Бозгашти Абдурозиқ ба зодгоҳи худ шаҳри Панҷакент

Абдурозиқ меҳмонхона месозад: изи пои Алӣ (а), шоҳи кофир ва қурутоби "девона" - видео

6732
(Таҷдидшуда 18:33 24.01.2020)
Абдурозиқ дар навори охирин аз зодгоҳаш, дар бораи изи пои ҳазрати Алӣ (а), шоҳи кофир ва қурутоби "девона" нақл мекунад

ДУШАНБЕ, 24 янв — Sputnik. Абдурозиқ наврасе, ки чор моҳи пеш аз сӯи гурӯҳи репсарои Барон ба Душанбе оварда шуд, пас аз гузоштани рекорд дар шабакаи Youtube ба Панҷакент баргашту нақшаҳои навашро гуфт.

Ахиран суруду намоҳангҳои Абдурозиқ ва Барон аз сербинандатарин маводҳо миёни сурудҳои тоҷикӣ дар Youtube  шуд.

Абдурозиқ дар филми охирин аз зодгоҳаш дар бораи нақшаи худ-сохтмони меҳмонхона гуфта тарзи омода кардани қурутобро ба ҳаводоронаш нишон дод.

Ба гуфти Абдурозиқ ба зодгоҳи ӯ деҳаи Ғиждарва  сайёҳони зиёде меоянд, вале ин ҷо меҳмонхонае нест, ки онҳо тавонанд бароҳат шабро саҳар кунанд.

"Мо, насиб бошад мехоҳем як меҳмонхонае созем, ки сайёҳон дигар дар зери сангҳо хоб нараванд", - мегӯяд Абдурозиқ.

 Абдурозиқ ҳамчунин дар ин филми кӯтоҳ дар бораи маконҳои тамошобоб ва муъҷизаноки зодгоҳаш аз ҷумла - изи по ва асои ҳазрати Алӣ (а) ва чароҳгоҳҳое, ки ӯ нахустин сурудҳояшро сароида буду дар интернет машҳур шуд, нақл мекунад.

Ӯ ҳамчунин ба ҳаводорони худ тарзи омода кардани қурутоби ба гуфти худаш "девона" - ро нишон медиҳад, ки аз фатир, оби қурут, пиёз ва гӯшти дар равғани зард зирбонидашуда, омода мешавад, нишон дод.

Абдурозиқ ҳоло сокини 17-солаи шаҳри Панҷакент аст, вале сабаби қадпастии ӯро волидонаш ба бемории рахит рабт медиҳанд, ки аз овони хурдсолӣ дучори он шудаву онҳо он замон имкони табобаташро надоштанд.

Вале бо ин вуҷуд Абдуроззиқ як наврасе, ки ақлу хотираи қавӣ дорад ва суҳбатҳояш хеле ширин аст. Ҳатто ҳозирҷавобу чаққон аст.

Ӯ сурудхониро хеле дӯст медорад. Бо дарки ин ҳама вижагиҳо Барон, ӯро ба ҳамкорӣ хоста, худаш сарпарастии ӯро ба зимма гирифта ба Ғиждарва омаду Абдурозиқро ба Душанбе бурд.

Барон ва Абдурозиқ ҳамроҳ чанд суруд сапт кардаанд.

Нахуст суруди “Ватан - Модар” , ки нашри он ҳанӯз дар рӯзҳои аввал марзи як милион тамошобинро дар Youtube гузашт.

Маро тоқа намон: нашри суруду намоҳанги нави Абдурозиқ-видео

Ё худ суруди “Оҳанги дили зор”-и Абдурозиқро то ин муддат 2, 7 милион нафар тамошо кардаанд, ки ба қавле "инқилоб" дар ҷодаи сарояндагӣ дар Youtube гуфта мешавад.

Ҳатто нашри навори охирон аз зодгоҳи Абдурозиқ, ки рӯзи 21 январ нашр шудааст то имрӯз ду рӯз дар  бештар аз 120 ҳазор нафар тамошо карда, 7 ҳазори дигар мақбул дониста ва даҳҳо корбари дигар ба маҳорати сурудхонии Абдурозиқ ибрози назар намудаанд, ки далели таваҷҷӯҳи зиёди мардум ба ҳунару маҳорати сурудхонии ӯ мебошад.

6732
Барчаспҳо:
Панҷакент, зодгоҳ, меҳмонхона
Донишҷӯи тоҷик Ҷуманазар Қурбонназаров дар Хабаровск соҳиби ҷоизаи миллии Россия — «Донишҷӯи хориҷии сол – 2020» гардид

Донишҷӯи тоҷик дар Русия барандаи ҷоизаи "Донишҷӯи хориҷии сол 2020" шуд

627
(Таҷдидшуда 12:50 20.10.2020)
Донишҷӯи тоҷик Ҷуманазар Қурбонназаров дар Хабаровск соҳиби ҷоизаи миллии Русия — "Донишҷӯи хориҷии сол – 2020" гардид

ДУШАНБЕ, 20 окт – Sputnik. Дар шаҳри Хабаровски Русия марҳилаи минтақавии озмун барои Ҷоизаи миллии Рсия — "Донишҷӯи сол – 2020" ба анҷом расид, ки дар он ҷавони тоҷик Ҷуманазар Қурбонназаров пирӯз шуд, хабар медиҳад торномаи Донишгоҳи давлатии шаҳри Комсомолски лаби Амур.

Ин озмун аз ҷониби Созмони ҷамъиятии умумирусиягии "Иттиҳоди ҷавонони Русия" дар якҷоягӣ бо KSAU "Маркази минтақавии ҷавонон оид ба иҷтимоӣ ва саломатӣ" баргузор карда шуд.

Тибқи иттилои манбаъ, озмуни "Донишҷӯи сол-2020" аз рӯи номинатсияҳои инфиродӣ ва коллективӣ дар байни муассисаҳои таҳсилоти олии касбӣ ва ташкилоти таҳсилоти касбии ҳудуди минтақаи Хабаровск доир гардид.

Дар ин озмун Донишгоҳи давлатии шаҳри Комсомолски лаби Амур ва маҳфили ҷавонони тоҷик дар минтақаро донишҷӯи факултаи энергетика ва менеҷменти Донишгоҳи мазкур Ҷуманазар Қурбонназаров  намояндагӣ кард.

Аз рӯи натиҷаҳои ҷаласаи ҳакамон миёни донишҷӯёни 11 донишгоҳи минтақа, донишҷӯи тоҷик Ҷуманазар Қурбоназаров барандаи ҷоиза дар бахши "Донишҷӯи хориҷии сол – 2020" гардид.

"Бо боварӣ метавонам бигӯям, ки Донишгоҳи давлатии шаҳри Комсомолски лаби Амур, имкон медиҳад, ки орзуҳои инсон амалӣ шавад. Ман аз соли 2018 инҷониб дар озмун ширкат мекардам ва бо ҳайрат ба иштирокчиёни дар саҳна буда, назар мекардам. Ман хеле мехостам, ки ба манфиати донишгоҳ кор кунам ва фарҳангу анъанаҳои мардуми тоҷикро дар байни ҷавонон маъмул кунам"  , - гуфт Қурбонназаров.

Ёдовар мешавем, ки даври ниҳоии озмуни "Донишҷӯи сол-2020" аз 14 то 19 ноябр дар шаҳри Маскав баргузор мешавад.

627
Барчаспҳо:
донишҷӯи тоҷик, Русия, сол, донишҷӯй, донишҷӯй
Нигина Амонкулова

"Гуфтиву накардӣ" : нашри суруди ҷадиди Нигина Амонқулова - видео

1264
(Таҷдидшуда 20:12 18.10.2020)
Нигина Амонқулова сарояндаи шинохтаи саҳнаи тоҷик, суруди ҷадиди худро таҳти унвони "Гуфтиву накардӣ" нашр кард

ДУШАНБЕ, 18 окт — Sputnik. Нигина Амонқулова овозхони шинохтаи Тоҷикистон, дар саҳифаи Qiam Entertainment дар Ютуб, суруд ва намоҳанги нави худро пешкаши мухлисонаш гардонидааст.

Навори суруд дирӯз, 17 октябр дар шабакаи Youtube нашр шудааст. Дар давоми як рӯз ин сурудро беш аз 84 ҳазор кас тамошо карда ва зиёда аз 2 ҳазор корбар писандидааст.

Ногуфта намонад, ки ин суруди Нигина Амонқулова низ дар доираи тарҳи нави сароянда бо ширкати Qiam Entertainment сабт шудааст.

Маллифи суханони суруд Орзу Исоев буда, оҳангашро Даврони Раҳматзод эҷод кардааст. Ин суруд дар бораи ошиқест, ки маъшуқаашро қадр намекунад. 

Ёдрас мешавем, ки чанде пеш сароянда тарҳи нави худ -  "Legends live forever" оғоз кард, ки дар доираи он сурудҳои машҳури ситораҳои номдори шарқро бозхонӣ мекунад. Ба гуфти Нигина ин тарҳро ба ӯ ширкати  Qiam Entertainment, ки сароянда аз оғози соли 2020 бо он ҳамкорӣ дорад, пешниҳод кардааст.

То ҳол Нигина сурудҳои сарояндаҳои шодравон  - Аҳмад Зоҳир, Муқаддас Набиева, Зафар Нозим, Муҳаммадрафеъ ва Аминҷон Сабуриро, ки ба гуфти худаш аз ҳама бештар писандаш ҳастанд, иҷро кардааст.

Нигина Амонқулова суруди Муқаддас Набиеваро бозхонӣ кард

Нигина Амонқулова дар доираи ин тарҳи ҷадид, нахустин бор ба забони ҳиндӣ сароид. Ҳамчунин дар баробари зинда кардани ёди ҳунармандони қадимӣ, Нигина дар доираи ин тарҳ, се суруди ҷадиди худро низ месарояд.

1264
Барчаспҳо:
Тоҷикистон, нав, ҷадид, нашр, Нигина Амонқулова
Школьники, архивное фото

Роҳбари СҶБ аз кишварҳо хост дари макотибро барои чанд моҳ банданд

0
(Таҷдидшуда 19:36 24.10.2020)
Роҳбари Созмони ҷаҳонии бедошт ба роҳбарони аксар кишварҳо муроҷиат намуда гуф, ки вақтҳои охир суръати паҳншавии вируси COVID - 19 бениҳоят нигаронкунанда аст. Аз ин рӯ, ӯ хост дари мактабҳо баста шавад

ДУШАНБЕ, 24 окт — Sputnik. Тедрос Аданом Гебреисус роҳбари СҶБ ҳушдор додааст, ки чанд моҳи ахир вазъи коронавирус дар ҷаҳон шадид хоҳад шуд. Ба гуфтаи ӯ, дари макотибу донишгоҳҳо бояд барои чандр моҳи оянда баста шавад. Дар ин бора роҳбари СҶБ зимни ҳамоише дар Женева ибрози назар намуд.

Тедрос мегӯяд, якчанд моҳи ахир вазъи паҳншавии коронавирус шаддид мешавад.

"Мо дар чорроҳаи муҳим барои пандемияи COVID-19 қарор дорем, алахусус дар нимкураи Шимолӣ. Чанд моҳи оянда хеле душвор хоҳад буд ва баъзе кишварҳо дар траекторияи хатарнок қарор доранд", - ҳушдор дод Гебрейесус.

Бисёре аз кишварҳо ба болоравии шадиди беморӣ дучор меоянд, чунин вазъ метавонад ба зудӣ захираҳои системаи тандурустиро тамом кунад, гуфт роҳбари СҶБ. Вай аз пешвоёни ҷаҳон даъват кард, ки аз бадтарин ҳолат бояд пешагӣ ҷилавгирӣ кард ва "барои роҳ надодани ба шумораи зиёди маргу мир, бояд дари мактабҳо баста шавад".

Зимнан, роҳбари СҶБ дарост намуд, ки ба аҳолӣ вазъияти аслӣ дар робита ба паҳншавии вирусро бояд гуфт ва аз мардум ягон чизро набояд пинҳон кард.

Ӯ ҳамзамон ба дастгирӣ намудани башарият ҷиддан таъкид кард.

Коронавирус: Сомон ва Комроншоҳ ба мусобиқаи Grand Slam нарафтанд

Тибқи иттилои Созмони ҷаҳонии беҳдошт то кунун дар саросари олам 42 миллиону 499 ҳазору 679 нафар ба вируси  Covid-19 сироят шудаанд. Танҳо шабонарӯзи гузашта ба ин вирус боз 130 ҳазору 989 нафар мубтало гардиданд.  Аз оғози пандемия дар олам аз коронавируси нав 1 миллиону 149 ҳазору 383 нафар фавтидаанд. Ин манбаъ ҳамчунин аз пурра муолиҷа шудани 31 миллиону 430 ҳазору 288 нафар хабар дод

0
Барчаспҳо:
баста, мактаб, маризӣ, СҶБ
Мавзуҳо:
Пайомадҳои COVID-19 дар Тоҷикистон ва ҷаҳон