Рустам Эмомалӣ низоми нави пардохтро месаҷад

"Раҳмат": Рустам Эмомалӣ низоми электронии пардохтро санҷид

177
(Таҷдидшуда 15:18 24.07.2017)
Низоми пардохти электронӣ дар марҳилаи ибтидоӣ дар 29 автобус ва 28 троллейбуси хатсайри марказии шаҳри Душанбе, яъне хиёбони Рӯдакӣ ба таври таҷрибавӣ ҷорӣ шудааст

ДУШАНБЕ, 23 июл — Sputnik.  Бино ба иттилоъи шаҳрдории Душанбе, раиси пойтахти Тоҷикистон Рустам Эмомалӣ рӯзи 21 июл дар  маросими рӯнамои тарҳи намунавии "Корти шаҳрӣ"-и пардохт ва назорати электронии роҳкиро дар нақлиёти мусофирбар доир гардид.

Лоиҳаи низоми автоматии пардохт ва назорати роҳкиро дар нақлиёти мусофирбари шаҳрро мутахассисони ширкати "IBA-Group" Белорусия  тарҳрезӣ намуда, корҳои насбу танзими таҷҳизот ва таҳияи кортҳои электронӣ дар доираи механизми шарикии давлат ва бахши хусусӣ аз ҷониби ширкатҳои ватанӣ анҷом дода мешавад.

Ба гузориши манбаъ, гузариш ба  пардохт ва назорати электронии роҳкиро дар се марҳила татбиқ мегардад.

Низоми пардохти электронӣ дар  марҳилаи ибтидоӣ дар 29 автобус  ва 28 троллейбуси хатсайри марказии шаҳри Душанбе, яъне хиёбони Рӯдакӣ  ба таври таҷрибавӣ ҷорӣ шудааст.

Бино ба маълумот раиси шаҳри Душанбе  зимни шиносоӣ бо тарҳи нави пардохти роҳкиро таваҷҷуҳи масъулини соҳаро ба баланд бардоштани дараҷаи хизматрасонӣ ба аҳолӣ, ҷорӣ намудани шаклу усулҳои манфиатбахши хизматрасонӣ ва риояи бечунучарои қоидаҳои мусофирбарӣ бо дарназардоршти амнияти мусофирон ва хатсайру истгоҳҳои муайяншуда ҷалб кард.

Гуфта мешавад,ки мусофирон кортҳои электронии пардохтро метавонанд, аз ронанда, назоратчӣ ҳамчунин аз терминалҳои махсусе, ки дар истгоҳҳо амал мекунанд  ва дигар нуқтаҳои фурӯши шаҳрӣ  дастрас намоянд.

Дар нақлиёти шаҳрӣ барои қабули пардохтҳои электронӣ таҷҳизоти махсус (валидатор) насб шудаанд

Мусофир ҳангоми ворид шудан ба нақлиёт кортро ба  болои таҷҳизоти қабул —  валидатор мегузорад ва дар сурати мавҷуд будани маблағ  дар табло  калимаи "Раҳмат " ва агар дар корт маблағи лозимаи пардохт мавҷуд набошад, истилоҳи "Қабул нашуд" пайдо мешавад.

Дар марҳилаи аввал дар ҳар як воситаи нақлиёти мусофирбар назоратчиҳо фаъолият мекунанд, ки ҷараёни истифода ва пардохти электронии роҳкироро назорат мекунанд. Мусофирон метавонанд, корти роҳкироро аз назоратчӣ ё ронанда дастрас намоянд. Дар сурати надоштани корт мусофир метавонад, маблағи роҳкирро ба назоратчӣ пардохт намуда, аз ӯ расид гирад.

Дар автобусу троллейбусҳо мониторҳои  иттилоотӣ бо нишон додани масири  хатсайр ва истгоҳҳо амал мекунад.

Барои нафақахӯрон ва афроди дорои имкониятҳои маҳдуд кортҳои имтиёзнок ҷорӣ шудаанд.

Шакли электронӣ барои пардохт қулай буда, ба баланд бардоштани сатҳ  ва фарҳанги хизматрасонии мусофирон, ҷорӣ намудани хизматрасониҳои иловагӣ ва ҳамгироӣ бо дигар намудҳои нақлиёт, васеъ кардани сатҳи пардохт бо воситаи маблағҳои ғайринақдӣ, афзоиши шумораи нақлиёт дар асоси омӯзиши эҳтиёҷоти мусофирон, кам кардани шумораи мусофирони бероҳкиро дар нақлиёт мусоидат мекунад.

177
Барчаспҳо:
низоми нави пардохт, Рустам Эмомалӣ, Тоҷикистон
Мавзуъ
Дар Душанбе троллейбусҳои “шабгард” пайдо мешаванд
Иҷозаи шаҳрдории Душанбе барои фурӯши шир тариқи нақлиёт ба "Агросаноат"
Алоқа, нақлиёт ва ҷаҳонгардӣ: дидори Аслов бо вазири хориҷаи Белгия
Қарори Рустам оиди манъ кардани ҳаракати нақлиёт дар кӯчаи Маҳмадалиев
Нақлиёт ва савдо: Тоҷикистон ва Узбакистон дар Душанбе чиро муҳокима мекунанд

55 парвози иловагии чартерӣ то охири моҳ: ВУХ вақту замони парвозҳоро гуфт

493
(Таҷдидшуда 14:45 15.08.2020)
Ҳавопаймоҳои "Сомон Эйр" ва "Тоҷик Эйр" то авохири моҳи ҷорӣ аз Федератсияи Русия боз 55 парвози дигари чартерӣ анҷом медиҳанд

ДУШАНБЕ, 15 авг — Sputnik. Сар аз 16 то 31 - уми август аз Федератсияи Русия боз 55 парвози чартерӣ ба самти Тоҷикистон анҷом мешавад, хабар медиҳад Вазорати умури хориҷии кишвар.

Ба иттилои манбаъ, парвозҳои чартерӣ аз ҷониби ҳавопаймоҳои ватанӣ, "Сомон Эйр" ва "Тоҷик Эйр" сурат гирифта, тоҷикистониёнро аз шаҳрҳои Санкт - Петербург, Екатеринбург, Новосибирс, Қазон, Краснодар ва Сургут ба ватан интиқол медиҳанд.

Гуфта мешавад, барӯихатгирии хоҳишмандони парвоз ба ватан дар сафорати Тоҷикистон дар шаҳри Маскав ва дар консулгарии генералии Русия тартиб дода мешавад.

Манбаъ меафзояд, бартарият бештар ба занони ҳомила ва кӯдакдорон, пиронсолону маризон, донишҷӯён ва кормандони давлатӣ дода мешавад.

Хушхабари Муҳриддин: ҳамарӯза 2 парвоз самти Тоҷикистону Русия сурат мегирад

ВУХ мегӯяд, хоҳишмандон метавонанд аризаи худро ба суроғаи электронии  charter-russia@mfa.tj ирсол намоянд.

Зимнан, таъкид мешавад, ки тибқи дастури Вазорати тандурустии Тоҷикистон шаҳрвандоне, ки ба ватан бармегарданд бояд маълумотнома дар мавриди мубтало набудан ба коронавирус дошта бошанд. Санаи гирифтани ин маълумотнома набояд аз 4 рӯз бештар бошад ва танҳо кӯдакони то синни 3 - сола аз доштани ин маълумотнома истисно ҳастанд.

Танҳо дар сурати пешниҳод кардани маълумотномаи тиббӣ, шаҳрвандони кишварро аз фаро гирифтан ба карантин озод мекунанд.

493
Барчаспҳо:
Русия, Тоҷикистон, парвозҳо, ВУХ ҶТ

Парвози махсус аз Машҳад ба Душанбе: 122 мусофир вориди Тоҷикистон мешаванд

239
(Таҷдидшуда 18:26 13.08.2020)
Парвози махсус дар ҳамоҳангӣ бо сафорати Тоҷикистон дар Эрон сурат гирифта, 122 мусофир озими Тоҷикистон хоҳанд шуд

ДУШАНБЕ, 13 авг — Sputnik. Интизор меравад, имрӯз 13 - уми август аз шаҳри Машҳади Эрон парвози махсус ба Тоҷикистон анҷом ёбад, хабар медиҳад "Парс тудей".

Ба иттилои манбаъ, парвози махсус бо ҳамоҳангии сафорати Тоҷикистон дар ҷумҳурии исломии Эрон ва бар асоси меъёрҳои шадиди тандурустӣ анҷом мешавад.

Хушхабари Муҳриддин: ҳамарӯза 2 парвоз самти Тоҷикистону Русия сурат мегирад

Гуфта мешавад, қаблан сафорати Тоҷикистон дар Эрон хоҳишмандони сафар ба Тоҷикистонро номнависи карда буд.

"Дар парвози имрӯз ҳудуди 122 мусофир аз ҷумла шаҳрвандони Тоҷикистон ва Эрон озими Душанбе ҳастанд, ки дар идома бо ҳамин парвоз шаҳрвандони эронии сокини Тоҷикистон ба ватанашон боз хоҳанд гашт.

Дар пайи шуюи вируси корона парвозҳои мамулии миёни кишварҳои дӯст ва бародари Эрон ва Тоҷикистон қатъ шуда ва дар ин охир танҳо ду парвози ихтисосӣ миёни ду кишвар анҷом шуда, ки инак парвози севвум дар роҳ аст.

Қарор аст, парвози оянда дар масири Машҳад ба Душанбе ва баръакс рӯзи  3 -юми сентиябр сурат гирад.

239
Первая в мире вакцина от коронавируса

Ваксинаи коронавируси Русия: "олӣ, мисли ҳамагуна олиҳо"

0
Дар роҳи наҷот аз коронавирус - роҳи дигар ҳам ҳаст: одамонро аз олудашавӣ аз он наҷот додан. Ин роҳи беҳтарин аст -ҳам худи одам бемор нест, ҳам атрофиёнашро олуда намекунад.

Мо, пизишкон, дар табобати беморони коронавирус бо истифодаи "антитела", "стероидҳо" ва маводҳои зиддивирусӣ муваффақ шудем. Дар натиҷа марг аз коронавирус камтар шуд, аммо дар ҳолатҳои вазнин мо маҷбурем, ки беморонро ба дастгоҳи нафасдиҳии сунъӣ пайваст кунем. Аз даҳ бемор шаш-ҳашт нафарашон аз инфексияи дохилибемористонӣ мемиранд. Ин гуна беморонро антибиотикҳои нав метавонистанд наҷот диҳанд, аммо барои коркарди онҳо солҳо лозим аст.

Роҳи дигар ҳам ҳаст: одамонро аз олудашавӣ ба коронавирус наҷот додан. Ин роҳи беҳтарин аст -ҳам худи одам бемор нест, ҳам атрофиёнашро олуда намекунад. Зеро то кадом андоза ба ин беморӣ нафарони устувор бештар шаванд, ҳамон андоза қабати иммунии ҷамъият ғафстар мешавад, ба эпидемия хотима меёбад.

Феълан, нафароне нисбати ин беморӣ устувор дониста мешаванд, ки ин бемориро аз сар гузаронанд. Аммо як роҳи бехатари дигар ҳам ҳаст - сироятнопазир кардан. Дар ҳоле, ки ваксинаи бехатар ва самаранок, ки мутахассисони маркази илмии ба номи Гамалеи сохтаанд, омода аст. Ин пажӯҳишгоҳ дар ҷомеаи микробиологӣ мисли бренди "Мерседес" дар мошинсозӣ аст.

Русия ба озмоиши ваксин алайҳи коронавирус оғоз кард

Ман чанд сол аст, ки академикҳо Гинсбург ва Логуновро мешиносам. Бо онҳо ва кормандонашон мо роҳҳои нави мубориза бо бактерияҳои устуворро меомӯзем. Афзун бар ин, олимони пажӯҳишгоҳ аллакай зидди эбола ва MERS ваксин сохтаанд.

Ва на танҳо сохтанд, роҳи сохтани бехатар ва самаранок - векториро кашф намуданд. Ба аденовируси барои инсон беозор, мисли ба машаки ҳомил, истгоҳи мадорӣ - бурдаи коронавирусро мечаспонанд. Ва ба бадани инсон сар медиҳанд. Пас аз ин ҳам  ба мушаки ҳомил ва ҳам ба истгоҳи мадорӣ иммунитет ҳосил мешавад. Барои ин дастовардро мустаҳкамтар кардан, пас аз се ҳафта, ҳамин гуна "истгоҳи мадорӣ"-ро дар дигар "мушаки ҳомил", дигар аденовирус сар медиҳанд. Ва боз иммунитет ҳосил мешавад. Дар натиҷа ба ҳарду аденовирус иммунитети заифтар ҳосил мешавад (зеро он ба организм лозим нест), ба коронавирус бошад - иммунаи пойдор ва устувор.

Олӣ, мисли ҳамагуна олиҳо. Зеро касе мисли мо то ин дараҷа нозукиҳои ваксинасозиро фикр накарданд. Дар ҷаҳон боз чанд ваксинаҳои векторӣ сохта мешаванд, аммо мисли ваксинаи коронавирус ду "мушаки ҳомил" надоранд.

Ваксин аллакай дар бадани довталабон озмоиш шудааст. Бояд қайд кард, ки довталабони нахустин ҳамон кормандони пажӯҳишгоҳи ба номи Гамалеи буданд. Онҳо мисли созандагони пуле буданд, ки то қатораи аввал гузаштан, зери пул худашон истоданд. Пас аз онҳо ваксина дар бадани низомиён озоиш шуд! Ягон ҳолати зарари ваксин ба қайд гирифта нашудааст, ҳама иммунитети қавӣ доранд.

Ҷои тааҷҷуб нест, ки дар рафти сохтани ваксин мавҷи танқидҳо боло шуданд. Аз овозаҳои дурӯғи технологияҳои дуздидашуда сар карда, то бад шудани аҳволи довталабони озмоиши ваксин. Охиронашон  мудҳиш садо медиҳад: тақвияти вобастаи антителӣ (ADE). Ин барои ғайримутахассисон мудҳиш аст. Вирусологҳо медонанд, ки осори ADE танҳо барои лихорадкаи Денге шарҳ дода шудааст, ҳамон ҳам ба ваксингузаронӣ вобаста нест. Дар дигар ҳолатҳо осори ваксинаро танҳо дар пробирка мебинанд. Бояд қайд кард, ки на дар ҳолати инфексияи коронавирус.

Путин аз сабтиноми нахустин ваксинаи зидди коронавирус дар Русия эълон кард

 Аз ин ҷо як савол бармеояд. Ин ширкатҳоро дар расонаҳо кӣ маблағгузорӣ мекунад? Он коршиносони мастақил аз кӣ вобастаанд. Ҷавобаш рӯшан аст: истеҳсолкунандагони дигар ваксинҳо ки феълан аз олимони Русия ақиб мондаанд. Баъзан аз истеҳсолкунандагонии доруҳои зиддивирусӣ, ки камсамаранд.

 Ба мо пизишкон ҳамаи ин шармовар аст. Мо интизорем, ки кай коронавирус маҳв мешавад ва мо бо дигар бемориҳои эпидемикӣ, ки то ҳол дастамон намерасид, машғул мешавем.

0