Ҳавопаймои ширкатҳои ҳавоии Узбакистон. Акс аз бойгонӣ

Ду парвоз дар як ҳафта: Душанбе ва Тошкандро алоқаи ҳавоӣ мепайвандад

60
(Таҷдидшуда 17:35 01.12.2016)
Тибқи созишномаи имзогардида, пойтахти Тоҷикистон ва Узбакистонро ширкатҳои ҳавопаймоии “Сомон Эйр” ва “Узбекистон ҳаво йўллари” ҳафтае ду маротиба мепайвандад

ДУШАНБЕ, 1 дек — Sputnik. Тоҷикистону Узбакистонро дар як ҳафта  ду маротиба ширкатҳои ҳавопаймоии ду кишвар бо алоқаи ҳавоӣ пайванд менамоянд.

Дирӯз ҳайати  вазорати нақлиёти Узбакистон таҳти роҳбарии муовини аввали  Бозрасии давлатии назорати бехатарии парвозҳо Олег Ли бо сафари корӣ ба Душанбе рафт. Ҳамчунин онҳоро намояндагони ширкати ҳавоии "Узбекистон ҳаво йӯллари" ҳамроҳӣ карданд.

"Дар доираи сафари корӣ ҳайати Узбакистон бо фаъолияти ҳамаи хадамотҳои фурудгоҳи байналмиллалии Душанбе, шинос шуданд. Барои  меҳмонон дар терминали нави фурудгоҳ, VIP-толор ва дигар шуъбаҳои он экскурсия гузаронида шуд ",-хабар медиҳад хадамоти матуботи фурудгоҳ.

Дар рафти вохӯрӣ намояндагони Тоҷикистон ва Узбакистон созишномаи таърихиро оиди барқарор кардани алоқаи ҳавоӣ миёни ду кишвар ба имзо расониданд.

Қайд мегардад, ки парвози аввалин дар хатсайри Душанбе-Тошканд дар авоили моҳи январи соли 2017 дар назар аст. Парвозхо аз рӯи хатсайри мазкур аз ҷониби ширкатҳои ҳавопаймоии "Сомон Эйр" ва "Узбекистон ҳаво йўллари" ҳафтае ду маротиба анҷом дода мешаванд.

"Маҳз бо шарофати мақомоти Тоҷикистон мо имрӯз ба қарори ниҳоӣ расидем. Ҷониби Узбакистон омода аст, ки паврозҳоро аз моҳи январ барқарор кунад",-изҳор дошт Олег Ли.

Ба қавли ӯ ҷонибҳо аллакай базаи асосии ҳуқуқиро барои павроз омода кардаанд.

Ёдовар мешавем, ки алоқаи ҳавоӣ миёни ду кишвари ҳамсоя ҳанӯз соли 1992, зимни шурӯъ шудани ҷанги шаҳрвандӣ дар Тоҷикистон қатъ карда шуд.

60
Барчаспҳо:
барқароршавии алоқаи ҳавоӣ, имзои созишнома, ширкати ҳавоии "Сомон Эйр", Ӯзбекистон, Тоҷикистон
Грузовой автомобиль расчищает дорогу от снега в Таджикистане

Ҳушдори БДА ба ронандагон: дар роҳҳои Душанбе - Чаноқ ва Кӯлоб - Хоруғ боэҳтиёт бошед

276
(Таҷдидшуда 13:09 19.11.2020)
Ба ронандагон хушдор дода мешавад, ки ҳангоми борону барф аз таҷҳизоти иловагии зиддилағжиш истифода баранд, чархҳои воситаҳои нақлиётро бо шинаҳои зимистона муҷаҳҳаз намуда, бо худ гирифтани лавозимоти заруриро фаромӯш нанамоянд

ДУШАНБЕ, 19 ноя - Sputnik. Раёсати Бозрасии давлатии автомобилии ВКД Тоҷикистон ба диққати ронандагони воситаҳои нақлиёт мерасонад, ки ҳангоми ҳаракат тавассути роҳҳои мошингарди минтақаҳои кӯҳӣ, қоидаҳои ҳаракат дар роҳро ҳатман риоя намоянд.

БДА мегӯяд, ҳангоми бориши борон ва барф ронандагон бояд дар роҳҳои Душанбе-Хуҷанд-Чаноқ, Ваҳдат-Рашт-Лахш, Душанбе-Кӯлоб-Хоруғ-Кулма, Душанбе-Бохтар, Бохтар-Данғара, Лабиҷар-Сангвор-Қалаи Хумб, Айнӣ-Панҷакент боэҳтиёт бошанд ва талаботи қоидаҳои ҳаракат дар роҳро риоя намоянд.

Дар ин бора АМИТ "Ховар" бо такя ба сардори шуъбаи ташвиқоту таблиғоти РБДА-и Вазорати корҳои дохилии Ҷумҳурии Тоҷикистон, полковники милитсия Акбар Қурбонзода хабар медиҳад.

Ҷилавгирӣ аз сонеҳаҳои нақлиётӣ: пулис муоинаи техникии мошинҳоро тафтиш мекунад

Полковник сабаби сар садани садамаҳои нақлиётиро дар роҳҳо шарҳ дод.

"Баъзе ронандагони мошинҳо дар нишебиҳои тези роҳҳои мошингарди минтақаҳои кӯҳӣ барои сарфа намудани сӯзишворӣ ҳаёти худ ва дигар иштирокчиёни ҳаракат дар роҳро зери хатар гузошта, бо муҳаррики хомӯшкардашуда ва соишбанд ё ноқилқуттии ба муҳаррик пайвастнашуда ҳаракат менамоянд, ки ин сабаби сар задани ҳодисаҳои роҳу нақлиётӣ мегардад”-, изҳор медорад А.Қурбонзода.

Ба ронандагон тавсия дода мешавад, ки ҳангоми ба таври нокифоя дида шудани роҳ дар гардишҳои хатарнок, дар охири баландии роҳ (кӯтал) ва дигар минтақаҳои дидашавандагияшон муҳдуди роҳҳои мошингарди минтақаҳои кӯҳӣ, махсусан пулҳо ва нақбҳо сабқат ва таваққуф нанамоянд.

Ронандагони воситаҳои нақлиёти боркаш, ки вазни ниҳоии ҷоизаш зиёда аз 3,5 тонна мебошад, ба монанди трактор ва автобусҳо ҳангоми бозистӣ ва таваққуф дар баландии роҳ (кӯтал) ва нишебиҳои роҳҳои кӯҳӣ аз воситаҳои зидди ғелиш (танбаҳо) истифода баранд.

Ҳамчунин дар вақти бориши борон ва барф ба ронандагон иловатан хушдор дода мешавад, ки  таҷҳизоти иловагии зиддилағжиш истифода баранд, чархҳои воситаҳои нақлиётро бо шинаҳои зимистона муҷаҳҳаз намуда, бо худ гирифтани лавозимоти заруриро фаромӯш нанамоянд.

276
Барчаспҳо:
ҳушдор, барф, БДА, Тоҷикистон
В Худжанде вводят в эксплуатацию автобусы с электронной системой платежей

Дар Хуҷанд системаи пардохти электронӣ ҷорӣ карда шуд

445
(Таҷдидшуда 19:55 10.11.2020)
Хуҷанд пас аз Душанбе дуввумин шаҳри Тоҷикистон шуд, ки пардохти роҳкирои нақлиёти ҷамъиятӣ тавасути корти электронӣ сурат мегирад

ДУШАНБЕ, 10 ноя — Sputnik. Дар автобусҳои Хуҷанд системаи пардохти ғайринақдии City Card роҳандозӣ карда шуд, менависад сомонаи "SugdNews".

Ба иттилои манбаъ, кортҳои электронӣ арзишашон 10 сомонӣ буда, онро метавон дар 74 терминалҳои дар саросари шаҳр ҷойгирбуда харидорӣ кард.

Гуфта мешавад, дар суратҳисоби корти харидашуда 6 сомонӣ боқӣ хоҳад монд, ки мусофирон онро метавонанд барои пардохти роҳкиро истифода хоҳанд кард.

Манбаъ мегӯяд, ин ташаббус дар доираи лоиҳаи "Рушди нақлиёти ҷамъиятӣ дар Хуҷанд" оғоз шудааст. 

Ба гуфтаи роҳбари гурӯҳи амалисозии барнома, Абдуҷалил Бободҷонов, системаи City Card дар тамоми ҷаҳон маъмул аст ва ба талаботи ҳаёти муосир  ҷавобгӯ мебошад.

"Пардохт дар тӯли чанд сония гузаронида мешавад ва ҳеҷ гуна нороҳатӣ эҷод намекунад. Ҳисоббаробаркунӣ бо пули нақд вақти зиёдро талаб мекунад: пулчинакҳоро зарур меоядҳаммаи мусофиронро гузаранд ва барои баргардонидани бақия боз майдапул кобанд ", - гуфт Бобоҷонов.

Дар баробари ин, сокинони шаҳр ҳанӯз ҳам имкон доранд, ки пули роҳкироро нақдӣ пардохт кунанд.

Ёдовар мешавем, ки қаблан системаи ғайринақдии пардохт тавассутиCity Card дар Душанбе пайдо шуда буд.

Ҳамин тариқ, Хуҷанд дуввумин шаҳр дар Тоҷикистон шуд, ки системаи навро ҷорӣ кард.

 

445
Барчаспҳо:
пардохти ғайринақдӣ, маблағ, пардохт, нақлиёт, Хуҷанд, Тоҷикистон
Сейсмический график, архивное фото

Ду заминҷунбӣ дар як рӯз: маркази заминҷунбӣ марзи Афғонистону Тоҷикистон

0
(Таҷдидшуда 10:22 27.11.2020)
Дар марзи Тоҷикистону Афғонистон дар як рӯз ду маротиба бо фосилаи чанд соат замин ҷунбид

ДУШАНБЕ, 27 ноя — Sputnik. Зилзилашиносони байналмилалӣ якбора ду заминҷунбиро дар қаламрави Тоҷикистон ба қайд гирифтаанд, иттилоъ додааст, Хадамоти геофизикии воҳиди Академияи улуми Русия.

Аввалин заминҷунбӣ санаи 26 ноябр соати 13:01 дақиқа сурат гирифт, ки қувваи зилзила дар маркази он 4,5 баллро ташкил медод, аммо дуввумин заминларза соати 20:27 дақиқа ба вақти маҳали сурат гирифт, ки қувваи он ба 4,6 балл расид.

Макони ҳар ду заминҷунбӣ наздикии марзи Тоҷикистону Афғонистон будаааст.

Бояд қайд кард, ки Кумитаи ҳолатҳои фавқулодаи Тоҷикистон то ҳол дар бораи ин ду заминларза, ки дар қаламрави ҷумҳурӣ сурат гирифтааст, ҳеҷ шарҳе надодааст.

Ҳамчунин, дар ҳоли ҳозир, дар бораи нафарони осебдида ва харобиҳо низ  маълумоте вуҷуд надорад.

Бояд қайд кард, ки бори ахир заминҷунбӣ дар Тоҷикистон санаи 19 ноябри соли равон ба қайд гирифта шуда буд. Он замон қувваи зилзиларо ҳатто дар қаламрави Гулистон ва Ҷизахи Ӯзбекистон эҳсос карданд.

0
Барчаспҳо:
марз, зилзила, заминларза, Афғонистон, Тоҷикистон