Рамазон Раҳимзода, вазири умури дохилӣ, акс аз бойгонӣ

Радди ҷазои ронанда барои нафаромадан аз мошин: Раҳимзода гуфт, ҷаримаҳоро кам намекунанд

3882
(Таҷдидшуда 15:11 14.02.2020)
Рамазон Раҳимзода, вазири умури дохилии Тоҷикистон мегӯяд, нияти кам кардани ҷаримаҳо барои қонуншиканӣ дар роҳҳои кишварро надоранд

ДУШАНБЕ, 14 фев — Sputnik. Раҳимзода дар посух ба иддао, ки дар шароити Тоҷикистон на ҳама тавони пардохти ҷаримаҳоро доранд, гуфт, инро бояд ронандаҳо пеш аз қонуншиканӣ фикр кунанд.

Ба гуфтаи вазир, низоми маблағситонӣ барои нақзи қоидаҳо дар Тоҷикистон бо назардошти шарту шароитҳои имрӯза роҳандозӣ шудааст.

"Барои он, ки ҷаримаро камтар супорад, қонуну қоидаҳоро вайрон накунад. Ронанда пеш аз вайрон кардани қоида фикр кунад, ки оё маблағи ҷаримаро метавонад, супорад ё не. Ин вазифаи мо нест", - изҳор дошт Раҳимзода.

Вазир зикр намуд, бисёри қонуншиканиҳо аз ҷониби ронандаи мошинҳои гаронарзиш содир мешаванд ва модоме ӯ чунин мошин харидаасту қоидаҳоро вайрон мекунад, ба он маъност, ки тавони пардохти ҷаримаро дорад.

Ӯ афзуд, ҳолате, ки гӯиё дар шаҳри Ҳисор ронандае барои нафаромадан аз мошину наомадан пеши нозири роҳ ҷаримабандӣ шудааст, тасдиқи худро наёфт

Раҳимзода гуфт, супориш дод ва маълум шуд, ки барои нафаромадан аз мошин аз тарафи нозири роҳ санаде таҳия нашудаасту чунин қонун ҳам вуҷуд надорад.

3882
Барчаспҳо:
ронанда, ҷарима, Тоҷикистон
Вид на город Котор и Которский залив в Черногории, архивное фото

Ҳукумати Черногория сарҳадро барои шаҳрвандони Тоҷикистон боз кард

657
(Таҷдидшуда 13:25 03.06.2020)
Ҳукумати Черногория қарор карда, ки бо беҳтар шудани вазъи саломатии шаҳрвандон низоми сарҳадбандиро сусттар кунанд

ДУШАНБЕ, 3 июн - Sputnik. Ҳукумати Черногория рӯйхати 130 кишвари хориҷро нашр карда, ки аз 1 июн шаҳрвандони онҳо метавонанд ба ин кишвар бемамоният ворид шаванд, хабар медиҳад Вазорати тандурустии Черногория.

Дар ин рӯйхат Тоҷикистон низ ворид шудааст. Қайд мешавад, ки шаҳрвандони кишварҳои зикршуда зимни ворид шудан ба Черногория каратин намешаванд ва тести коронавирус намесупоранд.

Коршинос гуфт, барои чӣ Тоҷикистон коронавирусро сабуктар мегузаронад

Ҳукумати Черногория қарор карда, ки бо беҳтар шудани вазъи саломатии шаҳрвандон низоми сарҳадбандиро сусттар кунанд.

Дар баробари ин қайд мешавад, ки сарҳад ба рӯи шаҳрвандони кишварҳое боз мешавад, ки дар онҳо тамоюли пастшавии сироятшавӣ аз коронавирус ба қайд гирифта шудааст.

Ҳамчунин шумораи маризони коронавирус дар ин кишварҳо бояд кам бошад.

ВУХ аз мушкилоти Тоҷикистон дар вазъияти ҳамагирии COVID - 19 ва таҳкими сарҳад гуфт

Ба рӯйхати кишварҳое, ки вурудашон озод шудааст Ӯзбекистон, Гурҷистон ва Қирғизистон низ вориданд. Русия бошад иҷозаи вуруд ба Черногорияро нагирифт.

Сарҳади Черногория ҳамчунин барои сайёҳони Италия, Испания ва Бритониё баста боқӣ хоҳад монд.

657
Барчаспҳо:
боз кардани роҳи оҳани нав, сарҳад, Тоҷикистон
Мавзуҳо:
Пайомадҳои COVID-19 дар Тоҷикистон ва ҷаҳон
Самолет компании Уральские авиалинии, архивное фото

Парвози вижаи "Уралские авиалинии" 50 шаҳрванди Тоҷикистонро ба Ватан бурд

234
(Таҷдидшуда 18:54 01.06.2020)
Парвози махсуси ширкати русии "Уралские авиалинии" дар доираи барномаи бозгардонии ҳамватанон ба Тоҷикистон роҳандозӣ шуд

ДУШАНБЕ, 1 июн - Sputnik. Дар давоми ду рӯзи охир аз Русия ба Тоҷикистон тақрибан 50 кас, ки дар паи банд шудани марзҳо дар кишвар дар монданд, ба ватан бозгардонида шуданд, хабар медиҳад Вазорати умури хориҷии Тоҷикистон.

Парвозҳои махсус аз ҷониби ширкати русии "Уралские авиалинии" дар доираи барномаи бозгардонии ҳамватанон ба Тоҷикистон роҳандозӣ шудааст.

"Рӯзҳои 29-30 май аз Русия ба Тоҷикистон 49 шаҳрванд, ки дар паи баста шудани марзҳо дар боздоштгоҳҳои муваққатии Русия дармонда буданд, ба ватан бозгардонида шуданд", - қайд карданд дар ВУХ.

Бозгашти шаҳрвандон идома дорад: 188 шаҳрванди Тоҷикистон аз Дубай баргардонида шуд

Манбаъ афзуда, ки ҳамчунин ҷасади 13 шаҳрванди дигари Тоҷикистон низ тариқи ин хатсайр ба ватан бурда шуд.

"Груз 200": Парвози махсус ҷасади муҳоҷирини фавтидаро ду рӯз пас ба ватан мебарад

Манбаъ зикр кардааст, ки ҳамин тариқ, аз 19 то 30 майи соли равон дар ҳамоҳангӣ бо Русия аз марказҳои нигоҳдории муваққатии шаҳрвандони хориҷии он кишвар ба Тоҷикистон дар маҷмӯъ 680 нафар шаҳрвандони Тоҷикистон, ки ҳуҷҷатҳои омодашудаи зарурӣ барои сафар доштанд, инчунин ҷасадҳои 58 ҳамватан баргардонида шуданд.

234
Барчаспҳо:
ширкати ҳавоӣ, парвоз, Тоҷикистон, Русия
Мавзуҳо:
Пайомадҳои COVID-19 дар Тоҷикистон ва ҷаҳон
Абдулло Рахнамо, политолог

“Хеле сахту ногувор буд”: набарди Абдуллоҳи Раҳнамо бо “вируси корона” поён ёфт

0
(Таҷдидшуда 23:39 03.06.2020)
Сиёсатшиноси тоҷик пас аз 33 рӯзи дастбагиребонӣ бо “вируси корона” аз шифохона рухсат шуд ва ба хона баргашт

ДУШАНБЕ, 13 май — Sputnik. Абдуллоҳи Раҳнамо, донишманди хушном ва мушовири Маркази таҳқиқоти стратегии назди президенти Тоҷикистон ба Sputnik Тоҷикистон гуфт, имрӯз, 3 июн аз Шифохонаи маризиҳои сироятии шаҳри Душанбе рухсат шуд.

“Ҳафтае қабл таҳлилҳоямро барои вуҷуд доштан ё надоштани “вируси корона” гирифта буданд. Рӯзи 1 июн аз озмоишгоҳи “Диамед” – и шаҳри Душанбе санад фиристоданд, ки ҳамин гуна як маризӣ нест ва натиҷа манфӣ аст. Имрӯз духтури муолиҷ табрик гуфт, ки аз марҳилаи аслии беморӣ раҳо шудаам”, - гуфт Абдуллоҳи Раҳнамо.

Донишманди тоҷик 12 май пас аз душвор шудани нафаскашӣ ба корпуси 4 – уми Макази тиббии “Шифобахш”, ё Шифохонаи Қарияи Боло ва ду рӯз пас бо дастури ҳукумати Тоҷикистон ба Шифохонаи маризиҳои сироятии шаҳри Душанбе интиқол ёфта буд.

“Хеле сахту ногувор буд. Чун дар гуруҳи осебпазир будам, сахту тӯлонӣ азиятам дод. Гоҳо нафас пурра мегирифт. Чанд шабонарӯз аслан нашуд мижа ба ҳам занам. Соатҳо бо оксигенератор - дастгоҳи нафасдиҳӣ кор мекардам. Ташхис ҳама узви баданро хуб нишон медод, аммо нафастангӣ раҳоям намекард. 33 рўз дар ин мушкила тапидам, ки бахше аз он, хоса миёнаи моҳ, дар тангии нафас ва марзи хатар гузашт. Шукр, ки инак, вориди марҳилаи барқарорӣ мешавам”, - гуфт Абдуллоҳи Раҳнамо.

Нигарониҳо аз вазъи сиҳии Абдуллоҳи Раҳнамо пас аз он ба вуҷуд омад, ки шаби 11 май дар як пости фейсбукиш навишт: “Ҳамин лаҳза бо хости Худованд зери дастгоҳи нафас меравам. Руҳ қавӣ аст, ҷисм номардӣ накунад. Агар баргаштам, бо Шумоям, бо ин Ватан, бо ин миллат, бо ҳар яки Шумо”.

Раҳнамо пас аз гирифтории ҳамсар, сипас, духтару ду писараш, ки аз дардҳои сабук ва мушобеҳ шикоят доштанд, мариз шуд. Ҳамсари худро дар шифохонаи “Якум Советски” бистарӣ карду худ низ ба Қарияи Боло интиқол ёфт.

Баъдтар ҳарду ба Шифохонаи маризиҳои сироятии шаҳри Душанбе гузаронда шуданд.

 “Ҳамсарам низ акнун ба хона омадаву фарзандонам низ пурра шифо ёфтаанд. Хулоса, Худованд иноят, давлат ҳимоят ва миллат табобат кард. Хонаводаи ман дигарбора сари як дастурхон ҷамъ омад”, - гуфт донишманди тоҷик.

Абдуллоҳи Раҳнамо дар “таваллуди дубора” – и худ ба ҳукумат, роҳбарияти вазорати тандурустӣ, пизишкони шифохонаҳои Қарияи боло ва маризиҳои сироятӣ ва дар умум онҳоеро, ки барояш дуо карданд, изҳори миннатдорӣ кард.

Абдуллоҳи Раҳнамо, номзади илмҳои сиёсӣ, мушовири кунунӣ ва қаблан сардори Раёсати таҳлил ва ояндабинии сиёсати хориҷии Маркази таҳқиқоти стратегии назди раисҷмҳури Тоҷикистон буда, яке аз коршиносони муътабар ва аршади умури дину сиёсат дар кишвару минтақа ба ҳисоб меравад.  Муаллифи китобҳои “Ҳизби динӣ ва давлати дунявӣ” (2008), “Уламои исломӣ дар Тоҷикистон” (Душанбе), “Ислом ва амнияти миллӣ” (2011), “Мавқеъи ҳизбӣ ва мавқеъи миллӣ” (2011), "Афғонистон ва Осиёи Марказӣ: хусусиятҳо ва дурнамои таъсирпазирӣ" (2014) ва беш аз 100 мақолаи илмӣ аст.

Ӯ поягузори литсейи хусусии “Раҳнамо” дар соли 2010 аст, ки ҳоло яке аз макотиби муваффақи кишвар ба ҳисоб меравад. Соли равон се фарзанди Абдуллоҳи Раҳнамо, ки шогирди ин мактаб мебошанд, дар озмуни ҷумҳуриявии “Фурӯғи субҳи доноӣ …” пирӯз омада, писари бузургаш Бунёд Раҳнамо Шоҳҷоизаи ин озмунро ба даст овард.

Абдулло Раҳнамо ин дастоварди фарзандонашро натиҷаи заҳмати ҳамсараш хонда буд.

0
Барчаспҳо:
Абдулло Раҳнамо, рухсат, вирус, тоҷик, Тоҷикистон