Нақлиёти ҷамъиятӣ дар Душанбе. Акс аз бойгонӣ

Қарори Рустам оиди манъ кардани ҳаракати нақлиёт дар кӯчаи Маҳмадалиев

583
(Таҷдидшуда 11:37 08.02.2017)
Мувофиқи қарори раиси шаҳри Душанбе яке аз кӯчаҳои пойтахт барои ҳаракати воситаи нақлиётӣ то моҳи декабри соли 2017 баста мешавад

ДУШАНБЕ, 8 фев — Sputnik. Ҳукумати шаҳри Душанбе ба азнавсозии кӯчаи Миралӣ Маҳмадалиев (собиқ кӯчаи Фучик) машғул мешавад, хабар медиҳад хадамоти матбуоти шаҳрдори Душанбе.

"Бинобар оғоз шудани корҳои сохтмонӣ дар лоиҳаи "Азнавсозии кўчаи М.Маҳмадалӣ (собиқ Фучик) аз кўчаи Карин Манн то кўчаи А.Қаҳҳоров" аз 6 феврали соли 2017 то 25 декабри соли 2017 ҳаракати нақлиёти автомобилӣ, муваққатан қатъ карда шавад",-омадааст дар иттилоия.

 Ба ронанадагон тавсия дода мешавад, ки аз дигар роҳҳои минтақаи шаҳри Душанбе истифода баранд.

"Азнавсозии кўчаи М.Маҳмадалӣ (собиқ Фучик) аз кўчаи Карин Манн то кўчаи А.Қаҳҳоров"-яке аз қадамҳои нахустини раиси нави шаҳри Душанбе ҷиҳати ободигардонии пойтахти Тоҷикистон мебошад.

Қаблан Рустами Эмомалӣ қарор дар бораи давомнокии ҳаракати троллейбусҳо дар шаҳри Душанберо қабул карда, ҳаракати онҳоро то соати 23:00 дарозтар кард.

583
Барчаспҳо:
то декабри соли 2017, қарори Рустам, баста шудани кӯча, Рустами Эмомалӣ, Душанбе
Мавзуъ
Рустам ҷавонони Душанберо вазифадор кард, дар маъракаи 150 рӯзи ободонӣ иштирок кунанд
Эмомалӣ Раҳмон бо Рустам дар бораи коррупсия машварат кард
Супориши Раҳмон ба Рустам ҳангоми ниҳолшинонӣ дар Боғи Наврӯзгоҳ
Автобусы AKIA AVESTO производимые в Таджикистане

Тоҷикистон тавони истеҳсоли автобусҳои “Акиа” бидуни муҳаррикҳои олмонӣ надорад

255
(Таҷдидшуда 12:17 28.09.2020)
Корхонаи муштараки “Акиа Авесто Автоматив Индастри”-и Тоҷикистон тасмим дорад 9 автобуси 8-метраро ҷамъу васл намуда, ба фурӯш барорад

ДУШАНБЕ, 28 сен – Sputnik. Ба нақл аз АМИТ “Ховар” ширкати “Мерседес Бенс” эълон кардааст, ки  баъд аз ба эътидол даромдани вазъи паҳншавии коронавирус дар ҷаҳон  ва пурра боз шудани марзҳо ба ширкати “Акиа” муҳаррики автобусҳои 8-метра равона хоҳад кард.

Гуфта шудааст, ки баъди равон кардани муҳаррикҳо корхонаи муштараки “Акиа Авесто Автоматив Индастри”-и Тоҷикистон 9 автобуси 8-метраро ҷамъу васл намуда, ба фурӯш мебарорад.

Вазорати саноат ва технологияҳои нави Тоҷикистон хабар додааст, ки  муҳаррики автобусҳо аз тарафи ширкати германии “Мерседес Бенс” аввал ба ширкати “Акиа”-и Туркия таҳвил дода шуда, сипас ба ҶДММ “Акиа Авесто Автоматив Индастри” равона хоҳад шуд.

Гуфта шудааст, ки корхонаи мазкур аз оғози фаъолият 300 автобус ва соли 2019 148 автобусро ба маблағи 141,7 млн. сомонӣ  ҷамъу васл намуда, ба фурӯш баровардааст. Дар айни замон нархи як адад автобуси тамғаи АКИА-и истеҳсоли Тоҷикистон 132 ҳазор евро мебошад.

Ҳамзамон манбаъ қайд кардааст, ки дар 8 моҳи соли равон корхонаи ҶСП “Агротехсервис”-и шаҳри Ҳисор, ба маблағи 9,4 млн сомонӣ маҳсулот истеҳсол намуда,    4 трактор ва 6  ядак ба Ӯзбекистон содирот намуд. Масъулон нақша доранд, ки дар оянда ба кишварҳои ҳамсояи Ҷумҳурии Исломии Афғонистон низ тракторҳо ва дигар таҷҳизоти кишоварзии дар ин корхона истеҳсолшавандаро содирот намоянд. Аз ин хотир яке аз хатҳои васлу насби техникаҳои кишоварзӣ ба содирот нигаронида шудааст.

Иқтидори истеҳсолии солонаи корхона 1700 трактор ва мошинолоти кишоварзӣ мебошад.

255
Барчаспҳо:
корхона, фурӯш, истеҳсол, автобус, Тоҷикистон
Таджикские дороги в Муминабадском районе

Раҳмон роҳи мошингарди "Чилдухтарон - Ховалинг" - ро, ки Амировҳо сохтанд, ифтитоҳ кард

314
(Таҷдидшуда 12:58 25.09.2020)
Кишвардори Тоҷикистон Эмомалӣ Раҳмон дар ноҳияи Мӯъминобод роҳи мошингарди "Чилдухтарон - Ховалинг" - ро ифтитоҳ кард

ДУШАНБЕ, 25 сен - Sputnik. Дар ноҳияи Ховалинг бо иштироки раисҷумҳури Тоҷикистон Эмомалӣ Раҳмон роҳи автомобилгарди "Чилдухтарон - Ховалинг" ифтитоҳ ёфт, хабар медиҳад котиботи раисҷумҳур.

Ба иттилои манбаъ, роҳи мазкур бахшида ба 30 - солагии Истиқлолияти давлатии Тоҷикистон мавриди истифодабарӣ қарор дода шуд.

Манбаъ меафзояд, роҳи "Чилдухтарон - Ховалинг" - ро аз моҳи октябри соли 2019 оилаи Амировҳо сохта, бо дарозии 12 километр ба анҷом расониданд.

Раҳмон дар Мӯъминобод бо дастовез ба хонаи сокини маҳаллӣ рафт

Таъкид мешавад, ки баробари мавриди истифода қарор гирифтани он, рафтуомад тариқи ноҳияҳои Данғара, Балҷувон ва Ховалинг қариб 70 километр кӯтоҳ шуд.

Кишвардори Тоҷикистон барои хизмати арзандаи оилаи Амировҳо изҳори сипос намуда, дар маконе, ки тамоми табиати Чилдухтарон намоён аст, Кохи сайёҳӣ бо номи "Қадамҷойи Пешвои миллат" - ро ифтитоҳ кард.

314
Барчаспҳо:
ифтитоҳ, роҳи мошингард, Эмомалӣ Раҳмон
Шайх Сабоҳ ал- Аҳмад ал-Ҷобир ас-Сабоҳ, амири Давлати Қувайт

Даргузашти амири Қувайт дар синни 92-солагӣ

0
Шайх Сабоҳ ал- Аҳмад ал-Ҷобир ас-Сабоҳ, амири Давлати Қувайт дар сини 92-солагӣ  аз олам даргузашт

ДУШАНБЕ, 30 сен — Sputnik. Дар Иёлоти Муттаҳидаи Амрико куҳансолтарин ҳокими араб, амири Кувайт Сабоҳи IV дар синни 92-солагӣ даргузашт, хабар медиҳад РИА Новости.

Ба иттилои манбаъ, амир сар аз моҳи июл дар яке аз беморхонаҳои иёлати Миннесота бистарӣ шуда, ҷарроҳӣ шудааст.

Аз он вақт инҷониб, мақомоти Кувайт борҳо гузориш додаанд, ки саломатии Сабоҳи IV мӯътадил буда дар ҳоли беҳбуд аст.

Ҳамзамон, бародари хурди Сабоҳи IV ва шоҳзодаи валиаҳд Навоф ал-Аҳмад ал-Ҷобир ас-Сабоҳ ба ҳайси иҷрокунандаи амир таъин гардида буд.

Тибқи иттилои ҳукумат, амири нав валиаҳд Наваф ал-Аҳмад ас-Сабоҳ ҷойгузини Сабоҳи IV шудааст.

Сабоҳ ал-Аҳмад ал-Ҷобир ас-Сабоҳ сар аз моҳи январи соли 2006 дар Қувайт ҳукмронӣ мекард.

Қабл аз он, ӯ ба ҳайси сарвазир кор мекард ва пештар аз он тӯли даҳсолаҳо раёсати сиёсати хориҷии кишварро ба зима дошт.

0
Барчаспҳо:
шайх Сабоҳ ал-Аҳмад ал-Ҷаббор ас-Сабоҳ, даргузашт, Қувайт