Ҳунраманд Ҷонибек Муродов

Ҷонибек аз як соли шогирдӣ дар масҷид, масрафи 2 миллион доллар дар саҳнаву бемориаш-видео

6887
(Таҷдидшуда 17:04 22.09.2020)
Ҷонибек Муродов, сарояндаи саршиноси мусиқии попи тоҷик дар мусоҳибаи ахираш чанд ногуфтаҳояшро ба мухлисонаш нақл кардааст. Ӯ иқрор шудааст, ки то пурра ба роҳи сарояндагӣ рафтан, соле дар масҷид улуми дин меомӯхт

 ДУШАНБЕ, 22 сен — Sputnik. Ду рӯз пеш мусоҳибаи ихтисосии рӯзнаманигор Мубориз Усмонов дар барномаи "Имшаб" бо сарояндаи саршинос Ҷонибек Муродов дар шабакаи Ютуб нашр гардид.

Дар ин барнома Муродови хурдӣ чанд сирреро, ки то ҳол мухлисонаш намедонистанд, ошкор кардааст. Аз ҷумла ӯ дар бораи оғози фаъолият, чанд соли илмомӯзӣ дар масҷид, масрафи 2 миллион доллар барои сабти суруд, намоҳанг ва сафарҳои эҷодӣ ва ду соли бемориаш нақл кардааст.

Ҳамсароиҳо бо сарояндаҳои Ӯзбекистон аз ҷониби кӣ пешниҳод мешаванд?

Ба гуфтаи овозхон тамоми ҳамкориҳо бо овозхонҳои ӯзбекистонӣ - Сардор Раҳимхон (суруди "Дӯстон"), Улуғбек Раҳматуллоев (суруди "Боре бедорам") ва Юлдуз Турдуева (таронаи "Азизи дилам") бо пешниҳоди ду тараф сурат гирифтанд.

"Мо бо Сардор дар Тошканду Самарқанду Бухоро бисёр во мехӯрдем ва орзу доштем, ки дуэт сароем. Улуғбек пеш аз консерти ахираш оҳангеро равон кард ва пешниҳод кард, ки ҳамроҳ хонем. Ба ман ҳам писанд омад. Юлдуз низ оҳанги "Азизи дилам"-ро ирсол намуд ва ман бо ҷону дил қабул кардам", - қайд мекунад Ҷонибек Муродов.

Як соли таҳсил дар масҷид

Овозхон, ки роҳи эҷодиашро аз гурӯҳи "Боло" сар кардааст, мегӯяд, дигар ҳаммаслаконаш дар ин гурӯҳи наврасон роҳи тиҷоратро пеш гирифтанд ва ҳоло соҳибкорони муваффақ мебошанд. 

Ӯ бошад сипас бо ҳунарманди марҳум Ҳасани Вализод гурӯҳи "Вазир"-ро ташкил кардаву ду сол дар ин ҳайат эҷод кардааст ва пас аз пошхӯрии ин гурӯҳ соле дар андешаи интихоби ояндаи худ гаштааст. 

"Падарам мегуфтанд, ки то 21-сола нашавӣ, ҳамчун Ҷонибек Муродов баромад накун. Ман баъди пошхӯрии "Вазир" танаффус кардам, ҳар рӯз дар масҷид будам. Қариб ду -се сол ҳам буд, ки ба масҷиди Нури Хуҷанд  мерафтам. Баъди як сол фаҳмидам, ки ман сароянда мешавам", - нақл мекунад ҳунарманд.

Сарфи 2 миллион доллар дар роҳи санъат

"Ман фаъолияти эҷодиамро бо 5 ҳазор доллар сар кардаам, он ҳам бошад мошинеро ки модарам дар зодрӯазм тӯҳфа карда буданд, фурӯхтам. То имрӯз дар роҳи фаъолияти эҷодӣ 2 миллион доллар сарф кардаам", - меафзояд вай.

- Чаро робитаҳои эҷодӣ якбора бо Шабнами Сурайё канда шуданд?

- Ҳар як чиз вақти худро дорад. Бо Шабнам мо инқлоб ҳам кардем гӯям хато намекунам. Аммо ҳамсароӣ баъзан ба дили мардум мезанад. Бояд ҳамавақт навигарӣ бошад. Шартнома 3 сол буд. Гапҳое буданд, ки ман Шабнамро ё ӯ маро машҳур кард. Лекин мо ҳар яке дар роҳи худ ва бо номи худ муваффақ шудем.

Беморие, ки ду сол тӯл кашид ва шавқи табибӣ

Овозхон мегӯяд, ки қариб 10 сол бетанаффус кор кард, аммо рӯзе аз пой афтод. Ҳамон вақт фаҳмид, ки саломатӣ муҳим аст ва мехоҳад дар оянда касби дувумаш табибӣ бошад.

"Соли 2015 буд, ки дучори бемории наве шудам. Он ба табибон маълум аст. Фишорам 200 мешуд, тапиши дилам тез мегашт. Фикр мекардам, ки ҳозир мемирам ва аз ҳамин сабаб дар дилам тарс пайдо мешуд. Бо он ду сол мубориза бурда, сиҳат шудам", - қайд мекунад ҳофиз.

Ҷонибек Муродов дар анҷом ба суоли ровӣ дар бораи зиндагии шахсиаш посух додааст, ки як сол пеш бори дувум оила барпо кард, хушбахт аст, аммо зиндагии хонаводагиашро расонаӣ намекунад ва дар интизори фарзанд мебошад.

Ҷонибек Муродов зидди сурудхонии занон: саҳна ҷойи зан нест

6887
Донишҷӯи тоҷик Ҷуманазар Қурбонназаров дар Хабаровск соҳиби ҷоизаи миллии Россия — «Донишҷӯи хориҷии сол – 2020» гардид

Донишҷӯи тоҷик дар Русия барандаи ҷоизаи "Донишҷӯи хориҷии сол 2020" шуд

512
(Таҷдидшуда 12:50 20.10.2020)
Донишҷӯи тоҷик Ҷуманазар Қурбонназаров дар Хабаровск соҳиби ҷоизаи миллии Русия — "Донишҷӯи хориҷии сол – 2020" гардид

ДУШАНБЕ, 20 окт – Sputnik. Дар шаҳри Хабаровски Русия марҳилаи минтақавии озмун барои Ҷоизаи миллии Рсия — "Донишҷӯи сол – 2020" ба анҷом расид, ки дар он ҷавони тоҷик Ҷуманазар Қурбонназаров пирӯз шуд, хабар медиҳад торномаи Донишгоҳи давлатии шаҳри Комсомолски лаби Амур.

Ин озмун аз ҷониби Созмони ҷамъиятии умумирусиягии "Иттиҳоди ҷавонони Русия" дар якҷоягӣ бо KSAU "Маркази минтақавии ҷавонон оид ба иҷтимоӣ ва саломатӣ" баргузор карда шуд.

Тибқи иттилои манбаъ, озмуни "Донишҷӯи сол-2020" аз рӯи номинатсияҳои инфиродӣ ва коллективӣ дар байни муассисаҳои таҳсилоти олии касбӣ ва ташкилоти таҳсилоти касбии ҳудуди минтақаи Хабаровск доир гардид.

Дар ин озмун Донишгоҳи давлатии шаҳри Комсомолски лаби Амур ва маҳфили ҷавонони тоҷик дар минтақаро донишҷӯи факултаи энергетика ва менеҷменти Донишгоҳи мазкур Ҷуманазар Қурбонназаров  намояндагӣ кард.

Аз рӯи натиҷаҳои ҷаласаи ҳакамон миёни донишҷӯёни 11 донишгоҳи минтақа, донишҷӯи тоҷик Ҷуманазар Қурбоназаров барандаи ҷоиза дар бахши "Донишҷӯи хориҷии сол – 2020" гардид.

"Бо боварӣ метавонам бигӯям, ки Донишгоҳи давлатии шаҳри Комсомолски лаби Амур, имкон медиҳад, ки орзуҳои инсон амалӣ шавад. Ман аз соли 2018 инҷониб дар озмун ширкат мекардам ва бо ҳайрат ба иштирокчиёни дар саҳна буда, назар мекардам. Ман хеле мехостам, ки ба манфиати донишгоҳ кор кунам ва фарҳангу анъанаҳои мардуми тоҷикро дар байни ҷавонон маъмул кунам"  , - гуфт Қурбонназаров.

Ёдовар мешавем, ки даври ниҳоии озмуни "Донишҷӯи сол-2020" аз 14 то 19 ноябр дар шаҳри Маскав баргузор мешавад.

512
Барчаспҳо:
донишҷӯи тоҷик, Русия, сол, донишҷӯй, донишҷӯй
Нигина Амонкулова

"Гуфтиву накардӣ" : нашри суруди ҷадиди Нигина Амонқулова - видео

1124
(Таҷдидшуда 20:12 18.10.2020)
Нигина Амонқулова сарояндаи шинохтаи саҳнаи тоҷик, суруди ҷадиди худро таҳти унвони "Гуфтиву накардӣ" нашр кард

ДУШАНБЕ, 18 окт — Sputnik. Нигина Амонқулова овозхони шинохтаи Тоҷикистон, дар саҳифаи Qiam Entertainment дар Ютуб, суруд ва намоҳанги нави худро пешкаши мухлисонаш гардонидааст.

Навори суруд дирӯз, 17 октябр дар шабакаи Youtube нашр шудааст. Дар давоми як рӯз ин сурудро беш аз 84 ҳазор кас тамошо карда ва зиёда аз 2 ҳазор корбар писандидааст.

Ногуфта намонад, ки ин суруди Нигина Амонқулова низ дар доираи тарҳи нави сароянда бо ширкати Qiam Entertainment сабт шудааст.

Маллифи суханони суруд Орзу Исоев буда, оҳангашро Даврони Раҳматзод эҷод кардааст. Ин суруд дар бораи ошиқест, ки маъшуқаашро қадр намекунад. 

Ёдрас мешавем, ки чанде пеш сароянда тарҳи нави худ -  "Legends live forever" оғоз кард, ки дар доираи он сурудҳои машҳури ситораҳои номдори шарқро бозхонӣ мекунад. Ба гуфти Нигина ин тарҳро ба ӯ ширкати  Qiam Entertainment, ки сароянда аз оғози соли 2020 бо он ҳамкорӣ дорад, пешниҳод кардааст.

То ҳол Нигина сурудҳои сарояндаҳои шодравон  - Аҳмад Зоҳир, Муқаддас Набиева, Зафар Нозим, Муҳаммадрафеъ ва Аминҷон Сабуриро, ки ба гуфти худаш аз ҳама бештар писандаш ҳастанд, иҷро кардааст.

Нигина Амонқулова суруди Муқаддас Набиеваро бозхонӣ кард

Нигина Амонқулова дар доираи ин тарҳи ҷадид, нахустин бор ба забони ҳиндӣ сароид. Ҳамчунин дар баробари зинда кардани ёди ҳунармандони қадимӣ, Нигина дар доираи ин тарҳ, се суруди ҷадиди худро низ месарояд.

1124
Барчаспҳо:
Тоҷикистон, нав, ҷадид, нашр, Нигина Амонқулова
Президент Кыргызстана Сооронбай Жээнбеков и премьер-министр Садыр Жапаров на внеочередном заседании Жогорку Кенеша в госрезиденции Ала-Арча. Архивное фото

Жээнбеков аз тарс истеъфо дод? ҷавоби Ҷопаров

0
(Таҷдидшуда 00:24 21.10.2020)
Содир Ҷопаров ба хабарнигори Al Jazerra дар бораи иттиҳомоте, ки гӯё ӯ ва тарафдоронаш бо роҳи тарсонидан сари қудрат расидаанд, тавзеҳ дод

ДУШАНБЕ, 20 окт — Sputnik. Иҷрокунандаи вазифаи Президенти Ҷумҳурии Қирғизистон Содир Ҷапаров дар мусоҳиба бо шабакаи телевизионии Ал Ҷазерра гуфт, ки ҳеҷ кас собиқ кишвардор - Сооронбай Жээнбековро барои истеъфо натарсонда буд.

 

Сооронбой Жээнбеков истеъфо дод: вакилон қарсак заданд

Хабарнигор аз Ҷапаров дархост намуд, ки иттиҳомот алайҳи ӯ ва тарафдорона, ки гӯё бо роҳи тарсондан сари қудрат омаданд, тавзеҳ диҳад.

"Сару садоҳо дар мавриди он ки, гӯё ман бо роҳи таҳдиду зӯроварӣ сари қудрат омадам, нодуруст аст. Агар мо метарсондем ва таҳдид мекардем, президенти фирорӣ Жээнбеков барнамегашт. Мо ба ӯ пешниҳод кардем то биёяд ва мушкилиро аз роҳи қонунӣ ҳал кунем, нагузорем, ки корхонаҳо аз кор монанд ва иқтисодиёт сукут кунад.... Ҳамаи кор бо музокирот анҷоми. Касе дасту пойи ӯро тоб надода буд", - шарҳ дод Ҷопаров.

Сарвазир ҳамчунин таъкид намуд, ки баъзе одамон дидаву дониста маълумоти бардурӯғ паҳн мекарданд, ки гӯё ҷонибдорони ӯ аснои эътирозҳо сангу шиша ҳаво медоданд.

Ёдовар мешавем, дар Қирғизистон пас аз интихоботи парлумонӣ, ноамниҳо сар заданд ва дар фарҷом кишвардор Сооронбой Жээнбеков истеъфо дод.

0
Барчаспҳо:
истеъфо, Сооронбой Жээнбеков