Рустам Эмомали

Қарори Рустам Эмомалӣ: бунёди роҳи автомобилгард бо паҳноии 40 метр ва 8 хати ҳаракат

3850
Роҳи автомобилгард аз Дарвозаи ғарбӣ то маҳаллаи Чортути пойтахт тӯл кашида, бо маблағи 46, 5 миллион доллари ИМА сохта мешавад

ДУШАНБЕ, 4 июл - Sputnik. Имрӯз 4 июли соли 2019, раиси шаҳри Душанбе Рустами Эмомалӣ ба корҳои бунёдии лоиҳаи иншооти "Сохтмони роҳи автомобилгард аз Дарвозаи ғарбӣ то маҳаллаи "Чортут"-и пойтахт, ки тарҳи муштараки Тоҷикистону Ҳиндустон маҳсуб меёбад, заминагузорӣ намуд, иттилоъ додааст дафтари матбуотии сомонаи расмии шаҳрдорӣ.

Президент Таджикистана Эмомали Рахмон и мэр Душанбе Рустам Эмомали
© Официальная страница пресс-службы президента РТ в Facebook.

Дар иттилоия омадааст, ки лоиҳаи мазкур сохтмони роҳи автомобилгардро бо дарозии 9,2 километр ва паҳноии 40 метр иборат аз 8 хати ҳаракат дар ду самт, пиёдароҳҳо, як адад пул дар болои канали калони Ҳисор ва як гузаргоҳи роҳи оҳан, 2 адад гардишҳои нақлиётӣ (развязка), чароғакҳои роҳнамо дар ду қитъа, аломатҳои бехатарии роҳ, хати кабудизор, шинонидани дарахту буттаҳои ороишию сояафкан дарбар мегирад.

Раиси шаҳри Душанбе Рустами Эмомалӣ ва Сафири Фавқулода ва Мухтори Ҷумҳурии Ҳиндустон дар Ҷумҳурии Тоҷикистон Сомнат Гош бо гузоштани санги асос ба оғози расмии сохтмони ин қитъаи роҳ заминагузорӣ карданд.

Роҳи автомобилгард аз Дарвозаи ғарбӣ то маҳаллаи Чортути пойтахт тӯл кашида, бо маблағи 46, 5 миллион доллари ИМА сохта мешавад. Иншооти мазкур дар доираи ҳамкориҳои судманд миёни Ҷумҳурии Тоҷикистон ва Ҷумҳурии Ҳиндустон аз ҳисоби маблағҳои грантии давлати Ҳиндустон бунёд мегардад.

Раиси шаҳр Рустами Эмомалӣ таваҷҷуҳи масъулини дахлдори мақомоти иҷроияи ҳокимияти давлатии шаҳри Душанбе ва дигар ниҳодҳои марбутаро ҷиҳати саривақт ва бо сифати баланд мутобиқ ба меъёрҳои стандарти байналмилалии роҳсозӣ анҷом додани корҳои омодагӣ ва сохтмонӣ ҷалб намуданд.

Имрӯз Раиси шаҳри Душанбе Рустами Эмомалӣ, инчунин бо лоиҳаҳои иншооти нав, аз қабили биноҳои баландошёнаи истиқоматӣ, маъмурӣ, таълимӣ ва марказҳои муосири савдою хизматрасонӣ, ки дар ҳудуди шаҳри Душанбе бунёд мешаванд, шинос гардида, ҷиҳати мутобиқ ба стандартҳои меъморӣ сохтани он ба масъулони сохторҳои дахлдори пойтахт ва ширкатҳои сохтмонию лоиҳакашӣ супоришҳои мушаххас доданд.

Зимни муаррифии тарҳи иншооти бунёдшаванда ба Раиси шаҳри Душанбе иттилоъ дода шуд, ки Консепсияи меъморӣ ва шаҳрсозии кӯчаи Садриддин Айнӣ аз буриши кӯчаи Дӯстии халқҳо то майдони Ғалаба дар доираи Нақшаи генералии шаҳри Душанбе таҳия гардида, дар давоми ду сол биноҳои баландошёнаи истиқоматӣ ва маъмурӣ дар ду шафати роҳи асосӣ бо риояи санъати баланди меъмории милливу муосир сохта мешавад.

Биноҳои истиқоматии сохташаванда накамтар аз 12 ошёна буда, дар идомаи ташаббусу иқдомҳои созандаи шаҳрдорӣ, ки тайи ду соли охир боиси ба куллӣ дигаргун шудани симои пойтахт гардидааст, бунёди инфрасохтори зарурӣ, ба монанди майдончаҳои бозии кӯдакон, боғчаҳои бачагона, мактаб, дармонгоҳҳо, таваққуфгоҳ ва шабакаи обу корез ба нақша гирифта шудаанд.

Ҳамчунин дар ҳамин кӯча биноҳои нави маъмурии аҳамияти ҷумҳуриявӣ сохта мешавад. Тибқи дурнамо сохтмони биноҳои муассисаи таҳсилоти миёнаи умумии рақами 15, Коллеҷи санъати ба номи Аҳмад Бобоқулов ва Коллеҷи хореографии ба номи Малика Собирова дар назар аст.

Раиси шаҳр Рустами Эмомалӣ амалӣ намудани иқдоми мазкурро дар фароҳам овардани шароити аз ин ҳам беҳтари кору зиндагӣ барои сокинон муҳим арзёбӣ намуда, таъкид доштанд, ки сохтмони тамоми иншоот дар муҳлати муайяншуда, бо сифати баланд ва риояи тамоми талаботи меъморию шаҳрсозӣ ба анҷом расонида шавад.

Ҷиҳати васеъ намудани роҳҳо, чароғонкунии кӯча, биноҳои баландошёнаи истиқоматию маъмурӣ ва кабудизоркунии муҳити атроф, инчунин ба инобат гирифтани инфрасохтори зарурӣ, аз қабили хатҳои обу корез, барқу гармидиҳӣ, низоми муосири партовпартоӣ, воситаҳои хизматрасонии дохили биноҳо низ супоришҳои мушаххас дода шуд.

Худи ҳамин рӯз бо иштироки Раиси шаҳри Душанбе Рустами Эмомалӣ рӯнамои лоиҳаҳои меҳмонхонаҳои навбунёдшавандаи ҳудуди шаҳри Душанбе баргузор гардид.

Зимни муаррифии тарҳи иншооти бунёдшаванда ба Раиси шаҳри Душанбе Рустами Эмомалӣ иттилоъ дода шуд, ки дар давоми ду сол сохтмони 9 меҳмонхонаи замонавӣ бо 630 ҳуҷра барои қабули беш аз 1000 (як ҳазор) нафар дар як вақт пешбинӣ шудаанд.

Аз ҷумла, Ҷамъияти дорои масъулияти маҳдуди "Рушди Осиё "сохтмони меҳмонхонаи “Дипломат”-ро дар заминаи бино ва иншооти фарсуда, дар кӯчаи Бохтари ноҳияи Исмоили Сомонӣ, Ҷамъияти дорои масъулияти маҳдуди "Элит-стройсервис" бинои бисёрфунксионалии бисёрошёна, аз ҷумла меҳмонхонаи панҷситорадорро дар кӯчаи Айнии ноҳияи Шоҳмансур,  Ҷамъияти дорои масъулияти маҳдуди "Себистон-2018" мехмонхонаи замонавии “Grand RudakI Tower”-ро дар хиёбони Рӯдакии ноҳияи Исмоили Сомонӣ, инчунин дигар ширкатҳои ватанӣ дар пойтахти ҷумҳурӣ тайӣ 2 сол меҳмонхонаҳои муосири ҳозиразамонро бо сифати баланд ва дизайни миллӣ бунёд хоҳанд кард.

Ҳамаи меҳмонхонаҳое, ки лоиҳаи онҳо рӯнамоӣ гардид, бо инобати талаботи байналмилалии соҳа бо дараҷаи 4 ва 5 ситорадор сохта мешаванд.

Меҳмонхонаҳои бунёдшаванда баландошёна буда, аз утоқҳои стандарт, люкс, нимлюкс ва апартамент иборат мебошанд ва бо инфрасохтори зеризаминӣ, аз қабили марказҳои савдову хизматрасонӣ, тарабхона, ҳавзи шиноварӣ, маҷлисгоҳ, марказҳои варзишиву дилхушӣ,  тиббӣ, ҳаммом, синамо, таваққуфгоҳҳои зеризаминӣ муҷҷаҳаз мебошанд.

Тавре иттилоъ дода шуд, то таҷлили ин ҷашни таърихӣ дар шаҳри Душанбе зиёда аз 3500 иншооти таъиноти гуногун сохта ба истифода дода мешавад.

3850
Барчаспҳо:
роҳ, Душанбе, Рустами Эмомалӣ, Тоҷикистон

Русия расман бо як кишвари дигар парвозҳоро барқарор мекунад

973
(Таҷдидшуда 17:58 01.08.2020)
Боз ҳам на Тоҷикистон: ҳафтае як маротиба аз Маскав ба пойтахти Швейтсария - Женева парвози мустақим анҷом дода хоҳад шуд

ДУШАНБЕ, 1 авг — Sputnik. Федератсияи Русия алоқаи ҳавоиро бо Швейтсария барқарор мекунад, хабар медиҳад ситоди фаврии мубориза бо коронавирус.

Интизор меравад, ки парвози нахустин аз Русия ба Швейтсария рӯзи 15 август анҷом дода шавад.

Дар назар аст, ки ҳафтае як маротиба аз Маскав ба пойтахти Швейтсария - Женева парвози мустақим анҷом дода шавад.

Хушхабари Муҳриддин: ҳамарӯза 2 парвоз самти Тоҷикистону Русия сурат мегирад

Ёдрас мешавем, ки Русия аз 1 август парвозҳои мустақимро бо се кишвар: Туркия, Бритониёи Кабир ва Танзания оғоз мекунад.

Сӯҳбати Раҳмону Эрдуғон: аз ҳамдардӣ то барқароршавии парвозҳо ва таҳдиди "COVID" - 19

Тоҷикистон низ омодагии худро ҷиҳати оғози парвозҳои мустақим бо Русия изҳор дошт.

973
Барчаспҳо:
барқарорсозӣ, барқароршавӣ, парвозҳои мустақим, Русия
Сотрудник милиции проверяет документы у водителя

10 марду 1 зан: пулис аксу навори 11 ронандаи қонуншикан дар роҳи "Корвон" -ро нашр кард

752
(Таҷдидшуда 13:30 31.07.2020)
Ёздаҳ ронандае, ки аз ҷониби пулиси роҳ огоҳонида шуданд, дар роҳи бозори "Корвон" танбашавии сунъии нақлиётро ба вуҷуд меоварданд

ДУШАНБЕ, 31 июл — Sputnik.  Раёсати умури дохила дар шаҳри Душанбе аз рафтори баъзе ронандаҳо дар роҳҳои пойтахт изҳори нигаронӣ мекунанд.

Ба иттилои котиботи раёсат, гарчанде дар як қисмати роҳи бозори "Корвон" корҳои таъмиру азнавсозӣ ҷараён дошта бошад ҳам, вале баъзе аз ронандагон ба маҳдуд будани роҳ нигоҳ накарда, бар хилофи талаботҳои ҳаракат дар роҳ амал намуда ба таври сунъӣ тамбашавии ҳаракати роҳро ба вуҷуд меоранд.

Ин қоидавайронкуниҳои ронандагон аз ҷониби шаҳрвандон ва истифодабарандагони шабакаҳои иҷтимоии интернетӣ низ мавриди вокуниш қарор гирифта, аз мақомоти милитсия дархост намуданд то нисбати ин ронандагони қонуншикан чораҳои таъсирррасони қонунӣ андешида шавад.

“Қатии любойта, любой хел гап мезанум”: ҷазои ронанда барои зӯргӯӣ-акс

Бо назардошти ҳолати мазкур нисбати як қатор ронандагоне, ки қоидаҳои ҳаракат дар роҳро дағалона вайрон намудаанд, тибқи талаботи моддаҳои 324 ва 236 Кодекси ҳуқуқвайронкунии маъмурии ҶТ протоколҳои ҳуқуқвайронкунии маъмурӣ тартиб дода шуда, ҷиҳати дар минбаъда ба чунин қоидавайронкунӣ роҳ надодан ба таври қатъӣ огоҳонида шуданд.

Дар миёни ронандагони қонуншикан, 10 марду як зан қарор гирифтанд.

752

10 миллион нафар дар Афғонистон мубталои коронавирус шуданд

0
(Таҷдидшуда 21:39 06.08.2020)
Вазири тандурустии Афғонистон изҳор доштаст, ки сеяки аҳолии ин кишвар ба маризии сироятии коронавирус мубтало гардидаанд

ДУШАНБЕ, 6 авг — Sputnik. Вазорати тандурустии Афғонистон бо нашри гузорише гуфт, ки дар ин кишвар ҳудуди даҳ миллион, яъне аз се як ҳиссаи аҳолии Афғонистон ба коронавирус гирифтор шудаанд.

Аҳмад Ҷавод Усмонӣ, вазири тандурустии Афғонистон дар нишасти матбуотӣ гуфт, ки ин омор пас аз баррасии натиҷаҳои тести 2500 нафар дар саросари кишвар ба даст омадааст.

Дар лоиҳаи буҷаи Тоҷикистон барои соли 2021 пандемияи коронавирус ба назар гирифта мешавад

Ин тестҳо ва баррасиҳо, ки бо кӯмаки Созмони Ҷаҳонии Тандурустӣ анҷом шудааст, таъмин мезанад, ки акнун 31,5 дарсад аз аҳолии Афғонистон ба ин вирус гирифта шудаанд ва бештарин ҳолатҳои гирифторӣ дар Кобул будааст.

Коронавирус дар моҳи феврали соли ҷорӣ бо бозгашти ҳазорон муҳоҷири афғон аз Эрон ба кишварашон ворид шуд.

Дар ҳоли ҳозир таҳқиқоте дар мавриди шумораи ҷонбохтагон ва гирифторон ба ин беморӣ дар Афғонистон идома дорад.

0
Барчаспҳо:
маризӣ, Афғонистон
Мавзуҳо:
Пайомадҳои COVID-19 дар Тоҷикистон ва ҷаҳон