Поезд на железной дороге

Азим Иброҳим: Тоҷикистон аз бунёди қитъаи роҳи оҳани ТАТ даст накашидааст

182
(Таҷдидшуда 14:22 03.02.2021)
Азим Иброҳим, вазири нақлиёти тоҷик мегӯяд, Душанбе аз бунёди роҳи оҳани Туркманистон-Афғонистон-Тоҷикистон даст накашидааст

ДУШАНБЕ, 3 фев - Sputnik. Вазири нақлиёти кишвар зимни нишасти матбуотӣ ба хабарнигорон гуфт, ки ҳукумат барои ҷалби маблағ барои сохтани қисмати тоҷикистонии роҳи оҳани Тоҷикистон-Афғонистон-Туркманистон гуфтушунид мекунад.

Вазир афзуд, барои сохтмони роҳи оҳан миёни президентҳои се кишвар созишнома имзо шудааст ва он бояд иҷро шавад.

Ӯ гуфт, ҷониби Тоҷикистон аз ширкат дар ин лоиҳа даст накашидааст. Ягона мушкилот маблағгузорӣ аст, ки ба гуфтаи ӯ, ҳоло ҳукумат бо Бонки Осиёии Рушд ва Бонки Аврупоии Таҷдид ва Рушд барои маблағгузории ин лоиҳа гуфтушунид мекунад.

Қитъаи ҷониби Тоҷикистон аз қаламравҳои ноҳияҳои Ҷ.Балхиву Панҷ мегузарад ва бо Қундузи Афғонистон пайваст хоҳад шуд, ки барои иҷрои он тақрибан 128 миллион доллар зарур аст.

Ёдовар мешавем, ки расман сохтмони роҳи оҳан аз ҷониби Туркманистон соли 2013 дар ҳузури роҳбарони се кишвар бо гузоштани нахустин релс оғоз шуда буд.

Бар асоси созишнома, сохтмони роҳи оҳан бояд соли 2016 оғоз мешуд, аммо ҷониби Афғонистону Туркманистон сар карданду Тоҷикистон ҳанӯз дорад сармоя меҷӯяд.

Соли гузашта, раиси ҷумҳури Туркманистон эълом кард, ки кишвараш сохти роҳи оҳани минтақаӣ дар қаламрави Афғонистон то марзи Тоҷикистонро бо ҳазинаи худ идома хоҳад дод.

Ҳамзамон дар мавриди интихоби масири ин роҳ аз байни Тоҷикистон ва Афғонистон ихтилофи назарҳо низ мавҷуд буд.

Мақомоти Душанбе муътақиданд нуқтаи иттисоли роҳи оҳани Туркманистон - Афғонистон ба ин кишвар бояд тариқи ноҳияи Шаҳритус бошад, ки масири он кутоҳтар ва камҳазинатар аст.

Ба гуфтаи мақомоти Тоҷикистон, дар сурати пазириши тарҳи ин кишвар, тули бахши афғонистонии ин роҳи оҳан 300 километр кутоҳтар хоҳад шуд.

Вазир аз бунёди роҳи оҳан ва пули нав байни Тоҷикистону Афғонистон гуфт

Вале мақомоти Афғонистон бар таъйини бандари Шерхон дар вилояти Қундузи Афғонистон ва вилояти Хатлон дар Тоҷикистон ба унвони нуқтаи иттисоли роҳи оҳан дар марзи ду кишвар пофишорӣ мекунанд, ки тоҷикҳо саранҷом ин пешниҳодро пазируфтанд.

 

182
Барчаспҳо:
Афғонистон, Туркманистон, Тоҷикистон, роҳи оҳан, Азим Иброҳим
Знак такси на автомобиле, архивное фото

Фиреби тоҷик аз ҷониби ҳамватан дар Маскав: 20 мошинашро гирифтаст

835
(Таҷдидшуда 12:35 27.02.2021)
Вазорати умури дохилии Тоҷикистон аз фиреби як тоҷикистонӣ аз ҷониби ҳамватан дар шаҳри Маскав хабар додааст

ДУШАНБЕ, 27 фев — Sputnik. Тибқи иттилои ВУД, маъмурини милиса марди 48-солаи сокини шаҳри Хуҷанд бо гумони қаллобӣ дастгир кардаанд.

Мақомот мегӯянд, дастгиршуда соли 2015 ҳангоми дар шаҳри Маскав қарор доштанаш, бо роҳи фиреб ба боварии марди 37-солаи сокини шаҳри Конибодом даромада, аз ӯ 20 адад автомашинаро гирифтааст.

Марди муттаҳам ваъда додааст, ки бо мошоинҳои мазкур дар шаҳри Маскав “Таксӣ Парк” мекушояд.

ВУД мегӯяд, дар асл марди 48-сола мошинҳои гирифтаашро ба қисмҳо ҷудо намуда, ба шахсони номаълум фурӯхтааст. Пули ба дастовардаро ба манфиати шахсияш истифода кардааст, тавзеҳ дод манбаъ.

Вазорати умури дохилии Тоҷикистон арзиши умумии мошинҳои гирифташударо 7 миллиону 700 ҳазор рубли русӣ арзёбӣ кардааст.

Мақомоти умури дохилӣ мегӯянд, феълан аз рӯи ин ҳодиса таҳқиқот идома дорад. Назари бевоситаи айбдоршаванда дар мавриди иттиҳоми эълонкардаи мақомот маълум нест.

835
Барчаспҳо:
қаллобӣ, фиреб, Маскав, Тоҷикистон
Министр транспорта Республики Таджикистан Худоёрзода Худоёр Завкибек

Cуҳбати Худоёрзода дар мақоми нав: бехатарӣ дар ҷои аввал меистад - видео

1168
(Таҷдидшуда 09:49 27.02.2021)
Худоёр Худоёрзода, собиқ вазири нақлиёти Тоҷикистон, ки ба мақоми мудири техникии ширкати роҳбони IRS таъйин шудааст, вазъият дар роҳи Душанбе – Чаноқро шарҳ дод

ДУШАНБЕ, 27 фев — Sputnik. Худоёр Худоёрзода мегӯяд, рӯзи гузашта аз километри 47 то 73-юм боришоти сахт ба амал омад ва барои бехатарӣ, ки дар ҷои аввал меистад, ҳаракат барои то 6 соат манъ карда шуд.

Ӯ афзуд, тамоми техникаи ширкат ба кор дароварда шуда, роҳ аз ҳар ду тараф тоза карда шуд ва феълан монеае мавҷуд надорад.

Вазири нақлиёт пулакӣ кардани роҳро муфид гуфт

Худоёрзода мушкили ҷиддиро дар он гуфт, ки бисёри ронандаҳои воситаҳои нақлиёт бидуни чархҳои зимистона ба роҳ мебароянд, ки ин мушкилӣ эҷод мекунад.  

Мудири техникии ширкат, ки сари роҳ суҳбат мекард, таъкид намуд, ки феълан роҳ аз ҳарду тараф тоза мебошад.

Худоёр Худоёрзода моҳи августи соли гузашта бо фармони Эмомалӣ Раҳмон, раисиҷумҳури Тоҷикистон аз мақоми вазири нақлиёти ҷумҳурӣ ба нафақа фиристода шуд, дар ширкати роҳбони IRS вазифаи нав гирифт

Ин ширкат масъули нигоҳдории ягона роҳи пулакии ҷумҳурӣ Душанбе – Чаноқ мебошад.

1168
Барчаспҳо:
нақлиёт, роҳ, бехатарӣ, Тоҷикистон
Денежные купюры.

Бонки миллӣ арзиши рублу доллар ва евроро нисбат ба сомонӣ барои имрӯз эълон кард

0
(Таҷдидшуда 00:23 02.03.2021)
Бонки миллии Тоҷикистон арзиши сомониро нисбат ба асъори хориҷӣ барои имрӯз эълон кард, ки асъори миллӣ нисбат ба ҳафтаи гузашта каме тақвият ёфтааст

ДУШАНБЕ, 2 мар— Sputnik. Тибқи нишондоди Бонки миллии Тоҷикистон арзиши 1 рубли русӣ барои имрӯз 0.1527 сомонӣ нишон дода шудааст.

Ин ниҳод қурби миёнаи фурӯши 1 доллар дар муассисаҳои қарзии Тоҷикистонро аз 11.3045 то 11.3300 сомонӣ арзёбӣ кард.

Бонки миллӣ қурби миёнаи фурӯши 1 евроро 13.6174 то 13.8100 сомонӣ арзёбӣ кардааст.

Харидуфурӯши 1 рублро бошад, Бонки миллӣ имрӯз дар бозори нақди кишвар аз 0.1527 то 0.1540 сомонӣ муқаррар кардааст.

Дар бонкҳои дигари кишвар, аз ҷумла "Бонки Эсхата" харидуфурӯши 1 рублро имрӯз аз 0,1515 - 0,1540 сомонӣ муқаррар кардаанд.

Дар "Спитаменбонк" бошад, арзиши 1 рубл аз 0.1515 то 0.1545 ва дар "Алифбонк", 1 рубл аз 0,1500 то 0,1555 сомонӣ нишон дода шудааст.

Пешгӯиҳо дар мавриди қурби рублу доллар дар моҳи март

БМТ огоҳ менамояд, ки "берун аз сарбонк, филиал, марказҳои хизматрасонии бонкӣ, нуқтаи интиқоли пул ва банкомату терминалҳо анҷом додани амалиёти мубодилавӣ қатъиян манъ аст ва риоя накардани талаботи мазкур аз ҷониби шахсони воқеӣ қонуншиканӣ ба ҳисоб рафта, сабаби ба ҷавобгарии маъмурӣ ва ҷиноятӣ кашидан мегардад".

 

0