Айби ронандаи “фура”: шарҳи “IRS” дар бораи танбашавӣ дар роҳи Душанбе Хуҷанд (АКС)

1108
Ширкати “IRS”, масъули нигоҳдории роҳи пулакии Душанбе – Чаноқ танбашавии мошинҳо дар ин масирро айби як ронандаи мошини боркаши калонҳаҷм – “фура”, хондааст, ки бидуни омодагӣ ба фасли сармо ба роҳ баромадааст

ДУШАНБЕ, 02 ноя — Sputnik. Тибқи иттилоияи ширкати “IRS”, ронандаи мошини боркаш бидуни тайёрӣ ба фасли сармо ба роҳ баромада, дар километри 156-ум дучори мушкил шудааст.

“Мутаассифона баъзе ронандагон талаботро сарфи назар карда, дар баробари он, ки худашон ба мушкил мувоҷеҳ мешаванд, ҳамчунин ба ҳаракати дигар воситаҳои нақлиёт монеа эҷод намуда, танбашавиро ба вуҷуд меоранд”, - омадааст дар иттилоияи ширкат.

Манбаъ афзуд, ки кормандони ширкат, бо кӯмаки ронандагон ва мусофирон тавонистаанд ин автомобилро канор бароранду ҳаракати дигар воситаҳои нақлиётро таъмин намоянд.

Ахиран IRS иттилоъ дод, ки ба далели барфрезии шадид, барои таъмини бехатарӣ аз километри 155 то 173 - юми роҳи автомобилгарди Душанбе-Чаноқ, ҳаракати воситаҳои нақлиёти гаронвазни “притсепдор”  аз плазаи толлингии "Варзоб” ба самти Хуҷанд ва аз плазаи толлингии "Шаҳристон" ба самти шаҳри Душанбе муваққатан масдуд мешавад.

1108
Барчаспҳо:
танбашавӣ, роҳбандӣ, Душанбе-Чаноқ, барф, Тоҷикистон
Таджикские дороги в Муминабадском районе

Раҳмон роҳи мошингарди "Чилдухтарон - Ховалинг" - ро, ки Амировҳо сохтанд, ифтитоҳ кард

303
(Таҷдидшуда 12:58 25.09.2020)
Кишвардори Тоҷикистон Эмомалӣ Раҳмон дар ноҳияи Мӯъминобод роҳи мошингарди "Чилдухтарон - Ховалинг" - ро ифтитоҳ кард

ДУШАНБЕ, 25 сен - Sputnik. Дар ноҳияи Ховалинг бо иштироки раисҷумҳури Тоҷикистон Эмомалӣ Раҳмон роҳи автомобилгарди "Чилдухтарон - Ховалинг" ифтитоҳ ёфт, хабар медиҳад котиботи раисҷумҳур.

Ба иттилои манбаъ, роҳи мазкур бахшида ба 30 - солагии Истиқлолияти давлатии Тоҷикистон мавриди истифодабарӣ қарор дода шуд.

Манбаъ меафзояд, роҳи "Чилдухтарон - Ховалинг" - ро аз моҳи октябри соли 2019 оилаи Амировҳо сохта, бо дарозии 12 километр ба анҷом расониданд.

Раҳмон дар Мӯъминобод бо дастовез ба хонаи сокини маҳаллӣ рафт

Таъкид мешавад, ки баробари мавриди истифода қарор гирифтани он, рафтуомад тариқи ноҳияҳои Данғара, Балҷувон ва Ховалинг қариб 70 километр кӯтоҳ шуд.

Кишвардори Тоҷикистон барои хизмати арзандаи оилаи Амировҳо изҳори сипос намуда, дар маконе, ки тамоми табиати Чилдухтарон намоён аст, Кохи сайёҳӣ бо номи "Қадамҷойи Пешвои миллат" - ро ифтитоҳ кард.

303
Барчаспҳо:
ифтитоҳ, роҳи мошингард, Эмомалӣ Раҳмон

Тоҷикистон боз аз рӯйхат берун монд: Русия бо 4 давлати дигар парвозҳо барқарор кард

4590
(Таҷдидшуда 12:51 19.09.2020)
Ба ҷузъ аз Тоҷикистону чанд давлати дигари Осиёи Марказӣ, Федератсияи Русия бо кишварҳои дигар парвозҳои чартериро бекор кард

ДУШАНБЕ, 19 сен — Sputnik. Сар аз 21 - уми сентябр Русия тамоми парвозҳои чартериро бекор мекунад, хабар медиҳад Ситоди фаврӣ оид ба коронавирус.

Аммо Тоҷикистон ин навбат низ аз рӯйхати давлатҳое, ки минбаъд парвозҳо аз Русия ба он ҷо бидуни чартер роҳандозӣ мешаванд, боз канор монд.

Дақиқан маълум нест, ки аз кай равобити ҳавоӣ миёни Тоҷикистону Русия бе парвозҳои чартерӣ барқарор мешавад.

Сафир дар бораи зиёдшавии парвозҳо, кушодани поездҳо ва қарантинаи дигар  

Зимнан, давлати Русия боз бо чаҳор кишвари дигар, аз ҷумла Қирғизистон, Белорус ва Қазоқистон иҷозати парвозҳои мустақим дод. 

Ҳамчунин, сар аз 27 - уми сентябр, парвозҳо аз Русия самти Кореяи Ҷанубӣ амалӣ мешаванд. Ин парвозҳо ҳафтае як маротиба сурат мегиранд.

Ҳар рӯз 3-4 парвоз: ҷадвали нави парвозҳо миёни Русия ва Тоҷикистон

Таассуфовар он аст, ки аз барқарор шудани равобити ҳавоӣ миёни Русия ва Тоҷикистон хабаре нест. Бар тибқи баъзе маълумотҳо, эҳтимол равобити ҳавоӣ миёни ин ду кишвар моҳи оянда барқарор шавад.

Қаблан мақомоти Тоҷикистон омодагияшонро барои оғози парвозҳо ба шаҳрҳои Русия бо риояи қоидаҳои беҳдоштӣ баён доштанд, аммо Русия ҳанӯз тасмими ниҳоӣ барои оғози парвозҳоро эълон накардааст.

4590
Барчаспҳо:
барқарор кардан, парвозҳо, Тоҷикистон, Русия
Ожирение, архивное фото

Олимон: чарби шикам ҳатто дар вазни муқаррарӣ, хатари марги бармаҳалро зиёд мекунад

0
(Таҷдидшуда 14:00 27.09.2020)
Олимон пас аз анҷоми таҳқиқоти илмияшон ба чунин хулоса омаданд, ки чарби шикам одамро ба марги бармаҳал наздик меорад

ДУШАНБЕ, 27 сен — Sputnik. Чарби шикам ҳатто дар сурати доштани вазни муқаррарӣ, одамро ба марги бармаҳал "телла" мекунад, менависад MedicalXpress бо такя ба маълумоти одимони эрониву канадагӣ.

Мутахассисони ин ду кишвар дасти кам 72 кори илмиро омӯхтанд, ки муносибати фарбеҳии шикам (вақте ки чарб маҳз дар минтақаи шикам пайдо мешавад) ва фавт аз сабабҳои гуногунро тафтиш карданд. Онҳо инчунин нишондиҳандаҳои солимии зиёда аз 2,5 миллион ихтиёриёнро дар тӯли аз се то 24 сол тафтиш карданд.

ВКД Тоҷикистон аз кормандон талаб кард, ки аз фарбеҳӣ халос шаванд

Коршиносон ба даври камар ва миён, таносуби онҳо, фоизи равғани бадан ва параметрҳои дигар таваҷҷӯҳ зоҳир карданд.

Маълум шуд, одамоне, ки чарб на дар миён, балки маҳз дар шикам доранд, эҳтимолан барвақтар мемиранд.

Гуфта мешавад, ҳар 10 сантиметр чарбе, ки дар шикам ҷамъ меояд, хавфи наздикшавӣ ба маргро ба андозаи 11 дарсад зиёд мекунад.

0
Барчаспҳо:
марг, фарбеҳӣ, олимон