Самолет Boeing 767-200 авиакомпании ЮТэйр, архивное фото

Омодагии ширкатҳои ҳавопаймоии Русия барои парвозҳои чартерӣ аз Тоҷикистон ба Русия

1862
(Таҷдидшуда 14:08 05.11.2020)
Ширкатҳои ҳавопаймоии Русия “ЮТэйр” ва “Уралские авиалинии” барои анҷом додани парвозҳои чартерӣ аз Русия ба Тоҷикистон ва баръакс омодагии худро баён карданд

ДУШАНБЕ, 5 ноя — Sputnik. Ширкатҳои ҳавопаймоии Русия дар бораи парвозҳои нави чартерӣ аз Русия ба Тоҷикистон тасмим гирифтанд, иттилоъ додааст манбаъ аз сафорати Русия дар Тоҷикистон.

Маълум шудааст, ки дар ҳоли ҳозир дархости ширкати “ЮТэйр” барои анҷом додани парвозҳои чартерӣ дар хатсайри Душанбе – Маскав ва Хуҷанд - Сургут  ҳафтае як бор аз ҳарду ҷониб барои баррасӣ ба мақомоти Тоҷикистон равон карда шудааст .

Инчунин, ширкати “Уралские авиалинии” тасмим дорад барои анҷом додани парвозҳои чартерӣ дар хатсайрҳои дигар низ ба мақомоти Тоҷикистон дархост равон намояд.

Фурӯши чиптаҳо ба ин парвозҳо ва далели ворид шудани ба Русияро худи ширкатҳои ҳавопаймоӣ муайян хоҳанд кард.

Гуфта шудааст, ки баъд аз муайян шудани ин парвозҳо натанҳо шаҳрвандони Русия балки нафароне, ки далели ворид шудан ба Русияро доранд низ метавонанд парвоз кунанд.

Дар ҳамин ҳол, сафорат таъкид кардааст, ки тибқи иттилои Хадамоти марзбонии Хадамоти федеролии амниятии Русия шахсони хориҷӣ ва шахсони бидуни шаҳрвандӣ, ки иҷозати иқомат дар Русия доранд наметавонанд дубора вориди Русия шаванд.

Ҳамин тавр, нафароне, ки  иҷозати иқомат дар Русия доштанд ва дар замони маҳдудиятҳо ба сабаби паҳншавии вируси корона Русияро тарк карданд, имкон дорад ба ба Русия дигарбора ворид шуда натавонанд.

Нафароне, ки ҳаққи ворид шудан ба Русияро надоштанд, наметавонанд дубора ба ин кишвар ворид шавад.

Теъдоди парвозҳо, хатсайрҳо ва таърихи рӯзи парвозҳо дар рӯзҳои наздик муайян хоҳад шуд.

1862
Барчаспҳо:
ширкат, ҳавопаймо, парвоз, Русия, Тоҷикистон
Дорога с машинами в Душанбе

Дар Тоҷикистон андоз аз истифодабарандагони роҳҳои мошингард бекор карда мешавад

140
(Таҷдидшуда 16:51 02.12.2020)
Ҳамчунин имрӯз дар Душанбе тарҳи қонунҳо оид ба ислоҳи қонунҳои бақайдгирии давлатии асноди ҳолати шаҳрвандӣ, маводи доруворӣ ва фаъолияти фармасевтӣ ва ҳимояи ҳуқуқи истеъмолкунандагон баррасӣ шудааст

ДУШАНБЕ, 2 дек — Sputnik. Дар Тоҷикистон андоз аз истифодабарандагони роҳҳои мошингард бекор карда мешавад.

"Аз 31 декабри соли равон мутобиқи сархати сеюми моддаи 252-и Кодекси андози Ҷумҳурии Тоҷикистон андоз аз истифодабарандагони роҳҳои мошингард бекор карда мешавад", - омадааст дар хабарнома.

Бино ба гузориши АМИТ "Ховар" ин матлаб зимни баргузории  ҷаласаи навбатии иҷлосияи дуюми Маҷлиси намояндагони Маҷлиси Олии Ҷумҳурии Тоҷикистон, даъвати шашум, ки имрӯз таҳти раёсати Раиси Маҷлиси намояндагони Маҷлиси Олии Ҷумҳурии Тоҷикистон Маҳмадтоир Зокирзода доир шуд, баён гардидааст.

Гуфта мешавад, дар ҷаласаи мазкур дар баробари дигар лоиҳаҳои қонунҳо, лоиҳаи Қонуни Ҷумҳурии Тоҷикистон "Дар бораи ворид намудани тағйирот ба Кодекси андози Ҷумҳурии Тоҷикистон" мавриди баррасии вакилон қарор гирифтааст.

Дар ҷаласа муовини вазири молияи Тоҷикистон Карим Гулмуродзода ва вакили Маҷлиси намояндагон Ғиёсиддин Ашуров  зикр намудаанд, ки лоиҳаи Қонун "Дар бораи ворид намудани тағйирот ба Кодекси андози Ҷумҳурии Тоҷикистон" бо тартиби ҳуқуқи ташаббуси қонунгузорӣ аз тарафи Ҳукумат барои баррасӣ ба Маҷлиси намояндагони Маҷлиси Олии Ҷумҳурии Тоҷикистон пешниҳод шудааст.

Иқтисоди пинҳонию боҷу аксизҳо: вазир гуфт, аз куҷо дар соли 2021 даромадро зиёд мекунанд?

Манбаъ афзуда, ки ин тарҳ бо мақсади тамдид намудани муҳлати амали андоз аз истифодабарандагони роҳҳои мошингард таҳия гардидааст.

Дар ҷаласа вакилон ҳамчунин тарҳи қонунҳо "Оид ба ворид намудани тағйиру иловаҳо ба Қонуни Ҷумҳурии Тоҷикистон "Дар бораи бақайдгирии давлатии асноди ҳолати шаҳрвандӣ",  "Оид ба ислоҳи Қонун "Дар бораи маводи доруворӣ ва фаъолияти фармасевтӣ" ва "Оид ба ислоҳи Қонун "Дар бораи ҳимояи ҳуқуқи истеъмолкунандагон" - ро мавриди баррасӣ қарор додаанд.

140
Барчаспҳо:
роҳи мошингард, бекор кардан, андоз, Тоҷикистон
Грузовой автомобиль расчищает дорогу от снега в Таджикистане

Ҳушдори БДА ба ронандагон: дар роҳҳои Душанбе - Чаноқ ва Кӯлоб - Хоруғ боэҳтиёт бошед

277
(Таҷдидшуда 13:09 19.11.2020)
Ба ронандагон хушдор дода мешавад, ки ҳангоми борону барф аз таҷҳизоти иловагии зиддилағжиш истифода баранд, чархҳои воситаҳои нақлиётро бо шинаҳои зимистона муҷаҳҳаз намуда, бо худ гирифтани лавозимоти заруриро фаромӯш нанамоянд

ДУШАНБЕ, 19 ноя - Sputnik. Раёсати Бозрасии давлатии автомобилии ВКД Тоҷикистон ба диққати ронандагони воситаҳои нақлиёт мерасонад, ки ҳангоми ҳаракат тавассути роҳҳои мошингарди минтақаҳои кӯҳӣ, қоидаҳои ҳаракат дар роҳро ҳатман риоя намоянд.

БДА мегӯяд, ҳангоми бориши борон ва барф ронандагон бояд дар роҳҳои Душанбе-Хуҷанд-Чаноқ, Ваҳдат-Рашт-Лахш, Душанбе-Кӯлоб-Хоруғ-Кулма, Душанбе-Бохтар, Бохтар-Данғара, Лабиҷар-Сангвор-Қалаи Хумб, Айнӣ-Панҷакент боэҳтиёт бошанд ва талаботи қоидаҳои ҳаракат дар роҳро риоя намоянд.

Дар ин бора АМИТ "Ховар" бо такя ба сардори шуъбаи ташвиқоту таблиғоти РБДА-и Вазорати корҳои дохилии Ҷумҳурии Тоҷикистон, полковники милитсия Акбар Қурбонзода хабар медиҳад.

Ҷилавгирӣ аз сонеҳаҳои нақлиётӣ: пулис муоинаи техникии мошинҳоро тафтиш мекунад

Полковник сабаби сар садани садамаҳои нақлиётиро дар роҳҳо шарҳ дод.

"Баъзе ронандагони мошинҳо дар нишебиҳои тези роҳҳои мошингарди минтақаҳои кӯҳӣ барои сарфа намудани сӯзишворӣ ҳаёти худ ва дигар иштирокчиёни ҳаракат дар роҳро зери хатар гузошта, бо муҳаррики хомӯшкардашуда ва соишбанд ё ноқилқуттии ба муҳаррик пайвастнашуда ҳаракат менамоянд, ки ин сабаби сар задани ҳодисаҳои роҳу нақлиётӣ мегардад”-, изҳор медорад А.Қурбонзода.

Ба ронандагон тавсия дода мешавад, ки ҳангоми ба таври нокифоя дида шудани роҳ дар гардишҳои хатарнок, дар охири баландии роҳ (кӯтал) ва дигар минтақаҳои дидашавандагияшон муҳдуди роҳҳои мошингарди минтақаҳои кӯҳӣ, махсусан пулҳо ва нақбҳо сабқат ва таваққуф нанамоянд.

Ронандагони воситаҳои нақлиёти боркаш, ки вазни ниҳоии ҷоизаш зиёда аз 3,5 тонна мебошад, ба монанди трактор ва автобусҳо ҳангоми бозистӣ ва таваққуф дар баландии роҳ (кӯтал) ва нишебиҳои роҳҳои кӯҳӣ аз воситаҳои зидди ғелиш (танбаҳо) истифода баранд.

Ҳамчунин дар вақти бориши борон ва барф ба ронандагон иловатан хушдор дода мешавад, ки  таҷҳизоти иловагии зиддилағжиш истифода баранд, чархҳои воситаҳои нақлиётро бо шинаҳои зимистона муҷаҳҳаз намуда, бо худ гирифтани лавозимоти заруриро фаромӯш нанамоянд.

277
Барчаспҳо:
ҳушдор, барф, БДА, Тоҷикистон

Новобаста аз пандемия: беҳтарин маконҳои сайёҳӣ дар гузориши аксӣ

0
(Таҷдидшуда 17:41 02.12.2020)
Дар замони пандемияи коронавирус сайёҳат кардан ғайри имкон аст, аммо метавон зеботарин ҷойҳои дунёро ба таври фосилавӣ тамошо кард

Ҳафтаи гузашта коршиносон соҳаи сайёҳӣ маконҳои беҳтарини гардишгариро миёни шаҳрҳои мухталифи ҷаҳон муайян карданд.  

Дар ҷоизаи World Travel Awards 2020 ҷойҳои сайёҳии дар сатҳӣ ҷаҳонӣ ва дар сатҳи кишварро муаяйн карданд.

Тоҷикистон мутаасифона натавонист дар ин феҳрист роҳ ёбад аммо се ширкати се ширкати сайёҳии дохилии кишвар аз тарафи World Travel Awards 2020 ҷоиза ба даст оварданд.

Дар гузориши аксии Sputnik Тоҷикистон беҳтарин маконҳои сайёҳӣ ҷамъоварӣ шудааст.

0
  • © Sputnik / Vladimir Astapkovich

    Мардуми шаҳри Маскав ва меҳмонони ин шаҳр ҳангоми ҷашни Соли нав дар майдони Манежи шаҳри Маскав

  • © Depositphotos / pomphotothailand.gmail.com

    Макони сайёҳӣ Sun World Fansipan Legend дар Ветнам

  • © Sputnik / Fayed El-Geziry

    Дар мамнӯъгоҳ "Масаи-Мара"- Кения сайёҳон жирафҳоро тамошо доранд

  • © Foto Pixabay / Viola '

    Киштии бузурги сайёҳӣ дар Ямайка

  • © Sputnik / Alexander Vilf

    Ҷавондухтар дар шаҳри Фуншал дар ҷазираи Мадейра

  • © Foto Pixabay / Scheidt

    Алпак дар кӯҳҳои Патагони Чили

  • © Sputnik / Natalia Seliverstova

    Навхонадорон дар соҳили баҳри ҷазираҳои Молдив аксбардорӣ доранд

  • © Foto Pixabay / Christophjkugler

    Тарабхонаи кӯчагӣ дар шаҳри Веронаи Итолиё

  • Минтақаи сайёҳии Pasarelas del Paiva дар Португал

  • © Sputnik / Alexei Danichev

    Гардишгарии лухтаки бузурги Петри I ҳангоми шабҳои сафед дар Санкт-Петербурги Русия дар арафаи Рӯзи шаҳр

  • © Sputnik / Alexey Kudenko

    Калисои Успенский Дар шаҳри Владимир

  • Пули тиллоӣ дар Ветнам

  • © CC BY 3.0 / Andrei Bobrovskiy / Unnamed Road, Saint Lucia

    Намои соҳили баҳр дар Сент-Люсии, Амрико

  • © Sputnik / Alexander Vilf

    Дар яке аз кӯчаҳои Лиссабон

  • © Foto Pixabay / Hans Schwarzkopf

    Макони сайёҳӣ дар шаҳри Маскати Уммон

  • © Sputnik / Natalia Seliverstova

    Сайёҳ дар соҳили баҳр дар ҷазираи Ла Диг (Ҷумҳурии ҷазираҳои Сейшел)

Барчаспҳо:
ҷаҳон, макон, сайёҳӣ, Кумитаи сайёҳӣ, Тоҷикистон