Роҳи оҳан. Акс аз бойгонӣ

БОР сармоягузории роҳи оҳани ТАТ-ро муваққатан қатъ кард

30
(Таҷдидшуда 16:26 15.12.2015)
Роҳи оҳани Тоҷикистон-Афғонистон-Туркманистон яке аз тарҳҳое ба шумор меравад, ки имконоти нақлиётӣ ва транзитии кишварро зиёд карда, ба рушди манотиқи ҷанубии кишвар мусоидат менамояд.

ДУШАНБЕ, 15 дек — Sputnik. Сармоягузории сохтмони роҳи оҳани Туркманистон — Афғонистон — Тоҷикистон аз ҷониби Бонки осиёии рушд муваққатан қатъ шудааст, иброз дошт намояндаи ин бонк дар Душанбе Си Си Ю зимни як нишасти хабарӣ.

Ӯ дар шарҳи ин гуфтаҳои худ афзуд, ки ноустувории вазъи Афғонистон имкон намедиҳад, ки ба сармоягузории ин лоиҳаи аз ҳама бештар манфиатдор ба Тоҷикистон аз нигоҳи амнияти коммуникатсионӣ идома дода шавад.

"Ошкоро мегӯям, ки дар ин ҳеч масоили пӯшида вуҷуд надорад. Сатҳи амният дар Афғонистон ниҳоят пойин аст ва мо метарсем, ки ин лоиҳа ба таври бояду шояд амалӣ карда намешавад. Дар ҳоле ки қисмати зиёди роҳи оҳани мазкур — 300 километр тавассути қаламрави Афғонистон бояд убур кунад ва бахши он дар Тоҷикистон ҳамагӣ 50 — 60 километрро ташкил медиҳад", — изҳор дошт ҷаноби Ю.

Дар марҳалаи аввал сохтмони ду қисмати ин роҳ, қисмати 85 — километрии Отамурод — Имомназар дар қаламрави Туркманистон ва қитъаи 38-километрӣ аз Имомназар  то маҳалли аҳолинишини Акина дар қаламрави Афғонистон пешбинӣ шуда буд.

Роҳи оҳани Тоҷикистон-Афғонистон-Туркманистон яке аз тарҳое ба шумор меравад, ки имконоти нақлиётӣ ва транзитии кишварро зиёд карда, ба рушди манотиқи ҷанубии кишвар мусоидат мекунад.

Тӯли ин роҳ 400 километрро дар бар гирифта, минтақаи Отамурод — Имомназари Туркманистонро бо маҳалли аҳолинишини Акина — Андхойи Афғонистон пайваст карда, тавассути Панҷи поёни Тоҷикистон убур мекунад.

Ҳазинаи эҳтимолии ин лоиҳа 400 миллион доллари амрикоиро ташкил медиҳад. Туркманистон хароҷоти сохтмони қисмати қаламрави худро бар уҳда гирифтааст. Аммо Тоҷикистон ва Афғонистон дар ин бора ба сармоягузории бонкҳои хориҷию байналмилалӣ такя доранд. Бонки осиёии рушд, Бонки исломии рушд ва Бонки ҷаҳони аз зумраи ин бонкҳоянд.

30
Барчаспҳо:
оҳан, роҳ, вазъ, амният, қатъи сармоягузорӣ, Бонки исломии Рушд, Бонки ҷаҳонӣ, Бонки Осиёии Рушд, Туркманистон, Афғонистон, Тоҷикистон
Пост БДА в Хороге, архивное фото

БДА замони баргузории "Муоинаи техникӣ" дар ВМКБ - ро эълон карду онро ҳатмӣ гуфт

421
Раёсати Бозрасии давлатии автомобилии Вазорати умури дохилаи Тоҷикистон дар ВМКБ аз ронандагон хоҳиш кардааст, ки дар амалиёт фаъолона иштирок кунанд

ДУШАНБЕ, 7 авг — Sputnik. Раёсати бозрасии давлатии автомобилии ВКД ҶТ ва РВКД дар ВМКБ барои аз муоиниа техникӣ гузаронидани нақлиёт ва ба пуррагӣ ҷамъ намудани андоз аз соҳибони воситаҳои нақлиёт дар ВМКБ бо номи шартии "Назорат" амалиёти вижа мегузаронад.

"Шуъбаи бозрасии давлатии автомобилии РВКД дар ВМКБ ба саҳми ҳамаи ронандагони воситаҳои нақлиёт мерасонад, ки аз санаи 1-ум то 10-уми августи соли 2020 амалиёти муоинаи техникӣ гузаронида мешавад. Барои гузаронидани воситаҳои нақлиёт дар ноҳияҳои вилоят аз муоинаи ҳатмии давлатии техникӣ автомошинаи сайёр сафарбар карда шудааст", - омадааст дар хабарнома.

Аз аввали соли 2020 то 26-уми июли соли ҷорӣ теъдоди 7 ҳазору 950 далели қоидавайронкуниҳои ҳаракат дар роҳ ошкор карда шуда, 2 ҳазору 943 ронанда воситаҳои нақлиёти гуногунтамғаи худро дар қаламрави ВМКБ аз муоинаи ҳатмии давлатии техникӣ гузарониданд.

Барои истифодабарандагони воситаи нақлиёт бо шишаҳои сиёҳкардашуда, ба 301 ронанда иҷозатномаи махсус барои сиёҳшиша дода шуд.

Гуфта мешавад, ки Ҳадафи асосии гузаронидани воситаҳои нақлиёт аз муоинаи ҳатмии давлатии техникӣ ин саривақт бартараф кардани камбудию норасогиҳои техникии воситаҳои нақлиёт ва дар ҳолати хуб қарор доштани автомашинаҳо буда, баҳри пешгирии садамаҳои роҳу нақлиётӣ равона гардидааст.

Бояд қайд намуд, ки дар худи маркази ташхиси техникӣ хизматрасонихои БДА, боҷи давлатӣ, суғуртаи воситаҳои нақлиёт, ташхиси таҷҳизотҳои газӣ, муоинаи тиббии соҳибони воситаҳои нақлиёт ба роҳ монда шудааст.

Ҳангоми гузаронидани воситаҳои наклиёт аз таҷҳизотҳои муосири техникӣ аз қабили санҷиши холати заҳрнокии партовҳои автомашинаҳо, таҷҳизоти рушноисанҷӣ таҷҳизоти санҷиши носозиҳои чамбараки автомашина ва таҷҳизот барои санҷиши тамоми қисмҳои эҳтиётии автомашинаҳо муҷаҳҳаз карда шудааст.

421
Барчаспҳо:
нақлиёт, мушкилоти техникӣ, техникӣ, ВМКБ

Русия расман бо як кишвари дигар парвозҳоро барқарор мекунад

974
(Таҷдидшуда 17:58 01.08.2020)
Боз ҳам на Тоҷикистон: ҳафтае як маротиба аз Маскав ба пойтахти Швейтсария - Женева парвози мустақим анҷом дода хоҳад шуд

ДУШАНБЕ, 1 авг — Sputnik. Федератсияи Русия алоқаи ҳавоиро бо Швейтсария барқарор мекунад, хабар медиҳад ситоди фаврии мубориза бо коронавирус.

Интизор меравад, ки парвози нахустин аз Русия ба Швейтсария рӯзи 15 август анҷом дода шавад.

Дар назар аст, ки ҳафтае як маротиба аз Маскав ба пойтахти Швейтсария - Женева парвози мустақим анҷом дода шавад.

Хушхабари Муҳриддин: ҳамарӯза 2 парвоз самти Тоҷикистону Русия сурат мегирад

Ёдрас мешавем, ки Русия аз 1 август парвозҳои мустақимро бо се кишвар: Туркия, Бритониёи Кабир ва Танзания оғоз мекунад.

Сӯҳбати Раҳмону Эрдуғон: аз ҳамдардӣ то барқароршавии парвозҳо ва таҳдиди "COVID" - 19

Тоҷикистон низ омодагии худро ҷиҳати оғози парвозҳои мустақим бо Русия изҳор дошт.

974
Барчаспҳо:
барқарорсозӣ, барқароршавӣ, парвозҳои мустақим, Русия
Историк Гафур Шерматов

Рӯнамоии китоби таърихнигори тоҷик дар бораи Ҷанги Бузурги Ватанӣ: видео

0
(Таҷдидшуда 11:38 08.08.2020)
Таърихнигори тоҷик Ғафур Шерматов китоби худро дар бораи аҳамияти иштироки Тоҷикистон дар Ҷанги Бузурги Ватанӣ муаррифӣ кард

ДУШАНБЕ, 8 авг — Sputnik. Рӯнамоии китоби тозанашри таърихшинос оид ба ҶБВ дар Маркази илму фарҳанги Русия сурат гирифтааст, дар ин бора телевизиони “Мир 24”гузориш додааст.

Китоби тозанашр "Ҷанг ва Ғалаба. Тоҷикистон дар Ҷанги Бузурги Ватанӣ"  унвон дошта, муаллиф барои таҳияи он панҷ сол заҳмат кашидааст.

Собиқадори ҶБВ аз Тоҷикистон, чӣ гуна пулемёти ҷангиашро дар осорхонаи Маскав шинохт?

Ба гуфтаи Шерматов, тамоми саҳмҳо ва ҷангҳоеро, ки зодагони ҶШС Тоҷикистон кардаанд, дар як китоб ҷой додан номумкин аст, аммо ӯ дар матн муҳимтарин марҳилаҳои Ҷанги Бузурги Ватаниро, ки ба  Тоҷикистон рабт дорад, қайд кардааст.

Аз Сталинград то Берлин: саргузашти собиқадори 112-солаи ҶБВ аз Тоҷикистон

Аксари сафҳаҳои китоб ба ҳаёти аҳолии ҷумҳурӣ дар рӯзҳои Ҷанги Бузурги Ватанӣ бахшида шудаанд.

Дар муаррифии китоб инчунин намояндагони пойгоҳи низомии 201-и Русия ва сафири фавқулодда ва мухтори Русия дар Тоҷикистон Игор Лякин-Фролов ширкат варзиданд.

0
Барчаспҳо:
таърих, рӯнамоӣ, Ҷанги Бузурги Ватанӣ, муҳаққиқ, Ғафур Шерматов