии “Miss Tourism World” рад кард, гуфт дигар дар озмунҳои зебоии байналмилалӣ ширкат нахоҳад кард

ДУШАНБЕ, 8 окт — Sputnik. Сабрина Зуҳурова дар суҳбат бо Sputnik Тоҷикистон дар бораи ширкат дар озмуни зебоии “Miss Tourism World”, ҳаёти шахсӣ ва дидгоҳи мардум ба муделҳо, нақл кард.

Сабрина Зуҳурова, ки Тоҷикистонро дар озмуни зебоии “Miss Tourism World” намояндагӣ мекард, чанд даврро гузашта, ба “Панҷгонаи беҳтарин” шомил шуд.

Баъди ба рӯйхати “Панҷгонаи беҳтарин”-и озмуни мазкур шомил шудан, доварон аз Сабрина хоҳиш кардаанд, ки дар саҳна бо “бикини” бирақсад, вале Сабрина инро рад кардааст.

"Ин ширкати нахустини ман дар озмунҳои зебоии байналмилалӣ нест. Ман бо худ пӯшок гирифта будам, ки ҳамаи аъзои баданро мепӯшонад, вале баргузоркунандагон ба мо пӯшоки қариб бараҳнаи ранги зард пешниҳод карданд ва ман албатта аз ин намоиш даст кашидам. Бале, ман домани кӯтоҳ мепӯшам, ман мудел ҳастам, вале ин маънои онро надорад, ки ман метавонам бараҳна ба саҳна бароям", - гуфт Сабрина ва афзуд, ки барояш аз тоҷ дида, шарафу номус муҳимтар аст.

 

Ширкати Сабрина дар озмуни зебоӣ дар шабакаҳои иҷтимоӣ баҳси гармеро барангехтааст. Бархе аз корбарон ба ӯ офарин мехонанд, ки ба унвони баланд ва саҳнаи бузурги байналмилалӣ нигоҳ накарда духтари тоҷик шарафу номусро авлотар донистааст, вале гурӯҳи дигаре ӯро умуман барои мудел буданаш маломат мекунанд.

Сабринаро шарҳҳои беҷо дар шабакаҳои иҷтимоӣ нороҳат кардааст. Ӯ бо таассуф мегӯяд, замоне ба Ватан бозгашт ба ҷои пешвоз ва дастгирӣ дар шабакаҳои иҷтимоӣ навиштаҷоти беҷоро дид.

"Ман дар ин озмуни бонуфуз Тоҷикистонро муаррифӣ кардам, ба панҷгонаи беҳтарин шомил шудам, ба ҷои дастгирӣ, дар шарҳи аксҳоям алфози беҷоро дидам", - мегӯяд бо таассуф Сабрина.

Сабрина аз озмуни “Miss Tourism World” хотираҳои хуб дорад, вале дигар намехоҳад дар озмунҳои зебоии байналмилалӣ ширкат кунад.

"Мудел будан, шуғли дӯстдоштаи ман аст. Ман то имрӯз дар ин ҷода ба ҳамаи орзӯҳоям расидам. Дар озмуни “Miss Tourism World” бо духтарон аз дигар кишварҳо ошно шудам. Ҳар яке дар бораи кишвару миллати худ нақл мекард. Аз ин озмун хотираҳои зебое дорам. Вале, дигар намехоҳам дар озмунҳои байналмилалӣ ширкат кунам. Чун ба фиркам вақти хонадор шудан расидааст", - гуфт дар суҳбат бо Sputnik Тоҷикистон Сабрина Зуҳурова.

 

 

Озмуни зебоии “Miss Tourism World” дар Ҷумҳурии мардумии Чин рӯзии 20-уми август оғоз ёфта, рӯзи 10-уми октябри соли ҷорӣ ҷамъбаст хоҳад шуд.

Сабрина ҳамагӣ 24 сол дорад ва хатмкардаи риштаи иқтисоди ДМТ мебошад. Дар “Ориёнбонк” кор мекунад ва харҷи иштироки Сабринаро дар озмун бонки мазкур ба зиммаи худ гирифтааст.

То ин замон Сабрина дар чандин озмунҳои зебоӣ ширкат карда ва пирӯз шудааст. Айни замон Сабрина ба даври дуюми озмуни "Зебосанам - 2019" роҳ ёфта, ҳадаф дорад дар ин озмуни ватанӣ ҷои аввалро аз худ кунад.

4522
Барчаспҳо:
тӯйи хонадоршавӣ, тарк, мудел, озмуни зебоӣ
Донишҷӯи тоҷик Ҷуманазар Қурбонназаров дар Хабаровск соҳиби ҷоизаи миллии Россия — «Донишҷӯи хориҷии сол – 2020» гардид

Донишҷӯи тоҷик дар Русия барандаи ҷоизаи "Донишҷӯи хориҷии сол 2020" шуд

536
(Таҷдидшуда 12:50 20.10.2020)
Донишҷӯи тоҷик Ҷуманазар Қурбонназаров дар Хабаровск соҳиби ҷоизаи миллии Русия — "Донишҷӯи хориҷии сол – 2020" гардид

ДУШАНБЕ, 20 окт – Sputnik. Дар шаҳри Хабаровски Русия марҳилаи минтақавии озмун барои Ҷоизаи миллии Рсия — "Донишҷӯи сол – 2020" ба анҷом расид, ки дар он ҷавони тоҷик Ҷуманазар Қурбонназаров пирӯз шуд, хабар медиҳад торномаи Донишгоҳи давлатии шаҳри Комсомолски лаби Амур.

Ин озмун аз ҷониби Созмони ҷамъиятии умумирусиягии "Иттиҳоди ҷавонони Русия" дар якҷоягӣ бо KSAU "Маркази минтақавии ҷавонон оид ба иҷтимоӣ ва саломатӣ" баргузор карда шуд.

Тибқи иттилои манбаъ, озмуни "Донишҷӯи сол-2020" аз рӯи номинатсияҳои инфиродӣ ва коллективӣ дар байни муассисаҳои таҳсилоти олии касбӣ ва ташкилоти таҳсилоти касбии ҳудуди минтақаи Хабаровск доир гардид.

Дар ин озмун Донишгоҳи давлатии шаҳри Комсомолски лаби Амур ва маҳфили ҷавонони тоҷик дар минтақаро донишҷӯи факултаи энергетика ва менеҷменти Донишгоҳи мазкур Ҷуманазар Қурбонназаров  намояндагӣ кард.

Аз рӯи натиҷаҳои ҷаласаи ҳакамон миёни донишҷӯёни 11 донишгоҳи минтақа, донишҷӯи тоҷик Ҷуманазар Қурбоназаров барандаи ҷоиза дар бахши "Донишҷӯи хориҷии сол – 2020" гардид.

"Бо боварӣ метавонам бигӯям, ки Донишгоҳи давлатии шаҳри Комсомолски лаби Амур, имкон медиҳад, ки орзуҳои инсон амалӣ шавад. Ман аз соли 2018 инҷониб дар озмун ширкат мекардам ва бо ҳайрат ба иштирокчиёни дар саҳна буда, назар мекардам. Ман хеле мехостам, ки ба манфиати донишгоҳ кор кунам ва фарҳангу анъанаҳои мардуми тоҷикро дар байни ҷавонон маъмул кунам"  , - гуфт Қурбонназаров.

Ёдовар мешавем, ки даври ниҳоии озмуни "Донишҷӯи сол-2020" аз 14 то 19 ноябр дар шаҳри Маскав баргузор мешавад.

536
Барчаспҳо:
донишҷӯи тоҷик, Русия, сол, донишҷӯй, донишҷӯй
Нигина Амонкулова

"Гуфтиву накардӣ" : нашри суруди ҷадиди Нигина Амонқулова - видео

1131
(Таҷдидшуда 20:12 18.10.2020)
Нигина Амонқулова сарояндаи шинохтаи саҳнаи тоҷик, суруди ҷадиди худро таҳти унвони "Гуфтиву накардӣ" нашр кард

ДУШАНБЕ, 18 окт — Sputnik. Нигина Амонқулова овозхони шинохтаи Тоҷикистон, дар саҳифаи Qiam Entertainment дар Ютуб, суруд ва намоҳанги нави худро пешкаши мухлисонаш гардонидааст.

Навори суруд дирӯз, 17 октябр дар шабакаи Youtube нашр шудааст. Дар давоми як рӯз ин сурудро беш аз 84 ҳазор кас тамошо карда ва зиёда аз 2 ҳазор корбар писандидааст.

Ногуфта намонад, ки ин суруди Нигина Амонқулова низ дар доираи тарҳи нави сароянда бо ширкати Qiam Entertainment сабт шудааст.

Маллифи суханони суруд Орзу Исоев буда, оҳангашро Даврони Раҳматзод эҷод кардааст. Ин суруд дар бораи ошиқест, ки маъшуқаашро қадр намекунад. 

Ёдрас мешавем, ки чанде пеш сароянда тарҳи нави худ -  "Legends live forever" оғоз кард, ки дар доираи он сурудҳои машҳури ситораҳои номдори шарқро бозхонӣ мекунад. Ба гуфти Нигина ин тарҳро ба ӯ ширкати  Qiam Entertainment, ки сароянда аз оғози соли 2020 бо он ҳамкорӣ дорад, пешниҳод кардааст.

То ҳол Нигина сурудҳои сарояндаҳои шодравон  - Аҳмад Зоҳир, Муқаддас Набиева, Зафар Нозим, Муҳаммадрафеъ ва Аминҷон Сабуриро, ки ба гуфти худаш аз ҳама бештар писандаш ҳастанд, иҷро кардааст.

Нигина Амонқулова суруди Муқаддас Набиеваро бозхонӣ кард

Нигина Амонқулова дар доираи ин тарҳи ҷадид, нахустин бор ба забони ҳиндӣ сароид. Ҳамчунин дар баробари зинда кардани ёди ҳунармандони қадимӣ, Нигина дар доираи ин тарҳ, се суруди ҷадиди худро низ месарояд.

1131
Барчаспҳо:
Тоҷикистон, нав, ҷадид, нашр, Нигина Амонқулова
Заместитель премьер-министра Таджикистана Азим Иброхим, архивное фото

Пешниҳоди Расулзодаву дастгирии Раҳмон: Азим Иброҳим вазири нақлиёт вазифаи нав гирифт

0
(Таҷдидшуда 01:07 21.10.2020)
Азим Иброҳим, вазири нақлиёти Тоҷикистон, ки чанде пеш аз курсии муовини сарвазир ба ин мансаб расид, вазифаи нав гирифт

ДУШАНБЕ, 18 окт – Sputnik.  Номбурда дар баробари, вазири нақлиёти Тоҷикистон ҳамзамон раиси Комиссияи миллии Тоҷикистон дар Долони байналмилалии нақлиётии Аврупо –Қофқоз - Осиё  (ТРАСЕКА) таъин гардид, хабар дошдааст, дафтари матбуотии вазорат.

Ба иттилои манбаъ, номзадии вазири нақлиёт ба ҳайси раиси Комиссияи миллии Тоҷикистон дар ТРАСЕКА бо дарназардошти тағйироти кадрӣ дар Вазорати наќлиёт аз ҷониби Қоҳир Расулзода, сарвазири кишвар пешниҳод гардида, аз тарафи раисиҷумҳур Эмомалӣ Раҳмон  ин пешниҳод  ҷонибдорӣ ёфт.

Барномаи ТРАСЕКА соли 1993 дар асоси Эъломияи Брюссел бо иштироки Арманистон, Озарбойҷон, Гурҷистон, Қазоқистон, Қирғизистон, Тоҷикистон, Туркманистон ва Узбакистон таъсис дода шуд ва дере нагузашта, Молдова, Муғулистон ва Украина шомил шуданд. Соли 2000 - Туркия, Руминияву Булғористон ва соли 2009 - Эрон ба ин барнома ҳамроҳ шуданд.

Бар пояи барнома  бояд кишварҳои аъзо ба роҳҳои алтернативии рафтуомад ва интиқоли бор ба Аврупо имкон ёбанд.

Тоҷикистонро қаблан дар ин Долони байналмилалии “ТРАСЕКА” Худоёрзода Худоёр, вазири нақлиёти Тоҷикистон ва қабл аз ӯ Давлаталӣ Саид, муовини якуми сарвазири Тоҷикистон муаррифӣ мекард.

0
Барчаспҳо:
Эмомалӣ Раҳмон, Қоҳир Расулзода, Азим Иброҳим, вазири нақлиёт, сарвазир, президент, Тоҷикистон