Заместитель премьер-министра Таджикистана Азим Иброхим, архивное фото

Тағйироти кадрӣ: Азим Иброҳим раиси идораи роҳҳо дар Суғдро таъйин кард

1392
(Таҷдидшуда 16:45 29.01.2021)
Азим Иброҳим, вазири нақлиёти Тоҷикистон, бо судури фармон, роҳбари Муассисаи давлатии идораи роҳҳои автомобилгард дар вилояти Суғдро таъйин намуд

ДУШАНБЕ, 29 янв – Sputnik. Бо фармони вазири нақлиёти Тоҷикистон, Шуҳрат Ашӯрзода ба ҷойи Ҳоҷарой Латифӣ, роҳбари Муассисаи давлатии идораи хоҷагии роҳҳои автомобилгарди вилояти Суғд таъйин гардидааст.

Манобеъ аз ҳукумати вилояти Суғд ба Sputnik Тоҷикистон гуфтанд, муаррифии Ашӯрзода ҳафтаи гузашта сурат гирифт.  

“Сабаби барканории Ҳоҷарой Латифӣ расидан ба синни нафақа гуфта мешавад”, - иттилоъ дод манбаъ.

Роҳро тоза накарданд: Вазири нақлиёт як кормандашро озоду дуи дигарро танбеҳ дод

Латифӣ ягона зани роҳбар дар мақоми сардори идораи роҳҳои вилоят ба шумор мерафт, ки тайи панҷ соли охир фаъолият намудааст.

Дар мавриди роҳбари нави идораи роҳҳои Суғд зикр гардид, ки Ашӯрзода то омадан ба ин мансаби нав, роҳбари Муассисаи давлатии нигоҳдории роҳҳои автомобилгарди ноҳияи Бобоҷон Ғафуров буд.

Муассисаи давлатии идораи роҳҳои автомобилгард дар вилояти Суғд, дар 14 шаҳру навоҳии вилоят идораҳои тобеъ дорад. 

Ин ниҳод таъмиру тармим ва нигоҳдории 3 ҳазору 285, 7 километр аз ҷамъи роҳҳои истифодаи умумро дар тавозун дорад.  Дар маҷмуъ дар вилояти Суғд 8 ҳазору 180 километр роҳҳои истифодаи умум мавҷуданд, ки нигаҳдории онро инчунин хоҷагиҳои манзилию комуналӣ ва ширкати хусусӣ дар ихтиёр доранд.

Ҳамасола дар Тоҷикистон ронандаҳо ва соҳибони воситаҳои нақлиёт андоз месупоранд, ки андозаи он аз рӯи ҳар як "қувваи асп"-и муҳаррики нақлиёт ҳисоб карда мешавад. Соли ҷорӣ ҷорӣ ин намуди андоз каме гаронтар аз соли гузашта 4,5 сомонӣ муқаррар шудааст. Барои 75 “қувваи асп”, ки ин ченаки миёнаи иқтидори муҳаррики нақлиёти бисёри сокинон ба ҳисоб меравад 326 сомонӣ андози роҳ ситонида мешавад. Аммо бахши аъзами ронандаҳо дар бораи вазъи хароби роҳҳои нақлиётгузар таъкид меварзанд.

1392
Барчаспҳо:
Азим Иброҳим, андоз, роҳ, Тоҷикистон
Самолет, на фоне заката

Тоҷикистон парвозҳои мунтазамро бо ду кишвар аз сар гирифт

3245
(Таҷдидшуда 15:03 02.03.2021)
Дар Тоҷикистон, ки ҳоло вазъи эпидемиологӣ дар робита ба маризии коронавирус беҳбуд ёфтааст, равобити ҳавоӣ бо ду кишвар барқарор шуд

ДУШАНБЕ, 2 мар — Sputnik. Тоҷикистон равобити ҳавоиро бо Ҷумҳуриҳои Қазоқистону Афғонистон барқарор намуд.

Ба иттилои Агентии авиатсияи гражданӣ, ҳамакнун парвозҳо ҳафтае як маротиба дар масири Душанбе - Алмаато - Душанбе ва инчунин Душанбе - Афғонистон - Душанбе сурат мегиранд.

Манбаъ меафзояд, масъалаи барқарор шудани парвозҳои мунтазим дар ҷаласаи ахири мудири агентӣ Икром Субҳонзода бо намояндагони "Фурудгоҳи байналмилалии Душанбе", ширкати ҳавопаймоии "Сомон Эйр" ва ҳамчунин намояндагони ширкатҳои ҳавопаймоии "Белавиа"- и Белорус, "Эйр Астана"-и Ҷумҳурии Қазоқистон ва "Кам Эйр"- и Афғонистон баррасӣ шуд.

Зикр мегардад, ки дар ҷаласаи мазкур Икром Субҳонзода ба беҳ шудани вазъи ҳамагирӣ дар Ҷумҳурии Тоҷикистон ишора карда, изҳор доштааст, ки чунин вазъият ба барқарор кардани парвозҳои мунтазами байналмилалӣ мусоид аст.

Илова бар ин, Ситоди ҷумҳуриявӣ оид ба мубориза алайҳи коронавирус низ иҷозат додааст, ки парвозҳои мунтазам бо Афғонистону Қазоқистон барқарор шавад.

Вазир: Русия барои роҳандозии парвозҳо ягон шарт нагузоштааст

Гуфта мешавад, ҳоло масъалаи барқарор шудани равобити ҳаво бо Белорус низ дар ҳоли баррасӣ қарор дорад.

Агентӣ тавзеҳ додааст, ки дар рафти ҷаласа аз ширкатҳои ҳавопаймоии ватанию хориҷӣ дархост шудааст, ки нархи чиптаро хуқдсарона афзун накунанд, балки дар доираи арзиши аслӣ фурӯхта шавад.

3245
Барчаспҳо:
Афғонистон, Қазоқистон, парвоз, Тоҷикистон
Знак такси на автомобиле, архивное фото

Фиреби тоҷик аз ҷониби ҳамватан дар Маскав: 20 мошинашро гирифтаст

874
(Таҷдидшуда 12:35 27.02.2021)
Вазорати умури дохилии Тоҷикистон аз фиреби як тоҷикистонӣ аз ҷониби ҳамватан дар шаҳри Маскав хабар додааст

ДУШАНБЕ, 27 фев — Sputnik. Тибқи иттилои ВУД, маъмурини милиса марди 48-солаи сокини шаҳри Хуҷанд бо гумони қаллобӣ дастгир кардаанд.

Мақомот мегӯянд, дастгиршуда соли 2015 ҳангоми дар шаҳри Маскав қарор доштанаш, бо роҳи фиреб ба боварии марди 37-солаи сокини шаҳри Конибодом даромада, аз ӯ 20 адад автомашинаро гирифтааст.

Марди муттаҳам ваъда додааст, ки бо мошоинҳои мазкур дар шаҳри Маскав “Таксӣ Парк” мекушояд.

ВУД мегӯяд, дар асл марди 48-сола мошинҳои гирифтаашро ба қисмҳо ҷудо намуда, ба шахсони номаълум фурӯхтааст. Пули ба дастовардаро ба манфиати шахсияш истифода кардааст, тавзеҳ дод манбаъ.

Вазорати умури дохилии Тоҷикистон арзиши умумии мошинҳои гирифташударо 7 миллиону 700 ҳазор рубли русӣ арзёбӣ кардааст.

Мақомоти умури дохилӣ мегӯянд, феълан аз рӯи ин ҳодиса таҳқиқот идома дорад. Назари бевоситаи айбдоршаванда дар мавриди иттиҳоми эълонкардаи мақомот маълум нест.

874
Барчаспҳо:
қаллобӣ, фиреб, Маскав, Тоҷикистон
Акция по выдаче питания лицам без определенного места жительства

Нигарониҳо дар бораи гуруснагӣ дар саросари ҷаҳон афзоиш ёфт

0
(Таҷдидшуда 20:31 02.03.2021)
Коршиносони байналмилалӣ ахиран эълон доштанд, ки қиммати ҷаҳонии ғизо ба болотарин сатҳ дар 6 соли гузашта расидааст

ДУШАНБЕ, 2 мар — Sputnik. Нархи ҷаҳонии ғизо таҳти таъсири афзоиши ҳазинаи маводи ғизоӣ ба болотарин сатҳ дар беш аз 6 соли гузашта расидааст, иттилоъ додааст хабаргузории "Парстудей" дар истинод ба гузориши шабакаи хабарии "Bloomberg".

Ба гузориши "Bloomberg", ҳамзамон қиммати колоҳои аслӣ афзоиш ёфта ва қимати ҷаҳонии маводи ғизоиро ба болотарин сатҳ дар шаш соли гузашта дар январи 2021 расондааст.

Бо тавваҷуҳ ба таъсири ҳамагирии корона дар раванди рушди иқтисодӣ, нигарониҳо дар бораи гуруснагӣ дар саросари ҷаҳон афзоиш ёфтааст.

“Ҳама ба ҳоли худ саргардон. Соли вазнин хоҳад буд”: нигарониҳои Раҳмон аз соли 2021

Ин шабакаи хабарӣ бо ишора ба афзоиши 30 то 61 дарсадии қимати ғизо дар кишварҳои мухталиф навишт, ки бозорҳои навзуҳӯр, фишори ношӣ аз афзоиши баҳои маводи хомро эҳсос мекунанд, зеро афзоиши қимати колоҳое ҳамчун нафт, мис ва ғаллот болотар аз ҳадди интизор будааст.

0
Барчаспҳо:
боло, қиммат шудан, ғизо, байналмилалӣ, ҷаҳон