Вазири нақлиёт аз нияти бунёди пул дар Бартанг гуфт

147
(Таҷдидшуда 21:01 28.12.2020)
Азим Иброҳим, вазири нақлиёти Тоҷикистон, мегӯяд, ният доранд дар водии Бартанги ноҳияи Рӯшон низ як пул бисозанд

ДУШАНБЕ, 28 дек — Sputnik. Тибқи иттилои Вазорати нақлиёт, Азим Иброҳим зимни боздиди ахираш аз ноҳияи Рӯшон гуфт, айни ҳол дар вилоят лоиҳаи сохтмони 17 пули мошингард, - дар ноҳияҳои Ванҷ, Дарвоз ва Рӯшон  идома дошта, ният аст, ки чунин пул дар водии Бартанг низ  сохта шавад.

Манбаъ ҳадафи сафари вазирро ба Рӯшон шиносоӣ бо рафти кор дар  иншооти ҷашнӣ гуфт, ки ба  муносибати  30-юмин солгарди Истиқлолияти давлатии кишвар сохта мешаванд.

“Дар рафти боздид аз иншооти навбунёд маълум гардид, ки бино дар асоси талаботи миллии сохтмонӣ бунёд гардида, мавриди баҳрабардорӣ қарор гирифтааст”, - омадааст дар иттилоия.

Вазири нақлиёт дар ноҳияи Рӯшон ҳамчунин, ба аёдати қишрҳои осебпазири ҷомеа, шахсони имконияташон маҳдуд ва ниёзманд рафта, туҳфаҳо ва кумакпулӣ тақдим намудааст.

Азим Иброҳим инчунин дар деҳаи Вамди ноҳияи Рӯшон бо корҳои соҳилмустаҳкамкунӣ шинос гардид.

“Дар ин мавзеъ дар фасли тобистон бо баланд шудани сатҳи дарёи Панҷ мушкилоти кишоварзон зиёд мешавад. Дар ин иртибот вазири нақлиёт барои бартараф сохтани ин мушкилот бар роҳбарияти ноҳия тавсияҳои судманд дод”, - таъкид кард Вазорати нақлиёт.

147
Барчаспҳо:
пул, нақлиёт, вазир, Тоҷикистон
Самолет, на фоне заката

Эмомалӣ Раҳмон аз барқароршавии парвозҳо гуфт

1499
(Таҷдидшуда 14:36 26.01.2021)
Президенти Тоҷикистон Эмомалӣ Раҳмон аз омодагии мамлакат барои бозкушоии парвозҳо бо кишварҳои хориҷ эълон кард

ДУШАНБЕ, 26 январ - Sputnik. Президенти Тоҷикистон Эмомалӣ Раҳмон имрӯз зимни ироаи паёми худ ба парлумони кишвар изҳор дошт, ки Тоҷикистон ба зудӣ парвозҳоро бо дигар кишварҳо барқарор мекунад.

Дар баробари ин, президент санаи дақиқи бозкушоии марзҳоро нагуфт.

Раҳмон пирӯзии Тоҷикистон бар коронавирусро эълон кард

Ба гуфти Эмомалӣ Раҳмон аз саргирии парвозҳо бо шарафи пирӯзии Тоҷикистон бар коронавирус даст медиҳад.

Ёдрас мешавем, ки раисиҷумҳури Тоҷикистон рӯзи 26 январ аз пирӯзии Тоҷикистон бар коронавирус эълом кард.

Дар баробари ин президент қайд кард, ки дар сурати бозкушоии марзҳо, карантини 14 - рӯза низ барқарор мешавад.

Раҳмон пирӯзии Тоҷикистон бар коронавирусро эълон мекунад

Ҳукумати Тоҷикистон аз тобистони соли гузашта инҷониб бо Русия масъалаи барқарор кардани парвозҳоро баррасӣ дорад.

1499
Барчаспҳо:
барқарорӣ, Русия, парвозҳо, Эмомалӣ Раҳмон
Новые автобусы в Душанбе

Дар Душанбе хатсайри нави троллейбус ба фаъолият оғоз мекунад

159
(Таҷдидшуда 13:18 26.01.2021)
Хизматрасонӣ ба мусофирон дар хатсайри мазкур ба воситаи троллейбусҳои муосири тамғаи БК 32100D пешниҳод гардида, пардохти ҳаққи роҳкиро тариқи корти нақлиётӣ ба роҳ монда мешавад

ДУШАНБЕ, 26 янв — Sputnik. Дар Душанбе хатсайри нави троллейбус ба фаъолият оғоз мекунад, гузориш медиҳад шаҳрдории Душанбе.

Бино ба иттилои манбаъ, аз 28 январи соли 2021 хатсайри нави троллейбусии №9 (Корхонаи равғанбарорӣ-маҳаллаи Обшорон)  ба фаъолият оғоз менамояд.

Хатсайри ҷадид бо троллейбусҳои нав дар Душанбе фаъол мешавад

"Дар хатсайри мазкур троллейбусҳои  замонавӣ тавассути хиёбону кӯчаҳои Садриддин Айнӣ ва Саъдии Шерозӣ ҳаракат менамоянд", - гуфта мешавад дар иттилои манбаъ.

Ҳамзамон ба таваҷҷуҳи сокинон ва меҳмонони пойтахт расонида мешавад, ки хизматрасонӣ ба мусофирон дар хатсайри мазкур ба воситаи троллейбусҳои муосири тамғаи БК 32100D пешниҳод гардида, пардохти ҳаққи роҳкиро тариқи корти нақлиётӣ ба роҳ монда мешавад.

159
Барчаспҳо:
хатсайр, Душанбе, троллейбусҳои нав
Доктор экономических наук, экс-замминистра сельского хозяйства и продовольствия России Леонид Холод

Як сол кам аст: коршинос чуну чарои лағви андози замин дар Тоҷикистонро шарҳ дод

0
(Таҷдидшуда 19:09 26.01.2021)
Коршинос таъкид кард, ки барои самараноктар шудани натиҷаи лағви андози замин як сол аст, аммо, ба гуфтаи вай, ба ҳар ҳол ин амали дуруст ва натиҷаовар аст

ДУШАНБЕ, 26 янв — Sputnik. Изҳороти роҳбари давлати Тоҷикистонро дар бораи бекор кардани андози замин коршиноси рус, доктори илмҳои иқтисодӣ Леонид Холод тавзеҳ дод.

"Дар Тоҷикистон дар бозори озуқа вазъи ғайриодие ба миён омад, ки сабабаш дар охири соли 2020 ва оғози соли 2021 киҳиш ёфтани сомонӣ нисбат ба рубл, доллар ва евро буд", - гуфт Холод дар сӯҳбат бо Sputnik Тоҷикистон.

Ба қавли вай, ин маънои онро дорад, ки ҷумҳурие, ки маҳсулоти озхуқа ва кишоварзиро бештар ворид мекард, қисме аз аҳолиро аз хатари бе ин намуди маҳсулот мондан, наҷот додан мехоҳад, зеро мардум маводи воридгардидаро бо нархи наву гаронтар харидан маблағ надоранд.

"Вобаста ба ин бозор бояд вокуниш кунад. Вақте рақиби берунӣ гарон мешавад, пас ин бояд истеҳсолоти ватаниро ҳавасманд гардонад. Равандҳои бозори худтанзимкунӣ вақт мехоҳад ва давлат бояд ин мушкилиро тезтар ҳал кунад", - мегӯяд Холод.
Ба гуфтаи иқтисодшинос, маҳз барои ҳамин Раҳмон гуфт, ки Тоҷикистон соҳаи кишоварзиро бояд ба ҳар роҳ рушд диҳад.

"Имрӯзҳо имконияти аграрии ҷумҳурӣ пурра истифода намешавад. Дар Тоҷикистон он қадар заминҳои барои кишту кор мувофиқ мавҷуд нестанд, аммо он чизе, ки мавҷуд аст, бояд истифода шавад", - афзуд вай.

Маблағи андози замин дар Тоҷикистон ҳудуди 200 миллион сомонӣ (ҳудуди 20 миллион доллар)-ро ташкил медиҳад.

"Барои Тоҷикистон ин маблағи калон аст, барои деҳқонони тоҷик бошад, ин пули хело калон аст. Яъне, онҳо ин миқдор маблағро намесупоранд ва вазъи молиашон беҳтар мешавад. Онҳо ин маблағро ба нарх изофа намекунанд ва дар натиҷа имкон фароҳам меояд, ки нархи дар натиҷаи асъор болоравандаро танзим карда тавонанд", - гуфт коршинос.

Ба гуфтаи ӯ, лағви андози замин боиси аз худ кардани заминҳои боқимонда мегардад.

Рушди хоҷагиҳои деҳқонӣ дар Тоҷикистон

"Агар ин чораҷӯӣ барои як сол аст, ин кам аст ва беҳтараш онро барои якчанд сол ҷорӣ кунанд, то минтақаҳое, ки истифода намешуданд, аз худ карда шаванд. Аз нуқтаи назари рушди хоҷагии қишлоқ ин чораҷӯӣ самарабахш ва дуруст аст", - гуфт дар анҷом Холод.

0
Барчаспҳо:
замин, андоз, коршиносон