Шабнами Сурайё таджикская певица

Зодрӯзи Шабнам: аз таҷлил бо ятимон то таманниёти Фарзона

375
(Таҷдидшуда 18:44 14.10.2019)
Шабнами Сурайё сарояндаи саршиноси тоҷик, ки чанд соли охир зодрӯзашро бо ятимон таҷлил мекунад, имрӯз 38 сола мешавад. Хоҳараш Фарзонаи Хуршед сарояндаи номдори тоҷик дар саҳифааш дар Instagram Шабнами Сурайёро бо рӯзи мавлудаш муборакбод гуфтааст

ДУШАНБЕ, 14 окт — Sputnik. Шабнами Сурайё - овозхони номии тоҷик имрӯз 14 октябр зодрӯз дорад.

Шабнами Сурайё тамоми Русияро "ба по" хезонд

Фарзонаи Шабнамро ба рӯзи зодрӯзаш табрик карда ӯро "неъмати бебаҳо дар зиндагӣ" хондааст.

"Зодрӯз муборак азизам. Ту барои ман неъмати ноёфтанӣ ва такрорнашаванда ҳастӣ. Аз Аллоҳ умед дорам, ки туро аз ман дур накунад. Ҳар нигоҳи ту барои ман як қуввате мебахшад. Дӯстат дорам азизам. Аз буданат шукргузорам. Зодрӯзат муборак бод", - навиштааст Фарзонаи Хуршед дар саҳифааш ва рамзи дилро гузоштааст.

Шабнами Сурайё овозхони номдори тоҷик 14 октябри соли 1981 дар шаҳри Кӯлоб ба дунё омадааст.

"Рейтинги ситора"-ҳо: аз пешсафии Шабнам то мақоми охири Валиҷон

Посмотреть эту публикацию в Instagram

@shabnamsurayoofficial @sshadoowdh @sara__exhibit

Публикация от Shabnami Surayo (@shabnamisurayo_page)

Модараш Сурайё Қосимова ва хоҳараш Фарзонаи Хуршед низ аз овозхонони шинохтаи кишвар ба шумор меоянд.

Шабнам соли 2004 дар саҳнаи мусиқии Тоҷикистон пайдо шуд, аммо танҳо пас аз нашри суруди "Аз кудумин сафар" соли 2006 миёни мардум шинохта шуд.

Тайи солҳои 2008 — 2009 бо ибтикори ширкатҳои хориҷии фароғатӣ панҷ консерт дар Урупо (Мюнхен, Лондон, Берлин, Дюселдорф), се консерт дар Канада (Монреал, Ванкувер, Торонто) ва 10 консерт дар Иёлоти Муттаҳидаи Аврупо (Нюйорк, Лос Анҷелес, Сан Франсиско ва ғайраҳо) барпо кардааст.

Соли 2014 Шабнами Сурайё сазовори ҷоизаи беҳтарин ҳунарпешаи кишварҳои форсизабон, дар озмуни мусиқии "Big Apple Award", дар шаҳри Ню Йорк гардид.

Соли 2017 Шабнам дар озмуни мусиқии "Daf BAMA Music Awards 2017" ки дар шаҳри Ҳамбурги Олмон баргузор шуд, Шабнам ширкат карда соҳиби ҷоиза шуд.

То кунун албомҳои зиёдаш нашр шудааст. Шабнами Сурайё бо бархе аз овозхонони тоҷик, аз ҷумла Ҷонибек Муродов, Садриддин Наҷмиддин, Баҳром Ғафурӣ, шодравон Сӯҳроб Сафарзод, Парвина Шукруллоева ва дигарон ҳамкорӣ мекунад.

Шабнам дар Эрону Афғонистон низ дӯстдорони бисёре дорад, аз он хотир, ки бархе аз сурудҳои маъруфи эрониву афғониро, аз ҷумла "Ёри сабзина", "То туро дидам", "Аз кадомин сафар" (аз Амирҷон Сабурӣ) ва "Шишта бошам" (аз Фарҳод Дарё) бозхонӣ карда бо овозхонони тоҷики афғонистонӣ Ҷовид Шариф ва Наҷиб Навобӣ ва эронии амрикоӣ Лайло Фурӯҳар сурудҳои дуовоза иҷро кардааст.

Шоу-консерти хайриявии Шабнами Сурайё дар Душанбе - акс

Дар суҳбат бо Sputnik Тоҷикистон Шабнами Сурайё гуфт орзу дорад бо примаддонаи саҳнаи рус Ала Пугачева суруд иҷро кунад.

Соли 2017 Созмони Миллали Муттаҳид Шабнами Сурайёро Сафири ихтиёрии СММ аз ҷониби Тоҷикистон таъин намуд, то ки барои рушди барномаи СММ доир ба мубориза зидди бемории норасоии масъунияти бадан БНМБ мусоидат намояд.

Чанд соли охир Шабнами Сурайё зодрӯзашро на дар тарабхонаҳои барҳаво балки назди кӯдакони ятим ва беморон таҷлил мекунад.

Азми Шабнам барои кумак ба беморони сил ва дастгирии модараш аз ин иқдом

Соли 2018 Шабнами Сурайё ба муносибати рӯзи зодрӯзаш ба хонаи кӯдакони рақами 2 рафта ба кӯдакони бесаробон дастархони бошукуӯҳ орост ва ба онҳо пӯшок ҳадя кард.

Дар мусоҳибае ҳам Шабнами Сурайё қайд кардааст, ки мехоҳад доим дасти сахо дошта бошад.

375
Барчаспҳо:
Фарзонаи Хуршед, Шабнами Сурайё
Мадина Акназарова

Нашри дуэти Чоршанбе Аловатов ва Мадина Ақназарова - видео

1722
(Таҷдидшуда 12:52 11.09.2020)
Ду сарояндаи ҷавону машҳури Тоҷикистон, Чоршанбе Аловатов ва Мадина Ақназарова суруди гурӯҳи "Парем"- ро бозхонӣ карданд

ДУШАНБЕ, 11 сен  — Sputnik. Овозхонони ҷавон ва машҳури Тоҷикистон Чоршанбе Аловатов ва Мадина Ақназарова суруди дуэт иҷро карда, шакли пурраи онро дар шабакаи Youtube нашр кардаанд.

Онҳо яке аз сурудҳои машҳури гурӯҳи "Парем"- "Танҳо дар ёд" - ро бозхонӣ карданд. Дар ин бора ҳам Чоршанбе Аловатов ва ҳам Мадина Ақназарова дар саҳифаҳои расмиашон дар Инстаграм хабар додаанд.

Мадина дар ин росто ба гурӯҳи "Парем" барои додани иҷозат барои бозхонии ин сурудашон изҳори сипос кардааст.

"Сипоси бепоён аз гурӯҳи "Парем" барои ин суруд. Ин зебо аст", - навиштааст Мадина.

Мухлисони ин ду овозхони ҷавон аз дуэт истиқбол карда ҳунари ҳар дуро баланд баҳогузорӣ кардаанд. 

"Чоршанбе худро дар сатҳи минтақавӣ бисёр хуб нишон дод. Ҳунари ӯ, Худодод аст ва ба шарҳе ниёз надорад. Мадина ва Чоршанбе бисёр хуш менамоед", - навиштааст корбаре дар шабакаи  Youtube.

Дуэти Чоршанбе Аловатов ва Мадина Ақназарова: суруди "Парем" - ро бозхонӣ карданд - видео

Ёдрас мешавем, ки ахиран Чоршанбе Аловатов суруди "Масти ту ҳастам" - и овозхон Самандар Пӯлодовро бозхонӣ кард.

Мусиқӣ ва тарзи сурудани овозхони ҷавон Чоршанбе Аловатов аз Самандар Пӯлодов каме мутафовит аст. Бо усули нав иҷро шудани ин сурудро корбарони шабакаҳои иҷтимоӣ низ дарёфт намуда, истеъдоди баланди Чоршанбеи ҷавонро зикр карданд.

1722
Барчаспҳо:
Тоҷикистон, нашр, суруд, дуэт, Мадина Ақназарова
Фарзонаи Хуршед дар бораи бегонагӣ бо Фаридун ва шери нар - и наваш - видео

Фарзонаи Хуршед дар бораи бегонагӣ бо Фаридун ва "шери нар" - и наваш - видео

4942
(Таҷдидшуда 17:20 18.08.2020)
Сарояндаи машҳури тоҷик Фарзонаи Хуршед дар бораи бегонагӣ бо собиқ ҳамcараш овозхони шинохта Фаридуни Хуршед ва ишқи наваш гуфт

ДУШАНБЕ, 10 авг – Sputnik. Сарояндаи машҳури эстрадаи тоҷик Фарзонаи Хуршед дар барномаи шабакаи "Пешсаф" дар бораи зиндагии шахсияш нақл кард.

Ӯ гуфт бо ҳамсари пешинаш Фаридуни Хуршед чор сол шуд ягон иртиботе надорад ва аз тавлиди фарзанд дар хонаводаи Фаридун хушҳол аст.

"Вақте дар хонае тифл ба дунё меояд дар он хонавода 60 рӯз фариштаҳо фурӯд меояд. Закияҷони азиз ба табрики додараш рафт, ман хушҳол шудам. Хурсандии як банда барои ман хурсандӣ аст. Худованд шоҳид ҳаст, ки ман нисбати Фаридун ғайр аз он кӣ ӯ падари фарзандонам ҳаст, ягон эҳсосоти дигар надорам. Фақат ҳурматаш мекунам ба он хотире кӣ ӯ падари фарзандонам аст", - гуфт Фарзона ва афзуд, ки Закияро худ барои табрикоти падараш равон кард.

Фарзона ба мухлисонаш муроҷиат карда хоҳиш намуд, ки ба ӯ аз Фаридун суол накунанд, чун аллакай барои ӯ инсони бегона аст.

"Шавҳар наздиктарин шахс барои зан аст, вале вақте ҷудо шудӣ бегонатарин инсон барои ту мешавад", - таъкид мекунад Фарзона.

Фарзонаи Хуршед аз камтарин сарояндаҳоест, ки бо дигар ҳунармандон дӯстӣ надорад ва ба қавли аксари мардум бисёр ҳавобаланд аст.

Фарзона мегӯяд аз тарси халалдор кардани ин ё он нафар ӯ бо касе ошноӣ намекунад ва дӯстони наздиктаринаш модару аппаҳояш ҳастанд.

"Вақте касе бо ман аз наздик ошно мешавад, мегӯяд ту чӣ қадар духтари хуб будаӣ, вале ман фикр мекардам, ки ту бисёр ҳавобаланд ҳастӣ".

Фарзонаи Хуршед такаббури худро кори ген гуфт.

"Бобои падариям рус ҳаст ва бибии падарам бошад эронист. Шояд аз ин сабаб виқори баланд дорам, вале дилам соф аст", - мегӯяд Фарзона.

Сароянда дар хотимаи барнома ҳамчунин дар бораи ишқи наваш гуфт ва ҳатто акси марди ҳаёташро ба муҷрии барнома нишон дод.

"Марди воқеъӣ - шери нар интихобатро нигоҳ намекунад. Албатта дар зиндагии ман шери нар ҳаст",- гуфт Фарзона.

4942
Барчаспҳо:
бегона, шавҳар, ҳамсар, Фаридуни Хуршед, Фарзонаи Хуршед
Парламентские выборы в Таджикистане

Мастчоҳ ба интихоботи президентӣ омодааст: ифтитоҳи 35 участкаи интихоботӣ дар ноҳия

0
(Таҷдидшуда 19:39 18.09.2020)
Мақомоти ноҳияи Мастчоҳ ҷидди ба интихоботи президентӣ омодагӣ гирифтааст. Дар ноҳия 35 участкаи интихоботӣ таъсис дода шудааст

ДУШАНБЕ, 18 сен — Sputnik. Бино бар иттилои дафтари матбуоти мақомоти вилояти Суғд, дар ноҳияи Куҳистони Мастчоҳ ба баргузории интихоботи Президенти Тоҷикистон, ки санаи 11-уми октябри соли 2020 баргузор мегардад, омодагӣ гирифтааст.

Президент Таджикистана Эмомали Рахмон
© Официальная страница пресс-службы президента РТ в Facebook.

Бино ба иттилои​ Ҳотамбек Аҳмадзода, роҳбари дастгоҳи раиси ноҳияи Кӯҳистони Мастчоҳ​ омодагиҳо ба интихоботи президентӣ дар сатҳи зарурӣ ба роҳ монда шуда, маводи иттилоотӣ дастраси аҳолӣ ва шиору овезаҳо дар гӯшаву роҳравҳо ва ҷойҳои ҷамъиятӣ насб гардидаанд.

Гуфта шудааст, ки дар ноҳияи Куҳистони Мастчоҳ як ҳавза ва 35​ участкаи интихоботӣ таъсис дода шудааст.

Шумораи умумии интихобкунандагон дар ҳавзаи №39-и ноҳияи Кўҳистони Мастчоҳ 14987 нафар буда, аз инҳо 429 нафарашон бори аввал дар интихобот ширкат мекунанд.

Мутобиқи қарори муштараки Маҷлиси миллӣ ва Маҷлиси намояндагони Маҷлиси Олии Ҷумҳурии Тоҷикистон аз 6 августи соли 2020 интихобот дар Тоҷикистон 11 октябри соли ҷорӣ баргузор хоҳад шуд.

0
Барчаспҳо:
мақомот, таъсис, участкаҳо, Интихоботи президентӣ, интихобот, Тоҷикистон