Рустами Эмомалӣ, шаҳрдори Душанбе дар истгоҳи автобус, акс аз бойгонӣ

Эълони маҳдудият барои “Мерседес”-ҳои мусофирбар ва оғози кори автобусҳои нав дар Душанбе

4346
Шаҳрдории Душанбе бо нашри як эълон аз ҷорӣ шудани маҳдудият барои ҳаракати мусофирбарҳои “Мерседес- Бенс” ва оғози кори автобусҳои нав дар бархе аз хатсайрҳои пойтахт иттилоъ додааст

ДУШАНБЕ, 3 дек — Sputnik. Тибқи иттилои дафтари матбуоти шаҳрдорӣ, ҳадафи ин иқдом кам кардани ҳолатҳои танбашавии воситаҳои нақлиёт дар кӯчаю хиёбонҳо ва беҳтар намудани сифати хизматрасонӣ дар нақлиёти ҷамъиятӣ мебошад.

Манбаъ афзуд, аз 3 декабри соли равон дар хатсайри микроавтобусии №11, дар масири мактаби №61 - бозори “Балх”, шумораи “Мерседес-Бенс” маҳдуд карда шуда, хизматрасонии автобусҳои №11 роҳандозӣ гардид.

“Дар хатсайри микроавтобусии №10, дар масири Донишгоҳи тарбияи ҷисмонӣ - маҳаллаи "Пахтакор" низ шумораи микроавтобусҳо кам карда шуда, фаъолияти автобусҳои хатсайри №10, Донишгоҳи тарбияи ҷисмонӣ - маҳаллаи "Пахтакор" ба роҳ монда шуд”, - омадааст дар иттилоия.

Дафтари матбуоти шаҳрдорӣ илова намуд, ки дар хатсайри автобусии №2, дар масири Терминали мусофирбарии шарқ - Терминали мусофирбарии дарвозаи ҷанубӣ, теъдоди автобусҳо аз аз 20 ба 26 адад зиёд карда  шуда, ҳаракати мусофирбарҳои хурди №33 тавассути кӯчаи Неъмат Қарабоев маҳдуд гардид.

Шаҳрдорӣ аз мусофирон хоҳиш кардааст, ки аз хизматрасониҳои автобусҳои нави замонавӣ истифода бурда, нақлиёти ҷамъиятиро дар истгоҳҳо мунтазир шаванд.

4346
Барчаспҳо:
эълон, нақлиёт, оғози фаъолият, маҳдудият, Мерседес-Бенс, автобус, Тоҷикистон

Русия расман бо як кишвари дигар парвозҳоро барқарор мекунад

973
(Таҷдидшуда 17:58 01.08.2020)
Боз ҳам на Тоҷикистон: ҳафтае як маротиба аз Маскав ба пойтахти Швейтсария - Женева парвози мустақим анҷом дода хоҳад шуд

ДУШАНБЕ, 1 авг — Sputnik. Федератсияи Русия алоқаи ҳавоиро бо Швейтсария барқарор мекунад, хабар медиҳад ситоди фаврии мубориза бо коронавирус.

Интизор меравад, ки парвози нахустин аз Русия ба Швейтсария рӯзи 15 август анҷом дода шавад.

Дар назар аст, ки ҳафтае як маротиба аз Маскав ба пойтахти Швейтсария - Женева парвози мустақим анҷом дода шавад.

Хушхабари Муҳриддин: ҳамарӯза 2 парвоз самти Тоҷикистону Русия сурат мегирад

Ёдрас мешавем, ки Русия аз 1 август парвозҳои мустақимро бо се кишвар: Туркия, Бритониёи Кабир ва Танзания оғоз мекунад.

Сӯҳбати Раҳмону Эрдуғон: аз ҳамдардӣ то барқароршавии парвозҳо ва таҳдиди "COVID" - 19

Тоҷикистон низ омодагии худро ҷиҳати оғози парвозҳои мустақим бо Русия изҳор дошт.

973
Барчаспҳо:
барқарорсозӣ, барқароршавӣ, парвозҳои мустақим, Русия
Сотрудник милиции проверяет документы у водителя

10 марду 1 зан: пулис аксу навори 11 ронандаи қонуншикан дар роҳи "Корвон" -ро нашр кард

749
(Таҷдидшуда 13:30 31.07.2020)
Ёздаҳ ронандае, ки аз ҷониби пулиси роҳ огоҳонида шуданд, дар роҳи бозори "Корвон" танбашавии сунъии нақлиётро ба вуҷуд меоварданд

ДУШАНБЕ, 31 июл — Sputnik.  Раёсати умури дохила дар шаҳри Душанбе аз рафтори баъзе ронандаҳо дар роҳҳои пойтахт изҳори нигаронӣ мекунанд.

Ба иттилои котиботи раёсат, гарчанде дар як қисмати роҳи бозори "Корвон" корҳои таъмиру азнавсозӣ ҷараён дошта бошад ҳам, вале баъзе аз ронандагон ба маҳдуд будани роҳ нигоҳ накарда, бар хилофи талаботҳои ҳаракат дар роҳ амал намуда ба таври сунъӣ тамбашавии ҳаракати роҳро ба вуҷуд меоранд.

Ин қоидавайронкуниҳои ронандагон аз ҷониби шаҳрвандон ва истифодабарандагони шабакаҳои иҷтимоии интернетӣ низ мавриди вокуниш қарор гирифта, аз мақомоти милитсия дархост намуданд то нисбати ин ронандагони қонуншикан чораҳои таъсирррасони қонунӣ андешида шавад.

“Қатии любойта, любой хел гап мезанум”: ҷазои ронанда барои зӯргӯӣ-акс

Бо назардошти ҳолати мазкур нисбати як қатор ронандагоне, ки қоидаҳои ҳаракат дар роҳро дағалона вайрон намудаанд, тибқи талаботи моддаҳои 324 ва 236 Кодекси ҳуқуқвайронкунии маъмурии ҶТ протоколҳои ҳуқуқвайронкунии маъмурӣ тартиб дода шуда, ҷиҳати дар минбаъда ба чунин қоидавайронкунӣ роҳ надодан ба таври қатъӣ огоҳонида шуданд.

Дар миёни ронандагони қонуншикан, 10 марду як зан қарор гирифтанд.

749
Шанхай, архивное фото

Чин мӯҳлати пардохти қарзи 40-миллионии Тоҷикистонро ба таъхир андохт

0
Чин дар робита бо мушкилии молии пайи пандемияи коронавирус қабули пардохтҳои қарзиро аз 77 кишвар, аз ҷумла аз Тоҷикистон боздошт

ДУШАНБЕ, 5 авг — Sputnik. Пардохти қарзи Тоҷикистон ба Чин ба маблағи 40 миллион доллар муваққатан ба таъхир андохта шуд. Дар ин бора муовини вазири рушди иқтисод ва савдо Абдураҳмон Абдураҳмонзода хабар дод.

Ба гуфтаи вай, Чин вазъи мураккаби иқтисодии Тоҷикистонро дар робита бо пандемияи коронавирус ба назар гирифта, мӯҳлати пардохти онро тамдид кард.

Афзун бар ин, Чин дар робита бо мушкилии молии пайи пандемияи коронавирус қабули пардохтҳои қарзиро аз 77 кишвар боздошт.

Пештар Вазорати молия гуфта буд, қарзи умумии берунаи Тоҷикистон дар нимсолаи аввали соли 2020 3 миллиарду 96 миллионро ташкил медиҳад.

Маълум аст, ки қарзи бештари Тоҷикистон, 36 дар сади он, ба бонки Чин рост меояд, ки он 1 миллиарду 133,4 ҳазор доллар аст.

“Ҳисоби абҷад”: “Талко” қарзҳои андозро ғайривоқеӣ хонд

 

0