Роҳ ба сӯи Душанбе. Акс аз бойгонӣ

Ҷопон роҳҳои Тоҷикистонро мумфарш месозад

39
(Таҷдидшуда 11:36 04.03.2016)
Бо мақсади татбиқи лоиҳаи таҷдиди роҳҳо барои минтақаҳои вилояти Суғд ва қисми шарқии вилояти Хатлон, кишвари Ҷопон ба Тоҷикистон 17,5 миллион доллар ҷудо менамояд.

ДУШАНБЕ, 4 мар — Sputnik. Вазири умури хориҷии Тоҷикистон Сироҷиддин Аслов бо сафири Ҷопон дар Душанбе Такаши Камада Ёддошт оид ба лоиҳаи "Беҳтар намудан ва мумфарш сохтани  роҳҳо дар вилояти Суғд ва қисми шарқии вилояти Хатлон"-ро ба имзо расонид.

Дидори Эмомалӣ Раҳмон бо ноиби раиси JIKA Киёши Кодеро 10 феврали соли 2015
Официальная страница пресс-службы Президента РТ в Facebook

Бар асоси иттилоъи расида ва тавофуқоти қаблӣ, Токио ба Душанбе 17,5 миллион доллар медиҳад.

Зимнан, мувофиқи лоиҳа корхонаи истеҳсоли мум ва бетон бунёд гардида, барои беҳтар нигоҳ доштани роҳҳо таҷҳизоти махсус оварда мешавад.

Вилояти Суғд ва қисми шарқии вилояти Хатлон минтақаҳои аслии маблағгузории ин лоиҳа ба шумор мераванд. Дар қаламрави ин манотиқ 3,6 миллион нафар умр ба сар мебаранд.

Шабакаҳои роҳҳои нақлиётии Тоҷикистон ҳам барои дохили кишвар ва ҳам барои муносибатҳои байналмиллалӣ нақши муҳим доранд.

Ҳамин тавр, бо мақсади тармиму таҷдиди шоҳроҳҳои тахрибшуда, ҳукумати Тоҷикистон соли 2014 ба Ҷопон бо дархост барои ҷудо намудани маблағ мурочиат карда буд.    

39
Барчаспҳо:
мумфарш кардани роҳ, Ёддошт, 17,5 миллион доллар, таҷдиду тармим, барқарорсозии роҳҳо, маблағгузорӣ, Сафорати Ҷопон дар Душанбе, Вазорати умури хориҷаи Тоҷикистон, Такаши Камада, Сироҷиддин Аслов, Хатлон, Суғд, Токио, Душанбе, Ҷопон, Тоҷикистон
Мавзуъ
Донишгоҳи Тоҷикистон бори аввал бо сипосномаи ВКХ Ҷопон қадрдонӣ шуд