Транспорт Душанбе. Архивное фото

Тоҷикистон молиёт аз баҳрабардорӣ аз роҳҳоро чигуна ҳазина хоҳад кард?

71
(Таҷдидшуда 19:15 27.12.2017)
Сармое, ки давлат аз ҷамъоварии молиёт аз ронандаҳо ба даст хоҳад овард, барои таъмини молии тарҳҳои роҳбурдӣ ва вомбаргҳои урупоӣ ба кор бурда хоҳад шуд

ДУШАНБЕ, 27 дек — Sputnik. Маҷлиси намояндагон қарор дода, ки даромаде, ки давлат аз ҷамъоварии молиёти роҳро ба даст хоҳад овард, барои таъмини молии тарҳҳои роҳбурдӣ ва вомбаргҳои урупоӣ ба кор бурда шавад.

Муовини вазири молияи Тоҷикистон Меҳринамо Ҷонмуҳаммадова дар ҷаласаи Маҷлиси намояндагон  гуфт, ки дар будҷаи соли 2018 аз дарёфти молиёти баҳрабардорӣ аз роҳҳо 360 милюн сомонӣ (баробар бо 40,8 милюн дулор) ба даст хоҳад овард. Дар соли 2019 ин маблағ 375 милюн сомонӣ ва дар соли 2020  — 390 милюн сомонӣ пешбинӣ шудааст.

Вай афзуд, ки ин сармоя барои таъмини молии тарҳҳои роҳбурдӣ ва вомбаргҳои урупоӣ ба кор гирифта хоҳад шуд. Чунончи, барои пуштибонии молии вомбаргҳои урупоӣ дар соли оянда қарор аст 321 милюн сомонӣ (36,4 милюн дулор) ҳазина карда шавад.

Вакили Маҷлиси намояндагон Ҷаббор Аҳмадов дар ин ҷаласа пешниҳод кард, ки маблағи "молиёти роҳ" натанҳо ба будҷаи давлатии Тоҷикистон ворез шавад, чунон ки ҳамакнун роиҷ аст, балки бахше аз он ба будҷаҳои маҳаллӣ ҳам ворез шавад.

"Роҳҳои маҳаллӣ асосан аз ҳисоби будҷаи шаҳру ноҳияҳо таъмир мешаванд, лекин молиёт аз истифодабарандагони роҳҳои автомобилгард пурра ба будҷаи кишвар пардохта мешавад, ки мушкилоте барои ҳукуматҳои маҳаллӣ дар пай дорад", — тавзеҳ дод вай.

Ин пешниҳодро раиси Маҷлиси намояндагон Шукурҷон Зуҳуров дастгирӣ кард ва гуфт, ки онро бояд дар таҳияи Будҷаи давлатии Тоҷикистон барои соли 2019 дар назар гирифт.

71
Барчаспҳо:
молиёти роҳ, Маҷлиси намояндагони Тоҷикистон, Тоҷикистон
Мавзуъ
То соли 2020: Тоҷикистон молиётситонӣ аз ронандагонро се сол пас бас мекунад
Тоҷикистон барои ширкатҳои хориҷии мактабсоз имтиёзоти молиётӣ медиҳад
Тоҷикистон ва Урдун аз молиётситонии дучандон пешгирӣ хоҳанд кард
Маҷлиси Тоҷикистон ширкатҳои гардишгариро аз пардохти молиёт озод кард
Международный аэропорт Ташкента

"Тахминӣ буд": чаро парвоз ба Тошканд анҷом нашуд?

416
(Таҷдидшуда 14:40 28.10.2020)
Мақомоти ҳавонавардии Тоҷикистон сабаби анҷом нашудани парвоз аз Душанбе ба Тошкандро ба дақиқ нашудани шароит марбут медонанд

ДУШАНБЕ, 28 окт — Sputnik. Як манбаъ дар Агентии ҳавонавардии Тоҷикистон ба Sputnik Тоҷикистон гуфт, санаи парвоз, ки аз сӯи шарикони ӯзбек эълон шуд, тахминӣ буд ва дар ин миён ҷонибҳо ҳамоно рӯи шароити хоси парвоз дар шароити пандемияи "вируси корона" ба натиҷаи ниҳоӣ нарасидаанд.

"Дар ҳамин чанд рӯзи наздик мо бо намояндагони се ниҳоди ҳавонавардии Ӯзбекистон тариқи онлайн ба машварат менишинем. Мавзӯъ ҳам ин аст, ки парвозҳо чӣ гуна бо назардошти шароити вазнини пандемия анҷом шаванд, аз ҷумла вазъи беҳдоштии тайёраҳо, қабулу гусели мусофирин. Имкон надорад, ки як таърихро мушаххас бигӯем", - гуфт ин манбаъ.

Қаблан расонаҳо аз санаҳои мухталифи анҷоми парвози Душанбе – Тошканд – Душанбе маълумоти мухталиферо ироа намуда буданд. Гуфта мешуд, ки парвози аввалин 28 октябр анҷом мешавад, аммо баъдтар ин сана ба 1 декабр ва ниҳоят ба 1 январи соли оянда кӯч кард.

Ҳамсӯҳбати Sputnik Тоҷикистон мегӯяд, анҷоми парвозҳо дар замони пандемия имкон дорад, аммо бояд қавоиди беҳдоштӣ муроот шаванд.

"Тавре мебинем, миёни кишварҳое парвозҳо анҷом мешаванд, ки вазъи беҳдоштӣ бамаротиб вахимтар аз Тоҷикистону Ӯзбекистон аст. Ҳар чӣ зудтар анҷом шудани парвозҳоро ҳарду ҷониб ба нафъи худ медонанд", - гуфт ӯ.

"Сомон айр": "Омодаем!"

Дар ҳамин ҳол, дар суҳбат бо Sputnik Тоҷикистон масъулини "Сомон айр", ширкати масъули анҷоми парвози Душанбе – Тошканд – Душанбе, гуфтанд, ки ҳеҷ дастури дақиқе дар ин маврид пайдо накардаанд.

"Мо аз ҷониби худ барои анҷоми ин парвоз омода ҳастем. Ҳоло мунтазирем, ки аз ҳукумат чӣ дастур мешавад. Ҳалли ин масъала дар салоҳияти мақомоти болоӣ аст. Мо омодаи парвозем", - гуфтанд онҳо.

Парвози Душанбе – Тошканд – Душанбе аз 16 марти сол ҷорӣ ба далели густариши "вируси корона" дар ҷаҳону Осиёи Марказӣ ва эълон шудани пандемия аз сӯи Созмони ҷаҳонии беҳдошт мутаваққиф шуда буд.

Дар пайи ин Тоҷикистону Ӯзбекистон ба ҳамроҳи соири кишварҳои ҳамсоя аз 16 март марзҳои заминии худро низ бастанд.

Ӯзбекистон ҳанӯз 18 сентябр қарори убуру мурур тариқи роҳҳои заминӣ, оҳан ва ҳавоияшро аз 1 октябри соли равон бо риояи қатъии қоидаҳои карантину беҳдоштӣ содир намуд.

Дар пайи ин, 28 – 29 сентябр як ҳайати расмии ин кишвар бо раҳбарии Абдулло Орифов, нахуствазири Ӯзбекистон ба Душанбе омад ва масоили ҳамкории ду кишвари ҳамсоя, аз ҷумла роҳандозии парвозҳоро баррасӣ кард.

Ҳамсӯҳбатони Sputnik Тоҷикистон мегӯянд, парвозҳо барои густариши равобити иқтисодии ду кишвар дар замони буҳрон такони ҷиддӣ мебахшанд, аз ин хотир, роҳандозии онҳо дар ояндаи наздик ба нафъи ҳарду ҷониб аст.

416
Барчаспҳо:
лағв, "Ӯзбекистон ҳаво йуллари", Тоҷикистон, парвоз
Новая эстакада в Душанбе

Роҳбандӣ дар Душанбе: ҳаракати нақлиёт дар кадом кӯчаҳо маҳдуд мешавад

730
(Таҷдидшуда 12:39 28.10.2020)
Бозрасии давлатии автомобилӣ бо нашри як эълон хабар дода, ки тайи 11 рӯз, ҳаракати воситаҳои нақлиёт дар якчанд роҳу кӯчаҳои шаҳри Душанбе маҳдуд мешавад

ДУШАНБЕ, 28 окт – Sputnik. Раёсати Вазорати корҳои дохилии Тоҷикистон дар шаҳри Душанбе мегӯяд, роҳҳо бинобар баргузории машқҳои омодагӣ ба паради ҳарбӣ дар майдони Дӯстии пойтахт баста мешаванд.

"Аз 19 октябр ҳамарӯза аз соати 18:00 ҳаракати ҳама гуна воситаҳои нақлиёт аз чорроҳаи Рӯдакӣ- Бухоро, Шероз, Ҷ.Икромӣ, Рӯдакӣ-Шоҳтемур, Бохтар-Теҳрон, Теҳрон-Шероз ва Рӯдакӣ-Фотеҳ Ниёзӣ то анҷоми он муваққатан маҳдуд карда шудааст, ки он  то 30 октябри соли равон идома меёбад", - омадааст дар эълон.

Дар ин бора ба хабарнигори АМИТ "Ховар" нозири калони гурӯҳи ташвиқоту тарғиботи ШБДА РВКД дар шаҳри Душанбе, майори милитсия Мирзохон Саидов хабар додааст.

Эълони шаш рӯзи роҳбандӣ: кадом шоҳроҳу кӯчаҳо баста мешаванд?

Аз ронандагони воситаҳои нақлиёт ва меҳмонон хоҳиш карда мешавад, ки дар ин рӯзҳо аз кӯчаҳои Айнӣ, Ҳ.Шерозӣ, С.Шерозӣ, М. Турсунзода, Дӯстии халқҳо ва дигар кӯчаҳои ба ин минтақаҳои роҳ ҳамшафат бо риояи ҳатмии талаботи қоидаҳои ҳаракат дар роҳ истифода баранд.

Ҷилавгирӣ аз сонеҳаҳои нақлиётӣ: пулис муоинаи техникии мошинҳоро тафтиш мекунад

730
Барчаспҳо:
роҳбандӣ, Душанбе
День 29 октября

Ҷашнҳои рӯзи 29 октябр дар Тоҷикистон ва ҷаҳон

0
(Таҷдидшуда 20:28 28.10.2020)
Рӯзи 29 октябри соли 2019 рӯзи ҷаҳонии мубориза бар зидди бемории сактаи майна, рӯзи байналмилалии псориаз (бемории пӯст) ва рӯзи кормандони низоми ҳифзи иҷтимоӣ дар Қазоқистон мебошад

Рӯзи 29 октябр дар ҷаҳон чӣ рух дод

Соли 1898 дар Русия нахустин киштии яхшикан дар ҷаҳон - "Ермак" ба истифода дода шуд.

День 28 октября
© Sputnik / Стас Этвеш / Вишнякова Мария

Соли 1945 дар Ню-Йорк аввалин маротиба ручкаи саққодор ба фурӯш бароварда шуд.

Соли 1947 аввалин маротиба ба хотири ба вуҷуд овардани борон аз яхи хушк истифода бурда шуд.

Соли 1969 аввалин доду гирифт миёни ду компютер дар доираи лоиҳаи ARPANET сурат гирифт, ки ин ҳодисаро дар таърих тавлиди Интернет меноманд.

Пользователь смотрит товары в интернет магазине, архивное фото
Пользователь смотрит товары в интернет магазине, архивное фото

Соли 2016 дзюдочии тоҷик Хушбахт Қурбонмамадов дар мусобиқаи The Big Apple Judo Classic-2016 дар Ню-Йорк медали тилло ба даст овард.

Хушбахт Курбонмахмадов, архивное фото
Хушбахт Курбонмахмадов, архивное фото

Рӯзи 29 октябр дар Тоҷикистон чӣ рух дод

Cоли 2006 пешвои исмоилиёни ҷаҳон Шоҳ Карим ал-Ҳусайнӣ Оқохони IV аз Тоҷикистон боздид кард.

Принц Карим Ага-хан IV, архивное фото
Принц Карим Ага-хан IV, архивное фото

Соли 2012 дар шаҳри Хуҷанд бо ширкати Президент Эмомалӣ Раҳмон ду коргоҳи нави истеҳсолӣ  мавриди баҳрабардорӣ қарор гирифтанд.

День 27 октября
© Sputnik / Стас Этвеш / Вишнякова Мария

Соли 2013 дар шаҳри Кӯлоб 6 корхонаи нави истеҳсолӣ ба кор дароварда шуданд.

Соли 2014 Эмомалӣ Раҳмон ба ифтихори 20 — солагии қабули Конститутсияи Ҷумҳурии Тоҷикистон Қонуни Ҷумҳурии Тоҷикистон "Дар бораи авф"-ро, ки бо пешниҳоди Роҳбари давлат аз тарафи Маҷлиси намояндагон қабул гардида буд, имзо кард.

Соли 2015 дар шаҳри Душанбе масоили ҳамкории дуҷонибаи Тоҷикистону Фаронса баррасӣ шуданд.

Соли 2016 дар шаҳри Роғун бо ширкати Эмомалӣ Раҳмон дар соҳили дарёи Вахш маросими оғози бунёди сарбанди Неругоҳи барқи обии "Роғун" барпо шуд.

Президент Республики Таджикистана Эмомали Рахмон
© Sputnik / Амир Исаев
Президент Республики Таджикистана Эмомали Рахмон

Соли 2019 беш аз 400 маҳбус аз муассисаи ислоҳии 3/5 воқеъ дар шаҳри Хуҷанд ба озодӣ баромаданд.

Пайвандони афвшудагон дар шаҳрии Хуҷанд
акс аз Sputnik Тоҷикистон
Пайвандони афвшудагон дар шаҳрии Хуҷанд

Соли 2019 Sputnik Тоҷикистон хабар дод, ки Ҳукумати Тоҷикистон аз ҷаҳонпаҳлавон Сомон Маҳмадбеков қадрдонӣ кард.

Встреча чемпиона мира Сомона Махмадбекова
© Sputnik / Амир Исаев
Встреча чемпиона мира Сомона Махмадбекова

Соли 2019 Sputnik Тоҷикистон хабар дод, ки бо пешниҳоди раисҷумҳури Тоҷикистон Эмомалӣ Раҳмон, муовини раиси вилояти Хатлон Махфират Хидирова узви Маркази интихот ва раъйпурсии Тоҷикистон интихоб гардид.

Махфират Хидирзода
© Sputnik Махпора Киромова
Махфират Хидирзода

Ҷашнҳои рӯзи 29 октябр

  • Рӯзи ҷаҳонии мубориза бар зидди бемории сактаи майна.
  • Рӯзи байналмилалии псориаз (бемории пӯст).
  • Рӯзи кормандони низоми ҳифзи иҷтимоӣ дар Қазоқистон.

Рӯзи 29 октябр дар Тоҷикистон кӣ ба дунё омадааст

Соли 1929-1993 нависанда Қулмуҳаммад Абдулҳусейнов.

Соли 1950 Алӣ Муҳаммадии Хуросонӣ.

Соли 1958 доктори илмҳои иқтисодӣ Ихтиёр Ашуров.

Соли 1963 сароянда Раъно Абдуллоева.

0
Барчаспҳо:
ҷашн, Ҷаҳон, Тоҷикистон
Мавзуъ
Ҷашнҳои рӯзи 24 октябр дар Тоҷикистон ва ҷаҳон
Ҷашнҳои рӯзи 25 октябр дар Тоҷикистон ва ҷаҳон
Ҷашнҳои рӯзи 26 октябр дар Тоҷикистон ва ҷаҳон
Ҷашнҳои рӯзи 27 октябр дар Тоҷикистон ва ҷаҳон
Ҷашнҳои рӯзи 28 октябр дар Тоҷикистон ва ҷаҳон