Тролейбуси нав. Акс аз бойгонӣ

Дар Душанбе троллейбусҳои “шабгард” пайдо мешаванд

281
(Таҷдидшуда 14:40 31.01.2017)
Тибқи фармони раиси шаҳри Душанбе хизматрасонии троллейбусҳо ба мусофирон дар 2 баст (то соати 23:00 шаб) ба роҳ монда мешавад

ДУШАНБЕ, 31 янв — Sputnik. Раиси шаҳри Душанбе Рустами Эмомалӣ аз Корхонаи коммуналии воҳиди давлатии "Троллейбус"-и пойтахт боздид карда, супориш дод, то фаъолияти троллейбсҳо то ними шаб ба роҳ монда шавад, хабар медиҳад хадамоти матбуоти шаҳрдори Душанбе.

Гуфта мешавад, ки дар ҷараёни шиносоӣ Рустами Эмомалӣ ба масъалаи вазъи кунунии парки мошину олотҳои корхона ва истифодаи самараноки воситаҳои нақлиётии мусофирбар, бахусус тароллейбусҳо   мароқ зоҳир кард.

Раиси шаҳр зимни вохӯрӣ таъкид кард, ки фаъолияти имрӯзаи троллейбусҳо дар шаҳр ҷавобгӯи талаботи мусофирон набуда, беҳбудии ҷиддиро талаб мекунад.

Ҳамин тавр тибқи супоришҳои раиси шаҳр дар Душанбе хатсайрҳои ҷадид кушода шуда, реҷаи кории троллейбусҳо даврозтар мешавад.

"Бо ҷалби воситаҳои техникию нақлиёти тозабакори фарогирифташуда хизматрасонӣ ба мусофирон дар  2  баст (то соати 23:00 шаб)  ба роҳ монда шавад",-омадааст дар хабарнома.

Роҳбари шаҳр ҷиҳати таҷдид намудани парки троллейбусҳо ва баланд бардоштани маданияти хизматрасонии мусофирон дар назди масъулини корхона вазифаҳои мушаххас гузошт.  

Инчунин, вобаста ба беҳтар кардани вазъи имрӯзаи корхона, аз ҷумла таъмиру таҷдиди минтақҳои таъмирталаби хатҳои барқтаъминкунанда ва мумфарш(асфалтпӯш) намудани даромадгоҳҳои корхона дастуру супоришҳои мушаххас дода шуд.

281
Барчаспҳо:
то 23.00, хатсайрҳои ҷадид, троллейбусҳои нав, шаҳрдории Душанбе, Рустами Эмомалӣ, Душанбе
Мавзуъ
Сокинони Душанбе аз Рустам чиро интизоранд: ҷойи кор, мактаб ё роҳ
Сокинони Душанберо омадани Рустам не, рафтани Убайдуллоев ғамгин кард
Автобусы AKIA AVESTO производимые в Таджикистане

Тоҷикистон тавони истеҳсоли автобусҳои “Акиа” бидуни муҳаррикҳои олмонӣ надорад

255
(Таҷдидшуда 12:17 28.09.2020)
Корхонаи муштараки “Акиа Авесто Автоматив Индастри”-и Тоҷикистон тасмим дорад 9 автобуси 8-метраро ҷамъу васл намуда, ба фурӯш барорад

ДУШАНБЕ, 28 сен – Sputnik. Ба нақл аз АМИТ “Ховар” ширкати “Мерседес Бенс” эълон кардааст, ки  баъд аз ба эътидол даромдани вазъи паҳншавии коронавирус дар ҷаҳон  ва пурра боз шудани марзҳо ба ширкати “Акиа” муҳаррики автобусҳои 8-метра равона хоҳад кард.

Гуфта шудааст, ки баъди равон кардани муҳаррикҳо корхонаи муштараки “Акиа Авесто Автоматив Индастри”-и Тоҷикистон 9 автобуси 8-метраро ҷамъу васл намуда, ба фурӯш мебарорад.

Вазорати саноат ва технологияҳои нави Тоҷикистон хабар додааст, ки  муҳаррики автобусҳо аз тарафи ширкати германии “Мерседес Бенс” аввал ба ширкати “Акиа”-и Туркия таҳвил дода шуда, сипас ба ҶДММ “Акиа Авесто Автоматив Индастри” равона хоҳад шуд.

Гуфта шудааст, ки корхонаи мазкур аз оғози фаъолият 300 автобус ва соли 2019 148 автобусро ба маблағи 141,7 млн. сомонӣ  ҷамъу васл намуда, ба фурӯш баровардааст. Дар айни замон нархи як адад автобуси тамғаи АКИА-и истеҳсоли Тоҷикистон 132 ҳазор евро мебошад.

Ҳамзамон манбаъ қайд кардааст, ки дар 8 моҳи соли равон корхонаи ҶСП “Агротехсервис”-и шаҳри Ҳисор, ба маблағи 9,4 млн сомонӣ маҳсулот истеҳсол намуда,    4 трактор ва 6  ядак ба Ӯзбекистон содирот намуд. Масъулон нақша доранд, ки дар оянда ба кишварҳои ҳамсояи Ҷумҳурии Исломии Афғонистон низ тракторҳо ва дигар таҷҳизоти кишоварзии дар ин корхона истеҳсолшавандаро содирот намоянд. Аз ин хотир яке аз хатҳои васлу насби техникаҳои кишоварзӣ ба содирот нигаронида шудааст.

Иқтидори истеҳсолии солонаи корхона 1700 трактор ва мошинолоти кишоварзӣ мебошад.

255
Барчаспҳо:
корхона, фурӯш, истеҳсол, автобус, Тоҷикистон
Таджикские дороги в Муминабадском районе

Раҳмон роҳи мошингарди "Чилдухтарон - Ховалинг" - ро, ки Амировҳо сохтанд, ифтитоҳ кард

314
(Таҷдидшуда 12:58 25.09.2020)
Кишвардори Тоҷикистон Эмомалӣ Раҳмон дар ноҳияи Мӯъминобод роҳи мошингарди "Чилдухтарон - Ховалинг" - ро ифтитоҳ кард

ДУШАНБЕ, 25 сен - Sputnik. Дар ноҳияи Ховалинг бо иштироки раисҷумҳури Тоҷикистон Эмомалӣ Раҳмон роҳи автомобилгарди "Чилдухтарон - Ховалинг" ифтитоҳ ёфт, хабар медиҳад котиботи раисҷумҳур.

Ба иттилои манбаъ, роҳи мазкур бахшида ба 30 - солагии Истиқлолияти давлатии Тоҷикистон мавриди истифодабарӣ қарор дода шуд.

Манбаъ меафзояд, роҳи "Чилдухтарон - Ховалинг" - ро аз моҳи октябри соли 2019 оилаи Амировҳо сохта, бо дарозии 12 километр ба анҷом расониданд.

Раҳмон дар Мӯъминобод бо дастовез ба хонаи сокини маҳаллӣ рафт

Таъкид мешавад, ки баробари мавриди истифода қарор гирифтани он, рафтуомад тариқи ноҳияҳои Данғара, Балҷувон ва Ховалинг қариб 70 километр кӯтоҳ шуд.

Кишвардори Тоҷикистон барои хизмати арзандаи оилаи Амировҳо изҳори сипос намуда, дар маконе, ки тамоми табиати Чилдухтарон намоён аст, Кохи сайёҳӣ бо номи "Қадамҷойи Пешвои миллат" - ро ифтитоҳ кард.

314
Барчаспҳо:
ифтитоҳ, роҳи мошингард, Эмомалӣ Раҳмон
Шайх Сабоҳ ал- Аҳмад ал-Ҷобир ас-Сабоҳ, амири Давлати Қувайт

Даргузашти амири Қувайт дар синни 92-солагӣ

0
Шайх Сабоҳ ал- Аҳмад ал-Ҷобир ас-Сабоҳ, амири Давлати Қувайт дар сини 92-солагӣ  аз олам даргузашт

ДУШАНБЕ, 30 сен — Sputnik. Дар Иёлоти Муттаҳидаи Амрико куҳансолтарин ҳокими араб, амири Кувайт Сабоҳи IV дар синни 92-солагӣ даргузашт, хабар медиҳад РИА Новости.

Ба иттилои манбаъ, амир сар аз моҳи июл дар яке аз беморхонаҳои иёлати Миннесота бистарӣ шуда, ҷарроҳӣ шудааст.

Аз он вақт инҷониб, мақомоти Кувайт борҳо гузориш додаанд, ки саломатии Сабоҳи IV мӯътадил буда дар ҳоли беҳбуд аст.

Ҳамзамон, бародари хурди Сабоҳи IV ва шоҳзодаи валиаҳд Навоф ал-Аҳмад ал-Ҷобир ас-Сабоҳ ба ҳайси иҷрокунандаи амир таъин гардида буд.

Тибқи иттилои ҳукумат, амири нав валиаҳд Наваф ал-Аҳмад ас-Сабоҳ ҷойгузини Сабоҳи IV шудааст.

Сабоҳ ал-Аҳмад ал-Ҷобир ас-Сабоҳ сар аз моҳи январи соли 2006 дар Қувайт ҳукмронӣ мекард.

Қабл аз он, ӯ ба ҳайси сарвазир кор мекард ва пештар аз он тӯли даҳсолаҳо раёсати сиёсати хориҷии кишварро ба зима дошт.

0
Барчаспҳо:
шайх Сабоҳ ал-Аҳмад ал-Ҷаббор ас-Сабоҳ, даргузашт, Қувайт