Девушка за рулем автомобиля, архивное фото

Озмуни “Авто-Бону-2020” ба вақти номуайян гузошта шуд

74
(Таҷдидшуда 17:14 05.03.2020)
Бозрасии давлатии автомобилии Тоҷикистон эълон кард, ки замони баргузории озмуни “Авто-Бону-2020” ба вақти номуаян гузоштааст

ДУШАНБЕ, 5 марта – Sputnik. Бино баиттилои дафтари матбуотии Вазорати корҳои дохилии Тоҷикистон, озмуни қаблан эълоншудаи “Авто-Бону-2020”, ки мебоист 7 март дар Душанбе баргузор мешуд, мавқуф гузошта шудааст.

Вазорати корҳои дохилии Тоҷикистон, сабаби ба вақти дигар гузаронидани озмунро шарҳ надода, санаи баргузории онро низ эълон накардаас.

Қаблан вазорат хабар дода буд, ки озмуни “Авто-Бону-2020” бахшида ба ҷашни “Рӯзи Модар” ва “Солҳои рушди деҳот, сайёҳӣ ва ҳунарҳои мардумӣ”  санаи 7 март доир мегардад.
Ба итилои манбаъ, озмун аз рӯйи панҷ давр: ”Варақаи боздид”- “Ман ва автомобилам” (ороиши автомобил), Мусобиқаи “Донандагони ҚҲР”, Рондани автомобил дар Автодром, ”Шарҳи қисмҳои автомобил”, “Намоиши ҳунарҳои мардумӣ”- доир мегардад.

Дар пайи ин эълон Рустами Эмомалӣ низ қарореро ба тасвиб расонид, ки тибқи он дар пойтахт озмуни "Авто-Бону-2020" бояд дар санаи муаянгашта доир мешуд.

Озмуни мазкур ҳамасола дар километри 7-уми кӯчаи Садриддин Айнии шаҳри Душанбе мегузарад, ки дар он бонувону занҳое ширкат карда метавонанд, ки таҷрибаи хуби ронандагӣ доранд.

74
Барчаспҳо:
ронанда, озмун, ВКД, Тоҷикистон

Ҷилавгирӣ аз сонеҳаҳои нақлиётӣ: пулис муоинаи техникии мошинҳоро тафтиш мекунад

652
(Таҷдидшуда 17:37 21.10.2020)
Дар Тоҷикистон амалиёти навбатии "Муоинаи техникӣ" идома дорад. Пулиси Тоҷикистон дар масирҳо воситаҳои нақлиётро манъ намуда, муоинаи техникиро мавриди санҷиш қарор медиҳад

ДУШАНБЕ, 21 окт - Sputnik. Дар Тоҷикистон аз 20 октябр амалиёти навбатии "Муоинаи техникӣ" оғоз ёфта, то 30 октябр тӯл мекашад, хабар медиҳад котиботи Бозрасӣ давлатии автомобилии кишвар.

Ба иттилои манбаъ, мақсад аз гузаронидани амалиёт пешгирии ҳодисаҳои роҳу нақлиёт, баланд бардоштани ҳолати техникии худравҳо арзёбӣ мешаваад.

Гузашта аз ин, пулиси роҳ бо пиёда намудани ин амалиёт шумораи дақиқи воситаҳои нақлиётро муайян намуда, раванди супоридани маблағи андозро назорат мекунад.

Пулиси Душанбе 1,5 ҳазор нафарро барои нақзи қавонини роҳ 6 сомониву 88 дирам ҷарима баст

Ҳамчунин, воситаҳои нақлиёти боркаш ва дигар намуди воситаҳои нақлиётро бо омода намудани муоинаи ҳатмии давлатии техникӣ ҷалб мекунад.

Зимнан, Раёсати БДА ВКД Ҷумҳурии Тоҷикистон аз ҳамаи соҳибони воситаҳои нақлиёт хоҳиш менамояд, ки воситаҳои нақлиётро дар ҳолати дурусти техникӣ нигоҳ дошта, сари вақт ба муоинаи техникӣ пешниҳод намоянд.

652
Барчаспҳо:
тафтиш, пулис, мошин, роҳ
Машина милиции в Душанбе, архивное фото

Эълони се рӯзи роҳбандӣ дар Суғд: ҳаракати нақлиёт дар кадом кӯчаҳо маҳдуд мешавад?

588
(Таҷдидшуда 10:55 15.10.2020)
 Бозрасии давлатии автомобилӣ бо нашри як эълон аз ташрифи меҳмонони олимақом ба вилояти Суғд хабар дода гуфтааст, ки ба ин муносибат тайи се рӯз, ҳаракати воситаҳои нақлиёт дар якчанд роҳу кӯчаҳои шаҳру навоҳӣ маҳдуд карда мешавад

ДУШАНБЕ, 15 окт – Sputnik. Бино ба эълони БДА-и Суғд, ки дар ихтиёри расонаҳои хабарӣ қарор дода шудааст, шурӯъ аз имрӯз ҳаракати воситаҳои нақлиёт дар соатҳои зарурӣ  маҳдуд мешавад.

Ба иттилои манбаъ, ҳаракати нақлиёт дар кӯчаҳои ташрифотии шаҳри Бӯстон, шоҳроҳи “Ғафуров - Хуҷанд”, кӯчаи И. Сомонӣ то хиёбони Раҳмон Набиеви шаҳри Хуҷанд, кӯчаи Гагарин то чорроҳаи Шарқ, кӯчаи Сирдарёи маҳаллаи Чашма, давраи Ором ва роҳи автомобилгарди “Палос - Сомғор” то шаҳри Гулистон манъ мешавад.

БДА Суғд огоҳ намудааст, ки дар ду рӯзи оянда, ҳаракати воситаи нақлиёт дар кадом роҳҳои шаҳру ноҳияҳои вилоят маҳдуд карда мешавад.

“Санаи 16 октябр ҳаракати воситаҳои нақлиёт дар кӯчаҳои ташрифотии шаҳри Гулистон, шоҳроҳи “Ғафуров-Хуҷанд”, кӯчаи И. Сомонӣ то Кохи Рӯдакии шаҳри Хуҷанд ва бозгашт ба ҳамин роҳ то шаҳри Гулистон ва санаи 17 октябр дар роҳи автомобилгарди Ғафуров - Қаҳрамон - Пунғоз , кӯчаҳои деҳаи Сомғори ҷамоати деҳоти Исмоил то Боғи миллӣ ва бозгашт тавассути кӯчаҳои ташрифотии шаҳри Гулистон, шоҳроҳи Хуҷанд - Ғафуров” ва кӯчаҳои марказии шаҳри Бӯстон маҳдуд мешавад”, омадааст дар хабари БДА.

Қаҳрамонии як мансабдори БДА: донишҷӯдухтарро аз худкушӣ дар Сирдарё наҷот додааст

Бо ироаи ин эълон, Қурбонзода Суҳроб Амиралӣ, сардори БДА Суғд аз ронандагон даъват кардааст, ки дар сурати баста шудани роҳ метавонанд аз тариқи кӯчаҳои ҳавшафати ин роҳҳо ҳаракат намоянд.

588

Тавсифи Зеленский аз Раҳмон: сазоворед

0
(Таҷдидшуда 23:54 22.10.2020)
Раисҷумҳури Украина Владимир Зеленский ба унвони раисҷумҳури Тоҷикистон Эмомалӣ Раҳмон ба муносибати интихоб шуданаш ба мансаби президентӣ барқияи шодбошӣ ирсол кардааст

ДУШАНБЕ, 21 окт — Sputnik. Тавре котиботи раисҷумҳури Тоҷикистон менависад, раисҷумҳури Украина кишвардори Тоҷикистон Эмомалӣ Раҳмонро ба муносибати пирӯзӣ дар интихобот муборакбод гуфта, ба Эмомалӣ Раҳмон муваффақият таманно кардааст ва ӯро чун роҳбари сазовор ба боварии мардуми Тоҷикистон тавсиф кардааст.

Президент Республики Таджикистан Эмомали Рахмон
© Официальная страница пресс-службы президента РТ в Facebook

"Ғалабаи Шумо дар интихоботи кунунӣ далели боварии мардуми тоҷик ба Шумо ва дастгирии васеи роҳи интихобкардаи сиёсиву иҷтимоии рушди Ҷумҳурии Тоҷикистон мебошад,-  таъкид кардааст вай.

Раисҷумҳури Украина афзудааст, "аз номи мардуми Украина ва шахсан аз номи худам Шуморо ба муносибати аз нав интихоб шуданатон ба мақоми Президенти Ҷумҳурии Тоҷикистон самимона табрик менамоям".

Зеленский изҳори умедворӣ кардааст, ки минбаъд, муносибатҳои Тоҷикистону Украина ба сатҳи нав мебароянд.

Раҳмон ба Зеленский: мо ба ояндаи муносибатҳои дӯстӣ назари нек дорем

"Аз ин фурсати хурсандибахш истифода бурда, ба Шумо, Ҷаноби Олӣ сиҳатии комил ва дар фаъоляти пурмасъулиятатон минбаъд ҳам муваффақият, ба мардуми дӯсти тоҷик бошад, сулҳ, ризоият ва шукуфоӣ орзумандам", - гуфтааст дар анҷом вай.

Ба иттилои котиботи раисиҷумҳур, ҳамчунин аз номи резиденти Венгрия, Янош Адер ва Президенти Ҷумҳурии Федеративии Бразилия Ҷейр Месиас Болсона ба Эмомалӣ Раҳмон барқияи шодбошӣ расидааст.

0