Самолет компании Сомон Эйр, архивное фото

Ҳавопаймои "Сомон Эйр" аз Душанбе ба Мюнхен парвоз кард

781
(Таҷдидшуда 14:42 08.04.2020)
Дар дохили ҳавопаймо асосан хориҷиён - шаҳрвандони кишварҳои урупоӣ ҳузур доранд. Ҳавопаймо субҳи имрӯз аз Душанбе ба Мюнхен парвоз кард

ДУШАНБЕ, 8 апр — Sputnik. Субҳи рӯзи 8 апрел, соати 7:20  ҳавопаймои ширкати "Сомон Эйр" дар самти  Душанбе –Мюхени Олмон парвози махсус анҷом дод. 

Дар дохили ҳавопаймо аслан хориҷиён - шаҳрвандони кишварҳои урупоӣ ҳузур доштанд, хабар медиҳад "Авеста".

Ҳамчунин масъалаи парвози ҳавопаймои ин ширкат ба шаҳрҳои Маскав ва Истамбул дар назар аст.

"Моро баргардонед”: муроҷиати дармондагони тоҷик дар Истамбул ба президенти Тоҷикистон

Ёдовар мешавем, ки парвози махсуси ҳавопаймои ширкати "Сомон Эйр" дар ҳоле сурат мегирад, ки оғоз аз 20 марти соли равон Тоҷикистон парвозҳои ҳавоиро дар робита бо хуруҷи вируси COVID -19 дар бисёре аз кишварҳои дунё  қатъ намуда буд.

Ҳадафи он пешгирӣ аз зуҳури ин вирус ва таъмини саломатии аҳолии мамлакат арзёбӣ мегардад.

Ногуфта намонад, ки ширкати "Сомон Эйр" пас аз қатъи парвозҳо миёни Русия ва Тоҷикистон чанд маротиба барои интиқоли шаҳрвандони Тоҷикистон ба Ватан, парвозҳои махсус анҷом дода буд.

Қаллобон хоб намераванд: чӣ гуна бояд аз маккорон дар давраи коронавирус эмин шуд

Чанде пеш ширкати "Сомон Эйр" мардумро аз фаъол шудани қаллобон ҳушдор дод, ки ба шаҳрвандони дармондаи Тоҷикистон дар кишварҳои хориҷ чиптаҳои қалбакӣ пешниҳод мекунанд.

781
Барчаспҳо:
махсус, парвоз, Олмон, Тоҷикистон
Мавзуҳо:
Пайомадҳои COVID-19 дар Тоҷикистон ва ҷаҳон (500)

Шарҳи "Уралский авиалиния" аз фурӯши чиптаҳо самти Русия - Тоҷикистон

1202
Қаблан дар вебсайти ширкати ҳавопаймоӣ хабар аз ба фурӯш баровардани чиптаҳо самти Маскав - Душанбе пайдо шуд, гарчанде расман парвозҳо миёни ин ду кишвар баста аст

ДУШАНБЕ, 6 июн – Sputnik. Дар робита ба пайдо шудани хабари фурӯши чиптаҳо самти Маскав Душанбе, Sputnik Тоҷикистон аз шаркати ҳавонавардии "Уралский авиалиния" иллати паҳн гардидани хабари носаҳеҳро пурсид. 

Интиқоли як тобут ва 22 тоҷики депортшуда аз Русия ба Тоҷикистон

Ба изҳори хадамоти матбуотии ширкати мазкур, онҳо ба монанди дигар ширкатҳои ҳавопаймоии Русия, то лаҳзаи лағви маҳдудиятҳои парвоз, интиқоли мунтазами мусофиронро самти Маскав - Душанбе мутаваққиф карданд.

"Парвозҳо ба Тоҷикистон дар ҳоли ҳозир номумкин аст. Мӯҳлати бекоркунӣ то нимаи моҳи июл тамдид карда шудааст. Аммо мусофирон метавонанд чиптаҳоро аз миёнаи моҳи июл бо интизории бекор кардани парвозҳои байналмилалӣ харидорӣ кунанд", - гуфтанд дар ширкат.

Зимнан, котиботи ширкати мазкур ба суоли он ки агар мусофирон чипта харидорӣ кунанд, вале маҳдудиятҳо боз тамдид ёбанд, чунин посух доданд.

Бозгашти шаҳрвандони Тоҷикистон аз Қувайт ба Душанбе бо парвози махсус

"Дар сурати тамдид шудани парвозҳо чиптаи мусофирон ба мӯҳлатҳои дертар интиқол дода мешаванд".

Ёдовар мешавем, ки дар пасманзари хуруҷи маризии сироятии коронавирус дар ҷаҳон равобити ҳавоӣ миёни Тоҷикистон ва дигар кишварҳо баста шуд.

То ҳол аз Федератсияи Русия танҳо интиқоли шаҳрвандоне, ки дар боздоштгоҳҳои муваққатии он кишвар қарор дошта буданд, ба ватан интиқол ёфтанд.

Ҳамчунин беш аз 50 тобути шаҳрвандони Тоҷикистон ба ватан оварда шудааст.

1202
Барчаспҳо:
Русия, Тоҷикистон, чипта, фурӯш
Ҳавопаймои Ютайр, акс аз бойгонӣ

Оғози фурӯши чиптаҳо: аз шарҳи мақомоти Тоҷикистон то Росавиатсия

1757
(Таҷдидшуда 22:17 04.06.2020)
Ширкатҳои ҳавопаймоии Русия - Utair ва "Уралские авиалинии" дар сомонаҳояшон ба фурӯши чиптаҳо дар масири Маскав – Душанбе ва баръакс оғоз карданд

ДУШАНБЕ, 4 июн — Sputnik. Санаи чиптаи парвозҳо миёни Русия ва Тоҷикистон баъди 30 июн нишон дода шудааст. Аммо расман мақомоти умури хориҷии Русия ва Тоҷикистон дар бораи аз сар гирифтани парвозҳо миёни ду кишвар ҳеч иттилое ироа надодаанд.

Sputnik Тоҷикистон талош кард ба масъалаи оғози парвозҳо миёни Тоҷикистону Русия рӯшанӣ андозад

Ожонси ҳавонавардии мулкии Тоҷикистон сарусадо дар бораи оғози парвозҳои мунтазамро бепоя хонда, таъкид намудаст, ки парвозҳои мунтазам миёни ду кишвар баъди ба эътидол омадани вазъи марбути COVID-19 ва эълони расмии мақомоти ду кишвар аз сар гирифта мешаванд.

Ожонси ҳавонавардии Тоҷикистон аз шаҳрвандон хост, аз хариди чиптаҳо худдорӣ кунанд ва эълон дар бораи оғози парвозҳо расман ироа хоҳад шуд.

Мақомоти Росавиатсия низ масъалаи фурӯши чиптаҳо дар масири Тоҷикистону Русияро шарҳ доданд.

“Ҳеч иттилое дар бораи оғози парвозҳо мутаассифона рӯи даст надорем, мутаносибан чизе барои шарҳ нест. Ширкатҳои ҳавопаймоӣ – субъектҳои хоҷагидори алоҳидаанд, ки фаъолияташонро мустақилона пеш мебаранд”,  - изҳор дошт манбаи наздик ба Росавиатсия.

Сафорати Русия дар Тоҷикистон низ таъкид кард, ки феълан танҳо парвозҳои махсус барои берун овардани шаҳрвандон роҳандозӣ мешаванд, ки аризаашон тариқи Пойгоҳи ягонаи хизматрасонии давлатӣ ворид мешаванд.

“Фурӯши озоди чиптаҳои ҳавопаймоӣ аз ҷониби ширкатҳо барои парвозҳои махсус аз Тоҷикистон истисност. Таъкид мекунем, ки феҳрасти парвозҳои махсус барои берун овардани шаҳрвандони Русия аз Тоҷикистон аз ҷониби мақомоти дахлдор то санаи 12 июн мувофиқа шудааст”,- хабар доданд дар сафорати Русия дар Тоҷикистон.

Сафорат қотеона аз шаҳрвандон хоҳиш кардааст, барои хатсайрҳо аз Тоҷикистон ба Русия, ки шомили парвозҳои махсус нестанд, чипта нахаранд.

Ин ниҳод таъкид кардааст, ки шаҳрвандон дар масъалаи парвозҳо танҳо ба маълумоти расмӣ, ки тариқи Вазорати умури хориҷии Тоҷикистон ва сафорат дар Маскав ироа мешавад, такя намоянд.

Sputnik Тоҷикистон барои шарҳи фурӯши чиптаҳо ба хадамоти матбуоти  ширкатҳои ҳавопаймоии Utair  ва "Уралские авиалинии" дархост ирсол кард.

1757
Барчаспҳо:
ҳавопаймо, парвоз, Тоҷикистон
Свеча

Мусибат дар хонаводаи Мӯъмин Қаноат: набераи 42 - солааш ҷаҳони фониро падруд гуфт

214
(Таҷдидшуда 23:48 06.06.2020)
Баҳрин нахустнабераи шоири зиндаёд Мӯъмин Қаноат дар синни 42 - солагӣ аз олам ҷашм пӯшид. Иллати марги ӯ маризии гурда арзёбӣ мешавад

ДУШАНБЕ, 6 июн – Sputnik. Хабари фавти бармаҳали Баҳрин - нахустнабераи Мӯъмин Қаноат шоири зиндаёдро адиби тоҷик Аҳмадшоҳи Комилзода дар сафҳаи Фейсбукии худ коридаст.

акс аз сафҳаи фейсбукии Комилзода Аҳмадшоҳ
Баҳрин нахустнабераи Мӯъмин Қаноат

Ба навишати Комилзода, набераи устоди зиндаёд Мӯъмин Қаноат ҳамагӣ 42 - сол умр дошта, бар асари бемории шадиди гурда, рӯзи 6 - уми июн аз олам чашм пӯшид. 

"Баҳрин ҷавони донишманд, донанда ва тарҷумони хуби се забон – порсии тоҷикӣ, русӣ ва англисӣ буд, ки бо ин се забон кору тарҷума мекард", - навиштааст Комилзода.

Хезед бобо Дарвоз мерем: арӯси хонаводаи Мӯъмин Қаноат аз вопасин суханҳои шоир нақл кард

Аз марҳум ду фарзанд Суруш ва Мумтоз, ки яке 15 - сола ва дувумӣ 13 - солаанд, ятим монданд.

Дӯстони Баҳрин, даргузашти ӯро ҳамчун шахсияти соҳибхираду соҳибғурур ва нафари ботамкин, як мусибати бузурги ҷуброннопазир арзёбӣ мекунанд.

214