Раъно Насриддинова, барандаи шоҳҷоизаи озмуни Фурӯғ

Барандаи Шоҳҷоизаи “Фурӯғ” аз зебоии олами адабиёту муҳити хароби фарҳангӣ дар шаҳр гуфт

1846
(Таҷдидшуда 00:08 25.12.2020)
Раъно Насриддинова, хонандаи синфи 11 аз мактаби № 28 - и шаҳри Панҷакент, баъди даҳ рӯзи сафар, бо беҳтарин дастовез аз шаҳри Душанбе ба зодгоҳаш шаҳри Панҷакент баргашт

ДУШАНБЕ, 24 дек – Sputnik. Чанде пеш озмуни “Фурӯғи субҳи доноӣ китоб аст” дар шаҳри Душанбе ҷамъбаст гардид.

Зуҳри рӯзи 22 декабр ба истиқболи Раъно Насриддинова ва дигар барандагони озмун масъулини ҳукумати шаҳри Панҷакент чорабинии фарҳангӣ доир намуданд.  

Олами адабиёт, зеботар аз интернет аст

Sputnik Тоҷикистон баъди бозгашти Насриддинова аз Душанбе ба Панҷакент бо барандаи “Шоҳҷоиза” -и озмун суҳбат доир намуд.

Раъно Насриддинова, хонандаи синфи 11-и мактаби № 28-и ҷамоати деҳоти Моғиёни шаҳри Панҷакент ва дорандаи “Шоҳҷоиза” мегуяд,  озмуни “Фурӯғ” дар миёни ҷавонони кишвар як таҳаввулотро ба вуҷуд овардааст.

"Рӯ овардан ба адабиёти миллат бисёр муҳим аст. Нисбат ба он, ки ба техника ва хонаи интернет зиёд фурӯъ равем, олами адабиёт хубтар ва зеботар аст”, - иброз намуд барандаи “Шоҳҷоиза”. 

Ишқи кӯдакӣ ба китоб

Раъно Насриддинова иброз медорад, ки шавқи китобхонӣ аз замони кӯдакӣ барояш зуҳур кардааст.

Барандаи “Шоҳҷоиза” таъкид меварзад, дар як солу ду сол тайёрӣ дидан ба ин ин гуна озмуни бузург кори душвор аст ва ҳар касе, ки мехоҳад дар ин инчунин чорабиниҳо номвар шаваду  ҷоиза ба даст орад, бояд меҳру муҳаббати комил ба адабиёт дошта бошад: “Бе заминаи хурдсолӣ ба китобхонӣ ба муваффақият ноил шудан кори душвор аст”.

Раъно дар дурдасттарин деҳот таҳсил мекунад. Ин хонандаи мактаб аз рӯи номинатсияи адабиёти ҷаҳон миёни бештар аз 260 муаллими макотиб ва донишомӯзони донишгоҳҳо ғолиби мутлақ эълон шуд. 

Насриддинова ба суоли Sputnik Тоҷикистон, ки чи гуна аз хурдсолӣ ба осори адибони ҷаҳон дастрасӣ пайдо намудаст, гуфт, ки решаи ин падида дар тифлӣ дар қалбаш сабзидааст. Аз кӯдакӣ ба ҷамъ намудани осори адибони ҷаҳон мурур карда, ба ин ҳол аз онҳо самара андухтааст.

“Ман аз хурдсолӣ ба ҷамъ намудани осори адибони ҷаҳон сар кардаам. Ҳадди ақал тарҷумаи русии онҳоро ҷамъ мекардам ва ба худам мегуфтам, ки вақте бузургсолтар шудам инҳоро мутолиа мекунам. Ҳамон захираҳои солҳои хурдӣ ба ман, барои тайёрӣ дидан ба ин озмун махсусан дар номинатсияи чаҳорум имконият дод”, - нақл кард Насриддинова.

Дар шаҳрҳо бояд муҳити фарҳангӣ барқарор кард

Ғолиби “Шоҳҷоиза” интихоб намудани китоб аз рӯи категорияҳоро як кори басо душвор номид. Ӯ гуфт, тавсияаш барои онҳое, ки китобҳои хуб ёфта, мехонанд ин аст, ки бештар руҷӯъ кунанд ба муаллифи асарҳо.

Зеро вақте, ки шарҳи ҳоли муаллифро мехонед, адабиётшиносону муқарризон  дар бораи ҷанбаҳои асари нависанда ё шоир дар бораи фантазия, лирика, драматизм ё идеализм таъкид мекунанд. Кадом ҷанбаи адабие, ки ба дарди худи хонанда хурад аз рӯи тарҷумаи ҳоли муаллиф, аз рӯи ақидаву андешаҳое, ки муаллиф дар замони зиндагиаш дошт, метавонанд интихоб кунанд.

Насриддинова дар бораи коҳиши шавқи китобхонии ҷавонон дар кишвар изҳори назар кард. Хароб будани муҳити фарҳангӣ дар шароити шаҳр, мегӯяд, ӯ боиси косташавии шавқии ҷавонон ба китобхонӣ шудааст. 

"Дар ҷомеаи Тоҷикистон китобхонҳо аз байни мардум ба ҳайси истисноӣ фарқ накунанд ва мо ҳама бояд ба китобхонӣ  рӯ биёварем. Ман фикр мекунам, ки агар ҳар хонаводаи тоҷик солим бошад ва китобхон бошад беҳтарин замина фароҳам мешавад ба ояндаи фарзандони онҳо”.

Ин хонандаи синфи 11-и шаҳри Панҷакент дар суҳбат гуфт, ки идеяи сохтмони китобхона дар зодгоҳаш аз ҳисоби маблағи ҷоизааш ақидаи худаш аст. Насриддинова зимни суҳбат мақсадашро баён дошт, ки бо бунёди китобхона дар оянда чӣ мехоҳад.

“Мақсади ман аз иҷрои ин кор, пеш аз ҳама ҷалби ононе, ки дар рушди соҳаи фарҳанг ва адабиёт имкониятҳои зиёд доранд, мебошад. Ин кор заминаеро барои кӯдакон дар рустоҷойҳо муҳити ободу солимеро барои китобхонӣ фароҳам хоҳад намуд”,- таъкид меварзад барандаи озмуни “Фурӯғ”.  

Раъно Насриддинова, барандаи “Шоҳҷоиза”-и озмуни беҳтарин китобхон кист?

Насриддинова Раъно Хуршедовна санаи 28 майи соли 2003 дар деҳаи Сори шаҳри Панҷакент дар оилаи омӯзгор таваллуд шудааст. Падараш Хуршед Насриддинов собиқ омӯзгори фанни физика буда, ҳоло дар соҳаи алоқа кор мекунад. Модараш Розия Нисоева аст.

Духтараки панҷакентие, ки Раҳмонро бо шеърхонияш дар ҳайрат гузошт, Шоҳҷоиза гирифт

Ӯ мегӯяд, баъди хатми мактаб ба Донишгоҳи миллии Тоҷикистон дохил шуданист.

Донандаи хуби забонҳои русӣ ва англисӣ аст ва бо се забон шеър менависад.

Раъно Насриддинова моҳи сентябри соли ҷорӣ дар даври вилоятии озмуни “Фурӯғи субҳи доноӣ китоб аст” дар шаҳри Хуҷанд бар ҳамаи иштирокдорони озмун ғолиб дониста шуда, дар умум 28 ҳазор сомонӣ ҷоиза ба даст оварда буд.

1846
Барчаспҳо:
китоб, Тоҷикистон
Концерт в память барда Лидуша Хабибо в Душанбе, Далер Назаров

Назаров дар бораи убури марзи Ӯзбекистон, вохӯрӣ бо роҳбарону лағви консерташ дар Бухоро

1662
(Таҷдидшуда 18:17 12.01.2021)
Далер Назаров, ҳунарманди маъруфи тоҷикистонӣ пас аз чанд сол бори нахуст дар Ӯзбекистон ҳунарнамоӣ кард. Ӯ ин сафарашро олиҷаноб хондаву гуфтааст, барои консерти лағвшудааш дар Бухоро, дубора ба ин кишвар хоҳад баргашт

ДУШАНБЕ, 12 янв — Sputnik. Овозхон ва оҳангсози шинохтаи тоҷик Далер Назаров, ки охирҳои моҳи декабр дар Ӯзбекистон консерт гузошт, таассуроташ аз ин сафари ҳунариашро нақл кардааст.

Ҳунарманд дар саҳифаи Инстаграмаш, ин сафарро ба шаҳрҳои Тошканду Самарқанд пур аз эҳсоси наҷибу хурсандӣ хондааст.

Вай гуфтааст, сафар ба Ӯзбекистон, ҳарчанд дер боз дар нақша буд, якбора сурат гирифт.

"Ба назарам чунин менамуд, ки ба ин мулоқоти ҷолиб бо тамошобинони Ӯзбекистон бояд омодагии тӯлонӣ бошад. Хусусан, пас аз он ки сарони давлатҳои мо монеаи байни моро бартараф карданд, ки ба ҳама хурсандии зиёд овард ва ман ин ҳодисаро дар солҳои охир матлубтарин ва хурсандибахш мешуморам", - қайд кардааст ӯ.

Далер Назаров омили асосии рушд накардани эстрадаи тоҷикро тавзеҳ дод

Вай афзудааст, ки "новобаста аз пандемия ва баста будани марзҳо, марзбонон  моро хушҳолона пешвоз гирифтанд ва пас аз гузаштани тамоми расмиятҳо ба сарзамини ошно ворид шудем".

"Дар чашми пешвозгирандагон як ҳаяҷон ва тантана намудор мешуд, дар дили мо бошад ҳеҷ "мову шумо"-е набуд, танҳо шодӣ аз вохӯрии деринтизор буд", - афзудааст Далер Назаров.

Овозхон таъкид кардааст, ки дар Самарқанду Тошканд вақташ хуш ва пур аз муҳаббат гузашт. Аммо ҳунарнамоияш дар шаҳри Бухоро бо сабабҳои номаълум лағв шуд.

Хоҳишмандон зиёд шуданд: Далер Назаров дар Тошканд ду рӯз консерт медиҳад

"Мутаассифона, консерти мо дар Бухоро, ки хело интизорамон буданд, лағв шуд. Сабабашро намедонем, аммо медонем, ки вохӯрӣ дар ин шаҳр дар сатҳи олӣ албатта мешавад", - таъкид мекунад ӯ.

Овозхон, қайд кардааст, ки дар давоми ин сафар бо табақаҳои гуногун, аз ҷумла аз роҳбарон то ошпазҳову савдогарон мулоқот дошт.

"Ман инро барои он мегӯям, ки касеро махсус интихоб накардем, ҳама бидуни ягон маҷбурӣ хурсанду самимӣ буданд", - таъкид мекунад ҳунарманд.

Далер Назаров афзудааст, ки то ҳол ба унвонаш "мактубҳои саршор аз меҳру муҳаббат мерасанд ва дар оянда ин ҳама самимият дар таронаҳои тозааш дарҷ хоҳанд шуд".

1662
Барчаспҳо:
консерт, таассуроти нахустин, Ӯзбекистон, Далер Назаров
Манижа Давлат, архивное фото

Рақси Манижа Давлат ба навор афтод - видео

9123
(Таҷдидшуда 17:41 12.01.2021)
Сарояндаи саршиноси тоҷик Манижа Давлат, ки солҳост тарки саҳна кардаву дар ягон чорабинии фарҳангӣ ширкат намекунад ва аз наворбардорьӣ дурӣ меҷӯяд, дар шабнишиние ба навор афтод

ДУШАНБЕ, 3 янв — Sputnik. Ахиран мудели машҳури тоҷик Парвина Саидова дар сториси instagram-аш навореро нашри кард, ки дар он ҳамроҳи Манижа Давлат зери навои эронӣ чарх мезананд.

Манижа Давлат дар навбати худ дар сториси instagram-аш барои ташкили ин шабнишинӣ аз Парвина Саидова сиосгузорӣ карда ин рӯзро аз хушбахтарин лаҳзаи ҳаёташ гуфтааст.

"Агар инсон мехостааст барои як лаҳзаи хушбахии дӯсташ, дар як шаб дар байни ҳамагӣ чанд соат чӣ корҳоеро ичро намекардааст...Бо вуҷуди он қадар исрори на гуфтани ман, ту барои як шаб хурсандии ман хамаи инро муҳайё кардӣ, чанд сол буд, ки чунин хурсанд набудам...Дӯстам, хоҳарам аз ту миннатдорам, дили маро як лаҳза шод кардӣ бигзор Худованд шодии ду дунёро барои туву фарзандонат ато кунад",- навиштааст Манижа дар саҳифаи instagram-и худ.

Корбарони интернет ҳадс задаанд, ки ин шабнишинӣ шояд зодрӯзи Манижаи Давлат бошад, ки 31 декабр ба дунё омадааст, вале Парвина Саидова дар посух ба ин савол гуфтааст, ки ин танҳо як базми хонаводагӣ буд.

Манижаи Давлат 31 декабри соли 1982 дар шаҳри Кӯлоб ба дунё омада, соли 1999 мактаби рақами 8-и шаҳри Кӯлобро хатм кардааст.

Соли 2006 бошад риштаи журналистикаи Донишгоҳи давлатии миллии Тоҷикистонро поён бурдааст.

Манижа Давлат дар авоили соли 2000-ум рӯи саҳнаи ҳунар омад ва дар фурсати кӯтоҳе миёни сокинони кишвар ва форсзабонҳо маҳбубият пайдо кард.

Ӯ дар соли 2002 консерти нахустини худро дар "Кохи Борбад"-и Душанбе баргузор карда, ҳамон сол албоми таронаҳояшро низ бо номи "Сарнавишти ман" пешкаши мухлисонаш кард.

Манижа аз камтарин овозхонҳое ҳаст, ки солҳои дароз дар саҳна нест, вале маҳмубияташ ҳамоно кам нашудааст.

9123
Барчаспҳо:
Манижа Давлат, Парвина Саидова, Душанбе
Покупатель на рынке Мехргон в Душанбе

Соли қиматӣ: нархи чиҳо чӣ қадар болову пойин рафтааст? омори расмӣ

0
(Таҷдидшуда 18:53 16.01.2021)
Додаҳои оморӣ нишон медиҳанд, ки қимати маҳсулоти ниёзи аввали мардум дар Тоҷикистон соли гузашта як болоравии бесобиқаеро таҷриба кардааст

 ДУШАНБЕ, 16 янв – Sputnik. Бино ба иттилои Агентии омори назди президенти Тоҷикистон, шуруъ аз оғози соли 2020 аз гуруҳу намудҳои асосии маводи ғизоӣ бештар аз ҳама афзоиши нархи маҳсулоти рӯғаниву чарбу (42,2%), шакар (40,7%), картушка (19,8%), тухм (18,9%), маҳсулоти нонвоӣ (13,8%), гӯшт (5,7%), меваҷот (4,7%), ширу маҳсулоти ширӣ (4,3%) иттифоқ афтодааст.

“Моҳи декабри соли 2020 аз байни маҳсулоти ғизоии мушоҳидашуда муҳиммтарин афзоиш дар қимати лиму - 24.3% , помидор - 8.2%, равғанӣ - 6.5% , бодиринг - 6.2% , шир - 5.5% , равғани растанӣ - 4.5% , себ - 2.2% , лубиё - 0.9% ва гӯшти гӯсфанд - 0.3% падид омадааст”, - иттилоъ медиҳад агентӣ.

Ҳамзамон, қиматҳои моҳи гузашта барои карам - 4.3, орди гандуми дараҷаи 1 - 3.5, пиёз - 3.4, , сабзӣ - 2.0 шакар - 0.6, гӯшти гов - 0.5 ва тухми мурғ - 0.4 дарсад коҳиш ёфтааст.

Дар ҳамин ҳол, бино ба иттилои агентӣ, тайи соли 2020 беш аз ҳама равғани пахта - 50,7, равғани растанӣ - 42,6, шакар - 40,7, гандуми сиёҳ (гречка) - 38.7, макарон - 30.0, картошка - 19.8, тухми мурғ - 18.9, орди гандуми дараҷа 1 - 16.4, нахӯд - 16.0, равғани маска - 14.3 , сабзӣ - 12.7 , гӯшти гӯсфанд - 8.5% , себ - 7.3%, гӯшти гов - 6.2% ва шир - 5 , 6% боло рафта, дар баробари ин қимати бодиринг - 49.9%, пиёз - 21.2% ва карам - 5.9% коҳиш ёфтааст.

Бензин арзон шуд Шохисҳои қимати маҳсулоти ғайриғизоӣ дар декабри соли 2020 0.6% афзоиш ёфтааст, аз он ҷумла пӯшоку кафш - ҳар кадом 0.9% , қисмҳои эҳтиётии нақлиётӣ - 0.6% ва бензин - 0.7%. Дар канори ин, қимати гази моеъ 1.2 дарсад коҳиш ёфт.

Дар соли 2020 шохисҳои қимати маҳсулоти ғайриғизоӣ 5.8%, умдатан ба далели болоравии қимати маводи шуст (10.1%), масолеҳи сохтмонӣ (8.0%), доруворӣ (7, 8%), қисмҳои эҳтиётии нақлиётӣ - 6.6%, матоҳо - 5.1%, кафшҳо - 4.8% , пӯшок - 4.3% ва гази моеъ - 4,2% афзудааст.

Шаҳрдорӣ гуфт, нархи кадом маҳсулот дар Душанбе чӣ қадар боло рафтааст

Ҳамзамон, коҳиши қимати сӯхти дизелӣ - 17.2 ва бензин - 13.8 дарсад мушоҳида шуд. Шохисҳои қимат ва таруфаҳои хизматрасониҳои пулӣ, ки дар декабри соли 2020 ба мардум ироа мешавад, 0.2% афзоиш ёфтааст. Дар соли 2020 қиматҳо ва таруфаҳои хизматрасониҳои пулӣ, ки ба таври куллӣ ба мардум ироа мешавад, 4.0% афзоиш ёфтааст, аз ҷумла ҳазинаи сафари ҳавоӣ - 30.0% ва хадамоти маошӣ - 6.7%.

0