Кӯчаҳои Душанбе, акс аз бойгонӣ

Ҷазои ҷавони дигар барои беэҳтиромӣ нисбат ба зан дар Душанбе

290
Раёсати умури дохилии шаҳри Душанбе аз ҷазо гирифтани боз як ҷавони дигар барои беэҳтиромӣ нисбат ба зан дар пойтахт хабар додааст

ДУШАНБЕ, 8 окт — Sputnik. Тибқи иттилои Раёсати умури дохилӣ, 4 октябр зани 35-сола, сокини пойтахт ба ин ниҳод муроҷиат карда, арз доштааст, ки ронандаи “Нексия”, ки дар хатсайри №8 мусофиркашӣ мекардааст, нисфирӯзи 1-уми октябр дар ҷойи ҷамъиятӣ нисбати ӯ суханҳои ғайриахлоқӣ задааст.

Маъмурини милиса муайян кардаанд, ки муттаҳам  Камолов Шералӣ, сокини 36-солаи  шаҳри Душанбе, кӯчаи Қабодиён будааст.

“Зимни бозпурсӣ муайян карда шуд, ки ӯ дар ҳақиқат 1 октябр муроҷиаткунандаро бо автомашинаи шахсиаш ҳангоми аз самти кӯчаи Исмоили Сомонӣ 109 ба самти кӯчаи Лоҳутӣ интиқол додан, нисбати ҷавонзани 35 сола беэҳтиромӣ намудааст”, - омадааст дар иттилоия.

Камолов хатояшро иқрор карда, баёнот додааст, ки дигар чунин амалро такрор нахоҳад кард.

Додгоҳи ноҳияи Сино Шералӣ Камоловро дар майдаавбошӣ  гунаҳкор дониста, бо дарназардошти маъюби гурӯҳи дуюм буданаш нисбати ӯ ҷазо дар намуди ҷарима ба андозаи 7 нишондиҳанда барои ҳисобҳо, ё худ 350 сомонӣ таъин кардааст.

Ҷазои ҷавони маъюб дар ҳолест, ки бархе аз корбарони шабакаҳои иҷтимоӣ бо зикри шикояти ахири Шаҳноза, сокини пойтахт аз беэҳтиромии  як корманди пулис дар бозори “Корвон”, изҳор медоранд, ки мақомоти умури дохилии пойтахт бояд ба ин қазия низ рӯшанӣ андозанд то шаффофият таъмин гардад.

290
Барчаспҳо:
ҷазо, бетартибӣ, Тоҷикистон
Инспектор ГИБДД, архивное фото

Бадахшон: дар 13 садамаи нақлиётӣ 7 нафар ҳалок ва 13 нафар ҷароҳатдор гардиданд

246
(Таҷдидшуда 23:38 09.07.2020)
Бозрасии давлатии автомабилии Раёсати умури дохила дар ВМКБ аз коҳиш ёфтани нақзи қавонини роҳ аз сӯи ронандаҳо хабар дод

ДУШАНБЕ, 9 июл – Sputnik. Дар роҳҳои автомобилгарди Вилояти Мухтори Кӯҳистони Бадахшон давоми шаш моҳи охири соли ҷорӣ 13 садамаи нақлиётӣ рух додааст, хабар медиҳад агентии Ховар бо такя ба маълумоти БДА РВУД дар ин вилоят.

"Дар натиҷаи 13 садамаи нақлиётӣ дасти кам 7 нафар ба ҳалокат расида, 13 нафар ҷароҳатҳои гуногуни ҷисмонӣ бардоштанд", - таъкид мешавад дар хабар.

Бар хабари БДА дар ВМКБ дар ин давра 37 ҳолати идора кардани воситаи нақлиёт бе рақами давлатӣ ва шаҳодатномаи ронанадагӣ, 10 далели истифодаи шишаҳои сиёҳу хира бе иҷозатномаи махсус ошкор  гардидааст.

Ҳамчунин чанд соли охир дар вилоят бамаротиб коҳишёбии шумораи ронандагоне, ки воситаи нақлиётро дар ҳолати сархушӣ идора мекунанд, мушоҳида мегардад.

Ҳаво дар Бадахшон то 30 дараҷа гарм мешавад: пешгӯии дақиқи обуҳаво дар Тоҷикистон

Аз моҳи январ то моҳи июни соли равон 12 нафар ронанда, ки мошинро дар ҳолати сархушӣ идора мекарданд, аз сӯи нозирони шуъбаи БДА РВКД-и вилоят боздошт шуданд. Ҳамаи ин ронандагон ҷарима ва ба муҳлати панҷ сол аз ҳуқуқи идора кардани воситаҳои нақлиёт маҳрум гардиданд.

Дар давоми шаш моҳи соли равон инчунин 39 ронанда, ки бе литсензияи давлатӣ ба мусофиркашонӣ машғул буданд, боздошт ва ба ҷавобгарии маъмурӣ кашида шуданд.

Манбаъ таъкид мекунад, ки риоя накардани қоидаҳои ҳаракати роҳ ва сари вақт мавриди муоинаи техникӣ қарор надодани воситаҳои нақлиёт оқибат ба ҳодисаҳои нохуш оварда мерасонад.

246
Барчаспҳо:
садама, нақлиёт, Бадахшон
Автобусы в автопарке, архивное фото

Пас аз ду моҳи "танаффус", ҳаракати автобусҳо дар Хуҷанд барқарор шуд : қоидаҳои нав

597
(Таҷдидшуда 16:43 08.07.2020)
Баъд аз ду моҳи “танафус” дар Хуҷанд ва шаҳрҳои атрофи он, ҳаракати автобусҳои мусофиркашонӣ дубора барқарор шудааст

ДУШАНБЕ, 8 июл – Sputnik. Баъд аз муроҷиати пайдарпайи сокинон аз тариқи шабакаҳои иҷтимоӣ, субҳи имрӯз ҳаракати автобусҳои мусофиркашонӣ дар шаҳри Хуҷанд ва навоҳии канори онро аз нав фаъол намудаанд.

"Имрӯз 34 автобус барои кашонидани мусофирон дар шаш хатсайри дохили Хуҷанд ва байни шаҳрҳои Хуҷанд – Гулистон, Хуҷанд – Бӯстон ва Хуҷанд – ноҳияи Бобоҷон Ғафуров ба ҳаракат дароварда шуданд", - гуфт Шарипов.

Директори Корхонаи давлатии комуналии “Нақлиёти шаҳри Хуҷанд” таъкид намуд, ки дар замони хуруҷи бемории ҳамагири коронавирус ё пандемияи COVID – 19 аз ҳамаи мусофирон тақозо карда мешавад, барои нишастан ба автобусҳо қоидаҳои беҳдоштӣ минҷумла бастани ниқобро риоя карда шавад, дар сурати надоштани ниқоби муҳофизатӣ ба дохили автобус иҷоза дода намешавад.

Ҳаракати автобусҳо дар Хуҷанд ва шаҳрҳои атрофи он дар аввалҳои моҳи май қатъ гардида буд.

Ба ин делел ба ҷои автобусҳо, масъулияти мусофиркашониро ширкатҳои хусусӣ тавассути микроавтобусҳои умдатан навъи Mersedes - Sprinter ба зимма гирифтанд.

Он замон масъулин, далели аз ҳаракат бозистодани автобусҳоро дақиқ шарҳ дода наметавонистанд. Баъзе манобеъ таъкид мекарданд, ки тарки кор намудани аксар ронандаҳои идораи “Нақлиёти шаҳри Хуҷанд” сабаби аз ҳаракат мондани автобусҳо шудааст. Ронандаҳо бо сабаби саривақт пардохт нашудани моҳонаи хидматиашон тарки кор кардаанд.

Масъулини ҳукумати Хуҷанд ва Суғд, соли 2018, барои рушди хизматрасонии мусофиркашонӣ, 100 автобуси 8 ва 12 метраи тамғаи “ЛИАЗ” ворид намуд.

Ин шумор нақлиёти мусофиркашонӣ аз ҳисоби ҳудуди 26 милион эвро, ки гуфта мешавад, 8 милион эвро аз ин ҳисоб гранти бебозгашт ва 18 милиони дигар қарзи Бонки ҷаҳонии таҷдид ва рушд, хариддорӣ шудааст, ки нархи як автобус ба беш аз 145 ҳазор эвро рақам зада мешавад.

597
Барчаспҳо:
ҳаракат, автобус, Хуҷанд

Гузашти худравҳо аз эстакадаи нави Душанбе, ки имрӯз ифтитоҳ шуд - 15 акс

0
  • Новая эстакада в Душанбе
  • Новая эстакада в Душанбе
  • Новая эстакада в Душанбе
  • Новая эстакада в Душанбе
  • Новая эстакада в Душанбе
  • Новая эстакада в Душанбе
  • Новая эстакада в Душанбе
  • Новая эстакада в Душанбе
  • Новая эстакада в Душанбе
  • Новая эстакада в Душанбе
  • Новая эстакада в Душанбе
  • Новая эстакада в Душанбе
  • Новая эстакада в Душанбе
  • Новая эстакада в Душанбе
  • Новая эстакада в Душанбе
Дар доираи лоиҳа корҳои азнавсозии роҳ бо назардошти сохтмони чорроҳаи сесатҳа, сохтмони роҳ бо пул дар ду сатҳ аз ду тарафи хиёбони Нусратуло Махсум бо хиёбони Сино иҷро гардид

Эстакада дар доираи лоиҳаи “Беҳтар намудани ҳолати роҳи минтақавии Душанбе — Турсунзода, қитъаи роҳ аз буриши хиёбони Сино бо хиёбони Исмоили Сомонӣ то дарвозаи ғарбии шаҳри Душанбе” бунёд гардидааст

Субҳи имрӯз Эмомалӣ Раҳмон, раисҷумҳури Тоҷикистон  ҳамроҳ бо раиси шаҳри Душанбе Рустами Эмомалӣ дар ноҳияи Синои пойтахт эстакадаи навро ифтитоҳ карданд.

Бино бар иттилои дафтари матбуоти раисҷумҳури Тоҷикистон, дар доираи лоиҳа корҳои азнавсозии роҳ бо назардошти сохтмони чорроҳаи сесатҳа, сохтмони роҳ бо пул дар ду сатҳ аз ду тарафи хиёбони Нусратуло Махсум бо хиёбони Сино иҷро гардид.

Манбаъ иттилоъ додааст, ки дарозии роҳ аз буриши хиёбони Сино то дарвозаи ғарбии пойтахт 4,9 километрро ташкил медиҳад.

Дар доираи корҳои сохтмонӣ ҳамчунин навсозии системаи муҳандисии зеризаминӣ, аз ҷумла оби нӯшокӣ, гармидиҳӣ, хатҳои алоқа, газ, равшанидиҳии замонавӣ, хатсайри троллейбус, сабзазоркунии гулгашту роҳравҳо ва як қатор тадбирҳои дигар амалӣ карда шудаанд.

Эстакадаи нав дар Душанбе ифтитоҳ ёфт: Раҳмон лентаашро бурид - аксҳо

Ба Эмомалӣ Раҳмон, раисҷумҳури кишвар зимни ифтитоҳи иншоот иттилоъ дода шуд, ки барои анҷоми корҳои сохтмонӣ муосиртарин техникаи соҳавӣ ҷалб гардида буд ва назорати сифати корҳои бунёдӣ аз ҷониби коршиносони байналмилаливу дохилӣ ба таври доимӣ роҳандозӣ мегардид.

0
  • Новая эстакада в Душанбе
    © Sputnik / Амир Исаев

    Лоиҳаи мазкур аз ҷониби Ҳукумати Тоҷикистон, Бонки аврупоии таҷдид ва рушд ва Бонки осиёии сармоягузории инфрасохторӣ татбиқ шуд

  • Новая эстакада в Душанбе
    © Sputnik / Амир Исаев

    Эмомалӣ Раҳмон, зимни ифтитоҳи иншоот бо таъкид гуфт ин роҳҳо бояд солҳои дароз ба мардум хизмат расонанд

  • Новая эстакада в Душанбе
    © Sputnik / Амир Исаев

    Барои анҷоми корҳои сохтмонӣ муосиртарин техникаи соҳавӣ ҷалб гардида буд ва назорати сифати корҳои бунёдӣ аз ҷониби коршиносони байналмилаливу дохилӣ ба таври доимӣ роҳандозӣ мегардид

  • Новая эстакада в Душанбе
    © Sputnik / Амир Исаев

    Дар доираи корҳои сохтмонӣ навсозии системаи муҳандисии зеризаминӣ, аз ҷумла оби нӯшокӣ, гармидиҳӣ, хатҳои алоқа, газ, равшанидиҳии замонавӣ, хатсайри троллейбус амалӣ карда шудаанд

  • Новая эстакада в Душанбе
    © Sputnik / Амир Исаев

    Дарозии роҳ аз буриши хиёбони Сино то дарвозаи ғарбии пойтахт 4,9 километрро ташкил медиҳад.

  • Новая эстакада в Душанбе
    © Sputnik / Амир Исаев

    Дар доираи лоиҳа корҳои азнавсозии роҳ бо назардошти сохтмони чорроҳаи сесатҳа, сохтмони роҳ бо пул дар ду сатҳ аз ду тарафи хиёбони Нусратуло Махсум бо хиёбони Сино иҷро гардид.

  • Новая эстакада в Душанбе
    © Sputnik / Амир Исаев

    Дар маросими ифтитоҳи лоиҳа раисҷумҳур ва раиси шаҳри Душанбе иштирок доштанд

  • Новая эстакада в Душанбе
    © Sputnik / Амир Исаев

    Қаблан низ қитъаи роҳ аз буриши хиёбони Сино бо хиёбони Исмоили Сомонӣ то дарвозаи ғарбии шаҳри Душанбе” дар маҳаллаи 82-юми пойтахт низ чунин як эстакада ифтитоҳ шуда буд

  • Новая эстакада в Душанбе
    © Sputnik / Амир Исаев

  • Новая эстакада в Душанбе
    © Sputnik / Амир Исаев

  • Новая эстакада в Душанбе
    © Sputnik / Амир Исаев

  • Новая эстакада в Душанбе
    © Sputnik / Амир Исаев

  • Новая эстакада в Душанбе
    © Sputnik / Амир Исаев

  • Новая эстакада в Душанбе
    © Sputnik / Амир Исаев

    Сохтмони ин эстакада 22 июли соли 2016 оғоз гардида буд.

  • Новая эстакада в Душанбе
    © Sputnik / Амир Исаев


    Иншоот дар муддати ду сол бо сатҳу сифати баланд дар рӯзҳои таҷлил аз 27-умин солгарди Истиқлолияти давлатии Тоҷикистон ифтитоҳ шуда буд.