Чоршанбе Аловатов на конкурсе

Аловатов гуфт, дар даври ниҳоии озмуни Central Asia Got Talent ба кадом забон месарояд

3208
(Таҷдидшуда 18:09 21.12.2019)
Чоршанбе Аловатов - ҳунарманди ҷавон дар даври ниҳоии озмуни Central Asia Got Talent ба забони итолиёӣ месарояд

ДУШАНБЕ, 21 дек— Sputnik. Чоршанбе Аловатов дар суҳбат бо Sputnik Тоҷикистон дар бораи омодагии худ ба даври ниҳоии озмуни Central Asia Got Talent нақл кард.

Ба гуфти Чоршанбе дар даври ниҳоӣ ӯ ба забони итолиёӣ ва тоҷикӣ хоҳад сароид.

"Омодагиҳо хуб ҳаст. Ман бештар худам тамрин кардам. Суруд дар даври ниҳоӣ попурӣ мешавад - аввал ба забони итолиёӣ баъд ба забони тоҷикӣ", - гуфт Чоршанбе Аловатов, вале номи сурудро ишфо накард.

Чоршанбе айни замон дар Қазоқистон қарор дорад ва даври ниҳоии озмун дар шаҳри Нурсултон рӯзи 22 декабри соли 2019 баргузор мешавад. Бояд гуфт, ки рӯзи 22 декабр барои хонаводаи Аловатовҳо - ҳам барои Чоршанбе ва ҳам барои падараш сарояндаи номии Тоҷикистон Ақназар Аловатов рӯзи вижае мешавад. Ақназар Аловатов дар ин рӯз дар Маскав дар барномаи "Хушҳолӣ муборак" - ба муносибати Рӯзи мавлуди пешвои исмоилиёни ҷаҳонАълоҳазрат Оқохони IV ҳунарнамоӣ хоҳад кард.

Чоршанбе гуфт барои дастгирии ӯ аҳли хонавода - модар ва хоҳараш ба Қазоқистон рафтаанд.

Ғолиби озмуни Central Asia Got Talent тариқи овоздиҳӣ интихоб хоҳад шуд. 

Барои дастгирии Чоршанбе Аловатов аз дохили Тоҷикистон бояд рақами 02-ро ба 5021 равон кард. Тоҷикони Маскав метавонанд тариқи овоздиҳӣ дар торномаи Central Asia Got Talent Чоршанбе Аловатовро дастгирӣ кунанд.

Ёдрас мешавем, ки дар ду бахши аввали озмуни Central Asia Got Talent Чоршанбе Аловатов бо овоз ва тарзи иҷрои суруд доваронро шигифтзада карда буд.

Муъҷиза: Чоршанбе Аловатов бо суруди Далер Назаров доваронро шигифтзада кард - видео

Дар даври аввал Чоршанбе суруди Далер Назаров - "Агар он турки шерозӣ"-ро иҷро карду дар даври дуюм суруди шодравон Муборакшо "Акрамҷон"-ро сароида доварон ва тамошобинонро мафтуни худ гардонд
Аловатов суруди шодравон Муборакшоро хонд ва доваронро шигифтзада кард - навор

Central Asia's Got Talent - озмуни байналмилаллиест, ки дар беш аз 70 кишвари дунё баргузор шудааст. Ин бор ин озмуни бонуфуз дар чор кишвари Осиёи Марказӣ - Тоҷикистон, Узбакистон, Қирғизистон ва Қазоқистон ҳунар меҷӯяд.

Дар ин озмун ҳар нафаре, ки истеъдоди фавқуллода ё ҳунаре бартар аз дигаронро дорад, метавонад ширкат кунад. 

Ин шоуи телевизионӣ дар пайравӣ ба лоиҳаи маъруфи Britain’s Got Talent роҳандозӣ мешавад.  

Ҳунари довталабон аз ҷониби чаҳор довар, намояндагони чор кишвари иштирокчӣ баҳогузорӣ мешавад. Ба ҳайати ҳакамон Нурлан Абдулин - сарояндаи қазоқистонӣ, ровии телевизион, соҳибкор, Ситора Фармонова - ҳунарпешаи кино, ҳофиза ва ширинкори узбекистонӣ, Гулнур Сатилганова -сарояндаи қирғиз, Ҳунарманди халқии Ҷумҳурии Қирғизистон, Аловуддин Абдуллоев - ҳунарпешаи тоҷик, режиссёри филми мустана, ҳунарманди театр дохил шуданд.

Ҷоизаи асосии озмуни Central Asia's Got Talent 260 000 сомониро ташкил медиҳад.

То имрӯз Чоршанбе Аловатов дар озмунҳои гуногуни ватанӣ ва хориҷӣ ширкат кардаву соҳиби ҷоизаҳо шудааст. Чоршанбе ҳунарнамоиро дар саҳнаи бузург аз синфи шашум оғоз кардааст. Ҳунарманди ҷавон мегӯяд, чун аз падараш доим сурудҳои халқӣ ва фалак мешунид, дар озмунҳои аввал ҳам дар ҳамин жанр ҳунарнамоӣ кард.

Нахустин бор Аловатов соли 2011 дар озмуни "Овози тиллоӣ", дар жанри фалак ширкат карду соҳиби мақоми аввал шуд.Соли 2014 дар озмуни "Шукуфаҳои пойтахт" низ суруде дар жанри фалак иҷро кард ва мақоми аввалро аз худ намуд. 

Соли 2017 дар озмуни "Парвин" ҳунарнамоӣ карду боз соҳиби ҷоизаи асосии озмуни овозхонӣ гардид.

Имсол Чоршанбе аллакай услуби худро ёфта, дар жанри фюжен баромад кард ва дар озмуни  "Bob Music Awаrds 2019", ки даври ниҳоии он рӯзи 28 сентябри соли 2019 дар шаҳри Душанбе баргузор шуд, дар бахши "Беҳтарин овоз" мақоми аввалро соҳиб шуд.

Чоршанбе Аловатов кист?

Чоршанбе Аловатов ҳунарманди ҷавон, писари сарояндаи маъруф Ақназар Аловатов мебошад.

Ӯ 7 феравли соли 1998 дар шаҳри Хоруғи ВМКБ дар хонаводаи санъаткор ба дунё омадааст. То синфи панҷум дар мактаби шаҳри Хоруғ таҳсил карда, пас аз кӯчидан ба шаҳри Душанбе, дар мактаби рақами 72-и пойтахт то синфи 9-ум таҳсил кардааст.

Пас аз хатми синфи 9 Чоршанбе ҳуҷҷатҳояшро ба Коллеҷи санъати ба номи Аҳмад Бобоқулов супорида, онро дар бахши овозхонӣ хатм мекунад. То имрӯз Чоршанбе ба Узбакистон, Қирғизистон, Аморати Муттаҳидаи Араб ва шаҳрҳои гуногуни Русия сафар кардаасту мехоҳад боз бештар сайёҳат кунад. Аз ин рӯ айни замон донишҷӯи соли сеюми бахши сайёҳии Донишгоҳи санъати Тоҷикистон мебошад.

3208
Барчаспҳо:
даври ниҳоӣ, озмун, суруд
Нигина Амонкулова

Нигина Амонқулова суруди Муқаддас Набиеваро бозхонӣ кард - видео

664
(Таҷдидшуда 16:47 26.09.2020)
Сарояндаи шинохтаи мусиқии попи тоҷик Нигина Амонқулова суруди овозхони шаҳир Муқаддас Набиеваро бозхонӣ кард

ДУШАНБЕ, 26 сен - Sputnik. Нигина Амонқулова сарояндаи шинохтаи саҳнаи тоҷик рӯзи 25 сентябр суруду навори ҷадиде дар шабакаи Youtube нашр кард.

Ин бор сароянда суруди овозхони машҳур Муқаддас Набиева-"Тарки ёрӣ" - ро бозхонӣ кард.

Навор  рӯзи 25 сентябр дар шабакаи Youtube нашр шудааст. Дар давоми як рӯз ин сурудро беш аз 17 ҳазор кас тамошо карда ва зиёда аз 800 корбар писандидааст.

Бештари корбарони аз ҳунари Нигина тавсиф карда ӯро "нигини саҳнаи тоҷик" унвон кардаанд."Ман фахр мекунам ки дар Тоҷикисон ҳаминхел бонуи зебо бонуи ҳаматарафа аст. Дар ҳақиқкат Нигина нигини саҳнаи тоҷик аст", - навиштааст Бахтовар Боқиев.

"Legends live forever": тарҳи нави Нигина ва бозхонии таронаи машҳури Зафар Нозим

Файзинисо Зокирова ҳам аз бозхонӣ шудани суруди "Тарки ёрӣ" изҳори хушҳолӣ карда иҳзор доштааст, ки "солҳо интизор будам ки хамин суруди Муккадасро кӣ мехонда бошад".

Таронаи "Тарки ёрӣ" - ро ҳунарманд дар доираи тарҳи наваш "Legends live forever" бозхонӣ кардааст.

Ӯ дар доираи ин тарҳ қаблан таронаи ҳиндии "Yeh Mera Prem Patra Padhkar", суруди шодравон Зафар Нозим "Рафтам ба ҷустуҷӯят", "Зорӣ зорӣ кардам" - ро бозхонӣ карда буд.

Муқаддас Набиева аз сарояндагони саршиноси тоҷик ба шумор меравад. Ӯ дар саҳнаи эстрадаи тоҷик бо сурудҳое чун "Ҷони ман", "Тарки ёрӣ", "Боди сабо", "Ситораи ман" ва ғайраҳо машҳур аст.

Муқаддас Набиева дар овони ҷавонӣ дар синни 29-солагӣ дар авҷи шӯҳрат, дар паи садамаи нақлиётӣ соли 1979 ҷон бохт.

664
Барчаспҳо:
бозхонӣ, суруд, Нигина Амонқулова
Ҳунармандм мардумии Тоҷикистон Сурайё Қосимова

Издивоҷи Сурайё Қосимова бо ҷавони 32-сола - навори никоҳ корбаронро "шӯронид"

25372
(Таҷдидшуда 21:48 24.09.2020)
Дастикам аз 3 манбаъ дар сӯҳбат бо Sputnik Тоҷикистон тасдиқ кард, ки Сурайё Қосимова ҳунарманди мардумии Тоҷикистон шавҳар кардааст. Ин дар ҳолест, ки наворҳои зоҳиран тӯйи овозхон дар шабакаҳои иҷтимоӣ чарх мезанад

ДУШАНБЕ, 24 сен — Sputnik. Овозхони номдори тоҷик Сурайё Қосимова издивоҷ кард, хабар медиҳад саҳифаи tamoshow дар Инстаграм.

"Сарояндаи номдор Сурайё Қосимова бо марди 32-сола хонадор шуд. Шодбош мегӯем!", - менависад манбаъ.

Манбаи мазкур навореро низ  аз ин хонадоршавӣ нашр кардааст.

Дар он дида мешавад, ки Сурайё Қосимова дар сар чодар ва дар атрофаш духтаронаш ва дӯстонаш ӯро ба назди домод мебаранд. Дар паси парда домод дар интизори арӯс аст. Садои таронаи тӯёнаи Шабнам боло мешавад.

Дастикам 3 манбаи Sputnik Тоҷикистон ин хабарро тасдиқ карданд.

Нафаре аз доираҳои наздики Шабнами Сурайё, духтари номдори овозхон гуфт, дар ҳақиқат чанд рӯз пеш Сурайё Қосимова бо ҷавони 32-сола издивоҷ кард. 

Ба гуфтаи вай, ҷавон чанд сол ошиқи ҳунарманд буд. Ӯ номи домодро ифшо накард ва танҳо гуфт, ки ҷавон аз доираи ҳунармандон нест ва тоҷир аст.

"Дар шабакаҳои иҷтимоӣ менависанд, ки гӯё ҷавон барои пулу моли хонум Сурайё ӯро ба занӣ гирифтааст. Дурӯғи маҳз аст! Ҳаминро метавонам гӯям, ки ӯ солҳо боз ошиқи Сурайё Қосимова буд ва худаш ҳам марди доро аст", - мегӯяд зан.

Навори аз ин маросим нашршуда дар шабакаҳои иҷтимоӣ ғавғоеро бархезонидааст. Корбарони шабакаҳои иҷтимоӣ Сурайё Қосимоваро, ки 62 сол дорад, Алла Пугачёваи тоҷик номидаанд.

"Ишқи пирӣ гар биҷунбад...", - навистааст як корбари Фейсбук.

"Чаро ба Алла Пугачева мумкин аст, ба Юлдуз Усмонова мумкин аст, ба Сурайё Қосимова не?!", - менависад нафари дигар.

Аммо нафароне низ пайдо шудаанд, ки дахолати дигаронро ба ҳаёти шахсии ҳунарманд танқид карда, ба навхонадорон хушбахтӣ тамано кардаанд.

"Ҷавон чандин солҳост, ки ӯро дӯст медорад. Мардум, ором шавед. Бигзор онҳо ҳаёти шахсии худашонро дошта бошанд. Кордор нашавед", - як зан.

 

25372
Работники морга погружают гроб с погибшим от коронавируса, архивное фото

1 фавт ва 43 ҳолати ҷадиди гирифторшави ба коронавирус дар Тоҷикистон: вазорат тасдиқ кард

0
Шабонарӯзи гузашта аз маризии сироятии коронавирус дар Тоҷикистон боз як нафари дигар ҷон супорид. Вазорат низ хабари фавти маризи коронавирусро тасдиқ кард

ДУШАНБЕ, 25 сен - Sputnik. Вазорати тандурустӣ омори як рӯзи ахири гирифторшавӣ, фавт ва шифоёбӣ аз маризии коронавирусро нашр намуд.

Бар хабари котиботи вазорати мазкур, шабонарӯзи гузашта аз ин маризӣ боз як нафар ҷон бохта, ҳамзамон 43 мавриди нави гирифторшавӣ ба қайд гирифта шуд.

Манбаъ меафзояд, дар муддати аз 30 апрел то 26 сентябр шумораи гирифторони коронавируси нав ба 9 605 нафар расид.

Зимнан, аз ин беморӣ то кунун 8385  ё худ 87,3 дарсади гирифторон шифо ёфта, 75 нафар фавтиданд.

"Шабонарӯзи охир 97  нафар гумонбарон зери назорати табибон қарор дошта, 44 нафар баъд аз муолиҷа ба хонаҳояшон рухсат дода шуданд", - таъкид мешавад дар хабари манбаъ.

Феълан Ҳукумати  Тоҷикистон ҷиҳати пешгирӣ ва табобати коронавируси нави CОVID-19 тамоми тадбир ва чораҳои заруриро амалӣ менамояд.

0
Барчаспҳо:
омор, маризӣ, Тоҷикистон
Мавзуҳо:
Пайомадҳои COVID-19 дар Тоҷикистон ва ҷаҳон