Роҳбандӣ ва тағйири хатсайри 10 мусофирбар: шаҳрдорӣ бозсозии хиёбони С.Шерозиро оғоз кард

© © Sputnik / Амир ИсаевУлица в городе Душанбе, архивное фото
Улица в городе Душанбе, архивное фото - Sputnik Тоҷикистон
Обуна шудан
Шаҳрдории Душанбе шаҳрвандонро огоҳ кардааст, ки имрӯз дар пайи оғози бозсозии роҳ дар хиёбони Саъдӣ Шерозӣ масири ҳаракати мусофирбарҳо дар 10 хатсайр тағйир меёбад

ДУШАНБЕ, 15 апр — Sputnik. Тибқи иттилои шаҳрдорӣ, дар доираи нақшаи  генералии пойтахт, роҳи хиёбони Саъдии Шерозӣ - аз ҳалқаи кӯчаи Неъмат Қарабоев то гардиш ба кӯчаи Раҳмон Набиев бозсозӣ мешавад.

Автобус №8 в Душанбе, архивное фото - Sputnik Тоҷикистон
Эълони роҳбандӣ барои таъмир ва тағйири хатсайри мусофирбарҳои № 1, 2, 3, 8, 13, 25

Манбаъ таъкид кардааст, ки бо ҳамин сабаб ҳаракати ҳама гуна воситаҳои нақлиёт аз 15 апрели соли 2019 дар ин хиёбон маҳдуд карда мешавад.

Шаҳрдорӣ илова намуд, ки ҳамзамон, ба хатсайри микроавтобус ва автобусҳо тағйирот ворид карда шуданд:

“Микроавтобусҳои №2, 52, ва 54 тариқи кӯчаҳои Мушфиқӣ-Соҳилӣ, №13 тариқи кӯчаи Р. Набиев, Мушфиқӣ, Н. Қарабоев ва № 15, 25 тариқи кӯчаҳои Соҳилӣ, Н. Ганҷавӣ, М. Шерализода ҳаракат мекунанд”, - хабар додааст “Ховар” аз қавли ҳукумати Душанбе.

Инчунин ҳаракати автобусҳои № 7, 11, 18, 29 тариқи кӯчаҳои Р. Набиев, Мушфиқӣ, Н. Қарабоев сурат хоҳад гирифт.

Шаҳрдорӣ барои ҳусни тафоҳуми ронандагон ва мусофирон дар мавриди монеаҳои ҳаракати нақлиёт изҳори сипос карда, таъкид намудааст, ки ин тадбирҳо барои ободонӣ роҳандозӣ шудаанд.

Лентаи хабарҳо
0