Қазоқистон парвозҳоро бо чор кишвар коҳиш медиҳад

561
(Таҷдидшуда 12:42 14.10.2020)
Дар робита бо бад шудани вазъияти ҳамагирии коронавирус дар ҷаҳон, Қазоқистон масъалаи кам кардани парвозҳо бо чор кишварро баррасӣ дорад

ДУШАНБЕ, 14 окт — Sputnik. Қазоқистон нақша дорад парвозҳо бо Украина, АМА, Олмон ва Белорусро дар робита ба бад шудани вазъияти ҳамагирии коронавирус дар ҷаҳон, коҳиш диҳад, хабар медиҳад, сарпизишки кишвар Ирлан Киясов.

"Бо дарназардошти вазъи номусоиди ҳамагирии коронавирус дар ҷаҳон, бо мақсади пурзӯр намудани назорат дар сарҳад ва пешгирии паҳншавии сироят, ҷаласаи комиссияи байниидоравӣ оид ба пешгирӣ аз сирояти коронавирус дар Қазоқистон, масъалаи тақвияти чораҳо дар марз, аз ҷумла коҳиш додани парвозҳо бо Украина, Аморати Муттаҳидаи Араб, Олмон ва Белорусро дар миён гузошт ", - гуфт Киясов.

Дар Қазоқистон дар давоми шабонарӯзи гузашта 83 ҳолати нави гирифторӣ ба коронавирус ба қайд гирифта шуда, шумораи умумии маризон ба 108 984, нафар баробар шуд.

Рӯ ба коҳиш ниҳод: омори тозаи сироят ва шифоёбӣ аз коронавирус дар Тоҷикистон

Теъдоди фавтидагон дар ин кишвар ба  1776 расид.

Дубора мубталои коронавирус шуд ва фавтид: ин ҳолат то ҳол ягона дар ҷаҳон аст

Бино бар омори охир, аз аввали ҳамагирии коронавирус то кунун дар Қазоқистон беш аз 104 ҳазор кас ин вабои асрро ба хубӣ пушти сар кардааст.

561
Барчаспҳо:
қатъи парвозҳо, парвозҳо, Қазоқистон
Мавзуҳо:
Пайомадҳои COVID-19 дар Тоҷикистон ва ҷаҳон (820)
Инаугурация Эмомали Рахмона в 2013 году

Роҳбандиҳо ҳангоми савганди Раҳмон дар Душанбе: эълони ВКД

1650
(Таҷдидшуда 16:02 29.10.2020)
Вазорати умури дохилии Тоҷикистон эълон кард, ки аз субҳи барвақти 30 октябр дар робита ба маросими савгандёдкунии Эмомалӣ Раҳмон ҳаракат дар ҷодаҳои марказии шаҳри Душанбе мутаваққиф мешавад

ДУШАНБЕ, 29 окт — Sputnik. Тибқи иттилои Вазорати умури дохилии Тоҷикистон, ба далели маросими савгандёдкунии Президенти Ҷумҳурии Тоҷикистон дар майдони Исмоили Сомонӣ 30 октябри соли 2020 ҳаракати мошинҳо муваққатан қатъ мегардад.  

Манбаъ афзуд, аз соати 06:00-и субҳ ҳаракати ҳамагуна воситаҳои нақлиёт тавассути кӯчаҳои Шоҳтемур, аз кӯчаи И.Сомонӣ то Бухоро-кӯчаи Ҷ.Икромӣ, аз кӯчаи Шевченко то хиёбони Рӯдакӣ, кӯчаи Теҳрон, аз кӯчаи Шероз то М.Турсунзода, кӯчаи Бохтар, аз кӯчаи Бухоро то кӯчаи М.Миршакар, хиёбони Рӯдакӣ- аз кӯчаи Карамов то Бухоро, кӯчаи У.Хайём, аз кӯчаи Шарқ то кӯчаи Карамов ва кӯчаи И.Сомонӣ - гардиши кӯчаи Ҳ.Шерозӣ то анҷоми паради низомӣ  муваққатан маҳдуд карда мешавад.

ВУД Тоҷикистон аз ронандагони воситаҳои нақлиёт ва меҳмонон хоҳиш мекунад, ки дар ин рӯз аз кӯчаҳои С.Айнӣ, С.Шерозӣ, А. Дониш, Дӯстии халқҳо то давродаври кӯчаи Лоҳутӣ, И.Сомонӣ, Ҳ.Шерозӣ  ва дигар кӯчаҳои ба ин минтақаҳои роҳ ҳамшафат бо риояи ҳатмии талаботи қоидаҳои ҳаракат дар роҳ истифода баранд.

Тибқи қонунҳои Тоҷикистон, ғолиби интихоботи президентӣ дар ҷаласаи муштараки ҳар ду палатаи парлумон барои ба кор шурӯъ кардан савганд ёд мекунад.

Ёдрас мешавем, ахиран дар интихоботи президентӣ аксари кулли овозҳо 3 млн. 837 ҳазор 227 - 90,92 дарсадро президенти амалкунандаи ҷумҳурӣ Эмомалӣ Раҳмон соҳиб шуд.

Ҳамин тавр, Эмомалӣ Раҳмон боз барои 7 соли дигар Президент интихоб шуд.

1650
Барчаспҳо:
интихобот, савгандёдкунӣ, эълон, Тоҷикистон
Международный аэропорт Ташкента

"Тахминӣ буд": чаро парвоз ба Тошканд анҷом нашуд?

477
(Таҷдидшуда 14:40 28.10.2020)
Мақомоти ҳавонавардии Тоҷикистон сабаби анҷом нашудани парвоз аз Душанбе ба Тошкандро ба дақиқ нашудани шароит марбут медонанд

ДУШАНБЕ, 28 окт — Sputnik. Як манбаъ дар Агентии ҳавонавардии Тоҷикистон ба Sputnik Тоҷикистон гуфт, санаи парвоз, ки аз сӯи шарикони ӯзбек эълон шуд, тахминӣ буд ва дар ин миён ҷонибҳо ҳамоно рӯи шароити хоси парвоз дар шароити пандемияи "вируси корона" ба натиҷаи ниҳоӣ нарасидаанд.

"Дар ҳамин чанд рӯзи наздик мо бо намояндагони се ниҳоди ҳавонавардии Ӯзбекистон тариқи онлайн ба машварат менишинем. Мавзӯъ ҳам ин аст, ки парвозҳо чӣ гуна бо назардошти шароити вазнини пандемия анҷом шаванд, аз ҷумла вазъи беҳдоштии тайёраҳо, қабулу гусели мусофирин. Имкон надорад, ки як таърихро мушаххас бигӯем", - гуфт ин манбаъ.

Қаблан расонаҳо аз санаҳои мухталифи анҷоми парвози Душанбе – Тошканд – Душанбе маълумоти мухталиферо ироа намуда буданд. Гуфта мешуд, ки парвози аввалин 28 октябр анҷом мешавад, аммо баъдтар ин сана ба 1 декабр ва ниҳоят ба 1 январи соли оянда кӯч кард.

Ҳамсӯҳбати Sputnik Тоҷикистон мегӯяд, анҷоми парвозҳо дар замони пандемия имкон дорад, аммо бояд қавоиди беҳдоштӣ муроот шаванд.

"Тавре мебинем, миёни кишварҳое парвозҳо анҷом мешаванд, ки вазъи беҳдоштӣ бамаротиб вахимтар аз Тоҷикистону Ӯзбекистон аст. Ҳар чӣ зудтар анҷом шудани парвозҳоро ҳарду ҷониб ба нафъи худ медонанд", - гуфт ӯ.

"Сомон айр": "Омодаем!"

Дар ҳамин ҳол, дар суҳбат бо Sputnik Тоҷикистон масъулини "Сомон айр", ширкати масъули анҷоми парвози Душанбе – Тошканд – Душанбе, гуфтанд, ки ҳеҷ дастури дақиқе дар ин маврид пайдо накардаанд.

"Мо аз ҷониби худ барои анҷоми ин парвоз омода ҳастем. Ҳоло мунтазирем, ки аз ҳукумат чӣ дастур мешавад. Ҳалли ин масъала дар салоҳияти мақомоти болоӣ аст. Мо омодаи парвозем", - гуфтанд онҳо.

Парвози Душанбе – Тошканд – Душанбе аз 16 марти сол ҷорӣ ба далели густариши "вируси корона" дар ҷаҳону Осиёи Марказӣ ва эълон шудани пандемия аз сӯи Созмони ҷаҳонии беҳдошт мутаваққиф шуда буд.

Дар пайи ин Тоҷикистону Ӯзбекистон ба ҳамроҳи соири кишварҳои ҳамсоя аз 16 март марзҳои заминии худро низ бастанд.

Ӯзбекистон ҳанӯз 18 сентябр қарори убуру мурур тариқи роҳҳои заминӣ, оҳан ва ҳавоияшро аз 1 октябри соли равон бо риояи қатъии қоидаҳои карантину беҳдоштӣ содир намуд.

Дар пайи ин, 28 – 29 сентябр як ҳайати расмии ин кишвар бо раҳбарии Абдулло Орифов, нахуствазири Ӯзбекистон ба Душанбе омад ва масоили ҳамкории ду кишвари ҳамсоя, аз ҷумла роҳандозии парвозҳоро баррасӣ кард.

Ҳамсӯҳбатони Sputnik Тоҷикистон мегӯянд, парвозҳо барои густариши равобити иқтисодии ду кишвар дар замони буҳрон такони ҷиддӣ мебахшанд, аз ин хотир, роҳандозии онҳо дар ояндаи наздик ба нафъи ҳарду ҷониб аст.

477
Барчаспҳо:
лағв, "Ӯзбекистон ҳаво йуллари", Тоҷикистон, парвоз
День 31 октября

Ҷашнҳои рӯзи 31 октябр дар Тоҷикистон ва ҷаҳон

0
(Таҷдидшуда 17:57 30.10.2020)
Рӯзи 31 октябр ҳамчун Рӯзи ҷаҳонии шаҳрҳо ва Рӯзи байналмилалии сарфакорӣ мебошад. Ҳамзамон ин рӯз дар таърих ҳамчун Рӯзи байналмиллалии Баҳри сиёҳ ҳисобида мешавад

Рӯзи 31 октябр дар ҷаҳон чӣ рух дод.

Соли 1932 дар Иттиҳоди Шӯравӣ аввалин Кодекси гражданӣ мавриди амал қарор гирифт.

Соли 2011 бинобар ҳисоботи Фонди нуфузи аҳолии СММ 7-миллиардумин сокини Замин ба дунё омад.

Люди в защитных масках на улице
© REUTERS / CARLOS GARCIA RAWLINS
Люди в защитных масках на улице

Соли 1892 Артур Конан Дойл китоби худ "Воқеаҳои ногаҳонии Шерлок Хомс"-ро ба нашр расонд.

Соли 1906 Намоиши ҷаҳонии "Экспо-1906" дар шаҳри Милани Италия кори худро ба анҷом расонид.

Соли 2012 тартиби таъсис ва тасдиқи шӯроҳои диссертатсионии ҳимояи рисолаҳо барои дарёфт ва додани дараҷаи илмии доктори фалсафа (PhD), доктор аз рӯи ихтисос тасдиқ карда шуд.

День 30 октября
© Sputnik / Стас Этвеш / Вишнякова Мария

Рӯзи 31 октябр дар Тоҷикистон чӣ рух дод.

Соли  2011 дар шаҳри Порис масоили ҳамкории дуҷонибаи Тоҷикистону ЮНЕСКО баррасӣ шуданд.

Соли 2011 раисҷумҳури Тоҷикистон Эмомалӣ Раҳмон ва пешвои исмоилиёни ҷаҳон Оқохони 4 ва вазири вақти фавоиди оммаи Ҷумҳурии Исломии Афғонистон Абдулқуддус Ҳамидӣ бо гузоштани санги асос ва нома ба наслҳои оянда ба бунёди пули 6 – ум миёни Тоҷикистону Афғонистон оғоз бахшиданд.

Ага-хан и президент Таджикистана Рахмон посетили место будущего Шуробадского моста, где состоялась церемония закладки фундамента, архивное фото
Ага-хан и президент Таджикистана Рахмон посетили место будущего Шуробадского моста, где состоялась церемония закладки фундамента, архивное фото

Соли 2013 Эмомалӣ Раҳмон марҳилаи якуми лоиҳаи инноватсионии "Шаҳри бехатар" ё худ низоми худкори идоракунӣ дар соҳаи нақлиётро барои шаҳри Душанбе расман ба кор дароварданд.

День 29 октября
© Sputnik / Стас Этвеш / Вишнякова Мария

Соли 2015 Эмомалӣ Раҳмон барои тамошои сабқати финалии Ҷоми Конфедератсияи футболи Осиё — 2015 байни дастаҳои "Истиқлол"-и Тоҷикистон ва "Ҷоҳор Дарул Такзим"-и Малайзия ба майдони марказии варзишии пойтахт ташриф овард.

Соли 2013 Консепсияи сиёсати ҳуқуқи ҷиноятии Ҷумҳурии Тоҷикистон тасдиқ карда шуд.

Ҷашнҳои рӯзи 31 октябр.

  • Рӯзи байналмилалии Баҳри сиёҳ.
  • Рӯзи ҷаҳонии шаҳрҳо.
  • Рӯзи байналмилалии сарфакорӣ.

     

Рӯзи 31октябр дар Тоҷикистон кӣ ба дунё омадааст.

Соли 1941 – Сарояндаи халқии Тоҷикистон Гулчеҳра Содиқова.

Соли 1953 – ҳофиз ва мусиқачӣ Азизулло Шариф.

0
Барчаспҳо:
ҷашн, Ҷаҳон, Тоҷикистон
Мавзуъ
Ҷашнҳои рӯзи 25 октябр дар Тоҷикистон ва ҷаҳон
Ҷашнҳои рӯзи 26 октябр дар Тоҷикистон ва ҷаҳон
Ҷашнҳои рӯзи 27 октябр дар Тоҷикистон ва ҷаҳон
Ҷашнҳои рӯзи 28 октябр дар Тоҷикистон ва ҷаҳон
Ҷашнҳои рӯзи 29 октябр дар Тоҷикистон ва ҷаҳон
Ҷашнҳои рӯзи 30 октябр дар Тоҷикистон ва ҷаҳон