Памирская лига КВН

Аз бурди грин-корт то таҳдид ба волидон: дар Маскав финали Лигаи КВН Помир баргузор шуд

2226
(Таҷдидшуда 19:22 28.10.2019)
Аз лизгинка то версияи помирии Tic-tok, масхараи овозхонони фонограммасарою бурди грин-корт дар даври ниҳоии Лигаи КВН-и Помир тамошобинонро ба ваҷд овард

ДУШАНБЕ, 28 окт — Sputnik, Нилуфар Некқадам. Дар толори консертии "Оркестрион" - и Маскав, шоми 27 октябр даври ниҳоии Лигаи КВН-и Помир - 2019 баргузор шуд. Барои ҷоизаи асосии ин мавсим - 30 ҳазор рубли русӣ чор даста - Made in Pamir, Ростов-папа, Х ва Time Out рақобат карданд.

Барои дастгирӣ ва тамошои КВН мухлисони зиёд аз қабили дӯстон, пайвандон ва ҳамсабақони бозигарон ҷамъ шуданд.

Бархе аз тамошобинон ҳамроҳи кӯдакон ва бо аҳи оила ба КВН омада буданд. Дар байни мухлисон намояндагони дигар миллатҳо низ ба чашм мерасид, ки барои дастгирии ҳамсабақони худ ба КВН омаданд.

Бештари шухиҳои ҳозирҷавобон бо забони русӣ сурат гирифта, танҳо бархе аз онҳо бо забони тоҷикӣ ва англисию забонҳои помирӣ гуфта шуданд.

Дар мавсими нав ҳамагӣ ҳашт даста ҳунару маҳорати худро пешкаши мухлисон ва ҳаводорон гардонида буд: "Взрыватели могза", Made in Pamir, Ростов-папа, Х, Time Out, Горцы, Гуччи банда ва Кофе с молоком. Ба даври ниҳоӣ чор даста - Made in Pamir, Ростов-папа, Х ва Time Out роҳ ёфт.

Ин дастаҳо дар чор бахши даври ниҳоии Лигаи КВН Помир - муаррифӣ, лаҳзаи мусиқӣ, номгузории акс ва саволу ҷавоб бо толор, ҳушёрию зиракии худро нишон доданд.

Дастаи "Русмиҷоз", ки аз тимҳои дӯстдоштаи мардум аст ва мухлисони зиёд дорад, (аз ҳуштаккашии тамошбинон ва овоз додани номи гурӯҳ аён буд- шарҳ аз идора), танҳо ба сифати меҳмон чанд саҳнаеро барои гарм кардани толор пешкаши мухлисон гарониданд.

Аз гуфтори арманӣ то бурди грин-корт ва таҳдид ба волидон

Ҳар як даста кӯшиш мекард бо саҳнаҳои ҷолиб ҷасурию чолокӣ ва ҳушёрию зиракии худро ба ҳакамону тамошобинон нишон диҳад. Ҳунармандон тавонистанд шоми тоҷикони муқими Маскавро ба лаҳзаи хуби истироҳати бофароғат табдил диҳанд. 

Ҳамин тавр, саҳнаи таҳдиди писар ба волидон барои надодани маблағ бар ивази баҳои панҷи ҳунармандони дастаи Made in Pamir, ки аз ҷавонтарин ҳунармандон иборат буд, агар аз як тараф мардумро бо тарзи иҷрои нақш моту мабҳут, карда бошанд, аз тарафи дигар мавзӯи доғи рӯзро аз рӯзгори хонаводаҳои муосир нишон доданд.

"Биёред пулҳоямро- таҳдид мекунад писар бо таппонча". Падару модар ночор пулҳоро бароварда ба писарашон медиҳанд ва фикр мекунанд, ки бо ҳамин ҷанҷол хотима ёфт, вале писар дар охир тарафи падараш мегӯяд, "ман рафтам ба назди бибиии модариям. Ӯ гуфт агар назди бибии падарият наравӣ пул медиҳам", - мегӯяд қаҳрамон.

Дастаи Time Out бо касбияти худ аз дигар тимҳо фарқ мекард. Онҳо бо пешкаши саҳнае, ки дар он ҷуфти ҷавон, грин-корт бурд карда ва барои кӯчидан ба Амрико омодагӣ медиданд, мухлисонро хуб хандонданд. Ҳунармандон аз омехтаи калимаҳои русӣ, тоҷикӣ, шуғнонию англисӣ як муколамаи ҷаззоб омода карданд, ки шоми 27 октябрро ба 1 апрел табдил дод.

"Мотат тунд на фючеят на пастат на презент", (Мову ту на ҳозира на гузашта ва на оянда дорем), - мегӯяд дӯстдухтар, ки грин корт бурд кардаасту ҳамакнун ба Амрико рафтанист. Дар охир бо сурудани оҳанги ҳиндӣ ошиқу маъшуқ бо ҳам мемонанд.

Дастаи Х, ки сирф аз ҷинси латиф иборат буд, кӯшиш мекард бо саҳнаҳои худ аз дигар дастаҳо қафо намонад. Саҳнаи амалӣ кардани орзуҳои духтаре аз ҷониби "Ҷин", мардумро ба ваҷд овард, чун ҳам хандаовар ва ҳам тарбиявӣ буд.

"Ҷин ба ман ҳамсари пулдор лозим нест, чун  ҳушу гӯши ӯ фақат ба пул банд хоҳад буд, мехоҳам марди воқеъиро пайдо кунам", - мегӯяд қаҳрамони саҳна.

Дастаи Ростов-папа, ки аз худи Ростов на дону омада буданд, "фишка"-и худро дошт. "Как же южный край без армянина да родные", - (Чигуна мешавад, ки минтақаи ҷанубӣ бе арманиҳо бошад а бародарҳо), - мегуфт бо шӯхӣ духтаре, ки хеле ҷаззоб ба гуфтори арманиҳо тақлид мекард.

Дар умум, ширинии шӯхиҳои Лигаи КВН Помир дар он аст, ки онҳо ҳар як шӯхиро аз таҷрибаи зиндагии маъмулии мардуми Бадахшон ва Тоҷикистон омода мекунанд.

Баҳои ҳакамон ба дастаҳо

Даври ниҳоии Лигаи КВН Помирро шаш довар: президенти Федератсияи муҳоҷирати Русия Вадим Коженов, раиси созмони Нур - Маҳмаднасимов Карамшо, администратори Лигаи КВН Помир - Ҷорубова Фарида, раиси Кумитаи ҷавонон ва варзиши назди созмони Нур - Додихудо Додихудоев, намояндаи созмонҳои ҷамоатии Аълоҳазрат Оқохони IV дар Маскав - Олим Ширинбек ва рэпери ҷавон Амир баҳогузорӣ карданд.

Аз аввал ровии барнома, донишҷӯи РУДН, дандонпизишки ҷавон Усмон Майбалихонов ба гурӯҳҳо ҳушдор дод, ки баҳогузорӣ ҷиддӣ мешавад ва аҳли толорро даъват кард, то ҳамсолони худро дастгирӣ кунанд.

Ба гуфти раиси созмони Нур - Маҳмаднасимов Карамшо мақсади асосии баргузор кардани Лигаи КВН Помир фароҳам овардани шароит барои намоиш додани ҳунару истеъдоди ҷавонони тоҷик дар Маскав мебошад.

"Агар аз як ҷониб ин ҷавонон ҳунари худро пешкаши мардум кунанд аз тарафи дигар барои наврасон ва дигар ҳамсолонашон боиси ибрат хоҳанд шуд. Ин ҷо фикрронии ҷавонон ба таври возеҳ рушд мекунад. Ин барномаест, ки ҷавононро ба ҳам меорад ва миёни онҳо алоқаи зичи дустӣ барпо мекунад, ки аз ҳадафҳои аслии созмони Нур аст", - афзуд Маҳмаднасимов Карамшо дар суҳбат бо Sputnik Тоҷикистон.

Вадим Коженов президенти Федератсияи муҳоҷирати Русия аз баргузории ин гуна чорабиниҳо истиқбол карда, гуфт аз ширкат дар КВН хушҳол аст ва ҳамагонро ба сабқати варзишие, ки авоили моҳи декабр сурат мепазирад, даъват намуд.

Додихудо Додихудоев раиси Кумитаи ҷавонон ва варзиши назди созмони Нур ба ҳунари ҳамаи дастаҳо баҳои баланд дод ва даъват кард, ки дар оянда низ ҳунари худро тақвият диҳанд.

Ҳамин тавр, бо баҳогузории ҳакамон пирӯзӣ дар даври ниҳоии Лигаи КВН Помир -2019 насиби дастаи Time Out шуд.

Нигаронии муҳаррирон аз ҳунарнамоии дастаҳо

Ба гуфти Акмал Дилдорбек, муҳаррири Лигаи КВН Помир ва бозигари пешини дасти Time Out, ки шаш соли охир дар Русия ба сар мебарад ва аз даврони доишҷӯӣ дар Донишгоҳи техникии Тоҷикистон ба номи Осимӣ ва бозӣ дар дастаи "Мужской Манастыр" ба мухисонаш ошност, дастаҳо ба даври ниҳоӣ омодагии ҷиддӣ дида буданд, вале ноқисиҳои техникӣ дар толор дастаҳоро каме нороҳат карданд.

"Имрӯз дастаҳои моро, ки ҳар як узви онҳо хеле интизораш буданд ва ба он омодагии ҷиддӣ дида буданд, нуқсонҳои техникӣ нороҳат кард. Албатта бозигарони дастаи Time Out тавонистанд толорро гарм кунанд, вале дигар дастаҳо низ қобилияту имконият доштанд, ки хубтар бозӣ кунанд", - гуфт Акмал ва изҳори нигаронӣ кард, ки бархе аз гурӯҳҳо дар даври ниҳоӣ саҳнаҳоеро низ нишон доданд, ки аз санҷиши пешакии муҳаррирон нагузашта буд.

Ёсумин муҳаррири дигари Лигаи КВН Помир низ аз ҳунарнамоии дастаҳо изҳори хушнудӣ кард ва изҳори умед намуд, ки дастаҳо дар бозиҳои оянда худро беҳтар нишон хоҳанд дод.

Ба гуфти Акмал Дилдорбек, ки аз аҳволи КВН дар Тоҷикистон низ ба хубӣ воқиф аст, аксари ҳунарнмандони Лигаи КВН Помир ҳунари хуб доранд ва ҳатто дар бозиҳои дигар - берун аз Лигаи КВН Помир дар озмунҳои бонуфузи дохили Русиягӣ ширкат кардаанд. Ӯ мегӯяд, дар нақша ҳаст, чунин ҳунармандон дар оянда низ дастгирӣ шуда, ба сатҳи боз баландтар бароварда шаванд.

"Мо нақша дорем, Худо хоҳад як ҷашнвораи бузург ташкил намоем ва тамоми дастаҳои КВН - и Тоҷикистонро аз Суғду Душанбе ва ВМКБ ба Маскав даъват карда як базми шухӣ барпо кунем", - гуфт Акмал дар суҳбат бо Sputnik Тоҷикистон ва аз пайдо шудан дастаҳои нав дар Тоҷикистон ба мисоли "Территория юмора", gvc_dushanbe ва тарҳи "Дугонаҳо" дар Суғд, истиқбол кард.

2226
Барчаспҳо:
помир, Маскав, КВН
Награждение, архивное фото

Қадрдонии шоири тоҷик бо нишони "Наследие"

492
(Таҷдидшуда 16:52 23.11.2020)
Шоир ва рӯзноманигори тоҷик Карим Ҳайдар ба медали иттифоқи нависандагони Русия "Наследие" сазовор гардид

ДУШАНБЕ, 23 ноя — Sputnik. Шоир ва сармуҳаррири барномаҳои ахбори телевизиони "Тоҷикистон", Карим Ҳайдарро бо ситораи "Наследие" - 2020 қадрдонӣ мекунанд.

Қарори мукофотонидани шоири тоҷик дар Иттифоқи нависандагони Русия қабул гардид.

Ба гуфти шоир, ин мукофот дар маросими ҷоизасупории "Наследие" ба ӯ дода мешавад. Ин маросим баҳори соли 2021 бо ширкати фаъоли ҷамъиятӣ Мария Романова баргузор мешавад.

Қайд мекунем, ки ин дуввумин ҷоизаи шоир дар соли 2020 мебошад. Пештар шоир ва рӯзноманигори тоҷик Карим Ҳайдар ба медали иттифоқи нависандагони Русия "Сергей Есенин" сазовор гардид.

Шоири тоҷик Карим Ҳайдар ба медали "Сергей Есенин"-и Русия сазовор шуд

Шарҳи ҳоли Карим Ҳайдар

Карим Ҳайдар 6 январи соли 1961 дар Истаравшан дар оилаи рӯзноманигор Раҳим Ҳайдар таваллуд шудааст.

Шоир узви Иттифоқи нависандагон, Иттифоқи рӯзноманигорон ва аълочии телевизион ва радиои Тоҷикистон мебошад.

Соли 1983 факултаи забон ва адабиёти руси донишгоҳи давлатии Хуҷандро хатм карда, аз соли 2006 дар шабакаи телевизиони "Тоҷикистон" фаъолият мебарад.

Карим Ҳайдар муаллифи маҷмааҳои шеърии "Садои аҷдодон" ("Голоса предков"), "Қиссаи Ҳисор", ҳикояву очеркҳо мебошад, ки бештарагон дар маҷмааҳои кишварҳои ИДМ мунташир шудаанд.

Ӯ суруди миллии Тоҷикистонро ба забони русӣ тарҷума кардааст ва муаллифи филмҳои мустанади Роберт Рождественский", "Тимур Зулфиқоров", "Михаил Синелников - шоир ва тарҷумон" мебошад.

Гулчине аз ҳаёту эҷодиёти устод Гулназар Келдӣ-тасвирбаён

Афзун бар ин, Карим Ҳайдар барои  Донишгоҳи славянии Тоҷикистону Русия гимн навиштааст.

Бо медалҳои "Хизмати шоиста" ва  МГТРК "Мир" мукофотонида шудааст. Карим Ҳайдар соли 2018 ордени дараҷаи якуми "Достаевский"-и Русияро гирифта буд.

492
Барчаспҳо:
нишон, медал, шоир, Карим Ҳайдаров
Сцена из спектакля «Тартюф» (реж. Б. Миралибеков) Государственного таджикского русского драматического театра имени Вл. Маяковского. Фестиваль русских театров в Москве

Чӣ гуна ҳунармандони Душанбе тамошобинони Маскавро тасхир карданд

288
(Таҷдидшуда 11:50 21.11.2020)
Театри русизабони Тоҷикистон тавонист дар даврони ҳамагирии коронавирус тамошобинони Маскавро бо саҳнаҳои классикӣ шод кунад

ДУШАНБЕ, 21 ноя — Sputnik. Сафари ҳунарӣ дар шароити пандемия мушкил аст - марзҳо баста ё замони убури сарҳад риояи карантин ҳатмӣ мешавад.

Дар пасманзари баста будани парвозҳои мунтазам миёни Тоҷикистону Русия сафари ҳунарии хориҷ чанд маротиба лағв мешуд, вале дар охир кормандони театри ба номи В. Маяковский тавонистанд ба Русия бирасанд.

"Мо то охир умед доштем, ки метавонем биёем. Вале рӯзҳои охир вақте гуфтанд, ки дар Русия маҳдудиятҳо ҷорӣ мешаванд ва баргузории барномаҳои фарҳангӣ манъ мешавад, дар воқеъ хавотир шудем. Вале мо тамринро идома медонем ва бо дастгирии ВУХ Русия ва сафорати Тоҷикистон дар Маскав мо тавонистем сафар кунем", - нақл мекунад, ҳунарманди шоистаи Тоҷикистон, директори театри Маяковский Мунира Дадаева.

Вале ҳамагирии коронавирус тағйироти худро ворид кард. Ҳунармандон дар доираи ҷашнвораи "Сафарҳои бузург" бояд дар Ярославл, Киров ва Йошкар-ол ду саҳнаро бозӣ мекарданд. Вале дар ватани театр шаҳри Ярославл ба далели маҳдудияти карантинӣ баргузории барномаҳои фарҳангиро манъ карданд ва сафарро ба Маскав ба саҳнаи театри Еt Cetera ва "Современник", яке аз театрҳои машҳури кишвар гузарониданд.

Албатта бозӣ кардан дар театри Маскав дар шароити нав баргузор шуд - яъне толор бояд танҳо 25 дарсад пур мешуд ва ин навгониҳо ҳунармандонро ҳаяҷонзада кард.

"Албатта ҳар ҳунарманд мехоҳад дар толори пура за тамошобинон ҳунарнамоӣ кунад. Вале маълум аст, ки дар сурати ба саҳна баромадан тамошобинон чӣ гуна ҳунармандро пешвоз мегиранд. Ва моро толор бисёр гарм ва самимӣ пешвоз гирифтанд, - мегӯяд Дадаева. Росташро мегӯям - ҳайрониҳо буданд. Дар саҳнаи театри Лоҳутӣ девораҳо ба таври дигар гузошта шудаанд ва мо маҷбур шудем бархе аз лаҳзаҳои саҳнаро каме дигар ба саҳнаи ин ҷо мутобиқ кунем. Албатта мо ҳаяҷонзада шудем. Ин ку театри "Современник" аст. Хушбахтона ҳамааш хуб гузашт, умедворам ба маскавиҳо низ писанд омад".

Моҳпайкар Ёрова. Акс аз бойгонӣ
© Фото : Из личного архива Мохпайкар Еровой

Саҳна натанҳо ба маскавиҳо балки ба дигар тамошобинон низ, ки ҳунармандони тоҷик намоиш доданд, писанд омад. Ҳам ҳунармандон ва ҳам костюмерҳо аз таҳти дил кӯшиш кардаанд. Пӯшокҳои асри миёнаро чунон моҳирона омода кардаанд, ки рӯҳияи он замонро нишон медиҳад. Нақшҳои асосиро дар намоишнома ҳунармандони машҳури Тоҷикистон - Мустафоев, Ярмолик, Шукурова, Мурзинов, Андамбеков, Дадаева ва Бобоев бозиданд.

"Мардуми Киров моро бисёр гарм истиқбол карданд. Толорҳои пур аз тамошобинон моро барои бозӣ рӯҳбаланд мекарданд, то Тоҷикистонро бо ифтихор муаррифӣ кунем", - гуфт ҳунарманд Мустафоев бо таассуф аз он, ки танҳо ду маротиба саҳна намоиш дода мешавад.

Барои ҳунармандони ҷавон сафар ба Русия нахустин сафари ҳунарӣ буд ва намоишномаи театри ба номи Маяковский аз саҳнаи аслияш каме фарқ мекард.

"Мо "Ҳамлет" ва "Тартюф" - ро ба таври муосир рӯи саҳна гузоштем, махсусан пӯшокҳо ва декоратсияҳо. Ё масалан намошномаи Молер, ки ҳама дидани як персонаж Тартюфро одат кардаанд, вале дар намоишномаи мо ду персонаж нақш офарид. Дар умум зимни ҳунарнамоӣ дар назди тамошобинони Маскав ҳаяҷонзада мешавӣ, чун талаботи мардуми ин ҷо бештар аст. Мо доим ба ҳар намоиши худ хуб омодагӣ мебинем, вале ин ҷо ҳаяҷон бештар аст", - гуфт дар суҳбат бо Sputnik Тоҷикистон директори театр.

Ба гуфти ӯ ширкат дар фестивали "Болшие гастроли" - (Сафарҳои бузург) дар давраи ҳамагирии коронавирус дар воқеъ як нафаси тоза аст. Коронавирус натанҳо ба кори театр таъсир кард, балки ба барномаи онҳо низ тағйирот ворид намуд. Ҳамин тавр, ин замон дар театр саҳнаҳо барои кӯдакон ба намоиш гузошта намешаванд, чун волидон аз тарси сироят шудан ба коронавирус фарзандонашро дигар ба театр намебаранд.

Вале тарафи хубияш ҳам ҳаст. Ба мавҷи дуюми коронавирус нигоҳ накарда, тамошобинон пас аз чандин моҳи танаффус ташнаи ҳунар шудааанд ва эълонҳоро бодиққат пайгирӣ мекунад.

288
Барчаспҳо:
Маскав, тамошобинон, Театри Маяковский, театр
Самолет на закате, архивное фото

Парвозҳо миёни Тоҷикистону Миср имкон аст, роҳандозӣ шавад

0
Азсаргирии парвозҳо байни Душанбе ва Шарм-аш-Шайх масъалаи марказии мулоқоти намояндагони ду кишвар буд

ДУШАНБЕ, 24 ноя — Sputnik. Дар шаҳри Қоҳираи Миср сафири Тоҷикистон дар Миср Заробиддин Қосимӣ бо вазири туризм ва осори бостонии ин кишвар Холид Ал-Инонӣ мулоқот кард, хабар медиҳад хадамоти матбуотии Вазорати корҳои хориҷии Тоҷикистон.

Ба иттилои манбаъ, дар вохӯрӣ масоили ҳамкорӣ дар соҳаҳои сайёҳӣ, омӯзиши осори таърихию фарҳангӣ ва осорхонадорӣ баррасӣ шуданд.

“Бо  дарназардошти имкону захираҳои фаровони мавҷуда ҳар ду ҷониб омодагии худро ба таҳким ва густариши ҳамкорӣ таъкид доштанд”,-афзудааст манбаъ.

Вазорат ҳамзамон мегӯяд, зимни мулоқот зикр гардид, ки хатсайри ҳавоии Душанбе-Шармушшайх ва давраҳои кӯтоҳмуддати бозомӯзӣ дар Миср барои кормандони соҳаҳои сайёҳӣ ва осорхонадории Тоҷикистон бояд аз нав ба роҳ монда шаванд.

Дар поёни нишаст, Косимӣ ва Ал-Инонӣ омодагии худро барои таҳким ва тавсеаи ҳамкорӣ таъкид карданд. Ҳамин тариқ, Тоҷикистон ва Миср дар соҳаҳои сайёҳӣ, мероси таърихию фарҳангӣ ва корҳои осорхонаҳо ҳамкорӣ хоҳанд кард.

Хотиррасон мекунем, ки муносибатҳои дипломатии байни ҷумҳуриҳо 1 апрели соли 1993 барқарор карда шуд. Миср 1 январи соли 1992 истиқлолияти Тоҷикистонро эътироф кард. Дар давраи ҳамкориҳои байни кишварҳо нӯҳ санад ба имзо расидааст.

Рӯз ба рӯз: нашри ҷадвали нави парвозҳо аз Русия ба Тоҷикистон

Душанбеу Қоҳира дар соҳаҳои иқтисод, тиҷорат ва илму техника ҳамкорӣ мекунанд. Ғайр аз ин, дар соҳаи маориф табодули донишҷӯён сурат мегирад.

0
Барчаспҳо:
парвозҳо, ҳамкорӣ, Миср, Тоҷикистон