Фурудгоҳи байналмиллалии Душанбе

Фурӯши чиптаҳо ба парвози Душанбе Тошканд оғоз шуд

194
(Таҷдидшуда 11:53 01.02.2017)
Шаҳрвандоне, ки раводид ба даст овардаанд, метавонанд ба самти Тошканд аз Душанбе чипта харидорӣ кунанд

ДУШАНБЕ, 1 фев — Sputnik. Фурӯши чиптаҳо ба парвози Душанбе — Тошканд, ки ширкати ҳавоии "Сомон-Эйр" ба анҷом мерасонад, сар шуд. Аммо чиптаҳоро танҳо дар ҳолати доштани раводид метавон ба даст овард.

Нархи чиптаро худи сомонаи "Сомон Эйр" қайд мекунад, ки 177 евроро ташкил медиҳад. Хоҳишмандон ва ё шаҳрвандоне, ки аллакай раводид ба даст оварда, хоҳиши парвоз ба Ӯзбекистонро доранд, метавонанд бо нархи 1 ҳазору 503 сомонӣ чипта ба даст оранд.

Пештар хабар дода шуда буд, ки Тоҷикистон ва Ӯзбакистон ба имзои созишномаи парвозҳо омода мебинанд ва дар ояндаи наздик ҳуҷҷат омода шуда, парвозҳо оғоз меёбанд.

Ёдовар мешавем, ки алоқаи ҳавоӣ миёни ду кишвари ҳамсоя ҳанӯз соли 1992, зимни шурӯъ шудани ҷанги шаҳрвандӣ дар Тоҷикистон қатъ карда шуд.
194
Барчаспҳо:
фурӯш, чипта, парвоз, "Сомон Эйр", Тоҷикистон- Ӯзбакистон
Мавзуҳо:
Ҳодисаи таърихӣ: оғози парвози Душанбе-Тошканд баъди 25-сол (7)

Ҷилавгирӣ аз сонеҳаҳои нақлиётӣ: пулис муоинаи техникии мошинҳоро тафтиш мекунад

675
(Таҷдидшуда 17:37 21.10.2020)
Дар Тоҷикистон амалиёти навбатии "Муоинаи техникӣ" идома дорад. Пулиси Тоҷикистон дар масирҳо воситаҳои нақлиётро манъ намуда, муоинаи техникиро мавриди санҷиш қарор медиҳад

ДУШАНБЕ, 21 окт - Sputnik. Дар Тоҷикистон аз 20 октябр амалиёти навбатии "Муоинаи техникӣ" оғоз ёфта, то 30 октябр тӯл мекашад, хабар медиҳад котиботи Бозрасӣ давлатии автомобилии кишвар.

Ба иттилои манбаъ, мақсад аз гузаронидани амалиёт пешгирии ҳодисаҳои роҳу нақлиёт, баланд бардоштани ҳолати техникии худравҳо арзёбӣ мешаваад.

Гузашта аз ин, пулиси роҳ бо пиёда намудани ин амалиёт шумораи дақиқи воситаҳои нақлиётро муайян намуда, раванди супоридани маблағи андозро назорат мекунад.

Пулиси Душанбе 1,5 ҳазор нафарро барои нақзи қавонини роҳ 6 сомониву 88 дирам ҷарима баст

Ҳамчунин, воситаҳои нақлиёти боркаш ва дигар намуди воситаҳои нақлиётро бо омода намудани муоинаи ҳатмии давлатии техникӣ ҷалб мекунад.

Зимнан, Раёсати БДА ВКД Ҷумҳурии Тоҷикистон аз ҳамаи соҳибони воситаҳои нақлиёт хоҳиш менамояд, ки воситаҳои нақлиётро дар ҳолати дурусти техникӣ нигоҳ дошта, сари вақт ба муоинаи техникӣ пешниҳод намоянд.

675
Барчаспҳо:
тафтиш, пулис, мошин, роҳ
Машина милиции в Душанбе, архивное фото

Эълони се рӯзи роҳбандӣ дар Суғд: ҳаракати нақлиёт дар кадом кӯчаҳо маҳдуд мешавад?

588
(Таҷдидшуда 10:55 15.10.2020)
 Бозрасии давлатии автомобилӣ бо нашри як эълон аз ташрифи меҳмонони олимақом ба вилояти Суғд хабар дода гуфтааст, ки ба ин муносибат тайи се рӯз, ҳаракати воситаҳои нақлиёт дар якчанд роҳу кӯчаҳои шаҳру навоҳӣ маҳдуд карда мешавад

ДУШАНБЕ, 15 окт – Sputnik. Бино ба эълони БДА-и Суғд, ки дар ихтиёри расонаҳои хабарӣ қарор дода шудааст, шурӯъ аз имрӯз ҳаракати воситаҳои нақлиёт дар соатҳои зарурӣ  маҳдуд мешавад.

Ба иттилои манбаъ, ҳаракати нақлиёт дар кӯчаҳои ташрифотии шаҳри Бӯстон, шоҳроҳи “Ғафуров - Хуҷанд”, кӯчаи И. Сомонӣ то хиёбони Раҳмон Набиеви шаҳри Хуҷанд, кӯчаи Гагарин то чорроҳаи Шарқ, кӯчаи Сирдарёи маҳаллаи Чашма, давраи Ором ва роҳи автомобилгарди “Палос - Сомғор” то шаҳри Гулистон манъ мешавад.

БДА Суғд огоҳ намудааст, ки дар ду рӯзи оянда, ҳаракати воситаи нақлиёт дар кадом роҳҳои шаҳру ноҳияҳои вилоят маҳдуд карда мешавад.

“Санаи 16 октябр ҳаракати воситаҳои нақлиёт дар кӯчаҳои ташрифотии шаҳри Гулистон, шоҳроҳи “Ғафуров-Хуҷанд”, кӯчаи И. Сомонӣ то Кохи Рӯдакии шаҳри Хуҷанд ва бозгашт ба ҳамин роҳ то шаҳри Гулистон ва санаи 17 октябр дар роҳи автомобилгарди Ғафуров - Қаҳрамон - Пунғоз , кӯчаҳои деҳаи Сомғори ҷамоати деҳоти Исмоил то Боғи миллӣ ва бозгашт тавассути кӯчаҳои ташрифотии шаҳри Гулистон, шоҳроҳи Хуҷанд - Ғафуров” ва кӯчаҳои марказии шаҳри Бӯстон маҳдуд мешавад”, омадааст дар хабари БДА.

Қаҳрамонии як мансабдори БДА: донишҷӯдухтарро аз худкушӣ дар Сирдарё наҷот додааст

Бо ироаи ин эълон, Қурбонзода Суҳроб Амиралӣ, сардори БДА Суғд аз ронандагон даъват кардааст, ки дар сурати баста шудани роҳ метавонанд аз тариқи кӯчаҳои ҳавшафати ин роҳҳо ҳаракат намоянд.

588

Ифтитоҳи масҷиди муосир дар Тотористон - гузориши аксӣ

0
(Таҷдидшуда 19:17 26.10.2020)
Дар шаҳри Набережние Челни масҷиди "Чали Яр" бо меъмории ғайриоддии технологӣ кушода шуд

Хонаи намозгузорӣ барои мусалмонон дар Ҷумҳурии Тотористон бо услуби муосири меъморӣ сохта шудааст.

Дар як вақт, масҷид бо масоҳати 450 метри мураббаъ метавонад то 250 намозгузорро ғунҷонад.

Тоҷикистон кай дари масоҷидро ба рӯи намозгузорон мекушояд?

Ибодатхона дар шоҳроҳи федералии Волгаи М7 ҷойгир аст, бинобар ин ронандагон метавонанд низ аз он дидан кунанд.

Намоз ва қурбонӣ онлайн: коронавирус чигуна Иди Қурбонро тағйир дод

Дари масҷид шабонарӯзӣ боз буда, мусалмонон метавонанд ҳар замон аз ин макони ибодат дидан кунанд ва дар он ҷо намоз гузоранд.

0
  • © Sputnik / Maksim Bogodvid

    Намозгузорон дар масҷиди нави "Чали Яр" дар Набережние Челни.

  • © Sputnik / Maksim Bogodvid

    Масҷиди "Чали Яр" бо меъмории ғайриоддии технологӣ дар шаҳри Набережние Челни кушода шудааст.

  • © Sputnik / Maksim Bogodvid

    Хонаи намозгузории "Чали Яр" барои мусалмонон дар Ҷумҳурии Тотористон бо услуби муосири меъморӣ сохта шудааст.

  • © Sputnik / Maksim Bogodvid

    Масоҳати масҷид 450 метри мураббаъро ташкил медиҳад.

  • © Sputnik / Maksim Bogodvid

    Дар як вақт дар масҷид то 250 намозгузор метавонад дуо хонад.

  • © Sputnik / Maksim Bogodvid

    Масҷиди нави "Чали Яр" дар Набережние Челнии Тотористон.

  • © Sputnik / Maksim Bogodvid

    Дари масҷид 24 соат боз буда, намозгузорон дар вақти дилхоҳ метавонанд вориди ин маъбад шаванд.

  • © Sputnik / Maksim Bogodvid

    Намозгузорон дар масҷиди нави "Чали Яр" дар Набережние Челни.

Барчаспҳо:
ифтитоҳ, масҷид, Тотористон