Самолет компании Сомон Эйр, архивное фото

Парвозҳо дар масири Душанбе - Дубай афзун ёфтанд: кадом рӯзу соат

225
(Таҷдидшуда 12:31 11.01.2021)
Ширкати ҳавонавардии "Сомон Эйр" минбаъд дар як ҳафта ду маротиба парвоз самти Душанбе - Дубайро анҷом медиҳад

ДУШАНБЕ, 11 январ - Sputnik. Пас аз ба эътидол омадани вазъият ва кушода шудани роҳи ҳавоӣ миёни Душанбе ва Дубай ҳафтае як маротиба парвозҳо роҳандозӣ шуда буданд.

Акнун, ширкати ҳавопаймоии "Сомон Эйр" ҳар ҳафта ду маротиба дар масири Душанбе - Дубай - Душанбе парвозҳо анҷом медиҳад, хабар медиҳад котиботи ширкати мазкур.

Пас аз нишаcти изтирорӣ дар Хуҷанд: се ҳавопаймои “Сомон Эйр” вориди Душанбе шуд

Ба иттилои манбаъ, вақти парвоз аз Душанбе рӯзҳои панҷшанбе соати 04:45, рӯзҳои шанбе соати 20:25 буда, вақти парвоз аз Дубай рӯзҳои панҷшанбе соати 08:45, рӯзҳои якшанбе соати 00:10 бо вақти маҳаллӣ мебошад.

Манбаъ меафзояд, шаҳрвандони Тоҷикистон, ки хоҳиши парвоз ба самти Дубай доранд, бояд ҳатман иҷозатномаи вуруд ба қаламрави АМА, суғуртаи тиббӣ, маълумотномаи дар бораи саломатӣ (бояд пешакӣ дар сомонаи https://www.gcaa.gov.ae/en/ePublication/Pages/OperationalDirectives.aspx?CertID=(DIR) пур кард) дошта бошанд.

"Дар сурати доштани раводиди иқоматӣ ва ё корӣ посухи мусбати барномаи электронии Permit ва Emirates ID корт, ҳамчунин маълумотномаи эмин будан аз COVID-19 (PCR-тест), ки давоми 96 соати пеш аз вуруд дода шудааст, дошта бошанд", - таъкид мешавад дар хабар.

Ширкати мазкур ҳушдор медиҳад, ки агар ҳангоми вуруд дар фурудгоҳи Дубай маълум шавад, ки маълумотномаи эминӣ аз COVID-19 беэътибор аст ва ё мусофир мубталои COVID-19 аст, тамоми хароҷот ба зиммаи мусофир гузошта мешавад.

225
Барчаспҳо:
парвоз, Дубай, Душанбе, Сомон Эйр
Самолет на закате, архивное фото

Парвозҳои мунтазам миёни Ӯзбекистон ва Тоҷикистон барқарор шуданд

493
(Таҷдидшуда 13:08 15.01.2021)
Парвози мустақим ҳафтае як маротибагӣ аз ҷониби ширкати миллии ҳавопаймоии Ӯзбекистон "Ӯзбекистон ҳаво йуллари" ва ширкати ҳавопаймоии Тоҷикистон ҶДММ "Сомон Эйр" анҷом дода мешаванд

ДУШАНБЕ, 15 янв — Sputnik. Тибқи қарори Ситоди ҷумҳуриявӣ оид ба пурзӯр намудани чораҳои зиддиэпидемикӣ баҳри пешгирии сирояти COVID-19 парвозҳои мунтазам миёни Тоҷикистон ва Ӯзбекистон барқарор гардиданд.

Дар ин бора директори Агентии авиатсияи граждании назди Тоҷикистон Икром Субҳонзода имрӯз ба АМИТ "Ховар" иттилоъ додааст.

Ба гуфти Икром Субҳонзода парвозҳо ҳафтае як маротиба анҷом дода мешаванд.

"Тибқи қарори қабулнамудаи Ситоди ҷумҳуриявӣ парвозҳо миёни пойтахтҳои ду мамлакат ҳафтае як маротибагӣ аз ҷониби ширкати миллии ҳавопаймоии "Ӯзбекистон ҳаво йуллари" ва ширкати ҳавопаймоии ҶДММ "Сомон Эйр" анҷом дода мешаванд", - гуфт ӯ.

Мувофиқи қарори мазкур, ҳар ҳафта — рӯзҳои чоршанбе аз ҷониби ширкати миллии ҳавопаймоии Ӯзбекистон "Ӯзбекистон ҳаво йуллари" ва рӯзҳои ҷумъа парвози ширкати ҳавопаймоии Тоҷикистон "Сомон Эйр"  анҷом дода мешаванд.

Мусофирон метавонанд чиптаҳоро аз нуқтаҳои асосии фурӯш харидорӣ намоянд.

Директори Агентии авиатсияи граждании назди Ҳукумати Ҷумҳурии Тоҷикистон Икром Субҳонзода  зикр карда, ки бо мақсади пешгирии паҳншавии бемории сироятии COVID-19 тибқи талаботи мавҷуда, кулли мусофирон бояд талаботи санитарию зиддиэпидемикиро риоя намуда, ниқоб ва дастпӯши муҳофизатӣ дошта бошанд.

"Тахминӣ буд": чаро парвоз ба Тошканд анҷом нашуд?

Мусофирон бояд, ки бо худ маълумотномаи ташхиси тиббии манфии сироятшавӣ  аз COVID-19 (PCR-тест)-ро, ки давоми 72 соат пеш аз парвоз гирифтаанд, дошта бошанд.

Ёдрас мешавем, ки алҳол ҳамчунин дар хатсайри  Душанбе-Истанбул ва Душанбе-Дубай аз ҷониби ширкатҳои ҳавопаймоии "Сомон Эйр", "Turkish Airlines" ва "FlyDubai" парвозҳои мунтазам анҷом дода мешаванд.

493
Барчаспҳо:
барқароршавӣ, ҷадвали парвозҳо, парвозҳо, Тоҷикистон, Ӯзбекистон
В салоне нового троллейбуса

Дар Душанбе хатсайри нав ба роҳ монда мешавад: то фурудгоҳ

639
(Таҷдидшуда 12:49 14.01.2021)
Дар шаҳри Душанбе хатсайри нави троллейбусии рақами 2 ба фаъолият оғоз менамояд. Ин троллейбус мардумро то фурӯдгоҳ мебарад

ДУШАНБЕ, 14 январ - Sputnik. Шурӯъ аз 18 январ дар шаҳри Душанбе хатсайри нави троллейбусии №2 ("Маҳаллаи Зарафшон — Фурудгоҳ")  ба фаъолият оғоз менамояд.

Дар ин бора шаҳрдории Душанбе хабар медиҳад.

Гуфта мешавад, ки дар хатсайри нав троллейбусҳо тавассути хиёбону кӯчаҳои Нусратулло Махсум, Исмоили Сомонӣ, Рудакӣ, Айнӣ ва Аҳмади Дониши пойтахт  ҳаракат менамоянд.

Хатсайри ҷадид бо троллейбусҳои нав дар Душанбе фаъол мешавад

Хизматрасонӣ ба мусофирон дар хатсайри мазкур ба воситаи троллейбусҳои муосири тамғаи БК 32100D пешниҳод мегардад.

Пардохти ҳаққи роҳкиро тариқи корти нақлиётӣ ба роҳ монда мешавад.

Бо муҳаррики "Мерседес Бенс": рӯнамоии автобус ва троллейбусҳои нав дар Душанбе

Мақомоти иҷроияи ҳокимияти давлатии шаҳри Душанбе аз сокинон ва меҳмонони пойтахт даъват менамояд, ки аз хизматрасонии троллейбусҳои нави муосир истифода баранд.

639
Барчаспҳо:
хатсайр, троллейбусҳои нав, Душанбе
Мороженое в вафельном стаканчике

Шиносоии камаш се навъ яхмоси олуда ба вируси корона дар Чин

0
(Таҷдидшуда 20:06 16.01.2021)
Хабаргузории Сен-Хуа аз шиносоии камаш се навъ яхмоси олуда ба вируси корона дар шаҳри Тиянзин дар шимоли Чин ва наздикии Пекин хабар дод

ДУШАНБЕ, 16 янв — Sputnik. Ахиран расонаи чинӣ гузориш дод, ки баррасиҳои муқаддамотии сироятӣ нишон медиҳад, ки яхмосҳои олуда дар як ширкати тавлиди маводи ғизоӣ дар Чин бо истифода аз маводи аввалияе монанди хокаи шир воридшуда аз Зеляндияи нав ва хокаи панири воридотӣ аз Украина тавлид шуда аст, иттилоъ додааст   радиои тоҷикии Садои Хуросон дар истинод ба хабаргузории Сен-Хуа.

Тибқи гузориши мақомоти тандурустии Чин ин ширкат таътил шуда аст.

Ба маҳзи мушаххас шудани олудагии яхмосҳо ба корона, тамоми 1662 корманди ширкат таҳти карантина қарор гирифта ва озмоиши корона додаанд.

Коршиносон мегӯянд вирус метавонад ба далели дараҷаи сард ва равғани яхмос то муддатҳо дар маҳсул зинда бимонад.

Мавҷи нави густариши вируси корона аз чанд рӯз пеш дар Чин оғоз шудааст, ки боиси карантина шудани вилояти Хубей дар шимоли ин кишвар шудааст.

Чин рӯзи шанбе 16 январ нахустин марги вобаста ба вируси коронаро дар ин кишвар дар ҳашти моҳи гузашта гузориш кард, ки дар вилояти Хубей ба қайд гирифта шудааст.

0
Барчаспҳо:
Пекин, яхмос, вируси корона, Чин