Томас В. Халлам II

Мудири кулли "Сомон Эйр" ба ҳайати Кумитаи тавсиявии IATA шомил шуд

169
(Таҷдидшуда 16:19 05.07.2019)
Томас Ҳаллам мудири кулли ширкати "Сомон Эйр" ба ҳайати Кумитаи тавсиявии IATA шомил шуд

ДУШАНБЕ, 5 июл - Sputnik. Мудири кулли ширкати ҳавопаймоии "Сомон Эйр" Томас В. Ҳаллам II ба Кумитаи Тавсиявии Ассотсиатсияи Байналмилалии Нақлиёти Ҳавоӣ (IATA) шомил шуд, хабар медиҳад ширкати "Сомон эйр".

Дар ин бора дар ҷаласаи 75-уми Ассамблеяи генералии IATA, ки дар Сеул (Кореяи Ҷанубӣ) баргузор шуд, хабар доданд.

Мақомоти олии ассотсиатсия ҳар сол роҳбарони ширкатҳои ҳавопаймоии ҷаҳон ва шарикони калидии соҳаро ҷамъ меоварад.

Гуфта мешавад, ки Кумитаи тавсиявӣ (Nominating Committee) мақомоти ёридиҳандаи Ассамблеяи генералии IATA буда, аз 10 аъзо иборат мебошад.

Кумитаи мазкур аз ҷониби Президенти IATA бо мақсади ҷамъоварии тавсияҳо барои Ассамблеяи генералии минбаъда интихоб намудани номзадҳо таъсис дода мешавад: ба ҳайати узвияти Шӯрои роҳбарон, ба вазифаи Мудири кулл ва Котиб.

Мудири минтақавии IATA Рэймондс Грунтинс дар суханронии табрикотии худ бахшида ба таъйин шудани Томас В. Ҳаллам II ҳамчун узви нави Кумитаи тавсиявӣ гуфт:

"Ин муваффақияти бузург буда, масъулияти зиёде талаб мекунад. Мутмаинам, ки дониши фарохи Шумо дар соҳаи авиатсия ва таҷрибаи байналмилалӣ дастоварди ҳақиқии Кумита хоҳад шуд ва Шумо ҷиҳати дастгирии авиатсия ҳам дар Тоҷикистон ва ҳам дар Осиёи Марказӣ муносибатҳоро бо дигар аъзои кумита рушду тақвият хоҳед бахшид. Бениҳоят муҳим аст, ки ширкати ҳавопаймоии "Сомон Эйр" (ягона аъзои IATA аз Тоҷикистон) дар ассотсиатсияи мо дар ташаккули ояндаи авиатсия фаъолона иштирок намуд".

Мудири кулли ширкати ҳавопаймоии "Сомон Эйр"-ро ҳамчунин Директори генералии IATA Александр Де Юниак табрик намуда, зикр кард, ки IATA ҳамеша омода аст ба ширкати "Сомон Эйр" кумаки худро расонад.

169
Барчаспҳо:
IATA, мудири кулл, "Сомон Эйр"

Ҷилавгирӣ аз сонеҳаҳои нақлиётӣ: пулис муоинаи техникии мошинҳоро тафтиш мекунад

675
(Таҷдидшуда 17:37 21.10.2020)
Дар Тоҷикистон амалиёти навбатии "Муоинаи техникӣ" идома дорад. Пулиси Тоҷикистон дар масирҳо воситаҳои нақлиётро манъ намуда, муоинаи техникиро мавриди санҷиш қарор медиҳад

ДУШАНБЕ, 21 окт - Sputnik. Дар Тоҷикистон аз 20 октябр амалиёти навбатии "Муоинаи техникӣ" оғоз ёфта, то 30 октябр тӯл мекашад, хабар медиҳад котиботи Бозрасӣ давлатии автомобилии кишвар.

Ба иттилои манбаъ, мақсад аз гузаронидани амалиёт пешгирии ҳодисаҳои роҳу нақлиёт, баланд бардоштани ҳолати техникии худравҳо арзёбӣ мешаваад.

Гузашта аз ин, пулиси роҳ бо пиёда намудани ин амалиёт шумораи дақиқи воситаҳои нақлиётро муайян намуда, раванди супоридани маблағи андозро назорат мекунад.

Пулиси Душанбе 1,5 ҳазор нафарро барои нақзи қавонини роҳ 6 сомониву 88 дирам ҷарима баст

Ҳамчунин, воситаҳои нақлиёти боркаш ва дигар намуди воситаҳои нақлиётро бо омода намудани муоинаи ҳатмии давлатии техникӣ ҷалб мекунад.

Зимнан, Раёсати БДА ВКД Ҷумҳурии Тоҷикистон аз ҳамаи соҳибони воситаҳои нақлиёт хоҳиш менамояд, ки воситаҳои нақлиётро дар ҳолати дурусти техникӣ нигоҳ дошта, сари вақт ба муоинаи техникӣ пешниҳод намоянд.

675
Барчаспҳо:
тафтиш, пулис, мошин, роҳ
Машина милиции в Душанбе, архивное фото

Эълони се рӯзи роҳбандӣ дар Суғд: ҳаракати нақлиёт дар кадом кӯчаҳо маҳдуд мешавад?

588
(Таҷдидшуда 10:55 15.10.2020)
 Бозрасии давлатии автомобилӣ бо нашри як эълон аз ташрифи меҳмонони олимақом ба вилояти Суғд хабар дода гуфтааст, ки ба ин муносибат тайи се рӯз, ҳаракати воситаҳои нақлиёт дар якчанд роҳу кӯчаҳои шаҳру навоҳӣ маҳдуд карда мешавад

ДУШАНБЕ, 15 окт – Sputnik. Бино ба эълони БДА-и Суғд, ки дар ихтиёри расонаҳои хабарӣ қарор дода шудааст, шурӯъ аз имрӯз ҳаракати воситаҳои нақлиёт дар соатҳои зарурӣ  маҳдуд мешавад.

Ба иттилои манбаъ, ҳаракати нақлиёт дар кӯчаҳои ташрифотии шаҳри Бӯстон, шоҳроҳи “Ғафуров - Хуҷанд”, кӯчаи И. Сомонӣ то хиёбони Раҳмон Набиеви шаҳри Хуҷанд, кӯчаи Гагарин то чорроҳаи Шарқ, кӯчаи Сирдарёи маҳаллаи Чашма, давраи Ором ва роҳи автомобилгарди “Палос - Сомғор” то шаҳри Гулистон манъ мешавад.

БДА Суғд огоҳ намудааст, ки дар ду рӯзи оянда, ҳаракати воситаи нақлиёт дар кадом роҳҳои шаҳру ноҳияҳои вилоят маҳдуд карда мешавад.

“Санаи 16 октябр ҳаракати воситаҳои нақлиёт дар кӯчаҳои ташрифотии шаҳри Гулистон, шоҳроҳи “Ғафуров-Хуҷанд”, кӯчаи И. Сомонӣ то Кохи Рӯдакии шаҳри Хуҷанд ва бозгашт ба ҳамин роҳ то шаҳри Гулистон ва санаи 17 октябр дар роҳи автомобилгарди Ғафуров - Қаҳрамон - Пунғоз , кӯчаҳои деҳаи Сомғори ҷамоати деҳоти Исмоил то Боғи миллӣ ва бозгашт тавассути кӯчаҳои ташрифотии шаҳри Гулистон, шоҳроҳи Хуҷанд - Ғафуров” ва кӯчаҳои марказии шаҳри Бӯстон маҳдуд мешавад”, омадааст дар хабари БДА.

Қаҳрамонии як мансабдори БДА: донишҷӯдухтарро аз худкушӣ дар Сирдарё наҷот додааст

Бо ироаи ин эълон, Қурбонзода Суҳроб Амиралӣ, сардори БДА Суғд аз ронандагон даъват кардааст, ки дар сурати баста шудани роҳ метавонанд аз тариқи кӯчаҳои ҳавшафати ин роҳҳо ҳаракат намоянд.

588

Шикори шабона: низомиёни русиягӣ дар Тоҷикистон бо "душман" даргир шуданд - видео

0
(Таҷдидшуда 19:41 26.10.2020)
Низомиёни пойгоҳи 201-уми Русия дар кӯҳҳои Тоҷикистон тамрин карда, душмани шартиро дар паи амалҳои вижа нобуд карданд

Тамриноти низомиёни пойгоҳи 201-ум дар размоишгоҳи Лоҳур шабона баргузор шуд.

Анҷоми тамриноти низомии панҷ ҳазор сарбоз дар Тоҷикистон

Дар тамриноти омӯзишӣ беш аз 500 низомиёни бахши туфангпаронии пойгоҳи 201-ум ширкат карданд.

Бино ба гузориши Округи марказии ҳарбӣ ҳамалот бар "душман" бо ёрии мушаки "Град" анҷом дода шуд.

"Душман нобуд шуд": Тирпарронии чархболи Ми - 24 дар Тоҷикистон - навори диданӣ

Дар баробари ин, дар ин тамринот мошинҳои зиреҳпӯши БТР-82А, АГС-17 ва РПГ-7В ба кор бурда шуданд.

Ба ҳайати шахсӣ даст дод, то душмани шартиро хаста намуда, бо талафоти бузург аз ҷониби душман амалиётро анҷом диҳанд.

0
Барчаспҳо:
пойгоҳи 201, низомиён, тамринот, Тоҷикистон