Рустам Эмомалӣ

Озмуни Рустам Эмомалӣ барои дарёфти ҳуқуқи хизматрасонӣ дар хатсайри 28

580
(Таҷдидшуда 14:44 06.08.2017)
Шаҳрдори Душанбе Рустам Эмомалӣ барои дарёфти ҳуқуқи хизматрасонӣ дар хатсайри рақами 28-и Душанбе озмун эълон кардааст

ДУШАНБЕ, 6 авг — Sputnik. Бино ба иттилоъи равобити умумии шаҳрдорӣ, дар озмун шахсони ҳуқуқӣ ва воқеӣ новобаста аз шакли моликияташон, ки дорои воситаи нақлиёти худӣ ё тибқи қонун ба он моликанд ва иҷозатномаи Хадамоти давлатии назорат ва танзим дар соҳаи нақлиётро доранд, метавонанд ширкат кунанд.

Ба гузориши манбаъ озмун рӯзи 5 сентябр дар дар суроғаи шаҳри Душанбе, хиёбони Рӯдакӣ, 80, ҳуҷраи 28 (ошёнаи 3) баргузор мегардад.

"Дар баробари хатсайри №28 (маҳаллаи Зарафшон — КВД "Насби нақлиёти барқӣ (троллейбус) ва велосипед), инчунин хатсайри №50 (Ҷамоати Чоряккорон — Терминали мусофир-барии ҶСП "Фароз") ба озмун пешниҳод мешавад".

Манбаъ меафзояд, ки дархостҳо бояд дар лифофаи маҳкам, муҳрзада то соати 17:00 рӯзи 4 сентябри соли 2017 ба шуъбаи нақлиёти дастгоҳи Раиси шаҳри Душанбе пешниҳод карда шаванд.

Озмун рӯзи 5 сентябри соли 2017 соати 10:00 дар толори калони маҷлисгоҳи дастгоҳи Раиси шаҳри Душанбе, хиёбони Рудакӣ-80 баргузор мегардад.   

580
Барчаспҳо:
хатсайри 28, озмун, Рустам Эмомалӣ, Душанбе
Мавзуъ
Бо фармони возири нақлиёт: Шодихон Ҷамшед бо нишони "Рохсози фахрӣ" сарфароз шуд
Иҷозаи шаҳрдории Душанбе барои фурӯши шир тариқи нақлиёт ба "Агросаноат"
Алоқа, нақлиёт ва ҷаҳонгардӣ: дидори Аслов бо вазири хориҷаи Белгия
Пост БДА в Хороге, архивное фото

БДА замони баргузории "Муоинаи техникӣ" дар ВМКБ - ро эълон карду онро ҳатмӣ гуфт

101
Раёсати Бозрасии давлатии автомобилии Вазорати умури дохилаи Тоҷикистон дар ВМКБ аз ронандагон хоҳиш кардааст, ки дар амалиёт фаъолона иштирок кунанд

ДУШАНБЕ, 7 авг — Sputnik. Раёсати бозрасии давлатии автомобилии ВКД ҶТ ва РВКД дар ВМКБ барои аз муоиниа техникӣ гузаронидани нақлиёт ва ба пуррагӣ ҷамъ намудани андоз аз соҳибони воситаҳои нақлиёт дар ВМКБ бо номи шартии "Назорат" амалиёти вижа мегузаронад.

"Шуъбаи бозрасии давлатии автомобилии РВКД дар ВМКБ ба саҳми ҳамаи ронандагони воситаҳои нақлиёт мерасонад, ки аз санаи 1-ум то 10-уми августи соли 2020 амалиёти муоинаи техникӣ гузаронида мешавад. Барои гузаронидани воситаҳои нақлиёт дар ноҳияҳои вилоят аз муоинаи ҳатмии давлатии техникӣ автомошинаи сайёр сафарбар карда шудааст", - омадааст дар хабарнома.

Аз аввали соли 2020 то 26-уми июли соли ҷорӣ теъдоди 7 ҳазору 950 далели қоидавайронкуниҳои ҳаракат дар роҳ ошкор карда шуда, 2 ҳазору 943 ронанда воситаҳои нақлиёти гуногунтамғаи худро дар қаламрави ВМКБ аз муоинаи ҳатмии давлатии техникӣ гузарониданд.

Барои истифодабарандагони воситаи нақлиёт бо шишаҳои сиёҳкардашуда, ба 301 ронанда иҷозатномаи махсус барои сиёҳшиша дода шуд.

Гуфта мешавад, ки Ҳадафи асосии гузаронидани воситаҳои нақлиёт аз муоинаи ҳатмии давлатии техникӣ ин саривақт бартараф кардани камбудию норасогиҳои техникии воситаҳои нақлиёт ва дар ҳолати хуб қарор доштани автомашинаҳо буда, баҳри пешгирии садамаҳои роҳу нақлиётӣ равона гардидааст.

Бояд қайд намуд, ки дар худи маркази ташхиси техникӣ хизматрасонихои БДА, боҷи давлатӣ, суғуртаи воситаҳои нақлиёт, ташхиси таҷҳизотҳои газӣ, муоинаи тиббии соҳибони воситаҳои нақлиёт ба роҳ монда шудааст.

Ҳангоми гузаронидани воситаҳои наклиёт аз таҷҳизотҳои муосири техникӣ аз қабили санҷиши холати заҳрнокии партовҳои автомашинаҳо, таҷҳизоти рушноисанҷӣ таҷҳизоти санҷиши носозиҳои чамбараки автомашина ва таҷҳизот барои санҷиши тамоми қисмҳои эҳтиётии автомашинаҳо муҷаҳҳаз карда шудааст.

101
Барчаспҳо:
нақлиёт, мушкилоти техникӣ, техникӣ, ВМКБ

Русия расман бо як кишвари дигар парвозҳоро барқарор мекунад

974
(Таҷдидшуда 17:58 01.08.2020)
Боз ҳам на Тоҷикистон: ҳафтае як маротиба аз Маскав ба пойтахти Швейтсария - Женева парвози мустақим анҷом дода хоҳад шуд

ДУШАНБЕ, 1 авг — Sputnik. Федератсияи Русия алоқаи ҳавоиро бо Швейтсария барқарор мекунад, хабар медиҳад ситоди фаврии мубориза бо коронавирус.

Интизор меравад, ки парвози нахустин аз Русия ба Швейтсария рӯзи 15 август анҷом дода шавад.

Дар назар аст, ки ҳафтае як маротиба аз Маскав ба пойтахти Швейтсария - Женева парвози мустақим анҷом дода шавад.

Хушхабари Муҳриддин: ҳамарӯза 2 парвоз самти Тоҷикистону Русия сурат мегирад

Ёдрас мешавем, ки Русия аз 1 август парвозҳои мустақимро бо се кишвар: Туркия, Бритониёи Кабир ва Танзания оғоз мекунад.

Сӯҳбати Раҳмону Эрдуғон: аз ҳамдардӣ то барқароршавии парвозҳо ва таҳдиди "COVID" - 19

Тоҷикистон низ омодагии худро ҷиҳати оғози парвозҳои мустақим бо Русия изҳор дошт.

974
Барчаспҳо:
барқарорсозӣ, барқароршавӣ, парвозҳои мустақим, Русия
Президент Республики Таджикистан Эмомали Рахмон

Раҳмон як қатор қонунҳоро ба имзо расонид

0
(Таҷдидшуда 18:18 07.08.2020)
Қонунҳои номбурда барои пешгирии амалҳои коррупсионӣ, рушди сайёҳӣ, соҳибкорӣ, фаъолияти бонкӣ, баланд бардоштани сатҳи хизматрасониҳои пардохтӣ ва дар маҷмуъ барои пешрафти минбаъдаи кишвар ва беҳдошти зиндагии мардум равона шудаанд

ДУШАНБЕ, 7 авг — Sputnik. Имрӯз аз ҷониби президенти Тоҷикистон Эмомалӣ Раҳмон даҳ қонун ба имзо расонида шуд, гузориш медиҳад дафтари матбуоти президент.

Бино бар иттилои манбаъ, қонунҳои Ҷумҳурии Тоҷикистон «Дар бораи муқовимат ба коррупсия», «Дар бораи сайёҳӣ», «Дар бораи фаъолияти баҳодиҳӣ», «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи фаъолияти бонкӣ», «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи хизматрасониҳои пардохтӣ ва низоми пардохтӣ» аз ҷумали онҳо мебошанд.

Се қарори Ҳукумат: Раҳмон сардори Донишкадаи олии сарҳадии КДАМ - ро аз вазифа озод кард

Гуфта мешавад, қонунҳои номбурда барои пешгирии амалҳои коррупсионӣ, рушди сайёҳӣ, соҳибкорӣ, фаъолияти бонкӣ, баланд бардоштани сатҳи хизматрасониҳои пардохтӣ ва дар маҷмуъ барои пешрафти минбаъдаи кишвар ва беҳдошти зиндагии мардум равона шудаанд.

0