Ҳавопаймо дар ҳоли нишаст. акс аз бойгонӣ

Оё Ҷоми ҷаҳонии футбол имрӯз ба Тоҷикистон мерасад?

120
Меғолудии ҳаво имкон надод, ки ҳавопаймо дар Бишкек фурӯд ояд ва он ба Алма-Ато рафт

ДУШАНБЕ, 5 фев — Sputnik. Ҳавопаймое, ки ҷоми Қаҳрамонии ҷаҳонии футболро ба пойтахти Қирғизистон мебурд, ба иллати меғолуд будани ҳаво натавонист дар Бишкек фурӯд ояд, хабар медиҳад Sputnik Қирғизистон.

Ин ҳавопаймо бояд имрӯз субҳ дар шаҳри Бишкек фурӯд меомад ва ҷоми Қаҳрамонии ҷаҳонии футболро соати 10.30 дар меҳмонхонаи Hyatt ба намоиш мегузоштанд.

Аммо меғолудии ҳаво имкон надод, ки ҳавопаймо дар Бишкек фурӯд ояд ва ночор ба Алма-Ато рафт. Ҷолиб аст, ки пеш аз ин ҷомро ба Алма-Ато оварда буданд, аммо он ҷо низ ҳавопаймо ба иллати меғолудии ҳаво натавонист сари вақт фурӯд ояд ва маҷбур шуда буд ба фурӯдгоҳи Бишкек биравад.  

Оғози намоиши ҷоизаи Ҷоми ҷаҳонии футболи соли 2018 дар Бишкек ба дигар замон вогузор шудааст. Гуфта мешавад, ки ҷомро дар ин шаҳр танҳо 2 — 3 соат намоиш хоханд дод. Сипас онро ба пойтахти Тоҷикистон хоҳанд бурд.

Қарор бар ин буд, ки Ҷоми ҷаҳонии футбол дар чорчӯби барномаи "World Cup Trophy Tour" 5-уми феврал ба Душанбе оварда шавад.

Ин фурсатест барои дӯстдорони футбол, ки ин номдортарин ҷоизаро худ ббинанд ва агар бахташон баландӣ кунад, бо он акс бигиранд.

Ҷоми футболи ҷаҳон ҷоизаи аслиест, ки ба қаҳрамони футболи ҷаҳон дода мешавад, вале дар ихтиёри ФИФА мемонад. Ҷом аз тиллои холис сохта шудаааст ва 6,175 кг вазн дорад. Он аз ду пайкари инсонӣ иборат аст, ки кураи Заминро болои дастҳояшон бардоштаанд. Чунин намуд аз Ҷоми расмии ФИФА соли 1974 марсум шудааст.

Ҷоми ҷаҳонии футбол имсол аз 14 июн то 15 июл дар Русия баргузор хоҳад шуд. Русия нахустин бор дар торихаш мизбони қаҳрамонии ҷаҳонии футбол хоҳад шуд.

Иттилоъот дар бораи мусобиқоти Ҷоми ҷаҳонии футбол дар Русияро метавон дар тарҳи вижаи FIFA-2018 пайдо кард.

120
Барчаспҳо:
Ҷоми ҷаҳонии футбол, Қирғизистон

Ҷилавгирӣ аз сонеҳаҳои нақлиётӣ: пулис муоинаи техникии мошинҳоро тафтиш мекунад

672
(Таҷдидшуда 17:37 21.10.2020)
Дар Тоҷикистон амалиёти навбатии "Муоинаи техникӣ" идома дорад. Пулиси Тоҷикистон дар масирҳо воситаҳои нақлиётро манъ намуда, муоинаи техникиро мавриди санҷиш қарор медиҳад

ДУШАНБЕ, 21 окт - Sputnik. Дар Тоҷикистон аз 20 октябр амалиёти навбатии "Муоинаи техникӣ" оғоз ёфта, то 30 октябр тӯл мекашад, хабар медиҳад котиботи Бозрасӣ давлатии автомобилии кишвар.

Ба иттилои манбаъ, мақсад аз гузаронидани амалиёт пешгирии ҳодисаҳои роҳу нақлиёт, баланд бардоштани ҳолати техникии худравҳо арзёбӣ мешаваад.

Гузашта аз ин, пулиси роҳ бо пиёда намудани ин амалиёт шумораи дақиқи воситаҳои нақлиётро муайян намуда, раванди супоридани маблағи андозро назорат мекунад.

Пулиси Душанбе 1,5 ҳазор нафарро барои нақзи қавонини роҳ 6 сомониву 88 дирам ҷарима баст

Ҳамчунин, воситаҳои нақлиёти боркаш ва дигар намуди воситаҳои нақлиётро бо омода намудани муоинаи ҳатмии давлатии техникӣ ҷалб мекунад.

Зимнан, Раёсати БДА ВКД Ҷумҳурии Тоҷикистон аз ҳамаи соҳибони воситаҳои нақлиёт хоҳиш менамояд, ки воситаҳои нақлиётро дар ҳолати дурусти техникӣ нигоҳ дошта, сари вақт ба муоинаи техникӣ пешниҳод намоянд.

672
Барчаспҳо:
тафтиш, пулис, мошин, роҳ
Машина милиции в Душанбе, архивное фото

Эълони се рӯзи роҳбандӣ дар Суғд: ҳаракати нақлиёт дар кадом кӯчаҳо маҳдуд мешавад?

588
(Таҷдидшуда 10:55 15.10.2020)
 Бозрасии давлатии автомобилӣ бо нашри як эълон аз ташрифи меҳмонони олимақом ба вилояти Суғд хабар дода гуфтааст, ки ба ин муносибат тайи се рӯз, ҳаракати воситаҳои нақлиёт дар якчанд роҳу кӯчаҳои шаҳру навоҳӣ маҳдуд карда мешавад

ДУШАНБЕ, 15 окт – Sputnik. Бино ба эълони БДА-и Суғд, ки дар ихтиёри расонаҳои хабарӣ қарор дода шудааст, шурӯъ аз имрӯз ҳаракати воситаҳои нақлиёт дар соатҳои зарурӣ  маҳдуд мешавад.

Ба иттилои манбаъ, ҳаракати нақлиёт дар кӯчаҳои ташрифотии шаҳри Бӯстон, шоҳроҳи “Ғафуров - Хуҷанд”, кӯчаи И. Сомонӣ то хиёбони Раҳмон Набиеви шаҳри Хуҷанд, кӯчаи Гагарин то чорроҳаи Шарқ, кӯчаи Сирдарёи маҳаллаи Чашма, давраи Ором ва роҳи автомобилгарди “Палос - Сомғор” то шаҳри Гулистон манъ мешавад.

БДА Суғд огоҳ намудааст, ки дар ду рӯзи оянда, ҳаракати воситаи нақлиёт дар кадом роҳҳои шаҳру ноҳияҳои вилоят маҳдуд карда мешавад.

“Санаи 16 октябр ҳаракати воситаҳои нақлиёт дар кӯчаҳои ташрифотии шаҳри Гулистон, шоҳроҳи “Ғафуров-Хуҷанд”, кӯчаи И. Сомонӣ то Кохи Рӯдакии шаҳри Хуҷанд ва бозгашт ба ҳамин роҳ то шаҳри Гулистон ва санаи 17 октябр дар роҳи автомобилгарди Ғафуров - Қаҳрамон - Пунғоз , кӯчаҳои деҳаи Сомғори ҷамоати деҳоти Исмоил то Боғи миллӣ ва бозгашт тавассути кӯчаҳои ташрифотии шаҳри Гулистон, шоҳроҳи Хуҷанд - Ғафуров” ва кӯчаҳои марказии шаҳри Бӯстон маҳдуд мешавад”, омадааст дар хабари БДА.

Қаҳрамонии як мансабдори БДА: донишҷӯдухтарро аз худкушӣ дар Сирдарё наҷот додааст

Бо ироаи ин эълон, Қурбонзода Суҳроб Амиралӣ, сардори БДА Суғд аз ронандагон даъват кардааст, ки дар сурати баста шудани роҳ метавонанд аз тариқи кӯчаҳои ҳавшафати ин роҳҳо ҳаракат намоянд.

588

Сипоси Ҳабиб аз падараш баъди пирӯзӣ бар Гетҷи-видео

0
Қаҳрамони UFC Ҳабиб Нурмуҳаммадов пас аз шикаст додани Ҷастин Гетҷи навиштаи аввалро нашр кард

ДУШАНБЕ, 25 октябр - Sputnik. Қаҳрамони UFC дар вазни сабук, размикори ҳунарҳои муҳорибаи омехтаи Русия Ҳабиб Нурмуҳаммадов пас аз шикаст додани варзишкори амрикоӣ Ҷастин Гетҷи ба падари худ ташаккур гуфт.

“Падар ташаккур ба шумо барои ҳама чизҳое, ки дар ин зиндагӣ ба ман омӯхтед, Аллоҳ ба шумо дараҷаи баландтарини биҳиштро ато гардонад",- навиштааст Хабиб дар аккаунти худ.

Навиштаи Нурмуҳаммадов пас аз мағлуб кардани Гетҷи ва пас аз эълони хотимаи корномаи варзишияш буд.

Ёдовар мешавем, шаби гузашта Ҳабиб Нурмуҳаммадов размикори амрикоӣ Ҷастин Гетҷиро шикаст дод.

Рақобат ду давр идома карда, размикори доғистонӣ бо усули маъмулияш, буғӣ кардан, ҳарифашро шикас дод.

Пас аз пирӯзӣ ӯ эълон кард, ки ин охирин баромадаш буд. Ӯ гуфт, ба модараш ваъда додааст, ки охирин муҳорибааш аст, ва анҷоми корномаи варзишияшро эълон кард.

0