Фурудгоҳи Остона. Акс аз бойгонӣ

Лағви беш аз даҳ парвоз дар фурудгоҳи Нурсултон Назарбоев

63
(Таҷдидшуда 11:45 11.12.2017)
Ба гузориши Созмони обуҳавошиносии Қазоқистон имрӯз дар кишвар ҳавои номусоид пешбинӣ шуда, боди сахт мевазад

ДУШАНБЕ, 11 дек— Sputnik. Дар фурудгоҳи Нурсултон Назарбоев нӯҳ парвоз ба таъхир афтоду чаҳор парвоз лағв шуд. Дар ин бора Sputnik Қазоқистон хабар медиҳад.

Бино ба иттилоъи оинаи электронии торномаи фурудгоҳ, рӯзи душанбе парвози ширкатҳои ҳавапаймоии Qazaq Air, Scat ва Air Astana лағв шуд.

Ҳамчунин парвози IQ 387 ба Шимкент, IQ 385 ба Актоб, KC 315 ба Павлодар, KC 852 ба Алмаато ва DV 716 ба Шимкент ба таъхир уфтоданд.

Се парвоз аз Алмаато IQ 353, IQ 355, KC 851 ва яке аз Павлодар KC 316 аз вақти муқарраршудаашон дертар ба пойтахти Қазоқистон мерасанд.

Дар баробари ин ду парвоз аз Алмаато (KC 853 ва IQ 357) ва ду парвоз ба Алмаато (KC 854, IQ 358) лағв шуд.

Як рӯз пештар бошад дар фурудгоҳи шаҳри Остона 15 парвоз лағв шуд.

Ба гузориши Созмони обуҳавошиносии Қазоқистон аз 9 то 11 декабр дар кишвар ҳавои номусоид пешбинӣ шуда, бод то 20 метр дар як сония мевазад.

63
Барчаспҳо:
лағви парвозҳо, Остона
Пограничный пост, архивное фото

Ҳаракати нақлиётӣ миёни Русия ва Тоҷикистон баста боқӣ мемонад

987
(Таҷдидшуда 12:41 14.07.2020)
Дар Сафорати Русия дар Тоҷикистон аз имконияти бозгашт тариқи Ӯзбекистон ва Қазоқистон ёдоварӣ шуданд

ДУШАНБЕ, 14 июл — Sputnik. Ҳаракати нақлиётӣ миёни Тоҷикистон ва Русия баста боқӣ мемонад, хабар доданд дар хадамоти матбуотии Сафорати Русия дар Тоҷикистон.

"То ҳол аз ҷониби Ӯзбекистон ва Қазоқистон барои ҳаракати транзитӣ иҷозаи расмӣ гирифта нашудааст", - қайд карданд дар хадамоти матбуотӣ.

Сафорати Русия дар Тоҷикистон қайд карданд, ки вазъро таҳти назорат гирифтаанд ва бо ронандагон дар алоқа ҳастанд.

Анҷумаи ширкатҳои сайёҳии Русия бозшавии сарҳадҳоро пешгӯӣ кард

Қайд мешавад, ки феълан мақомоти Русия бо ҳукумати Ӯзбекистон ва Қазоқистон барои иҷозаи ҳаракат дар гуфтушунид аст.

Санаи барқароршавии парвозҳои байналмилалӣ дар Русия дақиқ шуд

"Вазъи ҳамагирии COVID - 19 - ро дар Ӯзбекистон ва Қазоқистон ба назар гирифта аз шаҳрвандон даъват мекунем, ки тариқи парвозҳои вижа ба Русия ҳаракат кунанд", - қайд карданд дар Сафорати Русия дар Тоҷикистон.

987
Барчаспҳо:
қатъи ҳаракати нақлиёт, Тоҷикистон, Русия
Самолет авиакомпании Таджик Эйр, архивное фото

"Тоҷик Эйр" шаҳрвандони дармонда дар Кореяро ба Тоҷикистон меорад

158
(Таҷдидшуда 17:40 13.07.2020)
Ҳукумати Тоҷикистон барои амалӣ кардани як парвози чартерӣ дар масири Душанбе - Сеул - Душанбе дастур додааст

ДУШАНБЕ, 13 июл — Sputnik. Ширкати ҳавопаймоии "Тоҷик эйр" бо мақсади ба Ватан баргардонидани шаҳрвандони Тоҷикистон 21 июли соли равон  парвози чартерӣ дар масири Душанбе-Сеул-Душанберо ба нақша гирифтааст. 

Шаҳрвандони Тоҷикистон ҷиҳати бақайдгирӣ метавонанд ба Сафорати Ҷумҳурии Тоҷикистон дар Ҷумҳурии Корея муроҷиат намуда, барои пур кардани саволнома аз пайванди зерин истифода намоянд. 

Вазорати умури хориыии Тоҷикистон таъкид кардааст, шаҳрвандони хориҷие, ки қабл аз баста шудани марзҳо раводиди Ҷумҳурии Кореяро дастрас кардаанд, имкони парвоз ба Сеулро доранд.

Инчунин мушаххасоти сафорати Тоҷикистон дар Сеул, аз ҷумла рақамҳои телефон, +82 027922535, +82 1059399339, +82 1059379861 ва почтаи электронии tjkoreaemb@mfa.tj ироа кардааст.

Қаблан парвозҳои махсуси чартерӣ барои интиқоли шаҳрвандони Тоҷикистон аз кишварҳои гуногун, аз ҷумла Русия, Туркия, Аврупо, АМА, Белорусия ва дигар давлатҳо анҷом дода шуданд.

158
Барчаспҳо:
Тоҷик Эйр, бозгашт, парвоз, Кореяи Ҷанубӣ, Тоҷикистон
Гробы с умершими от заражения вирусом

Афзоиши фавт аз COVID - 19 дар Тоҷикистон: омори тозаи Вазорати тандурустӣ

883
Вазорати тандурустии Тоҷикистон омори тозаи гирифторӣ, фавт ва шифоёбӣ аз коронавируси COVID - 19 - ро нашр кард

ДУШАНБЕ, 14 июл – Sputnik. Шабонарӯзи гузашта дар Тоҷикистон 48 ҳолати нави сироятёбӣ ба COVID-19 ва 1 фавт ба қайд гирифта шуд, хабар медиҳад АМИТ «Ховар» бо истинод ба маркази матбуоти Вазорати тандурустӣ ва ҳифзи иҷтимоии аҳолии Ҷумҳурии Тоҷикистон.

Тибқи иттилои Вазорат, аз 30 апрел то 14 июл дар кишвар шумораи гирифторони COVID-19 ба 6643 нафар расида, аз ин беморӣ то кунун дар мамлакат 5332 нафар ё худ 80,2%-и гирифторон шифо ёфтаанд. Ҳамзамон, дар ин муддат шумораи ҳолатҳои фавт аз ин беморӣ дар мамлакат ба 56 нафар расид.

"Давоми шабонарӯзи охир 178 нафар гумонбарон зери назорати табибон қарор дошта, 54 нафар баъд аз муолиҷа ба хонаҳояшон рухсат дода шуданд", - омадааст дар хабарнома.

Бояд гуфт, ки Ҳукумати Ҷумҳурии Тоҷикистон ҷиҳати пешгирӣ ва табобати коронавируси нави CОVID-19 тамоми тадбир ва чораҳои заруриро амалӣ намуда истодааст.

Имрӯзҳо дар 85 беморхонаи ҷумҳурӣ зиёда аз 7 ҳазору 500 табиб ва 25 ҳазор корманди миёнаи тиб сафарбар шудаанд. Ба ғайр аз ин, дар муассисаҳои кумаки аввалияи тиббию санитарии ҷумҳурӣ 7 ҳазору 600 табиб ва зиёда аз 24 ҳазор корманди миёнаи соҳаи тиб бо мақсади дарёфт, пешгирӣ ва расонидани кумаки аввалия ба мардум хизмат мерасонанд.

883
Барчаспҳо:
Вазорати тандурустӣ, Тоҷикистон, омор
Мавзуҳо:
Пайомадҳои COVID-19 дар Тоҷикистон ва ҷаҳон