Тахмина Раҷабова, ҳунарпешаи тоҷик

Рост: Таҳмина Раҷабова хабар дод, ки дар интизори фарзанд аст

2686
(Таҷдидшуда 19:32 30.01.2021)
Таҳмина Раҷабова, ҳунарманди номии тоҷик, собиқ ровии телевизион хабар дод, ки дар интизори фарзанди дувумаш аст

ДУШАНБЕ, 30 янв  — Sputnik. Таҳмина Раҷабова, ки аллакай солҳо мардуми Тоҷикистон ӯро на танҳо чун ровии барномаи иттилоотӣ, балки актрисаи боистеъдод мешиносанд, ба ҳаводоронаш хушхабар расонид.

Ӯ имрӯз дар саҳифаи Инстаграмаш хабар дод, ки дар интизори фарзанди дувумаш аст.

Посмотреть эту публикацию в Instagram

Публикация от Тахмина Раджабова (@tahmina_rajabova_)

Ӯ дар шабакаи иҷтимоӣ аксашро гузоштаву дар шарҳи он пеш аз ҳама "бале рост аст, ман ҳомиладорам" навиштааст.

"Барои он рост аст менависам, ки шумо борҳо дар нақшаҳоям ҳомила дидаед", - навиштаву афзудааст, ки ин дафъа "Худованд ба ҷои ӯ тамоми қарорҳоро қабул кард".

"Барои хело ғайричашмдошт буд. Ҳоло дар моҳи нуҳум қарор дорам ва дар интизори мӯъҷизаи хурдакак ҳастам", - қайд кардааст ӯ.

Пештар бонуи ҳунар дар бораи аз ҳамсари аввалаш ҷудо гаштану бори дувум хонадор шуданаш хабар дода буд.

Ӯ гуфта буд, ки бо шавҳари дуюмаш то ҳол ягон фарзанд надоранд ва  пас аз хатми таҳсил, албатта барои ҳамсараш фарзанде ба дунё меоорад.

Марги нобаҳангоми падар, хонавайронӣ ва ишқи нав : ногуфтаҳои Таҳмина Раҷабова - видео

Ҳунарпеша аз  шавҳари аввалаш як писар дошт.

Ёдрас мешавем, Таҳмина Раҷабова соли 2019 ба Донишгоҳи ВГИК-и Маскав дохил шуд ва аввалҳои соли 2020 бо далели пандемия бар қасди Душанбе тарки Маскав кард.

2686
Нигина Амонкулова

Суҳбати Нигина Амонқулова: аз шармгинӣ то тағйири андом ва тақсимоти пироҳанҳои атлас

5103
(Таҷдидшуда 14:01 03.03.2021)
Нигина Амонқулова сарояндаи машҳури Тоҷикистон бори аввал бо мухлисони худ дар Instagram суҳбат кард

ДУШАНБЕ, 3 мар — Sputnik. Сарояндаи номдори тоҷик Нигина Амонқулова дар сторисаш дар Instagram ба саволҳои сершумори ҳамвандонаш посух дода, сабаби фаъол набуданаш дар шабакаҳои иҷтимоиро гуфт.

Ба гуфти сароянда барояш пост кардани акси нав ё суҳбат дар шабакаҳои иҷтимоӣ бисёр кори душвор аст.

"Ман бисёр шармгин ҳастам барои ман бисёр мушкил аст пост кардани акс", - гуфт Нигина Амонқулова.

Нигина мегӯяд интизор набуд, ки ин қадар саволҳо зиёд  ва таваҷҷуҳ нисбати санъати ӯ бисёр аст. Ӯ ҳамчунин ба саволи мухлисон дар бораи консертҳо посух гуфт.

Ба иттилои Нигина имсол сароянда нақша дорад консерти зиндаи худро дар шаҳри Душанбе ва дигар шаҳру навоҳии ҷумҳурӣ баргузор кунад.

Ба савол дар бораи ворид кардани дигаргунӣ ба андоми худ, сароянда посух дод, ки намехоҳад чизеро дигар кунад, балки талош дорад он чеҳрае ки дорад, ҳифз кунад.

Нигина ҳамчунин гуфт, пироҳанҳои аз атлас дӯхтаи худро пас аз ҳунарнамоӣ куҷо мекунад.

Ба гуфти сароянда ӯ куртаҳояшро ҳар сол "ба онҳое, ки даркор ҳастанд", тақсим мекунад.

Дар охири суҳбат Нигина мухлисонашро бо омади фасли баҳор, иди Модарон ва Наврӯз муборакбод гуфта, ваъда дод, ки чунин суҳбатҳоро бештар мекунад.

Ёдрас мешавем, ки Нигина Амонқулова 15 сол мешавад, ки рӯи саҳнаи эстрадаи тоҷик аст. Ӯро мардум бо сурудҳои лирикӣ ва пироҳанҳои зебои миллиаш мешиносад.

Нигина аз соли 2007 инҷониб дар шаҳри Душанбе истиқомат мекунад.

5103
Барчаспҳо:
озод, суҳбат, сароянда, Нигина Амонқулова
Сальма Хайек

Шабнам ва Манижа дар Ҳолливуд: хориҷиҳои чун себи дукафон ҳаммонанди ситораҳои тоҷик

1218
(Таҷдидшуда 16:06 28.02.2021)
Пӯшида нест, ки одамони минтақаҳои гуногуни ҷаҳон новобаста аз нажод ва одатҳояшон ба ҳамдигар монанданд. Чанд ситораи Ҳолливудро номбар кардан мумкин, ки агар куртаи тоҷикӣ пӯшидаву акс гиранд, ба тоҷикдухтар табдил меёбанд

Духтарони зебои Тоикистонро - як дороии дигари кишвар мегӯянд. Бонувони минтақаҳои гуногуни кишвар вобаста аз иқлиму шароит зоҳиран фарқ мекунанд: ранги ҷашм, ҳаҷми он, абрӯ, бинӣ ва ҳоказо.

Пӯшида нест, ки новосбата аз нажоду рангу шакли даҳону бинӣ одамони ҷаҳон ба ҳам монанданд.

Ситораҳои Ҳолливуд, ки машҳури тамоми дунёянд, агар куртаи тоҷикӣ пӯшанду акс гиранд, онҳоро аз як бону тоҷикистонӣ фарқ кардан мушкил мешавад.

Sputnik Тоҷикистон рӯйхати чунин ҳунрамандони саҳнаи ҷаҳониро ҷамъоварӣ кард.

Пенелопа Круз

Ҳунарпешаи Ҳолливуд Пенелопа Круз яке аз дурахшонтарин диваҳои кинои Ғарб аст, бешубҳа, аввалин шуда байни онҳое истидааст, ки духтари бадахшонӣ метавон гуфт.

Актриса Пенелопа Крус
© Sputnik / Екатерина Чеснокова
Актриса Пенелопа Крус

Ба чашмони чуқури ғарқшуда ва абрӯвони саркаши ӯ нигариста, шумо бешубҳа мефаҳмед, ки қаҳрамони "Осмони ванилӣ" метавонист дар ягон гӯшаи Шуғнон таваллуд шавад.

Доғи кунҷитаки рӯи Круз хоси мардумони кӯҳиест, ки дар баландии бештар аз 6 ҳазор аз сатҳи баҳр зери нурҳои сӯзони офтоб ба сар мебаранд. Дар ҳамин ҳол, Пенелопа Круз зодаи шаҳри Алкобендами Испания аст.

Салма Хайек

Духтари оташин, Салма Хайек тамоми хусусиятҳои зоҳироро дорост, ки барои гирифтани унвони "тоҷикдухтар" мубориза барад.

Сальма Хайек
© AFP 2020 / PEDRO PARDO
Сальма Хайек

Агар ба чеҳраи Салма бодиққат нигарем ва махсусан ба аксҳои ҷавониаш метавон чанд ҷои монандашро бо ҳунарманди зебои тоҷик Манижа Давлатова пайдо кард: чашмони гирд, қаду қомати расо ва муҳимаш абрӯвони сиёҳ. 

Албатта метавонанд, мухлисони Манижа иддао кунанд, ки мисли ҳунарманди тоҷик дар ҷаҳон зебое нест.

Манижа Давлат, архивное фото
© Фото : Аккаунт в Facebook
Манижа Давлат, архивное фото

Салма Хайек зодаи Мексика аст ва дорандаи ҷоизаи "Оскар" мебошад.

Ким Кардашян

Дар назари аввал, изҳороти монандаи ситораи шоуи амрикоӣ ба ягон духтари тоҷик шубҳаовар ва ҳато метавонад таҳқиромез намояд.

Ким Кардашьян
© AFP 2020 / JOHN LAMPARSKI
Ким Кардашьян

Аммо бо назардошти он ки феълан стандартҳои зебогӣ дар тамоми ҷаҳон тағйир меёбад ва маҳз асари "технологияи нав" як гурӯҳ бонувони ба ҳам монандро сохтааст. Рӯшантар гӯем, лабҳои бо роҳи сунъӣ васеъкарда, андоми бо роҳи амалиётҳои ҷарроҳӣ тағйирдодашуда, мӯйҳои сунъӣ ва абрӯвони сунъӣ барои ситораҳои тоҷик низ истисно нест.

Овозхони тоҷик Шабнами Сурайё
Овозхони тоҷик Шабнами Сурайё

Бигзор дигаргуниҳои зиҳирии овозхони попи тоҷик Шабнами Сурайё, худашон бозгӯӣ ин далелҳо бошанд.

Селена Гомес

Овозхон ва ҳунарпешаи чобуки амрикоӣ Селена Гомес бо чашмони бодомшакл метавонист  дар замони хонигарии Бухоро таваллуд шавад ва боиси илҳоми шоирони тоҷику форс шавад.

Актриса Селена Гомес
© Sputnik / Екатерина Чеснокова
Актриса Селена Гомес

Дар чеҳраи ин зани мексикоӣ-итало-англисӣ, ба мисли метисои ҳақиқӣ, якбора якчанд гурӯҳҳои этникӣ муттаҳид шуданд, бинобарин чеҳраи ӯ  ба намуди духтарони минтақаҳои шимолии Тоҷикистон - Хуҷанд ё Панҷакент шабоҳат дорад.

Селена Гомес шояд хабаре ҳам надорад, ки дар як гӯшаи ҷаҳон духтари ба вай монанди оддие ба сар мебарад.

Фрида Пинто

Ҳунмарманди ҳиндуитабор, ки бештар дар филмҳои бритониёиву амрикоӣ нақш мебоазад, духтари сабзинаи тоҷикистониеро мемонад.

Фрида Пинто
© AFP 2020 / LISA O'CONNOR
Фрида Пинто

Фрида дар Бомбей таваллуд шудааст ва махфӣ нест, ки тоҷикону ҳиндустониҳо монанд. Фрида Пинто решаҳои португалӣ низ дорад, аммо аз ҳиндустонӣ буданаш, хушаш меояд.

1218
Кодири Косим на пресс-конференции Государственного Комитета по инвестициям и управлению государственным имуществом РТ

Ванҷ обод мешавад: Қодири Қосим бо соҳибкорони ин ноҳия мулоқот кард

0
(Таҷдидшуда 15:46 06.03.2021)
Муовини раиси Маҷлиси намояндагони Маҷлиси Олии Ҷумҳурии Тоҷикистон Қодири Қосим бо соҳибкорони ноҳияи Ванҷ мизи гирд доир намуд

ДУШАНБЕ, 6 мар – Sputnik. Кумитаи рушди сайёҳӣ бо мақсади боз ҳам ободтар намудани ноҳияи Ванҷ бо иштироки соҳибкорони муваффақи ноҳияи Ванҷ мизи мудаввар доир гардид.

Дар ҷаласа Раиси Кумитаи рушди сайёҳӣ Тоҷиддин Ҷӯразода, муовини Раиси Маҷлиси намояндагони Маҷлиси Олии Ҷумҳурии Тоҷикистон Қодири Қосим, Раиси ноҳияи Ванҷ Ҷаббори Қосим, соҳибкорони муваффақ ва фаъоли ноҳияи Ванҷ, ки дар пойтахт ва дигар минтақаҳо мамлакат фаъолият доранд, иштирок намуданд.

Интиқоли китоби Тоҷикон ба ноҳияи Ванҷ
сомонаи Вазорати маориф ва илми Тоҷикистон

Раиси Кумитаи рушди сайёҳӣ ҳадафи гирд овардани соҳибкоронро, омодагӣ ба таҷлили 30-солагии Истиқлоли давлатии Ҷумҳурии Тоҷикистон рабт дод.

Зикр гардид, ки имрӯз бо дастгирии давлату ҳукумати кишвар соҳибкорони маҳаллӣ дар рушди инфрасохтори ноҳия саҳми муносиб доранд. Ҳамзамон дар минтақаҳои дурдасти ноҳия аҳолии маҳаллӣ ба рушди инфрасохтори иҷтимоӣ, аз ҷумла меҳмонхонаву ошхонаҳо, марказҳои хизматрасонӣ, иншооти варзишӣ, боғчаҳо, марказҳои фароғатӣ, сартарошхонаву кошонаи ҳусн, ҳаммом ва бунгоҳҳои тиббӣ бо ҳуҷраҳои хатнаи писарбачагон ниёзи бештар доранд.

Дар ҷаласа ҳамзамон муовини Раиси Маҷлиси намояндагон Қодири Қосим ва Раиси ноҳияи Ванҷ Ҷаббори Қосим сухан карда, аз соҳибкорон даъват ба амал оварданд, ки бо дарназардошти имконият ва ҷалби бештари соҳибкорони муваффақ ва сокинони саховатпешаи ин минтақа дар татбиқи ҳадафи олии кишвар – баланд бардоштани сатҳи зиндагии аҳолӣ  ва пешрафти иқтисодию иҷтимоӣ тамоми нерӯи мавҷударо сафарбар карда, саҳми муносиб гузоранд.

Раҳмонзода гуфт, ба наздикӣ тӯҳфаи Президент ба Мурғобу Ванҷ ирсол мешавад: чист он?

Барои иҷрои Амри Президенти Ҷумҳурии Тоҷикистон дар бораи таҷлили 30–солагии Истиқлоли давлатии Ҷумҳурии Тоҷикистон нақша-чорабиниҳои мақомоти иҷроияи ҳокимияти давлатии ноҳияи Ванҷ оид ба анҷом додани корҳои ободонию созандагӣ бахшида ба 30 — солагии Истиқлоли давлатии Ҷумҳурии Тоҷикистон сохтмон ва бунёди 86 иншооти гуногуни таъйиноти иҷтимоию иқтисодиро дар бар мегирад.

Дар ин давра 31 иншоот дар соли 2018, 26 иншоот дар соли 2019,  22 иншоот дар соли 2020 мавриди истифода қарордода шуданд. Дар соли равон 6 иншоот ба нақша гирифта шуда, 4-тои он аллакай ба истифода дода шуд. Дар иншооти дигари ҷашнӣ корҳо бо маром идома дошта, то муҳлати муайяншуда мавриди баҳрабардорӣ  қарор дода мешаванд.

 

0