ДТП, архивное фото

Садамаи мудҳиш дар шоҳроҳи "Хуҷанд-Истаравшан" ҷони 8 нафарро рабуд

2671
(Таҷдидшуда 15:51 15.05.2020)
Бар асари бархурди ду нақлиёти сабукрав, дар шоҳроҳи Хуҷанд – Истаравшан, ҳашт нафар ба ҳалокат расидаанд

ДУШАНБЕ, 25 апр — Sputnik. Бино ба гуфти шоҳидон, ин ҳодисаи мудҳиш зуҳри имрӯз дар пайи бархурди “Mersedes - Benz” бо “Opel-Vectra” рух додааст, ки дар натиҷа ҳашт нафар ба ҳисоби ду сокини канори шоҳроҳ ба ҳалокат расидаанд.

Тавре Бахтиёр Рамазонов, сокини ноҳияи Деваштич, ки шоҳиди ин ҳодиса будааст, дар суҳбат ба Sputnik Тоҷикистон гуфт, ки аз бархурди шадиди мошинҳо, “Mersedes - Benz” пора - пора гашта, боиси ба ҳалокат расидани ҳашт нафар шудааст. 

Рухдоди ин ҳодисаи нақлиётиро, як манбаи Sputnik Тоҷикистон аз мақомоти Бозрасии давлатии автомобилӣ тасдиқ кард.

“Ин садамаи нақлиётӣ дар 245 -ум киломтр, дар ҳудуди заминҳои ноҳияи Деваштич, воқеъ дар даромадгоҳи шаҳри Истаравшан рух додааст. Санҷишҳои муқаддаматӣ маълум намуданд, аз ҳисоби холӣ шудани ҳавои дохили балони пеш, мошини “Mersedes - Benz” , ки аз Истаравшан ба самти Хуҷанд равон буд, ба самти муқобили роҳ баромада, бо суръати баланд ба “Opel-Vectra”, ки аз Хуҷанд сӯи Истаравшан ҳаракат мекард, сахт бармехурд, ки дар натиҷа ҳашт нафар, ба ҳалокат расидаанд”,- гуфт як манбаъ аз БДА ба Sputnik Тоҷикистон.

Садамаи маргбор дар Панҷакент: писари 12 сола зери чархи мошин ба ҳалокат расид

Бино ба иттилоъи дарёфтӣ ба ҷои ҳодиса кормандони ёрии таъҷилӣ ҳозир шудаанд.

Ба гуфтаи монобеъ, дар қатори ҳалокшудагон як корманди низомипӯш ҳам будааст, ки эҳтимол корманди комиссарияти шаҳри Гулистон гуфта мешавад.

Аз мақомоти БДА гуфтанд, тафтишот дар ҷои ҳодиса ҷараён дорад ва онҳо шахсияти фавтидаҳоро маълум мекунанд.

2671
Барчаспҳо:
нақлиёт, фавт, садама, Истаравшан, Суғд, Тоҷикистон

Шарҳи "Уралский авиалиния" аз фурӯши чиптаҳо самти Русия - Тоҷикистон

1179
Қаблан дар вебсайти ширкати ҳавопаймоӣ хабар аз ба фурӯш баровардани чиптаҳо самти Маскав - Душанбе пайдо шуд, гарчанде расман парвозҳо миёни ин ду кишвар баста аст

ДУШАНБЕ, 6 июн – Sputnik. Дар робита ба пайдо шудани хабари фурӯши чиптаҳо самти Маскав Душанбе, Sputnik Тоҷикистон аз шаркати ҳавонавардии "Уралский авиалиния" иллати паҳн гардидани хабари носаҳеҳро пурсид. 

Интиқоли як тобут ва 22 тоҷики депортшуда аз Русия ба Тоҷикистон

Ба изҳори хадамоти матбуотии ширкати мазкур, онҳо ба монанди дигар ширкатҳои ҳавопаймоии Русия, то лаҳзаи лағви маҳдудиятҳои парвоз, интиқоли мунтазами мусофиронро самти Маскав - Душанбе мутаваққиф карданд.

"Парвозҳо ба Тоҷикистон дар ҳоли ҳозир номумкин аст. Мӯҳлати бекоркунӣ то нимаи моҳи июл тамдид карда шудааст. Аммо мусофирон метавонанд чиптаҳоро аз миёнаи моҳи июл бо интизории бекор кардани парвозҳои байналмилалӣ харидорӣ кунанд", - гуфтанд дар ширкат.

Зимнан, котиботи ширкати мазкур ба суоли он ки агар мусофирон чипта харидорӣ кунанд, вале маҳдудиятҳо боз тамдид ёбанд, чунин посух доданд.

Бозгашти шаҳрвандони Тоҷикистон аз Қувайт ба Душанбе бо парвози махсус

"Дар сурати тамдид шудани парвозҳо чиптаи мусофирон ба мӯҳлатҳои дертар интиқол дода мешаванд".

Ёдовар мешавем, ки дар пасманзари хуруҷи маризии сироятии коронавирус дар ҷаҳон равобити ҳавоӣ миёни Тоҷикистон ва дигар кишварҳо баста шуд.

То ҳол аз Федератсияи Русия танҳо интиқоли шаҳрвандоне, ки дар боздоштгоҳҳои муваққатии он кишвар қарор дошта буданд, ба ватан интиқол ёфтанд.

Ҳамчунин беш аз 50 тобути шаҳрвандони Тоҷикистон ба ватан оварда шудааст.

1179
Барчаспҳо:
Русия, Тоҷикистон, чипта, фурӯш
Ҳавопаймои Ютайр, акс аз бойгонӣ

Оғози фурӯши чиптаҳо: аз шарҳи мақомоти Тоҷикистон то Росавиатсия

1754
(Таҷдидшуда 22:17 04.06.2020)
Ширкатҳои ҳавопаймоии Русия - Utair ва "Уралские авиалинии" дар сомонаҳояшон ба фурӯши чиптаҳо дар масири Маскав – Душанбе ва баръакс оғоз карданд

ДУШАНБЕ, 4 июн — Sputnik. Санаи чиптаи парвозҳо миёни Русия ва Тоҷикистон баъди 30 июн нишон дода шудааст. Аммо расман мақомоти умури хориҷии Русия ва Тоҷикистон дар бораи аз сар гирифтани парвозҳо миёни ду кишвар ҳеч иттилое ироа надодаанд.

Sputnik Тоҷикистон талош кард ба масъалаи оғози парвозҳо миёни Тоҷикистону Русия рӯшанӣ андозад

Ожонси ҳавонавардии мулкии Тоҷикистон сарусадо дар бораи оғози парвозҳои мунтазамро бепоя хонда, таъкид намудаст, ки парвозҳои мунтазам миёни ду кишвар баъди ба эътидол омадани вазъи марбути COVID-19 ва эълони расмии мақомоти ду кишвар аз сар гирифта мешаванд.

Ожонси ҳавонавардии Тоҷикистон аз шаҳрвандон хост, аз хариди чиптаҳо худдорӣ кунанд ва эълон дар бораи оғози парвозҳо расман ироа хоҳад шуд.

Мақомоти Росавиатсия низ масъалаи фурӯши чиптаҳо дар масири Тоҷикистону Русияро шарҳ доданд.

“Ҳеч иттилое дар бораи оғози парвозҳо мутаассифона рӯи даст надорем, мутаносибан чизе барои шарҳ нест. Ширкатҳои ҳавопаймоӣ – субъектҳои хоҷагидори алоҳидаанд, ки фаъолияташонро мустақилона пеш мебаранд”,  - изҳор дошт манбаи наздик ба Росавиатсия.

Сафорати Русия дар Тоҷикистон низ таъкид кард, ки феълан танҳо парвозҳои махсус барои берун овардани шаҳрвандон роҳандозӣ мешаванд, ки аризаашон тариқи Пойгоҳи ягонаи хизматрасонии давлатӣ ворид мешаванд.

“Фурӯши озоди чиптаҳои ҳавопаймоӣ аз ҷониби ширкатҳо барои парвозҳои махсус аз Тоҷикистон истисност. Таъкид мекунем, ки феҳрасти парвозҳои махсус барои берун овардани шаҳрвандони Русия аз Тоҷикистон аз ҷониби мақомоти дахлдор то санаи 12 июн мувофиқа шудааст”,- хабар доданд дар сафорати Русия дар Тоҷикистон.

Сафорат қотеона аз шаҳрвандон хоҳиш кардааст, барои хатсайрҳо аз Тоҷикистон ба Русия, ки шомили парвозҳои махсус нестанд, чипта нахаранд.

Ин ниҳод таъкид кардааст, ки шаҳрвандон дар масъалаи парвозҳо танҳо ба маълумоти расмӣ, ки тариқи Вазорати умури хориҷии Тоҷикистон ва сафорат дар Маскав ироа мешавад, такя намоянд.

Sputnik Тоҷикистон барои шарҳи фурӯши чиптаҳо ба хадамоти матбуоти  ширкатҳои ҳавопаймоии Utair  ва "Уралские авиалинии" дархост ирсол кард.

1754
Барчаспҳо:
ҳавопаймо, парвоз, Тоҷикистон
Свеча

Мусибат дар хонаводаи Мӯъмин Қаноат: набераи 42 - солааш ҷаҳони фониро падруд гуфт

125
(Таҷдидшуда 23:48 06.06.2020)
Баҳрин нахустнабераи шоири зиндаёд Мӯъмин Қаноат дар синни 42 - солагӣ аз олам ҷашм пӯшид. Иллати марги ӯ маризии гурда арзёбӣ мешавад

ДУШАНБЕ, 6 июн – Sputnik. Хабари фавти бармаҳали Баҳрин - нахустнабераи Мӯъмин Қаноат шоири зиндаёдро адиби тоҷик Аҳмадшоҳи Комилзода дар сафҳаи Фейсбукии худ коридаст.

акс аз сафҳаи фейсбукии Комилзода Аҳмадшоҳ
Баҳрин нахустнабераи Мӯъмин Қаноат

Ба навишати Комилзода, набераи устоди зиндаёд Мӯъмин Қаноат ҳамагӣ 42 - сол умр дошта, бар асари бемории шадиди гурда, рӯзи 6 - уми июн аз олам чашм пӯшид. 

"Баҳрин ҷавони донишманд, донанда ва тарҷумони хуби се забон – порсии тоҷикӣ, русӣ ва англисӣ буд, ки бо ин се забон кору тарҷума мекард", - навиштааст Комилзода.

Хезед бобо Дарвоз мерем: арӯси хонаводаи Мӯъмин Қаноат аз вопасин суханҳои шоир нақл кард

Аз марҳум ду фарзанд Суруш ва Мумтоз, ки яке 15 - сола ва дувумӣ 13 - солаанд, ятим монданд.

Дӯстони Баҳрин, даргузашти ӯро ҳамчун шахсияти соҳибхираду соҳибғурур ва нафари ботамкин, як мусибати бузурги ҷуброннопазир арзёбӣ мекунанд.

125