Автобус

Чарх, чанбарак, тормоз - вайрон: боздошти автобуси мусофирбари Русия - Тоҷикистон

367
Нозирони роҳ автобуси "Мерседес"-и вайронаеро боздошт кардаанд, ки дар масири Красноярск - Тоҷикистон мусофирбарӣ мекардааст

ДУШАНБЕ, 7 сен — Sputnik. Тибқи иттилои раёсати умури дохилии Красноярск, ронандаи автобус, ки камбудиҳои зиёди техникӣ дошт, мехост бо 18 мусофир ба Тоҷикистон равад.

"Зимни азназаргузаронӣ дар дастгоҳи идораи автобус, чархҳо, чароғакҳо ва низоми боздорӣ — тормоз камбудиҳои зиёди техникӣ ошкор шуд. Дар натиҷа автобус боздошт ва ба ҷаримагоҳ фиристода шуд", — омадааст дар иттилоияи мақомоти умури дохилии Красноярск.

 Манбаъ афзуд, ки дар пайи ташхис ва боздошти автобус санҷиши мусофирон низ нишон дод, ки 5 нафарашон ғайриқонунӣ дар Русия ҳузур доранд.

"Ду мусофир ба андозаи ду ҳазор рубл ҷарима шуда, феълан масъалаи ихроҷи се нафарашон мавриди баррасӣ қарор дорад", — таъкид кардаст манбаъ.

Боздошти автобус бо нуқсонҳои техникӣ дар ҳолест, ки вайроншавии автобусҳо дар масири Тоҷикистон — Русия ба як мушкили умда табдил ёфтааст.

Бисёри муҳоҷирон ба далели гаронии нархи чиптаи ҳавопаймо тариқи роҳҳои заминӣ мехоҳанд ба Русия сафар кунанд ё ба Ватан баргарданд, аммо дар бисёри ҳолатҳо дар нимароҳ монда, ранҷи зиёд мекашанд.

Ахиран дар интернет навори муҳоҷирони тоҷик нашр гардид, ки автобусашон вайрон шуда, дар дашти Қазоқистон сарсону саргардон мондаанд.

367
Барчаспҳо:
муҳоҷир, автобус, вайрон, мусофир, нақлиёт, Русия-Тоҷикистон
Самолет на закате, архивное фото

Рӯзи ду парвоз аз Тоҷикистон ба Русия дақиқ шуд

1932
(Таҷдидшуда 12:52 24.05.2020)
Вазорати алоқаи Федератсияи Русия рӯзҳои нави парвози ҳавопаймо аз Тоҷикистон ба Русияро эълом кард.

ДУШАНБЕ, 24 май — Sputnik. Авохири моҳи май аз Тоҷикистон ба Русия ду парвоз роҳандозӣ мешавад, хабар медиҳад Вазорати алоқаи Русия дар шабакаи телеграм.

Хатсайрҳои ҳавоӣ дар доираи барномаи бозгардонии ҳамватанон ба Русия анҷом дода мешавад.

Ҳавопаймои "Сомон Эйр" аз Душанбе ба Мюнхен парвоз кард

Бино ба реҷаи пешакӣ рӯзи 29 май хатсайри № SVR8424 аз Душанбе ба Маскав парвоз хоҳад кард. Ҳавопаймо соати 16:00 бо вақти маҳаллӣ ба рощ мебарояд.

Манбаъ қайд мекунад, ки ин парвоз танҳо шаҳрвандони Русияро, ки дар Маскав, вилояти Маскав ва вилоятҳои Владимир, Иванов, Калужск, Рязан, Смоленск, Твер, Тулск, Ярослав, Брянск, Орловск, Липетск, Тамбов, Воронеж, Курск, Псков, Новгород, Вологода, Костромск Нижегородск, Пензенск, ҳамчунин Мардовия ба сар мебаранд, ба Русия хоҳад овард.

Ғайр аз ин рӯзи 30 май соати 19:00 хатсайри №SVR8880 аз Душанбе ба Санкт-Петербург парвоз хоҳад кард.

Рӯзи парвози навбатӣ аз Тоҷикистон ба Русия дақиқ шуд

"Ин парвоз танҳо барои шаҳрвандони Русия, ки дар Петербург, вилояти Ленинград, Псков, Новгород, Вологод, вилоятҳои Калининград ва Карелия роҳандозӣ мешавад", - афзуданд дар Вазорати алоқа.

Манбаъ афзуда, ки хоҳишмандон барои парвоз кардан бояд пешопеш дар портали госуслуг сабти ном шаванд ва дар асоси ин муроҷиатнома рӯйхати парвозкунандагон омода карда мешавад.

1932
Барчаспҳо:
парвоз, Тоҷикистон, Русия
Мавзуҳо:
Пайомадҳои COVID-19 дар Тоҷикистон ва ҷаҳон
Железная дорога, архивное фото

Марзҳои Эрону Туркманистон ва Ӯзбекистон бозгушоӣ мешаванд

462
(Таҷдидшуда 21:06 23.05.2020)
Марзи байни Эрон, Туркманистон ва Узбакистон, ки ба хотири густариши корона баста шудааст, аввали июн бозгушоӣ хоҳад шуд

ДУШАНБЕ, 23 май — Sputnik. Ғуломаббос Арбобхолис, сафири Эрон дар Туркманистон рӯзи шанбе гуфт, ройзанӣ ва машваратҳои дипломатию сиёсӣ ба таври рӯзона барои бозгушоии марзҳо бо ҳадафи аз саргирии содирот, транзит ва табодули коло бо Туркманистон ва дигар кишварҳои минтақа идома дорад.

Нақли қавли сафири Эрон дар Туркманистонро хабаргузории "Парстудей" бо такя ба гузориши радиои тоҷикии Садои Хуросон ироа кардааст.

"Дар чорчуби ин музокирот рӯзи гузашта нишасти сеҷонибаи раисони роҳи оҳани давлатии се кишвари ёдшуда ба сурати видеоконфронс баргузор ва муқаррар шуд, роҳҳои оҳани ин кишварҳо то аввали июн бо насби нақбҳои безараргардонидашуда дар ду тарафи марзҳо ва бо риояти стандартҳои мушобеҳ ва ҳамсон бо якдигар, бозгушоӣ шавад",-изҳор доштааст Арбобхолис.

Вилояти Хуросони разавии Эрон аз шимолу шимоли шарқ дорои ҳудуди 531 километр марзи муштарак бо Ҷумҳурии Туркманистон аст ва тиҷорати ҷоддаӣ ва райлии Эрон бо Осиёи Марказӣ аз тариқи гузаргоҳҳои марзии ин вилоят бо Туркманистон анҷом мешавад.

462
Мавзуҳо:
Пайомадҳои COVID-19 дар Тоҷикистон ва ҷаҳон
Мензурка в руках

Дар Хатлон озмоишгоҳи вирусологӣ фаъол шуд: ташхис ройгон аст

0
Озмоишгоҳи вирусологӣ дар Хатлон бо мақсади муайян намудани бемории сироятии коронавирус таъсис дода шудааст

ДУШАНБЕ, 27  май — Sputnik. Дар маркази маъмурии вилояти Хатлон – шаҳри Бохтар ташхисгоҳи нави вирусологӣ ба фаъолият шурӯъ кард, ки он имкон дорад дар як шабонарӯз 150-200 таҳлил анҷом диҳад.

Ба иттилои мудири Маркази назорати давлатии санитарию эпидемиологии вилояти Хатлон Нурулло Бояков, ташхисгоҳи мазкур бо мақсади муайян намудани бемории сироятии коронавируси нави COVID-19 таъсис дода шуда, имкони дар як шабонарӯз гузаронидани 150-200 таҳлилро дорад.

Пас аз тавсияи Созмони ҷаҳонии беҳдошт: Суғд соҳиби озмоишгоҳи вирусологӣ мешавад

Бояков изҳор доштааст, ки хизматрасонии озмоишгоҳ комилан ройгон роҳандозӣ шудааст.

Ба иттилои манбаъ, ташхисгоҳи мазкур бо дастгирии Вазорати тандурустӣ ва ҳифзи иҷтимоии аҳолии мамлакат дар назди ташхисгоҳи амалкунандаи Марказ таҳти роҳбарии ӯ ба кор оғоз кард.

Бояд қайд кард, ки чунин як ташхисгоҳи вирусологӣ барои муайянсозии бемории COVID-19 дар шаҳри Кӯлоб низ ба кор шурӯъ кард ва акнун дар ҳудуди вилояти Хатлон анҷом додани ҳамаи таҳлилҳо имконпазир гардид. Қаблан намунаи таҳлили гумонбарони бемории COVID-19 барои ташхис ба шаҳри Душанбе фиристода мешуд.

 

0
Барчаспҳо:
ройгон, ташхис, озмоишгоҳ, Хатлон
Мавзуҳо:
Пайомадҳои COVID-19 дар Тоҷикистон ва ҷаҳон