Далер Назаров, архивное фото

Далер Назаров акси ҷавонии Муборакшоро бо ҳамсару ду писараш нашр кард - акс

3613
(Таҷдидшуда 19:09 05.02.2021)
Моҳи феврал расо 20 сол мешавад, ки ҳунарманди нотакрори тоҷик, яке аз асосгузорони мусиқии поп дар Тоҷикистон даргузашт

ДУШАНБЕ, 5 фев — Sputnik. Далер Назаров, ҳунарманди маъруф ва маҳбуби тоҷик ва ҳамзамон устоду ҳаммаслаки Муборашо Мирзошоеви машҳур дар арафаи ёдбуди ҳунарманд ёде аз ӯ кардаву як акси хонаводагии вайро нашр кардааст.

Посмотреть эту публикацию в Instagram

Публикация от Daler Nazarov Studio (@dalernazarovstudio)

Дар акс Муборакшо ва ҳамсар ва ду писараки хурдсолаш инъикос гардидаанд. Ҳарчанд ҳаёти ҳунарманд доим зери таваҷҷӯҳи мухлисонаш ва рӯзноманигорон аст, ин акс боре расонаӣ нагашта буд.

Зери ин акс дар саҳифаи Инстаграм Далер Назаров гӯё мактубе ба дӯсти деринаш навиштаву ёд аз вай мекунад.

"Ташаккури зиёд ба ту Булбули мо, Миш (лақаби Муборакшо, ки дӯстонаш дода буданд - идора), ки бароямон ҳиссиёти зебо ва дилрабоиро ҳадя кардӣ. Ту имрӯз бо мо нестӣ, аммо овозат бо мост, ки ҳамеша садо хоҳад дод. Бо гузашти вақт ҳама чиз тағйир меёбад, аммо овози ту ҳамеша, дар ҳама замон одамонро муассир хоҳад кард", - омадааст дар навиштаи Назаров.

Муборакшо моҳи августи соли 1961 дар деҳаи Емси ноҳияи Рӯшони вилояти мухтори Кӯҳистони Бадахшон дар хонаводаи Абдулваҳоб ба дунё омадааст.

Хонаводаи Муборакшо фарҳангӣ буд, аз ин рӯ қариб ҳамаи узви хонавода ба мусиқӣ шавқ доштанд.

Муборакшо ҳанӯз дар синни 14- солагӣ аввалин оҳангашро иҷро кардааст, аммо фаъолияти ҳунарии худро соли 1988 дар гурӯҳи Далер Назаров оғоз намуд.

Муборакшо пас аз иҷрои суруди "Ғарибӣ" миёни мардум шуҳрат пайдо кард. Нахустин консерти ӯ дар Тоҷикистон соли 1995 дар боғи фарҳангӣ дар  Душанбе баргузор шуд.

Хотираҳои наздикон аз Муборакшо: аз марги ӯ 19 сол гузашт - видео

Он замон авзои Душанбе ором набуд, вале ҳама бадбинию ғаразро яксӯ гузошта, таҳти навоҳои Муборакшо чарх мезаданд.

То имрӯз сурудҳои "Ай ёрам биё", "Ғарибӣ", "Равон шуданд чор ҷавон", "Парвинамо", "Сабза ба ноз", "Хиромон", "Туро намепарастам" ва ғайра дар қалби ҳар як тоҷикистонӣ ҷойгир аст.

Муборакшо Мирзошоеви машҳур ва маҳбуб 8 феврали соли 2001 дар пайи бемории илтиҳоби шуш даргузашт.

Аз ӯ се писар Аслишо, Сайёд ва Имомалишо нишона монданд.

Писари хурдии ӯ Имомалишо пайрави падар аст.

3613
Барчаспҳо:
Муборакшо Муборакшоев, акс, Далер Назаров
Нигина Амонкулова

Суҳбати Нигина Амонқулова: аз шармгинӣ то тағйири андом ва тақсимоти пироҳанҳои атлас

4462
(Таҷдидшуда 14:01 03.03.2021)
Нигина Амонқулова сарояндаи машҳури Тоҷикистон бори аввал бо мухлисони худ дар Instagram суҳбат кард

ДУШАНБЕ, 3 мар — Sputnik. Сарояндаи номдори тоҷик Нигина Амонқулова дар сторисаш дар Instagram ба саволҳои сершумори ҳамвандонаш посух дода, сабаби фаъол набуданаш дар шабакаҳои иҷтимоиро гуфт.

Ба гуфти сароянда барояш пост кардани акси нав ё суҳбат дар шабакаҳои иҷтимоӣ бисёр кори душвор аст.

"Ман бисёр шармгин ҳастам барои ман бисёр мушкил аст пост кардани акс", - гуфт Нигина Амонқулова.

Нигина мегӯяд интизор набуд, ки ин қадар саволҳо зиёд  ва таваҷҷуҳ нисбати санъати ӯ бисёр аст. Ӯ ҳамчунин ба саволи мухлисон дар бораи консертҳо посух гуфт.

Ба иттилои Нигина имсол сароянда нақша дорад консерти зиндаи худро дар шаҳри Душанбе ва дигар шаҳру навоҳии ҷумҳурӣ баргузор кунад.

Ба савол дар бораи ворид кардани дигаргунӣ ба андоми худ, сароянда посух дод, ки намехоҳад чизеро дигар кунад, балки талош дорад он чеҳрае ки дорад, ҳифз кунад.

Нигина ҳамчунин гуфт, пироҳанҳои аз атлас дӯхтаи худро пас аз ҳунарнамоӣ куҷо мекунад.

Ба гуфти сароянда ӯ куртаҳояшро ҳар сол "ба онҳое, ки даркор ҳастанд", тақсим мекунад.

Дар охири суҳбат Нигина мухлисонашро бо омади фасли баҳор, иди Модарон ва Наврӯз муборакбод гуфта, ваъда дод, ки чунин суҳбатҳоро бештар мекунад.

Ёдрас мешавем, ки Нигина Амонқулова 15 сол мешавад, ки рӯи саҳнаи эстрадаи тоҷик аст. Ӯро мардум бо сурудҳои лирикӣ ва пироҳанҳои зебои миллиаш мешиносад.

Нигина аз соли 2007 инҷониб дар шаҳри Душанбе истиқомат мекунад.

4462
Барчаспҳо:
озод, суҳбат, сароянда, Нигина Амонқулова
Сальма Хайек

Шабнам ва Манижа дар Ҳолливуд: хориҷиҳои чун себи дукафон ҳаммонанди ситораҳои тоҷик

1151
(Таҷдидшуда 16:06 28.02.2021)
Пӯшида нест, ки одамони минтақаҳои гуногуни ҷаҳон новобаста аз нажод ва одатҳояшон ба ҳамдигар монанданд. Чанд ситораи Ҳолливудро номбар кардан мумкин, ки агар куртаи тоҷикӣ пӯшидаву акс гиранд, ба тоҷикдухтар табдил меёбанд

Духтарони зебои Тоикистонро - як дороии дигари кишвар мегӯянд. Бонувони минтақаҳои гуногуни кишвар вобаста аз иқлиму шароит зоҳиран фарқ мекунанд: ранги ҷашм, ҳаҷми он, абрӯ, бинӣ ва ҳоказо.

Пӯшида нест, ки новосбата аз нажоду рангу шакли даҳону бинӣ одамони ҷаҳон ба ҳам монанданд.

Ситораҳои Ҳолливуд, ки машҳури тамоми дунёянд, агар куртаи тоҷикӣ пӯшанду акс гиранд, онҳоро аз як бону тоҷикистонӣ фарқ кардан мушкил мешавад.

Sputnik Тоҷикистон рӯйхати чунин ҳунрамандони саҳнаи ҷаҳониро ҷамъоварӣ кард.

Пенелопа Круз

Ҳунарпешаи Ҳолливуд Пенелопа Круз яке аз дурахшонтарин диваҳои кинои Ғарб аст, бешубҳа, аввалин шуда байни онҳое истидааст, ки духтари бадахшонӣ метавон гуфт.

Актриса Пенелопа Крус
© Sputnik / Екатерина Чеснокова
Актриса Пенелопа Крус

Ба чашмони чуқури ғарқшуда ва абрӯвони саркаши ӯ нигариста, шумо бешубҳа мефаҳмед, ки қаҳрамони "Осмони ванилӣ" метавонист дар ягон гӯшаи Шуғнон таваллуд шавад.

Доғи кунҷитаки рӯи Круз хоси мардумони кӯҳиест, ки дар баландии бештар аз 6 ҳазор аз сатҳи баҳр зери нурҳои сӯзони офтоб ба сар мебаранд. Дар ҳамин ҳол, Пенелопа Круз зодаи шаҳри Алкобендами Испания аст.

Салма Хайек

Духтари оташин, Салма Хайек тамоми хусусиятҳои зоҳироро дорост, ки барои гирифтани унвони "тоҷикдухтар" мубориза барад.

Сальма Хайек
© AFP 2020 / PEDRO PARDO
Сальма Хайек

Агар ба чеҳраи Салма бодиққат нигарем ва махсусан ба аксҳои ҷавониаш метавон чанд ҷои монандашро бо ҳунарманди зебои тоҷик Манижа Давлатова пайдо кард: чашмони гирд, қаду қомати расо ва муҳимаш абрӯвони сиёҳ. 

Албатта метавонанд, мухлисони Манижа иддао кунанд, ки мисли ҳунарманди тоҷик дар ҷаҳон зебое нест.

Манижа Давлат, архивное фото
© Фото : Аккаунт в Facebook
Манижа Давлат, архивное фото

Салма Хайек зодаи Мексика аст ва дорандаи ҷоизаи "Оскар" мебошад.

Ким Кардашян

Дар назари аввал, изҳороти монандаи ситораи шоуи амрикоӣ ба ягон духтари тоҷик шубҳаовар ва ҳато метавонад таҳқиромез намояд.

Ким Кардашьян
© AFP 2020 / JOHN LAMPARSKI
Ким Кардашьян

Аммо бо назардошти он ки феълан стандартҳои зебогӣ дар тамоми ҷаҳон тағйир меёбад ва маҳз асари "технологияи нав" як гурӯҳ бонувони ба ҳам монандро сохтааст. Рӯшантар гӯем, лабҳои бо роҳи сунъӣ васеъкарда, андоми бо роҳи амалиётҳои ҷарроҳӣ тағйирдодашуда, мӯйҳои сунъӣ ва абрӯвони сунъӣ барои ситораҳои тоҷик низ истисно нест.

Овозхони тоҷик Шабнами Сурайё
Овозхони тоҷик Шабнами Сурайё

Бигзор дигаргуниҳои зиҳирии овозхони попи тоҷик Шабнами Сурайё, худашон бозгӯӣ ин далелҳо бошанд.

Селена Гомес

Овозхон ва ҳунарпешаи чобуки амрикоӣ Селена Гомес бо чашмони бодомшакл метавонист  дар замони хонигарии Бухоро таваллуд шавад ва боиси илҳоми шоирони тоҷику форс шавад.

Актриса Селена Гомес
© Sputnik / Екатерина Чеснокова
Актриса Селена Гомес

Дар чеҳраи ин зани мексикоӣ-итало-англисӣ, ба мисли метисои ҳақиқӣ, якбора якчанд гурӯҳҳои этникӣ муттаҳид шуданд, бинобарин чеҳраи ӯ  ба намуди духтарони минтақаҳои шимолии Тоҷикистон - Хуҷанд ё Панҷакент шабоҳат дорад.

Селена Гомес шояд хабаре ҳам надорад, ки дар як гӯшаи ҷаҳон духтари ба вай монанди оддие ба сар мебарад.

Фрида Пинто

Ҳунмарманди ҳиндуитабор, ки бештар дар филмҳои бритониёиву амрикоӣ нақш мебоазад, духтари сабзинаи тоҷикистониеро мемонад.

Фрида Пинто
© AFP 2020 / LISA O'CONNOR
Фрида Пинто

Фрида дар Бомбей таваллуд шудааст ва махфӣ нест, ки тоҷикону ҳиндустониҳо монанд. Фрида Пинто решаҳои португалӣ низ дорад, аммо аз ҳиндустонӣ буданаш, хушаш меояд.

1151
Самолет компании Сомон Эйр, архивное фото

Рӯзи барқароршавии парвозҳо байни Тоҷикистону Қазоқистон маълум шуд

0
(Таҷдидшуда 20:02 04.03.2021)
Қазоқистон санаи барқарор шудани парвозҳои мунтазам байни Душанбе ва Алмааторо эълон кард, парвозҳоро ширкати "Эйр Астана" ва "Сомон Эйр" анҷом медиҳанд

ДУШАНБЕ, 4 мар — Sputnik. Қазоқистон санаи азсаргирии парвозҳои мунтазам аз Алмаато ба Душанберо номбар кард.

Тибқи иттилои хадамоти матбуоти Вазорати саноат ва рушди инфрасохтори ҷумҳурӣ, аз 14 марти соли 2021 ширкати "Эйр Астана" ба нақша гирифтааст, ки парвозҳои мунтазамро байни пойтахтҳои Қазоқистон ва Тоҷикистон оғоз кунад.

Ин тасмим бар асоси вазъи эпидемиологии коронавирус дар Тоҷикистон ва Қазоқистон гирифта шудааст. Парвозҳо дар масири Алмаато - Душанбе - Алмаато ҳафтае як маротиба анҷом меёбанд. Тибқи ҷадвал, парвоз рӯзҳои якшанбе сурат мегирад", - омадааст дар хабари вазорати Қазоқистон.

Қарор аст, аз ҷониби Тоҷикистон парвози аввал рӯзи 18 март сурат гирад. Парвозҳо ҳафтае як маротиба рӯзҳои панҷшанбе анҷом дода мешаванд. Ин масирро ширкати миллии "Сомон Эйр" иҷро мекунад.

Раиси фурудгоҳи Внуково гуфт, кай парвозҳо миёни Тоҷикистону Русия барқарор мешавад

Ёдовар мешавем, ки Тоҷикистон аз 20 марти соли гузашта бинобар пандемияи коронавирус парвози мунтазамро бо тамоми кишварҳо қатъ карда буд.

Истисноҳо парвозҳои махсус барои шаҳрвандони ҷумҳурӣ буданд.

0
Барчаспҳо:
парвоз, Қазоқистон, Тоҷикистон