Рустами Эмомалӣ, шаҳрдори Душанбе дар ҷаласаи ҳукумат

Коррупсия не, куррӯда: шарҳи сабаби барканории Қурбон Саидзода

1300
(Таҷдидшуда 14:56 27.07.2018)
Маҳмадсаид Зувайдзода, муовини аввали раиси шаҳри Душанбе, сабаби барканории Қурбон Саидзодаро аз мақоми муовини Рустами Эмомалӣ оид ба нақлиёт шарҳ дод

ДУШАНБЕ, 27 июл — Sputnik. Зувайдзода зимни нишасти хабарӣ дар Душанбе иддаои рабт доштани барканории Саидзода ба фасодкорӣ ва камбудиҳои молиявӣ зимни вуруди автобусҳои нав ба пойтахтро рад намуд.

Ӯ изҳор доштааст, ки Саидзода баъди ҷаррҳии куррӯда ё худ "апендитсит" дучори мушкилоти дигар бо саломатияш шуд ва ба ҳамин далел аз мақомаш истеъфо дод. Зувайдзода таъкид намуд, ки барканории Саидзода ҳеч рабте ба вуруди автобусҳои нав дар пойтахт надорад.

Рустами Эмомалӣ, шаҳрдори Душанбе  24 майи соли равон Саидзода Қурбон Тағайро аз мақомаш озод кард. Шаҳрдорӣ далели барканориро хоҳиши  худи Саидзода гуфта буд.  Ба ҷойи ӯ Саидзода Фирдавс Ҳамро ба вазифаи муовини раиси шаҳр таъин гардид.

1300
Барчаспҳо:
нақлиёт, барканорӣ, сабаб, шаҳрдорӣ, Тоҷикистон
Аэропорт в Душанбе ночью, архивное фото

Бозгардонии шаҳрвандони дармондаи Тоҷикистон аз Туркия

96
Вазорати умури хориҷаи Тоҷикистон аз бозгардонии шаҳрвандони дармондаи Тоҷикистон аз шаҳри Истанбул ба Душанбе хабар медиҳад

ДУШАНБЕ, 12 авг — Sputnik.  Рӯзи11 августи 2020 бо дастури Эмомалӣ Раҳмон 186 шаҳрванди Тоҷикистон, бо парвози махсуси ширкати “Сомон Эйр” аз шаҳри Истанбул ба Душанбе баргардонида шуданд.

Бино ба гузориши Вазорати умури хориҷаи Тоҷикистон ин шаҳрвандон ба далели қатъ гардидани парвозҳо дар Ҷумҳурии Туркия дармонда буданд,

Қаблан, 26 июли соли ҷорӣ 174 шаҳрвандони Ҷумҳурии Тоҷикистон, ки аз кишварҳои дигар барои баргаштан ба Ватан ба шаҳри Истанбул омада буданд, бо ширкати ҳавопаймоии “Сомон Эйр” ба Душанбе баргардонида шуданд.

Ёдрас мешавем, ки кишвардорони Тоҷикистону Туркия ҳафтаи чанд рӯзе пеш дар бораи аз омодагии ду ҷониб барои барқарор кардани парвозҳои мунтазам хабар доданд.

Сӯҳбати Раҳмону Эрдуғон: аз ҳамдардӣ то барқароршавии парвозҳо ва таҳдиди "COVID" - 19

Дар гузориши котиботи раисиҷумҳури Тоҷикистон омада, ки "президентҳо омодагии ҷонибҳоро ҷиҳати дар ояндаи наздик аз нав ба роҳ мондани парвозҳои мунтазамро байни ду кишвар таъкид карданд".

96
Барчаспҳо:
шаҳрвандон, баргардонидан, Туркия, Тоҷикистон
Мавзуҳо:
Пайомадҳои COVID-19 дар Тоҷикистон ва ҷаҳон
Самолет компании Сомон Эйр, архивное фото

"Сомон Эйр" барои овардани тоҷикистониён ба Истанбул мепарад: санаи парвоз дақиқ шуд

379
(Таҷдидшуда 12:44 08.08.2020)
Ширкати ҳавонавардии "Сомон Эйр" хабар медиҳад, шаҳрвандони Тоҷикистон, ки дар Туркия қарор дошта, хоҳиши баргаштан ба ватанро доранд, ба намояндаии дипломатии Тоҷикистон дар Туркия муроҷиат намоянд

ДУШАНБЕ, 8 авг – Sputnik. Ширкати ҳавопаймоии "Сомон Эйр"  барои овардани тоҷикистониён ба Истанбул парвоз мекунад.

Бар хабари котиботи ширкати мазкур, парвоз дар масири Истанбул-Душанбе  санаи 11 - уми август сурат мегирад. Ҳадафи парвози махсус таҳвили шаҳрвандони Ҷумҳурии Тоҷикистон аз Туркия ба ватан арзёбӣ мешавад.

Тумани ғафс омили ба таъхир мондани парвози 130 ҳавопаймо аз Русия гардид

Зимнан, котиботи ширкати ҳавопаймоии "Сомон Эйр" иттилоъ медиҳад, шаҳрвандони Тоҷикистон, ки хоҳиши бозгашт ба ватанро доранд, метавонанд ба намояндагиҳои дипломатии Тоҷикистон дар Туркия ва намояндагии "Сомон Эйр" дар Истанбул муроҷиат намоянд.

"Мутобиқи талаботи нави фурудгоҳи Истанбул ба сифати бори дастӣ ба дохили ҳавопаймо бо худ танҳо лептоп, ҷузвдони занона ва кӯдаконаро гирифтан мумкин аст. Амволи дигари мусофирон ҳамчун бағоҷ гузаронида мешавад", - таъкид мегардад дар хабар.

Зикр гардид, ки меъёри интиқоли ройгони бағоҷ дар самти Истанбул-Душанбе 20 кг муқаррар шудааст. Вақти парвоз аз Истанбул соати 12:00 ба вақти маҳаллӣ мебошад. Бақайдгирии мусофирон аз соати 9:00 то 11:20 сурат мегирад.

Манбаъ меафзояд, тибқи талабот кулли мусофирон бояд ниқоб ва дастпӯши ҳифозатӣ дошта бошанд. Мусофироне, ки таби баланд ё аломатҳои беморӣ доранд ба дохили ҳавопаймо роҳ дода намешаванд.

Гузашта аз ин, мусофирон баъди фурудоӣ дар Тоҷикистон аз ташхис гузаронида шуда, то муайяншавии натиҷаҳои озмоиш дар минтақаи карантинӣ нигоҳ дошта мешаванд.

"Нафароне, ки дар онҳо сирояти Сovid-19 муайян мегардад, дар давоми 14 рӯз дар минтақаҳои карантинӣ бо ташхису табобат фаро гирифта мешаванд. Мусофироне, ки маълумотномаи гузаштани озмоишро бо натиҷаи "манфӣ" дар мӯҳлати 48 соат пеш аз вуруд доранд, бемамониат ба қаламрави кишвар роҳ дода мешаванд", - таъкид мешавад дар хабар.
379
Барчаспҳо:
Туркия, парвоз, Тоҷикистон, Сомон Эйр
Народный поэт Таджикистана Гулназар Келди

Гулназар Келдӣ зери дастгоҳи нафасдиҳии сунъӣ гузаронда шуд

0
(Таҷдидшуда 17:14 12.08.2020)
Вазъи саломатии Гулназар Келдӣ, шоири шинохтаи тоҷик, муаллифи суруди миллии Тоҷикистон бадтар шудааст

ДУШАНБЕ, 12 авг — Sputnik. Табибон дар пайи бадтар шудани вазъи Гулназар Келдӣ, ӯро ба дастоҳи нафасдиҳии сунъӣ пайваст кардаанд, иттилоъ дод хабарнигори Sputnik Тоҷикистон.

"Гулназар Келдӣ худро бадтар эҳсос кард ва табибон тасмими гирифтанд, ки ӯро зери дастгоҳи нафасдиҳии сунъӣ гузаронанд”, - изҳор дошт манбаъ.

Ахиран шоири халқӣ ва муаллифи Суруди миллии Тоҷикистон бо гумони ибтило ба “вируси корона” ба Маҷмааи тандурустии “Истиқлол” интиқол ёфта буд.

Худи шоир 11 август ба Sputnik Тоҷикистон гуфт, як рӯзи қабл дарди ногуворе саропои вуҷудашро ларзонд ва наздиконаш салоҳ донистанд, ки ӯро ба шифохона интиқол диҳанд.

“Каме хастагиро эҳсос мекунам. Дар умум, вазъи сиҳатиам хуб аст. Ҳоло табобати профилактикӣ мегирам. Аз дӯстон хоҳиш мекунам, ки ташвиш накашанд, аммо худро сахт эҳтиёт кунанд”, - гуфт шоири халқии Тоҷикистон.

Гулназар Келдӣ 20 сентябри соли 1945 таваллуд шуда, ба номи худ Ҷоизаи давлатии Тоҷикистон ба номи Абӯабдуллоҳи Рӯдакӣ (1994), Ҷоизаи Комсомоли Тоҷикистон, Ҷоизаи ба номи М. Турсунзода, Шоири халқии Тоҷикистон (1995) – ро сабт кардааст. Муаллифи матни Cуруди миллии Тоҷикистон мебошад. "Расми сарбозӣ" - нахустин маҷмӯаи шеърҳои ӯ соли 1969 чоп шудааст.

"Дастархон" (1972), "Нордбон" (1975), "Ағба" (1978), "Паҳно" (1981), "Лангар" (1983), "Пайи дарё" (1985), "Чашми нигин" (1988), "Табхола" (1992 г.), “Туву хубиву раъноӣ” маҳсули фаъолияти беш аз нимасраи ӯ мебошанд. Маҷмӯаҳои вай ба забони русӣ бо номи "Звезда Улугбека" (1981) ва "Безымянный родник" (1986) дар нашриёти "Советский писатель" – и Русия ва "Тень тутовника" (1989) дар Душанбе чоп шудаанд. Осори ӯ дар Афғонистону Эрон ва дигар кишварҳо низ ба нашр расидаанд.

0