Бинои Кохи сафед дар Бишкек. Акс аз бойгонӣ.

Дар ҷустуҷӯи хатсайри ҳавоӣ ба Иссиқкӯли Қирғизистон. Маскав ва Остона

14
Интизор меравад, дар соли ҷорӣ ба Қирғизистон беш аз 100 ҳазор сайёҳи рус сафар карда, бештарашон мехоҳанд аз Иссиқкӯл дидан кунанд.

ДУШАНБЕ, 29 апр — Sputnik. Ширкатҳои ҳавоии Русия ва Қазоқистон омода ҳастанд ба Иссиқкӯли Қирғизистон хатсайрҳои мустақим роҳандозӣ кунанд, иттилоъ медиҳад Sputnik Қирғизистон бо истинод ба идораи рушди сармоягузорӣ ва зерсохтории ширкати "Фурудгоҳи байналмилалии "Манас".

Ба қавли сардори идораи рушди "Фурудгоҳи Манас" Абималик Бусурманқулов, алъон дар фурудгоҳи Иссиқкӯл ва деҳаи Тамчӣ аз нисф зиёди корҳо анҷом ёфта, бозсозӣ дар чаҳор самт идома дорад.

"Насби таҷҳизоти огаҳсозии барқиву садоӣ, низоми фуруди ҳавопаймоҳҳо, интиқоли беисти нерӯи барқ, васеъ ва дарозтар кардани хатти парвоз идома дошта, хатти фурудойӣ ва парвоз то 3800 метр дароз карда шудааст",- иброз дошт ӯ.

Ба гуфтаи вай, бозсозии фурудгоҳи "Иссиқкӯл" дар миёнаи моҳи июни соли 2016 анҷом мешавад ва он вақт фурудгоҳ ба сурати шабонарӯзӣ ва дар давоми сол фаъолият хоҳад дошт.

Дар ҳоли ҳозир чанд ширкати ҳавоии русӣ ва қазоқистонӣ дар бораи ифтитоҳи хатсайрҳои мустақим ба Қирғизистон пешниҳод кардаанд. Аз ҷумла, дар остонаи мавсими сайёҳӣ парвози доимии ҳавопаймо миёни Тамчӣ ва Алмаато, Остона ва Чимкент оғоз мешавад. Ҳамчунин таҷрибаи парвози дохилӣ дар масири Ӯш-Тамчӣ идома дода мешавад", — хабар дод Бусурманқулов.

 

 

14
Барчаспҳо:
мавсими сайёҳӣ, хатсайр, бозсозӣ, фурудгоҳ, Фурудгоҳи байналмилалии "Манас", Абималик Бусурманқулов, Иссиқкӯл, Остона, Қазоқистон, Русия, Маскав

Тоҷикистон боз аз рӯйхат берун монд: Русия бо 4 давлати дигар парвозҳо барқарор кард

4079
(Таҷдидшуда 12:51 19.09.2020)
Ба ҷузъ аз Тоҷикистону чанд давлати дигари Осиёи Марказӣ, Федератсияи Русия бо кишварҳои дигар парвозҳои чартериро бекор кард

ДУШАНБЕ, 19 сен — Sputnik. Сар аз 21 - уми сентябр Русия тамоми парвозҳои чартериро бекор мекунад, хабар медиҳад Ситоди фаврӣ оид ба коронавирус.

Аммо Тоҷикистон ин навбат низ аз рӯйхати давлатҳое, ки минбаъд парвозҳо аз Русия ба он ҷо бидуни чартер роҳандозӣ мешаванд, боз канор монд.

Дақиқан маълум нест, ки аз кай равобити ҳавоӣ миёни Тоҷикистону Русия бе парвозҳои чартерӣ барқарор мешавад.

Сафир дар бораи зиёдшавии парвозҳо, кушодани поездҳо ва қарантинаи дигар  

Зимнан, давлати Русия боз бо чаҳор кишвари дигар, аз ҷумла Қирғизистон, Белорус ва Қазоқистон иҷозати парвозҳои мустақим дод. 

Ҳамчунин, сар аз 27 - уми сентябр, парвозҳо аз Русия самти Кореяи Ҷанубӣ амалӣ мешаванд. Ин парвозҳо ҳафтае як маротиба сурат мегиранд.

Ҳар рӯз 3-4 парвоз: ҷадвали нави парвозҳо миёни Русия ва Тоҷикистон

Таассуфовар он аст, ки аз барқарор шудани равобити ҳавоӣ миёни Русия ва Тоҷикистон хабаре нест. Бар тибқи баъзе маълумотҳо, эҳтимол равобити ҳавоӣ миёни ин ду кишвар моҳи оянда барқарор шавад.

Қаблан мақомоти Тоҷикистон омодагияшонро барои оғози парвозҳо ба шаҳрҳои Русия бо риояи қоидаҳои беҳдоштӣ баён доштанд, аммо Русия ҳанӯз тасмими ниҳоӣ барои оғози парвозҳоро эълон накардааст.

4079
Барчаспҳо:
барқарор кардан, парвозҳо, Тоҷикистон, Русия
Самолет компании Сомон Эйр, архивное фото

Маскав оғози парвозҳо ба Душанбе аз моҳи октябрро баррасӣ дорад-расонаҳо

5307
(Таҷдидшуда 14:23 15.09.2020)
Русия аз сар гирифтани парвозҳо ба пойтахтҳои кишварҳои Иттиҳоди Давлатҳои Мустақил дар моҳи октябрро баррасӣ дорад

ДУШАНБЕ, 15 сен — Sputnik. Маскав масъалаи оғози парвозҳо бо пойтахтҳои кишварҳои узви Иттиҳоди Давлатҳои Мустақилро баррасӣ дорад, хабар дод “Интерфакс” аз қавли манобеи огоҳаш.

Дар назар аст, ки парвозҳо моҳи октябр аз сар гирифта шаванд.

“Дар навбати аввал низоми оғози парвозҳо дар моҳи октябр бо пойтахтҳои кишварҳои ИДМ мавриди баррасӣ қарор дорад. Феълан сухан дар бораи оғози парвозҳо ба Нур-Султон, Тошканд, Баку, Ераван, Душанбе ва ғайра меравад”, - изҳор дошт манбаъ.

Интизор меравад, нахустин парвозҳо аз Маскав ба Минск оғоз мешаванд.

Мусоҳиби хабаргузорӣ таъкид намудааст, ки санаи дақиқи оғози парвозҳо ҳанӯз муайян нашудааст.

Қаблан мақомоти Тоҷикистон омодагияшонро барои оғози парвозҳо ба шаҳрҳои Русия бо риояи қоидаҳои беҳдоштӣ баён доштанд, аммо Русия ҳанӯз тасмими ниҳоӣ барои оғози парвозҳоро эълон накардааст.

5307
Барчаспҳо:
ИДМ, Русия

Муроҷиати видеоии Путин ба Маҷмаи умумии Созмони милал

0
(Таҷдидшуда 21:23 20.09.2020)
Ин муроҷиати видеоии Владимир Путин, раисҷумҳури Русияро тамоми ҷаҳон дар рӯзи ифтитоҳи нишасти ҳафтоду панҷумини Маҷмаи умумии СММ тамошо хоҳанд кард

ДУШАНБЕ, 20 сен — Sputnik. Раисҷумҳури Русия Владимир Путин дар нишасти 75-умини Маҷмаи умумии Созмони милали муттаҳид иштирок мекунад.

Тавре телевизиони "Россия 1" гузориш медиҳад, президент аллакай махсус барои Маҷмаи умумии Созмони милали муттаҳид муроҷиати видеоӣ сабт кардааст.

Дар навор дида мешавад, ки Путин дар назди овезае, ки дар он "Ояндаи ҳама бо қувваи ҳама" навишта шудааст, суханронӣ мекунад.

Афзун бар ин дар навор, бастаи ғафсеи коғазҳоро метавон дид, ки бо он сарвари кишвар навор сабт кардааст.

Ҳафтаи дараҷаи олии нишасти 75-уми Маҷмаи умумии СММ дар Ню-Йорк аз 22 то 29 сентябр баргузор мешавад.

Бо далели пандемия, чорабинӣ дар "формати виртуалӣ" баргузор мешавад. Дар ҳамин ҳол, дар толор аз ҳар як кишвар як намоянда иштирок хоҳад кард.

СММ: муҳоҷирони Осиёи Миёна дар кишварҳои Аврупо ҳавзаҳои террористӣ ташкил доранд

Маҷмаи умумӣ ба роҳбарони кишвар ва вазирон пешниҳод кардааст, ки баромадҳояшонро сабт кунанд ва онро дар толор намоиш хоҳанд дод. Давомнокии видео на бояд бештар аз 15 дақиқа бошад.

Навори муроҷиати Путинро дар рӯзи ифтитоҳи нишаст - 22 сентябр намоиш медиҳанд.

Бино бар иттилои котиботи СММ, созмон аз роҳбарони 26 кишвар чунин навор дарёфт кардааст.

0