Таджикская актриса Мохпайкар Ёрова, архивное фото

Сӯҳбати Моҳпайкар аз хиёнати шавҳару хушдомани золим: дигар ба марде бовар надорам

5366
(Таҷдидшуда 17:32 16.01.2020)
Моҳпайкар Ёрова мегӯяд, ҳарчанд 20 сол пеш аз шавҳараш ҷудо шуд, то ҳол натавонист ба марде дил бандад. Пешниҳодҳо зиёд буданд, ҳатто мардҳо мехостанд маро зани дувум кунанд, аммо ман ҳамчун зан ба худ ин чизро иҷозат намедиҳам, мегӯяд вай

ДУШАНБЕ, 16 янв — Sputnik. Моҳпайкар Ёрова ҳунарманди машҳури театр ва кино дар барномаи "Ногуфтаҳо"-и Орзу Исоев сӯҳбати ҷолибу дидание анҷом додааст.

Ӯ дар "Ногуфтаҳо" аз зиндагии шахсиаш гуфтааст. Ҳунарманд нақл кардааст, ки чигуна марди орзуҳояшро пайдо кард, дӯст дошту хонадор шуд, сипас зиндагонии мушкилеро аз сар гузаронид, ба ҳамаи ин тоб овард, аммо хиёнати шавҳарро бахшида натавонист ва дар натиҷа 20 сол аст, ки танҳост.

Ба нақли Ёрова, ӯ бо марди орзуҳояш дар Омӯзишгоҳи олии театри ба номи Шепкини Маскав вохӯрд. 

"Ман соли 1987 ба донишгоҳи Маскав дохил шудам. Рӯзи аввале, ки мо ба донишгоҳ ворид шудем, шавҳари ояндаам маро дида ошиқ шудааст. Сипас ман ҳам ба вай дил бастам", - мегӯяд вай.

Моҳпайкар мегӯяд, ҷавони ошиқ аз Туркманистон буд. Ӯ ба Душанбе ба хостгорӣ меояд ва соли 1993 онҳо тӯй карда, ба Ишқобод мекӯчиданд.

"Хонадони шавҳарам маро хуб қабул накарданд. Хушдоманам бо ман умуман гап намезад. Хӯроки дилҷустамро хӯрда наметавонистам ва ба ман иҷозат ҳам набуд. Хело харобу лоғар шудам, то дараҷае, ки вақте ба Душанбе омадем, модарам маро нашинохт", - меафзояд вай.

Ҳунарманд гуфтааст, аз ин марҳилаи мушкили зиндагӣ низ гузашт, онҳо ба Душанбе кӯчиданд, ба Моҳпайкар падараш мошину хона харид ва шавҳараш тиҷорати худро ташкил кард. 

"Зиндагиам хуб буд, аммо шавҳарам муфлис шуд ва мо хонаву мошинамонро фурӯхта, ба қарзҳои ӯ додем. Аммо мушкилӣ сари дигар чиз сар зад. Муносибати ману шавҳарам сард гашт  ва вақте хабардор шудам, ки вай ба ман хиёнат мекунад, аз ӯ ҷудо шудам", - ба хотир меорад Ёрова.

Моҳпайкар Ёрова: ҳунари ман даҳ сол зери парда нуҳуфта буд

Ҳунраманд аз марди туркманистонӣ, ки тоҷик будааст, ду фарзанд дорад. Ӯ мегӯяд, шавҳараш баъди бист сол боз дар зиндагиаш пайдо шуд, аммо ӯ ва писаронаш вайро қабул накарданд. 

"Ман ӯро кайҳо бахшидаам, аммо дилам аз мардҳо мондааст. Ба ман пешниҳоди издивоҷ зиёд мекунанд, бахусус пешниҳоди зани дувум шудан, аммо ман ба худ ин чизро иҷозат намедиҳам", - қайд мекунад ӯ.

Ёрова гуфтааст, ки ба ҳамаи омаду ноомадҳои зиндагӣ нигоҳ накарда, аз ҳаёташ розӣ ва хушбахт аст.

5366
Овозхон Фаридуни Хуршед

Фаридуни Хуршед аз таваллуди фарзандаш хабар дод - навор

653
Овозхон охирҳои июли соли 2019 бори севум издивоҷ карда буд. Он замон расонаҳо навишатанд, ки тӯйи овозхона хоксорона ва бидуни иштироки овозхонҳои машҳур баргузор гардид

ДУШАНБЕ, 22 июл - Sputnik. Фаридуни Хуршед, овозхони попи тоҷик хабар додааст, ки ӯ боз падар шуд.

Ӯ дар саҳифаи Инстаграм навишт, ки имрӯз, 22 июл соҳиби писар шуд.

"Ин рӯз барои ман боз ҳам рӯзи хурсандиву хушбахтист. Фарзанди азизам Баёзид ба дунё омад. Қудуми некат муборак бошад, азизи падар. Мухлисои азизам дар хурсандии ман шарик бошед", - навиштааст вай.

Дар шабакаи иҷтимоӣ бештар аз 500 нафар зери ин хушхабари овозхон шарҳ навишта, ӯро шодбош гуфтаанд.

Ёдрас мешавем, Фаридуни Хуршед собиқ ҳамсари овозхон Фарзонаи Хуршед соли гузашта баъди ҷудо шудан аз ӯ, бори севум издивоҷ карда буд.

Он замон расонаҳо навиштанд, ки тӯйи Фаридун хоксора баргузор гардида, исми ҳамсари севумаш расонаӣ нест.

Фаридуни Хуршед аз издивоҷи дувумаш соҳиби як писар ва як духтар аст.

653
Курбанова Фарахноз, студент 1 курса бакалавриата

Аз интихобам розиям: чигуна донишҷӯёни тоҷик дар Русия таҳсил мекунанд - акс

262
Донишҷӯёни тоҷик, ки дар Донишгоҳи технологии Русия таҳсил мекунанд, дар бораи ҳаёти донишҷӯӣ ва раванди таҳсил дар Маскав нақл карданд

ДУШАНБЕ, 2 июл — Sputnik. Донишҷӯёни тоҷик, ки дар Донишгоҳи технологии Русия - МИРЭА таҳсил мекунанд, дар бораи таҳсил дар муҳити байналмилалӣ нақл карданд. 

Имрӯзҳо дар донишгоҳи мазкур ҳудуди 200 донишҷӯи тоҷик таҳсил мекунанд, ки дар оянда дар соҳаҳои телекоммуникатсия, автоматика, кибернетика, радиотехника ва электроника мутахассис хоҳанд шуд.

Чунончи, донишҷӯи курси дувуми магистратура дар саҳаи "технологияи кимёвӣ" Солиҷон Собиров мегӯяд, то дохилшавӣ ба МИРЭА дар Донишгоҳи техникии Тоҷикистон ба номи Муҳаммад Осимӣ таҳсил мекард.

Солижон Собиров, студент 2 курса магистратуры,
Солижон Собиров, студент 2 курса магистратуры,

Ӯ ду сол пеш факултаи энергетикаи донишгоҳро хатм карда, мақсад дошт ба кор дарояд, аммо қарор дод, ки дар Маскав ба бахши магистратура дохил мешавад.

"Мехостам донишамро дар ду самт комил кунам. Феълан ман ду маълумот, муҳандис-энергетик ва химик-технолог дорам. Фикр мекунам, ки ин хело хуб аст", - мегӯяд ҷавон.

Ҳоло Солиҷон дар хобгоҳ зиндагӣ мекунад, идрорпулӣ мегирад, муваққатан худро дар Русия ба қайд гузоштааст. Ин донишҷӯи тоҷик кам-кам кор ҳам мекунад.

"Агар донишҷӯ дар ҳақиқат аз нигоҳи молиявӣ ба мушкилӣ дучор шавад, касе аз ин ҷиҳат ба вай кӯмак накунад ё дар хонаводаашон мушкилии иқтисодӣ бошад, пас вай метавонад дар 11 моҳ як маротиба аз донишгоҳ кӯмак хоҳад. Маблағе ки донишгоҳ медиҳад, кам нест", - меафзояд ӯ.

Солиҷон мегӯяд, вақти бештарашро барои таҷрибаомӯзӣ дар донишгоҳ мегузаронад, аммо барои дӯстӣ бо донишҷӯён ва бозии футбол ҳам вақт меёбад.

Дигар донишҷӯи тоҷик Фараҳноз Қурбонова дар курси аввал таҳсил мекунад. Ӯ ҳам мегӯяд аз интихоби касб ва донишгоҳаш розӣ аст.

Ин духтари тоҷик хатмкардаи Литсейи президентӣ барои хонандагони лаёқатманд аст. Ӯ мехостааст пас аз хатми мактаб ба факултаи муҳандисиву барномарезӣ дохил шавад, барои ҳамин донишгоҳи технологии Русияро интихоб кардааст.

"Ман ки аз кишвари хориҷ ба Русия омадаам, дар хобгоҳ зиндагӣ мекунам. Ба донишҷӯёни хориҷӣ дар бахши авали таҳсил стипендия медиҳанд, баъдҳо ҳаҷми он аз худи донишҷӯй вобаста аст", - мегӯяд Фараҳноз.

Духтарак қайд мекунад, ки бартарии дигари таҳсил дар ин донишгоҳ пайдо кардани дӯстон аз кишварҳои хориҷ аст. Фараҳноз дӯстони ӯзбекистонӣ, белорус, украинӣ, қазоқистонӣ, аз Ветнам, Чин ва албатта Русия дорад.

Танҳо дар як Донишкадаи Тоҷикистон наздик ба 500 донишҷӯ аз Узбакистон дохил шуданд

"Ман ин ҷо худамро дар байни дӯстон пайдо кардам. Ман бо онҳо ба ибтидои нардбони муваффақиятҳоям қадам мегузорам. Агар хоҳӣ, ки ояндаи хушбахт дота бошӣ, бояд хонӣ ва меҳнат кунӣ. Боварӣ дорам, ки дар МИРЭА ба тамоми орзуҳоям мерасам", - мегӯяд Фараҳноз хушбинона.

 

262

Бомбандози Су-27 ду ҳавопаймои ҷосусии Амрикоро забт кард - видео

0
(Таҷдидшуда 18:56 09.08.2020)
Бомбандози Русия СУ-27 ду ҳавопаймои ҷосусии Амрикоро дар манотиқи бетарафи Баҳри Сиёҳ, забт кард. Низомиёни Амрикоро Қувваҳои дифоъи ҳавоии Русия ошкор карданд ва ба ҳаво бархостанд

"Экипажи бомбандози Русия оҳиста -оҳиста ба ҳавопаймо наздик шуда, онҳоро чун ҳавопаймои ҷосусии - RC-135 ва Р 8А "Посейдон" муайян кард. Нақзи марзи давлатии Федератсияи Русия аз ҷониби ҳавопаймоҳои ҷосусии Амрико иҷозат дода намешавад", - гуфт Вазорати дифоъи Русия.

Ин дуюмин қазияи ҳавоӣ дар масири Баҳри Сиёҳ мебошад. Бори аввал СУ-27 - RC-135 ва Р 8А "Посейдон" - ро ҳафтае пеш забт карда буд. Иғвогарӣ дар сарҳади Русия ҳамоно бештар мешавад.

Миёнаҳои моҳи июл бомбандозони Русия аз болои Баҳри Сиёҳ ду ҳавопаймои ҷосусӣ - боз ҳам ҳамон - Р 8А "Пасейдон" ва U-2S забт карданд.

Моҳи июн Қувваҳои ҳавоии Русия бомбандозони ИМА B-52H-ро забт карда буданд. Онҳоро ҳавопаймоҳои Су-30, Су-35 ва МиГ-31 ҳамроҳӣ карданд.

Моҳи май халабонони Русия бомбандози ИМА B-1B - ро дар масири Баҳрҳои Сиёҳ ва Балтик забт карда буданд.

Пас аз ҳар амали иғвогарона амрикоиҳо Русияро бидуни ҳеҷ далел, дар рафтори ношоям гунаҳкор мекунанд.

Вазорати дифоъи Русия ин айбдориро беасос мехонанд ва қайд мекунанд, ки доим тибқи меъёрҳои байналмилалӣ амал менамоянд.

Ин амалҳои иғвогарона авзоъи минтақаро муташанниҷ мегардонад. Вале бад шудани вазъият ва натиҷаҳои бебозгаштро танҳо бо касбияти халабонони Русия мешавад бартараф кард.

 

 

 

 

 

 

 

 

0
Барчаспҳо:
халабон, ҳавопаймо, Русия