Танбаи мошинҳои боркаш, акс аз бойгонӣ

Туркманистон роҳи мошинҳои самти Тоҷикистонро кушод

119
Туркманистон ниҳоят ба мошинҳои боркаши равонаи Тоҷикистон иҷозаи убур аз қаламрави худ додааст

ДУШАНБЕ, 4 окт — Sputnik. Мошинҳои боркаши самти Тоҷикистон, ки дар марзи Туркманистон дармонда буданд, ниҳояти иҷозати мақомоти ин кишвар барои убур аз қаламрави онро дарёфт кардаанд.

Дар ин бора хабаргузории ТоҷикТА бо истинод ба Вазорати нақлиёти Тоҷикистон иттилоъ додааст.

“Мошинҳои боркаше, ки дар марзи Туркманистон бо молу колояшон банд шуда буданд иҷозаи идома додани роҳро пайдо карданд”, - гуфтааст манбаъ.

Ёдовар мешавем, ки мошинҳои борбари ширкатҳои ҳамлу нақли Тоҷикистон аз моҳи август инҷониб мунтазири дарёфти муҷаввиз барои ҳаракат дар қаламрави Туркманистон буданд. Ронандагон гуфта буданд, ки сабаби ин гуна рафтори ҷониби Туркманистонро намедонанд.

Қаблан Ишқобод сабаби нигоҳ доштани мошинҳои боркаши самти Тоҷикистонро дар марзаш ба далоили амниятӣ рабт дода буд.

119
Барчаспҳо:
убури марз, марз, боркаш, нақлиёт, Тоҷикистон-Туркманистон