В салоне нового троллейбуса

Дар Душанбе хатсайри нав ба роҳ монда мешавад: то фурудгоҳ

639
(Таҷдидшуда 12:49 14.01.2021)
Дар шаҳри Душанбе хатсайри нави троллейбусии рақами 2 ба фаъолият оғоз менамояд. Ин троллейбус мардумро то фурӯдгоҳ мебарад

ДУШАНБЕ, 14 январ - Sputnik. Шурӯъ аз 18 январ дар шаҳри Душанбе хатсайри нави троллейбусии №2 ("Маҳаллаи Зарафшон — Фурудгоҳ")  ба фаъолият оғоз менамояд.

Дар ин бора шаҳрдории Душанбе хабар медиҳад.

Гуфта мешавад, ки дар хатсайри нав троллейбусҳо тавассути хиёбону кӯчаҳои Нусратулло Махсум, Исмоили Сомонӣ, Рудакӣ, Айнӣ ва Аҳмади Дониши пойтахт  ҳаракат менамоянд.

Хатсайри ҷадид бо троллейбусҳои нав дар Душанбе фаъол мешавад

Хизматрасонӣ ба мусофирон дар хатсайри мазкур ба воситаи троллейбусҳои муосири тамғаи БК 32100D пешниҳод мегардад.

Пардохти ҳаққи роҳкиро тариқи корти нақлиётӣ ба роҳ монда мешавад.

Бо муҳаррики "Мерседес Бенс": рӯнамоии автобус ва троллейбусҳои нав дар Душанбе

Мақомоти иҷроияи ҳокимияти давлатии шаҳри Душанбе аз сокинон ва меҳмонони пойтахт даъват менамояд, ки аз хизматрасонии троллейбусҳои нави муосир истифода баранд.

639
Барчаспҳо:
хатсайр, троллейбусҳои нав, Душанбе
Самолет на закате, архивное фото

Парвозҳои мунтазам миёни Ӯзбекистон ва Тоҷикистон барқарор шуданд

485
(Таҷдидшуда 13:08 15.01.2021)
Парвози мустақим ҳафтае як маротибагӣ аз ҷониби ширкати миллии ҳавопаймоии Ӯзбекистон "Ӯзбекистон ҳаво йуллари" ва ширкати ҳавопаймоии Тоҷикистон ҶДММ "Сомон Эйр" анҷом дода мешаванд

ДУШАНБЕ, 15 янв — Sputnik. Тибқи қарори Ситоди ҷумҳуриявӣ оид ба пурзӯр намудани чораҳои зиддиэпидемикӣ баҳри пешгирии сирояти COVID-19 парвозҳои мунтазам миёни Тоҷикистон ва Ӯзбекистон барқарор гардиданд.

Дар ин бора директори Агентии авиатсияи граждании назди Тоҷикистон Икром Субҳонзода имрӯз ба АМИТ "Ховар" иттилоъ додааст.

Ба гуфти Икром Субҳонзода парвозҳо ҳафтае як маротиба анҷом дода мешаванд.

"Тибқи қарори қабулнамудаи Ситоди ҷумҳуриявӣ парвозҳо миёни пойтахтҳои ду мамлакат ҳафтае як маротибагӣ аз ҷониби ширкати миллии ҳавопаймоии "Ӯзбекистон ҳаво йуллари" ва ширкати ҳавопаймоии ҶДММ "Сомон Эйр" анҷом дода мешаванд", - гуфт ӯ.

Мувофиқи қарори мазкур, ҳар ҳафта — рӯзҳои чоршанбе аз ҷониби ширкати миллии ҳавопаймоии Ӯзбекистон "Ӯзбекистон ҳаво йуллари" ва рӯзҳои ҷумъа парвози ширкати ҳавопаймоии Тоҷикистон "Сомон Эйр"  анҷом дода мешаванд.

Мусофирон метавонанд чиптаҳоро аз нуқтаҳои асосии фурӯш харидорӣ намоянд.

Директори Агентии авиатсияи граждании назди Ҳукумати Ҷумҳурии Тоҷикистон Икром Субҳонзода  зикр карда, ки бо мақсади пешгирии паҳншавии бемории сироятии COVID-19 тибқи талаботи мавҷуда, кулли мусофирон бояд талаботи санитарию зиддиэпидемикиро риоя намуда, ниқоб ва дастпӯши муҳофизатӣ дошта бошанд.

"Тахминӣ буд": чаро парвоз ба Тошканд анҷом нашуд?

Мусофирон бояд, ки бо худ маълумотномаи ташхиси тиббии манфии сироятшавӣ  аз COVID-19 (PCR-тест)-ро, ки давоми 72 соат пеш аз парвоз гирифтаанд, дошта бошанд.

Ёдрас мешавем, ки алҳол ҳамчунин дар хатсайри  Душанбе-Истанбул ва Душанбе-Дубай аз ҷониби ширкатҳои ҳавопаймоии "Сомон Эйр", "Turkish Airlines" ва "FlyDubai" парвозҳои мунтазам анҷом дода мешаванд.

485
Барчаспҳо:
барқароршавӣ, ҷадвали парвозҳо, парвозҳо, Тоҷикистон, Ӯзбекистон
Ремонт дороги. Архивное фото

Мақомоти Суғд барои таъмири роҳ чанд миллион масраф кард?

64
(Таҷдидшуда 19:12 13.01.2021)
Мақомоти вилояти Суғд эълон кардааст, ки дар соли гузашта бо маблағгузории мақомоти вилоят 30 километр роҳҳои автомобилгард мумфарш шудааст

ДУШАНБЕ, 13 янв – Sputnik. Дар соли 2020 бо маблағгузории Мақомоти вилояти Суғд дар ҳаҷми 24 миллион сомонӣ наздики 30 километр роҳҳои автомобилгарди шаҳру навоҳӣ мумфарш карда шуд, иттилоъ додааст зимни ҷаласаи ҷамбастӣ Ҳоҷарой Латифӣ, сардори Идораи хоҷагии роҳҳои автомобилгарди вилояти Суғд.

Ба иттилои вай дар соли 2020 аз ҷониби Вазорати нақлиёти Тоҷикистон барои таъмири роҳҳо бештар аз 12 миллион сомонӣ ҷудо карда шуда, инчунин ба муассисаҳои давлатии нигоҳдории роҳҳои мошингарди шаҳру навоҳӣ ба маблағи 2 миллиону 416 ҳазор сомонӣ маводи зарурӣ дастрас гардидааст.

Ҳамчунин қайд карда шудааст, ки бо мақсади беҳтар намудани ҳолати роҳҳои мошингарди аҳамияти маҳаллидошта аз тарафи буҷети шаҳру ноҳияҳо 1 милиону 71,4 ҳазор сомонӣ маблағ равона шудааст.

Ҳамзамон қайд шудааст, ки дар соли гузашта дар вилояти Суғд аз тарафи соҳикброн ва аҳолӣ 41,4 километр роҳҳо бо харҷи 13 миллиону 411,4 ҳазор сомонӣ мумфарш карда шуда, наздики 100 километр шағалпӯш ва 33,5 километр аз таъмирӣ ҷорӣ бароварда шудааст, ки маблағи он наздик 1 миллиону 400 ҳазор сомониро ташкил медиҳад.

Оғози таъмири роҳи Ховалинг-Шугнов: бозсозии 63 километр роҳ бо ҷалби соҳибкорони маҳаллӣ

Дар ин давра ҳамчунин 6 адад пул бо харҷи 512,8 ҳазор сомонӣ бунёд карда шудаааст.

Манбаъ ёдовар шудааст, ки Идораи хоҷагии роҳҳои автомобилгарди вилояти Суғд нигоҳдории беш аз 3 ҳазору 285 километр роҳҳои автомобилгарди истифодаи умум ва дигар иншооти онро ба зимма дорад.

64
Барчаспҳо:
мумфарш, маблағгузорӣ, масраф, таъмир, роҳ, Суғд, Тоҷикистон

Русия бо 4 кишвари дигар парвозҳоро барқарор мекунад - бо Тоҷикистон чӣ?

99
(Таҷдидшуда 19:17 16.01.2021)
Штаби оперативии мубориза бо коронавирус гуфтааст, Русия то охири моҳи январ бо кадом кишварҳо парвозҳоро барқарор мекунад

ДУШАНБЕ, 16 янв — Sputnik. Русия қарор дод, ки бо чор кишвари дигар парвозҳои мунтазамро барқарор кунад, хабар медиҳад Штаби оперативии мубориза бо паҳншавии коронавируси кишвар.

Гуфта мешавад, аз 27-уми январ парвозҳо ба Финландия, Ветнам, Ҳиндустон ва Қатар барқарор хоҳанд шуд.

Ҳамин тавр аз Маскав ба Ханой, Делӣ ва Хелсинки ҳафтае ду парвоз анҷом дода хоҳад шуд. Ба Доха, пойтахти Қатар аз Русия ҳафтае се маротиба парвоз анҷом дода мешавад.

Афзун бар ин хафтае ду парвози дигар ба хатсайри Санкт-Петербург — Хелсинки ба нақша гирифта шудааст.

Штаби мубориза бо коронавирус таъкид кардааст, ки шумораи парвозҳо ба самти Қоҳира то ҳафтае панҷ маротиба бештар карда мешаванд.

Штаб таъкид мекунад, ки пеш аз қабули қарор дар бораи ба роҳ мондани парвозҳои муқаррарӣ Русия ба чанд меъёр назар мекунад.

Аз ҷумла бояд шумораи ҳолатҳои нави гирифторшавӣ ба коронавирус камтар аз 40 ҳолат ба сари ҳар 100 ҳазор аҳолӣ дар 14 рӯзи ахир бошад, афзоиши шабонарӯзии беморӣ, на бештар 1 дар садро ташкил диҳад ва коэффитсиенти паҳншавии коронаврус дар як ҳафта поёнтар аз воҳид бошад.

Парвозҳо дар масири Душанбе - Дубай афзун ёфтанд: кадом рӯзу соат

Русия дар ҳошияи пандемияи коронавирус дар охири моҳи марти соли 2020 тамоми парвозҳои байналмилалиро лағв кард. Истисно танҳо парвозҳои махсус, почта, санитарӣ ва бархе дигар хатсайрҳо буданд.

Аз моҳи август парвозҳои ҳавоӣ  барқарор шуда истодаанд. То имрӯз сокинони Русия ба 15 кишвари дунё - Белорус, Миср, Қазоқистон, Куба, Қирғизистон, ИМА, Сербия, Туркия, Танзания, Швейсария, Ҳабашистон, Кореяи ҷанубӣ ва Ҷопон метавонанд парвоз кунанд.

Тоҷикистон феълан дар ин феҳраст нест ва мақомоти кишвар пештар гуфта буданд, ки дар ин бора гуфтушуниди миёни Русияву Тоҷикистон идома дорад.

99