Самолет авиакомпании Uzbekistan Airways

Санаи парвоз миёни Тоҷикистону Ӯзбекистон эълон шуд

1128
(Таҷдидшуда 22:27 03.01.2021)
Ӯзбекистон санаи оғози парвози ҳавопаймо миёни Душанбею Тошкандро баъди танаффус ба далели коронавирус эълон кард

ДУШАНБЕ, 2 янв — Sputnik. Хабар дар бораи оғози парвозҳо миёни Тоҷикистону Ӯзбекистонро дафтари матбуоти ширкати ҳавоии Uzbekistan Airways нашр кардааст.

Манбаъ таъкид кард, ки нахустин парвоз 5 январи соли 2021 дар назар аст. Ҳавопаймо дар масири Тошканд - Душанбе – Тошканд парвоз хоҳад кард.

Парвозҳо миёни Тоҷикистону Ӯзбекистон ҳанӯз нимаи марти соли гузашта қатъ шуда буданд.

Феълан тибқи қарори мақомоти Ӯзбекистон, шаҳрвандоне, ки марзи ин кишварро убур мекунанд, бояд аз санҷиши сареҳ гузаранд, ки аз ҳисоби худи мусофир анҷом дода мешавад. Дар мавриди оғози парвозҳои мунтазам миёни Тоҷикистону Ӯзбекистон ҳанӯз иттилои расмие нашр нашудааст.

Мақомоти Тоҷикистон барои оғози парвозҳои мунтазам бо бархе кишварҳои хориҷӣ, аз ҷумла Русия гуфтушунидҳо доранд, ки риояи қоидаҳои беҳдоштӣ аз ҷумлаи шартҳои он мебошад.

1128
Барчаспҳо:
парвоз, Ӯзбекистон, Тоҷикистон
Самолет авиакомпании Somon Air в московском аэропорту Домодедово

"Сомон Эйр" бо таъхири панҷсоата ба Истанбул парвоз кард

131
(Таҷдидшуда 14:40 22.01.2021)
Бинобар барфрезии шадид дар Тоҷикистон парвози "Сомон Эйр" самти Истанбул дасти кам 5 соат ба таъхир афтод

ДУШАНБЕ, 22 янв — Sputnik. Парвози ҳавопаймои ширкатии ватании "Сомон Эйр" дар масири Душанбе - Истанбул бинобар ноустувор будани ҳаво бо таъхири панҷсоата парвоз кард.

Тибқи ҷадвале, ки дар бинои Фудургоҳи байналмилалии Душанбе ҳаст, парвози ҳавопаймо самти Истанбул мебоист соати 06:20 дақиқа сурат мегирифт. Аммо бинобар барфрезии шадид дар Тоҷикистон, ҳавопаймо соати 11:30 дақиқа фурудгоҳи Душанберо тарк кард.

"Мувофиқи ҷадвал ҳавопаймо мебоист соати 6:20 парвоз мекард. Аммо бинобар номусоидии обу ҳаво парвоз ба таъхир афтод ва  танҳо соати 11:30 дақиқа сурат гирифт", - изҳор доштанд дар фурудгоҳи Душанбе.

Теъдоди парвозҳо аз Душанбе ба Стамбул ва Дубай афзоиш ёфтанд

Тибқи иттилои ширкати ҳавопаймоии "Сомон Эйр", парвозҳо самти Истанбул ҳафтае як  маротиба, рӯзҳои панҷшанбе иҷро мешаванд.

"Вақти парвоз аз Душанбе 06:00, аз Истанбул 10:45 ба вақти маҳаллӣ мебошад", - таъкид кард манбаъ.

Тасмими барқарор намудани парвозҳо дар масири Душанбе-Истанбул тибқи қарори Ситоди ҷумҳуриявӣ оид ба пешгирӣ аз паҳншавии  бемории коронавирус ва бо назардошти риояи ҳатмии санитарию эпидемикӣ гирифта шудааст,гуфта буд директори Агентии авиатсияи граждании назди Ҳукумати Ҷумҳурии Тоҷикистон, Икром Субҳонзода.

131
Барчаспҳо:
Истанбул, таъхир, парвоз, Сомон Эйр
Самолет, на фоне заката

Ӯзбекистон парвозҳои мунтазам бо Тоҷикистонро сар кард

370
(Таҷдидшуда 16:17 20.01.2021)
Парвозҳои мунтазам байни пойтахтҳои Тоҷикистон ва Ӯзбекистон ҳар ҳафта як маротиба рӯзи чоршанбе сурат мегиранд

ДУШАНБЕ, 20 январ - Sputnik. Uzbekistan Airways парвозҳои мунтазам ба Тоҷикистонро аз сар гирифт, хабар медиҳад хадамоти матбуоти ширкат.

Нахустин парвози ҳавопаймо дар масири Тошканд-Душанбе-Тошканд имрӯз, 20 январ пас аз танаффусе, ки аз баҳор ба ин сӯ ба далели пандемияи коронаиврус идома кард, сурат гирифт.

Манбаъ мегӯяд, дар оянда парвозҳо рӯзи чоршанбе тибқи ҷадвал сурат мегиранд.

Ҳавопаймо аз Тошканд соати 8-и субҳи ба вақти маҳаллӣ парида, пас аз як соат дар пойтахти Тоҷикистон фуруд омад.

Бозгашти ҳавопаймо аз Душанбе соати 11 бо вақти маҳаллӣ сурат гирифта, соати 12-и нисфирӯзӣ вориди Тошканд мешавад.

Ёдовар мешавем, Ӯзбекистон аз 16 марти соли 2020 бо сабаби таҳдиди паҳншавии COVID-19 иртиботи нақлиёти мусофирбарро бо кишварҳои дигар қатъ кард.

Барои шаҳрвандон ва ҳамватанони хориҷӣ парвози махсуси содиротӣ ба ватанашон ташкил карда шуд.

Пешниҳоди Тоҷикистон барои оғози парвозҳо ба Русия: шарҳи сафир

Охирин парвози махсус байни Тоҷикистон ва Ӯзбекистон рӯзи 5 январ сурат гирифт.

Қаблан, директори Агентии авиатсияи граждании Тоҷикистон Икром Субҳонзода ба хабарнигорон гуфта буд, ки ширкати ҳавопаймоии Тоҷикистон "Сомон Эйр" низ парвозҳо дар масири Душанбе - Тошкандро ҳар ҳафта - рӯзҳои ҷумъа анҷом медиҳад.

370
Барчаспҳо:
Ӯзбекистон, парвозҳо, Тоҷикистон
Ново-Ангренской ТЭС,  Узбекистан

Худкушии сардори коргоҳ баъди садамаи нерӯгоҳи ҳароратие дар Ӯзбекистон

0
Сардори коргоҳе, ки дар садамаи ТЭС-и Ново-Ангрени Узбакистон ширкат дошт, пас аз бозпурсии мақомот худкушӣ кардааст

ДУШАНБЕ, 24 январ - Sputnik. Раҳбари коргоҳи нерӯгоҳи ҳароратии Ново-Ангрен худкушӣ кард, хабар медиҳад хабарнигори Sputnik Узбекистон бо истинод ба хадамоти матбуотии Вазорати энергетика.

Бв иттилои манбаъ, мард дар хонаи худ худкушӣ кардааст.

Қаблан хабар дода шуда буд, ки сардори коргоҳ ба тафтишот ҷалб шуда, барои бозпурсӣ даъват шудааст.

Ёдовар мешавем, ки субҳи 20 январ се корманд дар бинои панҷуми нерӯгоҳи ҳароратии Ново-Ангрен бар асари хуруҷи омехтаи ғубори ангишт ҷони худро аз даст доданд. Се коргари дигар маҷрӯҳ шуданд.

Вазорати энергетика мегӯяд, ки қабл аз иҷрои кор ба гурӯҳи пудратчиён дастур дода шуд ва ба ин объект иҷозати зарурӣ гирифтанд.

Тибқи иттилои Вазорати ҳолатҳои фавқулода, дар натиҷаи ҳолати фавқулода инфрасохтор ва таҷҳизоти технологии нерӯгоҳ осеб надидаанд.

Фоҷиа: худкушии модари ҷавоне, ки ба кори саҳро машғул буду тифлаш аз тасф ҷон дод

Тафтиши ҳодиса идома дорад. Ба оилаҳои халокшудагон аз давлат ба маблаги 105 миллион сум товон дода мешавад.

0
Барчаспҳо:
худкушӣ, садама, Ӯзбекистон