Ронандаи автобус, акс аз бойгонӣ

Оғози тафтишот алайҳи роҳбалади “Сомон Континент” барои фиреби мусофирон

122
(Таҷдидшуда 15:38 21.09.2019)
Раёсати Вазорати умури дохилии Тоҷикистон дар бахши нақлиёт аз боздошти роҳбалади ширкати “Сомон Континент” хабар дод, ки дар фиреби мусофирони самти Русия айбдор мешавад

ДУШАНБЕ, 21 сен — Sputnik. Тибқи гузориши ВУД, маъмурини милиса Азиз Бобоҷонов, сокини 32‑солаи ноҳияи Шоҳмансурро дар қаллобӣ муттаҳам мекунанд.

Ба иттилои ин ниҳод, Бобоҷонов, ки ба ҳайси роҳбалад дар ширкати “Сомон Континент” фаъолият мекардааст, аз шаҳрвандон аз 900 то 2100 сомонӣ, дар маҷмуъ беш аз 15 ҳазор сомонӣ гирифтааст. ВУД таъкид намудааст, ки роҳбалади “Сомон Континент” ба ивази маблағҳои гирифтааш бояд ин шаҳрвандонро тариқи автобуси ширкат ба Русия мебурдааст, аммо пулро ба манфиати худ истифода карда, харидоронро фиреб додааст.

ВУД таъкид намуд, ки феълан таҳқиқи ин қазия идома дорад.

Ин дар ҳолест, ки ба далели гаронии нархи чиптаи ҳавопаймо бисёре аз сокинони Тоҷикистон сафар ба Русия тариқи автобусҳоро авлотар медонанд.

Боздошти Холмуродов барои фурӯши даҳҳо чиптаи қалбакии ҳавопаймо - видео

Даҳаи аввали моҳи равон Суҳроб Каримов, сокини ноҳияи Масчоҳ, ки азми сафар ба Русия тариқи автобусро дошт, иттилоъ дод, ки  феълан назар ба чиптаи ҳавопаймо, арзиши хизматрасонии автобусҳо қариб се баробар арзон будааст.

"Ҳоло арзиши чиптаи ҳавопаймои самти Хуҷанд-Москав 2500-2600 сомонӣ. Қиммати чиптаи автобус 650-700 сомонӣ аст. Дуруст аст, ки барои бо автобус ба Маскав рафтан, 4-5 рӯзро тай намоӣ, аммо аз он, ки арзон аст, ба ҳамин хотир бисёре аз муҳоҷирон аз хизматрасонии автобусҳо истифода мекунанд", - изҳор дошта буд Каримов.

122
Барчаспҳо:
қаллобӣ, фиреб, мусофир, Тоҷикистон
Ҳавопаймои Ютайр, акс аз бойгонӣ

Оғози фурӯши чиптаҳо: аз шарҳи мақомоти Тоҷикистон то Росавиатсия

1634
(Таҷдидшуда 22:17 04.06.2020)
Ширкатҳои ҳавопаймоии Русия - Utair ва "Уралские авиалинии" дар сомонаҳояшон ба фурӯши чиптаҳо дар масири Маскав – Душанбе ва баръакс оғоз карданд

ДУШАНБЕ, 4 июн — Sputnik. Санаи чиптаи парвозҳо миёни Русия ва Тоҷикистон баъди 30 июн нишон дода шудааст. Аммо расман мақомоти умури хориҷии Русия ва Тоҷикистон дар бораи аз сар гирифтани парвозҳо миёни ду кишвар ҳеч иттилое ироа надодаанд.

Sputnik Тоҷикистон талош кард ба масъалаи оғози парвозҳо миёни Тоҷикистону Русия рӯшанӣ андозад

Ожонси ҳавонавардии мулкии Тоҷикистон сарусадо дар бораи оғози парвозҳои мунтазамро бепоя хонда, таъкид намудаст, ки парвозҳои мунтазам миёни ду кишвар баъди ба эътидол омадани вазъи марбути COVID-19 ва эълони расмии мақомоти ду кишвар аз сар гирифта мешаванд.

Ожонси ҳавонавардии Тоҷикистон аз шаҳрвандон хост, аз хариди чиптаҳо худдорӣ кунанд ва эълон дар бораи оғози парвозҳо расман ироа хоҳад шуд.

Мақомоти Росавиатсия низ масъалаи фурӯши чиптаҳо дар масири Тоҷикистону Русияро шарҳ доданд.

“Ҳеч иттилое дар бораи оғози парвозҳо мутаассифона рӯи даст надорем, мутаносибан чизе барои шарҳ нест. Ширкатҳои ҳавопаймоӣ – субъектҳои хоҷагидори алоҳидаанд, ки фаъолияташонро мустақилона пеш мебаранд”,  - изҳор дошт манбаи наздик ба Росавиатсия.

Сафорати Русия дар Тоҷикистон низ таъкид кард, ки феълан танҳо парвозҳои махсус барои берун овардани шаҳрвандон роҳандозӣ мешаванд, ки аризаашон тариқи Пойгоҳи ягонаи хизматрасонии давлатӣ ворид мешаванд.

“Фурӯши озоди чиптаҳои ҳавопаймоӣ аз ҷониби ширкатҳо барои парвозҳои махсус аз Тоҷикистон истисност. Таъкид мекунем, ки феҳрасти парвозҳои махсус барои берун овардани шаҳрвандони Русия аз Тоҷикистон аз ҷониби мақомоти дахлдор то санаи 12 июн мувофиқа шудааст”,- хабар доданд дар сафорати Русия дар Тоҷикистон.

Сафорат қотеона аз шаҳрвандон хоҳиш кардааст, барои хатсайрҳо аз Тоҷикистон ба Русия, ки шомили парвозҳои махсус нестанд, чипта нахаранд.

Ин ниҳод таъкид кардааст, ки шаҳрвандон дар масъалаи парвозҳо танҳо ба маълумоти расмӣ, ки тариқи Вазорати умури хориҷии Тоҷикистон ва сафорат дар Маскав ироа мешавад, такя намоянд.

Sputnik Тоҷикистон барои шарҳи фурӯши чиптаҳо ба хадамоти матбуоти  ширкатҳои ҳавопаймоии Utair  ва "Уралские авиалинии" дархост ирсол кард.

1634
Барчаспҳо:
ҳавопаймо, парвоз, Тоҷикистон
Вид на город Котор и Которский залив в Черногории, архивное фото

Ҳукумати Черногория сарҳадро барои шаҳрвандони Тоҷикистон боз кард

760
(Таҷдидшуда 13:25 03.06.2020)
Ҳукумати Черногория қарор карда, ки бо беҳтар шудани вазъи саломатии шаҳрвандон низоми сарҳадбандиро сусттар кунанд

ДУШАНБЕ, 3 июн - Sputnik. Ҳукумати Черногория рӯйхати 130 кишвари хориҷро нашр карда, ки аз 1 июн шаҳрвандони онҳо метавонанд ба ин кишвар бемамоният ворид шаванд, хабар медиҳад Вазорати тандурустии Черногория.

Дар ин рӯйхат Тоҷикистон низ ворид шудааст. Қайд мешавад, ки шаҳрвандони кишварҳои зикршуда зимни ворид шудан ба Черногория каратин намешаванд ва тести коронавирус намесупоранд.

Коршинос гуфт, барои чӣ Тоҷикистон коронавирусро сабуктар мегузаронад

Ҳукумати Черногория қарор карда, ки бо беҳтар шудани вазъи саломатии шаҳрвандон низоми сарҳадбандиро сусттар кунанд.

Дар баробари ин қайд мешавад, ки сарҳад ба рӯи шаҳрвандони кишварҳое боз мешавад, ки дар онҳо тамоюли пастшавии сироятшавӣ аз коронавирус ба қайд гирифта шудааст.

Ҳамчунин шумораи маризони коронавирус дар ин кишварҳо бояд кам бошад.

ВУХ аз мушкилоти Тоҷикистон дар вазъияти ҳамагирии COVID - 19 ва таҳкими сарҳад гуфт

Ба рӯйхати кишварҳое, ки вурудашон озод шудааст Ӯзбекистон, Гурҷистон ва Қирғизистон низ вориданд. Русия бошад иҷозаи вуруд ба Черногорияро нагирифт.

Сарҳади Черногория ҳамчунин барои сайёҳони Италия, Испания ва Бритониё баста боқӣ хоҳад монд.

760
Барчаспҳо:
боз кардани роҳи оҳани нав, сарҳад, Тоҷикистон
Мавзуҳо:
Пайомадҳои COVID-19 дар Тоҷикистон ва ҷаҳон
Министр МВД Таджикистана Рахимзода Рамазон Хамро

"Асрори инсонӣ": нашри китоби нави Раҳимзода ва тарҷумаи он ба забони чинӣ

0
(Таҷдидшуда 17:05 05.06.2020)
Нашриёти "Эр-Граф" котиби тозаи вазири умури дихилаи Тоҷикистон Рамазон Раҳимзодаро, ки бо тахаллуси Ниҳонӣ шеър менависад, нашр кардааст

ДУШАНБЕ, 5  июн — Sputnik. Нашриёти “Эр-Граф” китоби нави ашъори шоир Ниҳониро бо номи «Асрори  инсонӣ» ба нашр расонид.  Китоби  мазкур суруду  таронаҳои  тозаэҷоди  шоир  Ниҳониро  дар  бар гирифтааст, ки  ҳамзамон  ба  забони  чинӣ низ  тарҷума  гардидаанд. Дар ин бора аз Китобхонаи миллии Тоҷикистон ба АМИТ «Ховар» хабар доданд.

Китоби мазкурро хонандагон  метавонанд дар Китобхонаи миллӣ мутолиа намоянд. Китоб бо сарсухани узви   Иттифоқи  нависандагони  Тоҷикистон, шоири маъруф Хайрандеш чоп шуда, дар он, аз ҷумла омадааст:

“Шоир  Ниҳонӣ  дар  арсаи  адабиёти  муосири  тоҷик  яке  аз адибонест,    ки  бо  нигоштаҳои  ватандӯстонаи  худ  ободӣ  ва  пешрафту шукуфоии  Тоҷикистони  соҳибистиқлолро   бо  ҷаззобияти  махсус  васф  мекунад.

Дар  ҳар  як  шеъраш  аз  ифтихори  ватандорӣ,  муқаддасоти  мамлакат, сулҳу осоиш,  дӯстӣ, инсонгарӣ,  тасвирӣ   манзараҳои   биҳиштосои  диёр, фарҳангу   тамаддуни  волои  шарқӣ, анъанаҳову  ҳунарҳои  мардумӣ   ва  меҳмоннавозию   самимияту  садоқати  мардуми  шариф  рӯҳбаландона  тасвирҳоеро  ба қалам  меорад, ки хонандаро  зимни  мутолиаи   ин шеърҳо   як ҳолати  фараҳбахш  ва  тавонмандӣ  фаро  мегиранд.

Номаи сипоси сафири Куриё ба Рамазон Раҳимзода: барои наҷоти сайёҳ-акс

 Шоир  дар  ашъораш  таърих,  фарҳанг  ва сиёсати  пешгирифтаи  Ҳукумати  Ҷумҳурии  Тоҷикистонро   аз  даврони  соҳибистиқлол  гаштани мамлакат  то  имрӯз  вобаста  ба  ҳар  як  санаҳои  муҳими  сиёсӣ  сари вақт  ва  таъсирбахшу  нишонрас   ифода    кардааст.

 

0