Заправка автомобиля на АЗС

Оё дар соли 2021 нархи бензин боло меравад? посухи Хадамоти зиддиинҳисорӣ

383
(Таҷдидшуда 15:46 03.02.2021)
Соли гузашта нархи бензин ва сӯзишворӣ дар Тоҷикистон ба далели баланд шудани қимати он то 26 % дар Русия боло рафт

ДУШАНБЕ, 3 фев - Sputnik. Роҳбари Хадамоти зиддиинҳисории Тоҷикистон, Абдулмаҷид Мӯъминзод дар нишасти хабарӣ гуфт, соли 2020 дар Тоҷикистон танҳо нархи бензин боло рафта буд.

Ба гуфти Муъминзода, тағйирот дар бозор ба дигар навъи сӯзишворӣ таъсир накард.

Дар мавриди болоравии нархи бензин, ин ҳам ба он вобаста аст, ки дар Русия ҳамчун таъминкунандаи асосии ин навъи сӯзишворӣ дар ҷумҳурӣ, нархҳо то 26% афзудаанд.

Дар баробари ин тағйироти нархи нафт дар бозори ҷаҳонӣ низ ба нархи бензин бетаъсир намонд.

"Дар бораи тарифҳои нав дар бозор, то кунун аз ҷониби Ҳукумат ягон дастур нашудааст", - изҳор дошт Муъминзод.

Ӯ афзуд, ки ба зудӣ нархи ҳама гуна сӯзишворӣ дар бозор муайян мешавад.

Роҳбари Хадамоти зиддиинҳисорӣ қайд кард, ки имрӯз дар бозори сӯзишвории дизелӣ дар кишвар 22 ширкат фаъолият мекунад ва тақрибан 20 ширкат дар интиқоли бензин дар кишвар машғуланд.

Ширкати бузургтарини ин бахш "Газпромнефт" -и Русия аст, ки қариб 32% тамоми бозори сӯзишвории Тоҷикистонро фаро мегирад.

Дар мавриди ҷаримаҳои ширкатҳои фурӯши сӯзишворӣ дар соли 2020, ки нархҳоро беасос баланд кардаанд, иттилоъ дода шуд, ки 1 миллиону 400 ҳазор сомонӣ ҷарима ситонда шудааст, ки ин нисбат ба соли гузашта 300 ҳазор зиёд аст.

Тоҷикистон чӣ қадар кони нафту тилло дорад? шарҳи мақомот

Дар маҷмӯъ, дар соли 2020 ба маблағи беш аз 11 миллион сомонӣ (966 ҳазор доллар) ҷарима муайян карда шудааст.

383
Барчаспҳо:
Тоҷикистон, болоравӣ, нарх, сӯзишворӣ, сӯзишворӣ, бензин
Знак такси на автомобиле, архивное фото

Фиреби тоҷик аз ҷониби ҳамватан дар Маскав: 20 мошинашро гирифтаст

782
(Таҷдидшуда 12:35 27.02.2021)
Вазорати умури дохилии Тоҷикистон аз фиреби як тоҷикистонӣ аз ҷониби ҳамватан дар шаҳри Маскав хабар додааст

ДУШАНБЕ, 27 фев — Sputnik. Тибқи иттилои ВУД, маъмурини милиса марди 48-солаи сокини шаҳри Хуҷанд бо гумони қаллобӣ дастгир кардаанд.

Мақомот мегӯянд, дастгиршуда соли 2015 ҳангоми дар шаҳри Маскав қарор доштанаш, бо роҳи фиреб ба боварии марди 37-солаи сокини шаҳри Конибодом даромада, аз ӯ 20 адад автомашинаро гирифтааст.

Марди муттаҳам ваъда додааст, ки бо мошоинҳои мазкур дар шаҳри Маскав “Таксӣ Парк” мекушояд.

ВУД мегӯяд, дар асл марди 48-сола мошинҳои гирифтаашро ба қисмҳо ҷудо намуда, ба шахсони номаълум фурӯхтааст. Пули ба дастовардаро ба манфиати шахсияш истифода кардааст, тавзеҳ дод манбаъ.

Вазорати умури дохилии Тоҷикистон арзиши умумии мошинҳои гирифташударо 7 миллиону 700 ҳазор рубли русӣ арзёбӣ кардааст.

Мақомоти умури дохилӣ мегӯянд, феълан аз рӯи ин ҳодиса таҳқиқот идома дорад. Назари бевоситаи айбдоршаванда дар мавриди иттиҳоми эълонкардаи мақомот маълум нест.

782
Барчаспҳо:
қаллобӣ, фиреб, Маскав, Тоҷикистон
Министр транспорта Республики Таджикистан Худоёрзода Худоёр Завкибек

Cуҳбати Худоёрзода дар мақоми нав: бехатарӣ дар ҷои аввал меистад - видео

1143
(Таҷдидшуда 09:49 27.02.2021)
Худоёр Худоёрзода, собиқ вазири нақлиёти Тоҷикистон, ки ба мақоми мудири техникии ширкати роҳбони IRS таъйин шудааст, вазъият дар роҳи Душанбе – Чаноқро шарҳ дод

ДУШАНБЕ, 27 фев — Sputnik. Худоёр Худоёрзода мегӯяд, рӯзи гузашта аз километри 47 то 73-юм боришоти сахт ба амал омад ва барои бехатарӣ, ки дар ҷои аввал меистад, ҳаракат барои то 6 соат манъ карда шуд.

Ӯ афзуд, тамоми техникаи ширкат ба кор дароварда шуда, роҳ аз ҳар ду тараф тоза карда шуд ва феълан монеае мавҷуд надорад.

Вазири нақлиёт пулакӣ кардани роҳро муфид гуфт

Худоёрзода мушкили ҷиддиро дар он гуфт, ки бисёри ронандаҳои воситаҳои нақлиёт бидуни чархҳои зимистона ба роҳ мебароянд, ки ин мушкилӣ эҷод мекунад.  

Мудири техникии ширкат, ки сари роҳ суҳбат мекард, таъкид намуд, ки феълан роҳ аз ҳарду тараф тоза мебошад.

Худоёр Худоёрзода моҳи августи соли гузашта бо фармони Эмомалӣ Раҳмон, раисиҷумҳури Тоҷикистон аз мақоми вазири нақлиёти ҷумҳурӣ ба нафақа фиристода шуд, дар ширкати роҳбони IRS вазифаи нав гирифт

Ин ширкат масъули нигоҳдории ягона роҳи пулакии ҷумҳурӣ Душанбе – Чаноқ мебошад.

1143
Барчаспҳо:
нақлиёт, роҳ, бехатарӣ, Тоҷикистон
Горы в  Таджикистане, архивное фото

Қарорҳои Ҳукумат барои тағйири номҳо: аз номи нави фурудгоҳи Хоруғ то қуллаи Боми Ҷаҳон

0
(Таҷдидшуда 22:03 28.02.2021)
Ҳукумати ҷумҳурии Тоҷикистон бо қабули як қатор қарорҳо пешниҳоди вакилони маҳаллиро барои тағйири номи муассисаҳо ва мавзеъҳои ҷуғрофӣ дар ВМКБ ҷонибдорӣ кардааст

ДУШАНБЕ, 28 фев – Sputnik. Қарорҳои Ҳукумати Тоҷикистон дар бораи номгузориҳои ҷадид зимни Маҷлиси вакилони халқи ВМКБ қироат карда шуданд.

Тибқи иттилои котиботи ҳукумати ВМКБ, фурудгоҳи шаҳри Хоруғ ба номи собиқ сардори фурудгоҳи мазкур, корманди шоистаи авиатсия ва нақлиёти ҷумҳурӣ, Махсутшоев Дилдорбек гузошта шуд.

Ҳукумати Тоҷикистон инчунин қарори Маҷлиси вакилони халқи ноҳияи Ишкошимро дар бораи тағйир додани номи қуллаи Комсомоли Украина ҷонибдорӣ намудааст. Номи нави ин қулла Боми Ҷаҳон мебошад.

Инчунин Ҳукумат қарори маҷлиси вакилони халқи ноҳияи Дарвоз дар бораи номгузорӣ намудани мактаби №39-и деҳаи Пастироҳи ноҳияи Дарвоз ба номи Сафаров Сафар ва мактаби № 23 –и деҳаи Жаки ноҳияи Дарвоз ба номи Исломов Садриддинро тасдиқ кардааст.

Маҷлиси вакилони халқи ВМКБ дар бораи номгузориҳои ҷадид қарорҳои дахлдорро қабул намудааст.

0
Барчаспҳо:
Хоруғ, фурудгоҳ, Тоҷикистон