Город Канибадам, архивное фото

Дар шоҳроҳи Конибодом - Хуҷанд тарозу сохта мешавад. Масъулин ҳадафи онро шарҳ доданд

609
(Таҷдидшуда 17:59 12.10.2020)
Дар шоҳроҳи Конибодом – Хуҷанд, воқеъ дар ҳудуди деҳаи Маданияти Конибодом сохтмони тарозу ҷараён дорад. Масъулин гуфтанд, ки ин тарозу бо кадом мақсад бунёд мешавад

ДУШАНБЕ, 12 окт – Sputnik. Олим Очилзода, мудири шуъбаи нақлиёт ва комуникатисияи ҳукумати Суғд, сохтмони тарозуи назоратӣ дар роҳи миёни Конибодом - Хуҷанд тайид карда, дар суҳбат ба Sputnik Тоҷикистон ҳадафи бунёди онро шарҳ дод.

"Ин тарозу, барои назорати мошинҳои боркаш сохта мешавад, ки минбаъд ҳангоми убури роҳ меъёри боринтиқолдиҳӣ риоя шавад. Аз меъёр барзиёд интиқолдиҳии бор, боиси зуд фарсудашавии роҳҳо мегардад. Тарозуи назоратӣ бо мақсади нигоҳдории ҳолати роҳ сохта мешавад", - иттилоъ дод Очилзода.

Ба иттилоъи манбаъ, ин тарозу дар оянда ҳаҷми бори дохили мошинҳоро месанҷад ва дар сурати ошкор намудани бори аз меъёр зиёд, воситаҳои нақлиёт боздошт шуда бори дохили онҳо поён карда мешавад.

Ҳукумати кишвар, меъёри интиқоли бор тавассути нақлиётро муқарар намудааст, ки он вобаста ба баллони мошинҳо муқаррар карда мешавад.

Барои ҳар як баллони мошини боркаш, тибқи меъёри қабулшуда ғунҷоиши то 8 тон бор иҷозат аст. Дар сурати ошкор шудани боринтиқолдиҳии аз меъёр зиёд тибқи қарори ҳукумат тадбиқи то 4 ҳазору 60 сомонӣ ҷарима пешбинӣ шудааст.

Лоиҳаи таҷдид ва азнавсозии роҳи мошингарди Исфара - Конибодом - Хуҷанд - Ҷаббор Расулов дар соли 2016 оғоз шуда буд. Ин бунёди ин тарҳ Бонки ҷаҳонӣ дар умум 45 милион доллар ҷудо намуда буд, ки ин маблағ 38 миллиону 250 ҳазор доллар қарз ва 6 миллиону 70 ҳазори дигар ба унвони грант ё қарзи бебозгашт гуфта мешуд.

Фармоишгари лоиҳа Вазорати нақлиёти Ҷумҳурии Тоҷикистон ва пудратчӣ ширкати чинии "Чайна рейлвей групп корпорейшн" аст.

Роҳи таҷдидшавандаи Исфара - Конибодом - Хуҷанд - Ҷаббор Расулов аз шаш қитъа иборат буда, дарозии умумии он 68 километр ва паҳноияш 12, дар баъзе ҷойҳо то ба 22 метр мерасад.

Муҳлати анҷоми корҳои таҷдиду барқарорсозии ин роҳ то поёни аввали соли 2019 муайян шуда буд, вале дар пайи мухолифати ҷониби қирғизҳо, баъзе аз қитъаҳои ин роҳ, ки аз ҳудуди деҳоти Қирғизистон убур мешавад, то ҳол таҷдид ношуда боқӣ мондааст.

609
Барчаспҳо:
насби тарозуҳо, Конибодом, Тоҷикистон

Ҷилавгирӣ аз сонеҳаҳои нақлиётӣ: пулис муоинаи техникии мошинҳоро тафтиш мекунад

668
(Таҷдидшуда 17:37 21.10.2020)
Дар Тоҷикистон амалиёти навбатии "Муоинаи техникӣ" идома дорад. Пулиси Тоҷикистон дар масирҳо воситаҳои нақлиётро манъ намуда, муоинаи техникиро мавриди санҷиш қарор медиҳад

ДУШАНБЕ, 21 окт - Sputnik. Дар Тоҷикистон аз 20 октябр амалиёти навбатии "Муоинаи техникӣ" оғоз ёфта, то 30 октябр тӯл мекашад, хабар медиҳад котиботи Бозрасӣ давлатии автомобилии кишвар.

Ба иттилои манбаъ, мақсад аз гузаронидани амалиёт пешгирии ҳодисаҳои роҳу нақлиёт, баланд бардоштани ҳолати техникии худравҳо арзёбӣ мешаваад.

Гузашта аз ин, пулиси роҳ бо пиёда намудани ин амалиёт шумораи дақиқи воситаҳои нақлиётро муайян намуда, раванди супоридани маблағи андозро назорат мекунад.

Пулиси Душанбе 1,5 ҳазор нафарро барои нақзи қавонини роҳ 6 сомониву 88 дирам ҷарима баст

Ҳамчунин, воситаҳои нақлиёти боркаш ва дигар намуди воситаҳои нақлиётро бо омода намудани муоинаи ҳатмии давлатии техникӣ ҷалб мекунад.

Зимнан, Раёсати БДА ВКД Ҷумҳурии Тоҷикистон аз ҳамаи соҳибони воситаҳои нақлиёт хоҳиш менамояд, ки воситаҳои нақлиётро дар ҳолати дурусти техникӣ нигоҳ дошта, сари вақт ба муоинаи техникӣ пешниҳод намоянд.

668
Барчаспҳо:
тафтиш, пулис, мошин, роҳ
Машина милиции в Душанбе, архивное фото

Эълони се рӯзи роҳбандӣ дар Суғд: ҳаракати нақлиёт дар кадом кӯчаҳо маҳдуд мешавад?

588
(Таҷдидшуда 10:55 15.10.2020)
 Бозрасии давлатии автомобилӣ бо нашри як эълон аз ташрифи меҳмонони олимақом ба вилояти Суғд хабар дода гуфтааст, ки ба ин муносибат тайи се рӯз, ҳаракати воситаҳои нақлиёт дар якчанд роҳу кӯчаҳои шаҳру навоҳӣ маҳдуд карда мешавад

ДУШАНБЕ, 15 окт – Sputnik. Бино ба эълони БДА-и Суғд, ки дар ихтиёри расонаҳои хабарӣ қарор дода шудааст, шурӯъ аз имрӯз ҳаракати воситаҳои нақлиёт дар соатҳои зарурӣ  маҳдуд мешавад.

Ба иттилои манбаъ, ҳаракати нақлиёт дар кӯчаҳои ташрифотии шаҳри Бӯстон, шоҳроҳи “Ғафуров - Хуҷанд”, кӯчаи И. Сомонӣ то хиёбони Раҳмон Набиеви шаҳри Хуҷанд, кӯчаи Гагарин то чорроҳаи Шарқ, кӯчаи Сирдарёи маҳаллаи Чашма, давраи Ором ва роҳи автомобилгарди “Палос - Сомғор” то шаҳри Гулистон манъ мешавад.

БДА Суғд огоҳ намудааст, ки дар ду рӯзи оянда, ҳаракати воситаи нақлиёт дар кадом роҳҳои шаҳру ноҳияҳои вилоят маҳдуд карда мешавад.

“Санаи 16 октябр ҳаракати воситаҳои нақлиёт дар кӯчаҳои ташрифотии шаҳри Гулистон, шоҳроҳи “Ғафуров-Хуҷанд”, кӯчаи И. Сомонӣ то Кохи Рӯдакии шаҳри Хуҷанд ва бозгашт ба ҳамин роҳ то шаҳри Гулистон ва санаи 17 октябр дар роҳи автомобилгарди Ғафуров - Қаҳрамон - Пунғоз , кӯчаҳои деҳаи Сомғори ҷамоати деҳоти Исмоил то Боғи миллӣ ва бозгашт тавассути кӯчаҳои ташрифотии шаҳри Гулистон, шоҳроҳи Хуҷанд - Ғафуров” ва кӯчаҳои марказии шаҳри Бӯстон маҳдуд мешавад”, омадааст дар хабари БДА.

Қаҳрамонии як мансабдори БДА: донишҷӯдухтарро аз худкушӣ дар Сирдарё наҷот додааст

Бо ироаи ин эълон, Қурбонзода Суҳроб Амиралӣ, сардори БДА Суғд аз ронандагон даъват кардааст, ки дар сурати баста шудани роҳ метавонанд аз тариқи кӯчаҳои ҳавшафати ин роҳҳо ҳаракат намоянд.

588
Далер Шарифов, рӯзноманигори боздоштшуда

Эҳтимоли озод шудани Далер Шарифов аз зиндон

0
(Таҷдидшуда 10:25 24.10.2020)
Мақомоти Созмони зиндонҳои Тоҷикистон аз эҳтимоли озодии машрути Далер Шарифов, рӯзноманигори зиндонии тоҷик дар чанд рӯзи оянда хабар дод.

ДУШАНБЕ, 24 октябр - Sputnik. Ин мақомот гуфтаанд, ки барои баррасии дархости озодии машрути Далер Шарифов, ки ба иттиҳоми ҳимоят аз афкори гурӯҳи "Ихвоналмуслимин", барангехтани адовати миллӣ, нажодӣ ва динӣ ба як сол зиндон маҳкум шуда ва дар зиндони ноҳияи Ёвон давраи маҳкумияти худро сипарӣ мекунад, ба 10 рӯз замон ниёз аст. 

Дар ин бора "Парс тудэй" гузориш медиҳад.
Озодии машрути Далер Шарифов ба маънии сабти ҳузури ҳамарӯзаи вай дар маҳалли сукунаташ хоҳад буд.

Шарҳи иттиҳомоти Далер Шарифов

Додгоҳи ноҳияи Шоҳмансури шаҳри Душанбе 17 апрел Далер Шарифов, рӯзноманигори ҷавон ва шинохташудаи ин кишварро ба як сол зиндон маҳкум кард. 

Мақомоти Додситонии кулли Тоҷикистон муддаиянд, ки Далер Шарифови 32 сола дар солҳои 2013 то 2019 ҳудуди 113 матлаб бо муҳтавои ифротгароиро мунташир ва дар соли 2019 низ ба таври ғайриқонунӣ ва махфиёна рисоле бо унвони "Муҳаммад (с)" ба теъдоди 100 нусхаро бар асоси ақоиди гурӯҳи мамнуаи "Ихвоналмуслимин" тадвин кардааст. 

Таъхири мурофиаи додгоҳии рӯзноманигори боздоштшуда Далер Шарифов

Ин дар ҳолест, ки Далер Шарифов дар ин рисола талош кардааст иттиҳоми иртиботи терроризм бо дини Исломро рад кунад.

Созмонҳои ҷаҳонии Дидабони Ҳуқуқи Башар ва Гузоришгарони Бидуни Марз бо беасос хондани иттиҳомоти Далер Шарифов, аз Ҳукумати Тоҷикистон дархост кардаанд, ки вайро бидуни қайду шарт озод кунад. 

 

0