Район Мургаб - ГБАО

Пешниҳоди Тоҷикистон барои тағйири шеваи интиқоли бор дар Қулма

438
Вазорати нақлиёти Тоҷикистон мегӯяд, гузаргоҳи марзии Қулма кушода буда, ҳамлу нақли бор дар он аз дигар гузаргоҳҳо фарқкунанда мебошад

ДУШАНЕБ, 15 июл – Sputnik. Тибқи иттилои Вазорати нақлиёти Тоҷикистон ҳамлу нақли бор дар гузаргоҳи Қулма тариқи контейнерӣ сурат мегирад. Бор дар контейнерҳо то гузаргоҳ оварда мешаванд ва аз он ҷо аз мошинҳои хитоӣ ба мошинҳои Тоҷикистон бор карда мешавад. 

Худоёр Худоёрзода, вазири нақлиёти Тоҷикистон, изҳор дошт чунин шеваи интиқоли бор дар шароити куҳсор мушкилоти худро дорад. Ӯ изҳор дошт, ки хостори тағйири шеваи интиқоли бор ба ядакӣ мебошанд, ки ядакҳо то гузаргоҳҳо оварда шаванду бо риояи қоидаҳои беҳдоштӣ бор ба Тоҷикистон ворид карда шавад. Ядаку нимядаке, ки аз Чин меояд, мо онро безарар гардонему вориди Тоҷикистон кунем, тавзеҳ дод вазир.

Ба гуфтаи Худоёрзода, бартарии дигари ин шеваи интиқол дар он аст, ки ҷониби Тоҷикистон зиёда аз 1500 ядак дорад, аммо контейнер камтар аст.

Вазорати нақлиёти Тоҷикистон зикр намуд, ки дар гузаргоҳҳои дигар ҳамлу нақли бор бо пешниҳоди санади саломатии ронанда ва риояи қоидаҳои беҳдошт роҳандозӣ шуда, воридоту содироти бор дар кишвар таъмин мебошад.

438
Барчаспҳо:
интиқол, бор, Чин, Тоҷикистон
Самолет компании Сомон Эйр, архивное фото

"Сомон Эйр" барои овардани тоҷикистониён ба Истанбул мепарад: санаи парвоз дақиқ шуд

376
(Таҷдидшуда 12:44 08.08.2020)
Ширкати ҳавонавардии "Сомон Эйр" хабар медиҳад, шаҳрвандони Тоҷикистон, ки дар Туркия қарор дошта, хоҳиши баргаштан ба ватанро доранд, ба намояндаии дипломатии Тоҷикистон дар Туркия муроҷиат намоянд

ДУШАНБЕ, 8 авг – Sputnik. Ширкати ҳавопаймоии "Сомон Эйр"  барои овардани тоҷикистониён ба Истанбул парвоз мекунад.

Бар хабари котиботи ширкати мазкур, парвоз дар масири Истанбул-Душанбе  санаи 11 - уми август сурат мегирад. Ҳадафи парвози махсус таҳвили шаҳрвандони Ҷумҳурии Тоҷикистон аз Туркия ба ватан арзёбӣ мешавад.

Тумани ғафс омили ба таъхир мондани парвози 130 ҳавопаймо аз Русия гардид

Зимнан, котиботи ширкати ҳавопаймоии "Сомон Эйр" иттилоъ медиҳад, шаҳрвандони Тоҷикистон, ки хоҳиши бозгашт ба ватанро доранд, метавонанд ба намояндагиҳои дипломатии Тоҷикистон дар Туркия ва намояндагии "Сомон Эйр" дар Истанбул муроҷиат намоянд.

"Мутобиқи талаботи нави фурудгоҳи Истанбул ба сифати бори дастӣ ба дохили ҳавопаймо бо худ танҳо лептоп, ҷузвдони занона ва кӯдаконаро гирифтан мумкин аст. Амволи дигари мусофирон ҳамчун бағоҷ гузаронида мешавад", - таъкид мегардад дар хабар.

Зикр гардид, ки меъёри интиқоли ройгони бағоҷ дар самти Истанбул-Душанбе 20 кг муқаррар шудааст. Вақти парвоз аз Истанбул соати 12:00 ба вақти маҳаллӣ мебошад. Бақайдгирии мусофирон аз соати 9:00 то 11:20 сурат мегирад.

Манбаъ меафзояд, тибқи талабот кулли мусофирон бояд ниқоб ва дастпӯши ҳифозатӣ дошта бошанд. Мусофироне, ки таби баланд ё аломатҳои беморӣ доранд ба дохили ҳавопаймо роҳ дода намешаванд.

Гузашта аз ин, мусофирон баъди фурудоӣ дар Тоҷикистон аз ташхис гузаронида шуда, то муайяншавии натиҷаҳои озмоиш дар минтақаи карантинӣ нигоҳ дошта мешаванд.

"Нафароне, ки дар онҳо сирояти Сovid-19 муайян мегардад, дар давоми 14 рӯз дар минтақаҳои карантинӣ бо ташхису табобат фаро гирифта мешаванд. Мусофироне, ки маълумотномаи гузаштани озмоишро бо натиҷаи "манфӣ" дар мӯҳлати 48 соат пеш аз вуруд доранд, бемамониат ба қаламрави кишвар роҳ дода мешаванд", - таъкид мешавад дар хабар.
376
Барчаспҳо:
Туркия, парвоз, Тоҷикистон, Сомон Эйр
Пост БДА в Хороге, архивное фото

БДА замони баргузории "Муоинаи техникӣ" дар ВМКБ - ро эълон карду онро ҳатмӣ гуфт

578
Раёсати Бозрасии давлатии автомобилии Вазорати умури дохилаи Тоҷикистон дар ВМКБ аз ронандагон хоҳиш кардааст, ки дар амалиёт фаъолона иштирок кунанд

ДУШАНБЕ, 7 авг — Sputnik. Раёсати бозрасии давлатии автомобилии ВКД ҶТ ва РВКД дар ВМКБ барои аз муоиниа техникӣ гузаронидани нақлиёт ва ба пуррагӣ ҷамъ намудани андоз аз соҳибони воситаҳои нақлиёт дар ВМКБ бо номи шартии "Назорат" амалиёти вижа мегузаронад.

"Шуъбаи бозрасии давлатии автомобилии РВКД дар ВМКБ ба саҳми ҳамаи ронандагони воситаҳои нақлиёт мерасонад, ки аз санаи 1-ум то 10-уми августи соли 2020 амалиёти муоинаи техникӣ гузаронида мешавад. Барои гузаронидани воситаҳои нақлиёт дар ноҳияҳои вилоят аз муоинаи ҳатмии давлатии техникӣ автомошинаи сайёр сафарбар карда шудааст", - омадааст дар хабарнома.

Аз аввали соли 2020 то 26-уми июли соли ҷорӣ теъдоди 7 ҳазору 950 далели қоидавайронкуниҳои ҳаракат дар роҳ ошкор карда шуда, 2 ҳазору 943 ронанда воситаҳои нақлиёти гуногунтамғаи худро дар қаламрави ВМКБ аз муоинаи ҳатмии давлатии техникӣ гузарониданд.

Барои истифодабарандагони воситаи нақлиёт бо шишаҳои сиёҳкардашуда, ба 301 ронанда иҷозатномаи махсус барои сиёҳшиша дода шуд.

Гуфта мешавад, ки Ҳадафи асосии гузаронидани воситаҳои нақлиёт аз муоинаи ҳатмии давлатии техникӣ ин саривақт бартараф кардани камбудию норасогиҳои техникии воситаҳои нақлиёт ва дар ҳолати хуб қарор доштани автомашинаҳо буда, баҳри пешгирии садамаҳои роҳу нақлиётӣ равона гардидааст.

Бояд қайд намуд, ки дар худи маркази ташхиси техникӣ хизматрасонихои БДА, боҷи давлатӣ, суғуртаи воситаҳои нақлиёт, ташхиси таҷҳизотҳои газӣ, муоинаи тиббии соҳибони воситаҳои нақлиёт ба роҳ монда шудааст.

Ҳангоми гузаронидани воситаҳои наклиёт аз таҷҳизотҳои муосири техникӣ аз қабили санҷиши холати заҳрнокии партовҳои автомашинаҳо, таҷҳизоти рушноисанҷӣ таҷҳизоти санҷиши носозиҳои чамбараки автомашина ва таҷҳизот барои санҷиши тамоми қисмҳои эҳтиётии автомашинаҳо муҷаҳҳаз карда шудааст.

578
Барчаспҳо:
нақлиёт, мушкилоти техникӣ, техникӣ, ВМКБ

Бозори "Теплий стан" дар Маскав баста шуд: ФСБ муҳоҷирони ғайриқонуниро меҷӯяд

0
Вуруд ва бурун рафтан аз бозори "Теплий стан" дар шаҳри Маскав муваққатан масдуд гардид. Иллати баста шудани бозор ба шикори муҳоҷирони ғайриқонунӣ рабт дода мешавад

Дар бозори "Теплий стан" - и шаҳри Маскав алъон рейди кормандони пулис алайҳи муҳоҷирони ғайриқонунӣ ҷараён дорад.

Даромад ва баромади мардум ба бозори мазкур муваққатан масдуд гардидааст, хабар медиҳад ТАСС бо истинод ба мақомоти ҳифзи ҳуқуқ.

Муҳоҷирон бекор монданд: дар Маскав бузургтарин бозору марказҳои савдо баста мешаванд

Зикр мегардад, ки рейди мазкур ба хотири дастгир намудани муҳоҷирони ғайриқонунӣ пиёда гардидааст.

"Тибқи маълумоти пешакӣ, гумонбаршудагоне, ки дар сохтакории як қатор ҳуҷҷатҳо ва мӯҳрҳо машғул буданд, ҳоло дастгир карда мешаванд", - таъкид мешавад дар хабар.

Гуфта мешавад, амалиёти мазкур дар ҳамкории пулис бо Хадамоти федеролии Русия ва Росгвардия сурат мегирад.

Тибқи гузоришҳои тасдиқнашуда, ин рейд метавонад ба бархӯрди байни муҳоҷирон ва полис дар авоили моҳи август бастагӣ дошта бошад.

0
Барчаспҳо:
ғайриқонунӣ, муҳоҷирон, Маскав, баста, бозор